من ٤ سنين كنت في ٣ هندسة مدني وساعتها كان فيه كرونا وحظر ومحدش كان بينزل من البيت، فا من الزهق سالت والدي لو عنده موقع للشركة قالي لا.
دخلت علي جوجل كتبت how to make a website طلع اني المفروض اتعلم html/css/js واحد صاحبي كتب بشكل عبثي علي يوديمي الحاجات ديه وجابلي اكتر كورس
جدتي كانت بتتخانق معايا زمان علشان بعد ما اتخرجت من هندسة مدني اشتغلت فالبرمجة، بكلمها من شوية قالتلي انا اطمنت عليك فالبرمجة علشان سمعت فالتلفزيون ان مرتبها عالي اوي وانت قاعد فالبيت 🤣🤣
أول مرة اتكلمت مع د. حاتم في التليفون مكنتش مصدق اللي بسمعه. لما قابلته انبهاري به زاد أكثر. لما سمعت عنه من زملائي لقيت اني أمام انسان خارق ما شاء الله. الناس متعرفش ان حاتم حرفياً "عالم" أضاف للعلم مش بس طبيب ممارس لمهنة من أكثر المهن تعقيداً ومن أكثر الناس تواضعاً وأدباً
اي حد شغال Frontend او Fullstack حرام ميكنش مشترك في FrontendMasters هتلاقي Topics كتير مشروحة والي بيشرحها بيكون حد متخصص فالTopic الي بيشرحه بخبرة كبيرة جداً فا بيديك الخلاصة في كورس ٤-١٠ ساعات وتكمل ازاي بعد كده.
ممكن تبعت ميل للsupport وهيدوك خصم و هيبقا الشهر بي ٢٤ دولار او
كورس ThePrimeagen بتاع الDSA علي FrontendMasters من اعظم الكورسات الي شوفتها الصراحة وهو شرحه كويس جدا ومفيش اي حشو محتوي، بيشرح المفيد علطول وعامل كمان شوية exercises لو حليتهم وراه و ركزت الافكار هثبت في دماغك كويس وهتفهم. الكورس مجاني.
اللينك:
لو مش عارف قدر العشر من ذي الحجة ويوم عرفة فالاسلام , انصحك بالحلقة ديه.
وعي ١٥ | أوائل ذي الحجة | أفضل أيام الدهر وعظمة يوم عرفة وأفضل الأعمال فيها via
@YouTube
انا ماسح تيكتوك و انستاجرام و فيسبوك من اكتر من سنة و دلوقتي بقيت في توتير بفتح الfollowing بس، و الراحة النفسية من بعد دول زادت جداً.
كنت عندي FOMO و بقا الاخبار هتفوتني، لقيت مثلا كل الي فاتني ان محمد فرج انفصل عن مراته واتجوز تاني، ان مطعم كذا فتح وبقا بيبيع المجنونة، وكلها
غالباً في اول انترفيو بيتقال لك طبيعة المشروع الي هتشتغل عليه و بيقدم ايه، حاول ديما تعرف كل الفاصيل بتاعته علشان مهم جدا انك تفهم الbusiness model.
بالمرة بقا روح بالتفاصيل ديه لشيخ تثق فيه و اسأله اذا كان فيه اي حرمانية او غلط فالشغل.
للاسف، معظم شركات الFinTech الي بعمل
أكثر حاجة هتساعدك في حياتك العملية بشكل قوي جدا بجد انك تكون بتعرف انجليزي بشكل كويس - سواء بتقرأ او بتتفرج او بتذاكر حاجة او تعبر عن فكرة بتشرحها او بتكتب docs لحاجة
الحمدلله الذي عافانا وسترنا.
"إياك والتباهى بصلاح أمرك واستقامة مسلكك، وتذكر بأنك مستور أو لم تختبر بعد.
كُلنا أسوأ بكثير مما نبدو ولكنه رداء من الله اسمهُ الستر. فادعوا الله أن يديم علينا نعمة الستر."
You are what you consume.
الجملة ديه بديهية و صح جدا. شوف في وقت فراغك انت بتضيعه في ايه و هتبقا ديه شخصتيك. شوف انت بتاكل ايه و هتلاقي ده باين علي جسمك. وكل التغييرات ده بتحصل وانت مش واخد بالك.
فحاول دائما تنضف الكونتنت الي انت بتشوفه فاليوم مثلا:
-بدل ما اشغل نفسي بخناقات
من فترة وانا بنزل فديوهات عن الشيخ سمير مصطفي، معظمها من سلسلة شرح كتاب الفوائد للأمام ابن القيم، ربنا فتح علي الشيخ سمير في شرح الكتاب ديه فتح عظيم.
الشيخ سمير من اجمل ما فيه انه بيركز علي الجزء التربوي في شرحه، زي ازاي تبقا مسلم بجد وازاي تتعامل مع اخوك المسلم وازاي تنصح وازاي
بفضل الله تم نشر الحلقة كاملة من Podcast مع صديقي أحمد أبوزيد واللي بتكلم فيها عن رحلتي في مجال العمل في أمن المعلومات والسفر وأمور حياتية مختلفة.
لينك الحلقة:
ان شاء الله الحلقة تكون عند حسن ظنكم
احلي حاجة انك تتوكل علي الله الرزاق وتمضي في طريقك وتسعي وتكون علي يقين ان ربنا الي رزقك من غير حول منك ولا قوة، سيوفيك رزقك رغم اي تغيرات.
اهم حاجة انك تسعي، يعني لقيت شكل التعليم اتغير، تأقلم معاه، لقيت فيه tools جديدة المفروض تعرفها، اعرفها واتعلمها، وانت علي يقين ان الله هو
Today we're excited to introduce Devin, the first AI software engineer.
Devin is the new state-of-the-art on the SWE-Bench coding benchmark, has successfully passed practical engineering interviews from leading AI companies, and has even completed real jobs on Upwork.
Devin is
الخوف على الذرية مِن فتن الدنيا؛ يَدفعك إلى إصلاحِ نفسك أولًا؛ لأنّه أساس صلاح الأبناء.
قال سعيد بن المسيّب لابنه ذات يوم : "لأزيدنّ في صلاتي من أجلك يا بُنيّ، رجاء أن أُحْفَظَ فيكَ، ثم تلا قول اللّٰه : "وَكَانَ أَبُوهُمَا صَالِحًا"
الفديو الي هحط اللينك بتاعه ده، شوفته من سنتين ونص تقريبا و فادني جداً جداً، بين عوض بنا فيه ابلكشن fullstack و استعمل كل الtechnologies الي وجدها ربنا تقريبا فا انصح بيه لو انت مستواك متوسط او فوق المتوسط و واقف فالنص مش عارف تعمل ايه.
اللينك:
علشان مش بنلحق ندعي بكل حاجة فالسجود، فا في ادعية عن الرسول ﷺ بتكون فيها كل خير الدنيا والاخرة، زي:
"اللهم أصلح لي ديني الذي هو عصمة أمري، وأصلح لي دنياي التي فيها معاشي، وأصلح لي آخرتي التي فيها معادي، واجعل الحياة زيادة لي في كل خير، واجعل الموت راحة لي من كل شر"
خلي بالك من الذنوب الجارية!
انك تشير اغاني او الأوحش بقا انك تشتغل وتشارك في تطوير برنامج بتاع اغاني وموسيقى.
تخيل كده كام واحد هيستعمله ومع كل مرة حد يسمع حاجة هتشاركه الاثم.
قال رسول الله صلى الله عليه وسلم: "ومن سنَّ سنَّةً سيِّئةً فعملَ بِها ، كانَ عليهِ وزرُها وَوِزْرُ
٣ عيد صغير هيبقا عندي شغل فيه، المشكلة مش هنا-الحمدلله علي نعمة الشغل- المشكلة في ان كل عيد بفشل في اقناع اهلي ان يعني ايه شغل ريموت لبلد مختلفة وان عادي يبقا عندي شغل فالعيد فا مش هعرف اطول فالتجمع العائلي، الي هما برضو شايفني بلعب عالابتوب فالبيت و امتي بقا هعقل واشوف شغل بجد
معلومة للجنيورز:
ساعات كنت اكسل اعمل سيرش عن المشكلة واسأل الي اعلي مني فالتيم يديني الخلاصة، فا الفترة ديه معايا جنيور فالتيم بيعمل معايا كده بقا وممكن مشكلة بسيرش بسيط تلاقي حلها بس بيجي يسألني ويرن عليا والموضوع طلع مستفز جداً الصراحة.
من ساعتها بطلت اسأل اي حد الا بعد وقت
هي مشكلة اكتر منها ميزة و فيه كذا pattern تانية اتعملت علشان تحل المشكلة ديه علشان انا كده بطلب ملف js حجمه معدي ال١٠ ميجا في اول load وده هيأثر علي ارقام ال FCP و LCP وده هيخلي ال user experience اوحش بكتير.
فا ممكن نعمل code splitting بأني اقسم الjs file ده لchunks اصغر
كل سنة وانتم طيبين وبخير ♥️
النهارده الوقفة و كلنا عارفين انه كله بيتلهي عن العبادات فاليوم ده، ده غير بقا المعاصي.
الرسول صلي الله عليه سلم قال: العِبادةُ في الهرَجِ كالهِجرةِ إليَّ-أي: كثَوابِ الهِجرةِ مِن مكَّةَ إلى المدينةِ-.
فا حاول بعد العشاء تصلي ركعتين عالاقل بنية
﴿وَالَّذينَ هُم عَنِ اللَّغوِ مُعرِضونَ﴾
ربنا قال ان من صفات المؤمنين أن هما بيعرضوا عن اللغو، فا حاول متخشش في كل الخناقات وتملي دماغك بمشاكل ده وحوارات ده، ركز علي ما ينفعك.
وخلي بالك انك تكون انت صانع اللغو، انك تكون عارف ان لما تنزل التويت بالصيغة المعينة او تعمل كوت
منتشر جداً بيننا الشتيمة والالفاظ القبيحة والغيبة والتنمر وكل ذنوب الي بتيجي عن طريق الكلام واللسان.
جاء عن النبي صلي الله عليه وسلم:
-ثمَّ قال: ألا أخبرُك بمِلاكِ ذلِك كلِّه؟ قلتُ: بلَى، يا نبيَّ اللهِ، فأخذَ بلسانِهِ، وقال: كُفَّ عليكَ هذا، فقُلتُ: يا نبيَّ اللهِ، إِنَّا
الفترة الي فاتت حسيت اني معرفش كتير عن حياة الرسول صلى الله عليه وسلم ومواقفه، قررت اشوف شرح للسيرة ولقيت كتير بفضل الله.
الي علق معايا سيرة الشيخ سعيد الكملي: شرح كويس جدا و بيقول الاثر الي ذكره ده مين قاله ومين صححه فا تتأكد وانت بتسمع ان الكلام صحيح لو عايز تراجع وراه، كمان
من ساعة ما شوفت التويت ديه وانا قررت اعمل todo list للحاجات الي بعملها في يومي بشكل عشوائي ولازم اعملها، من ساعة ما عملتها وانا بخلص الحاجات ديه في نص الوقت تقريباً.
طول ما المهام قدامك في list وانت شايف انت خلصت ايه ومخلصتش ايه، بتخليك متشجع و عايز تخلص الtask علشان تخش علي
لو أنت شخص متعود من زمان إن يومك يمشي بشكل عشوائي وحابب تبدأ تنظمه بحيث إنك تبقى مخطط من قبلها هتعمل إيه فيه، نصيحتي الشخصية ليك ابعد عن البرامج اللي زي Notion والحاجات الشبيهة ليه لإن ممكن تأثر عليك بالسلب وتحسسك إن التخطيط موضوع معقد وهو أبسط من كده...
في ناس للأسف ممكن تعمل حاجة حرام علشان تبان جامدة قدام شخص ما وتحاول تfit in في شلة معينة، وهما بعد ما تموت هينسوك علشان ديه سنة الله فالخلق، انه الانسان بينسي.
تذكر ان ﴿الأَخِلّاءُ يَومَئِذٍ بَعضُهُم لِبَعضٍ عَدُوٌّ﴾ بس مش كلهم ربنا قال ﴿إِلَّا المُتَّقينَ﴾ الي هما اجتمعوا
مريت بأكتر من حالة وفاة في فترة صغيرة
ومش قادر اتخطى فكرة تعود الناس على فقدان الشخص
هو واقعيا ده طبيعي والدنيا بتمشي كدا كدا ومش بتقف على حد
بس فكرة انك بعد كل اللي بتعمله ف الدنيا هتكون لوحدك تماما دي مرعبة
ففعلا ما تخليش حد يأثر على اي حاجة فدينك عشان هتتحاسب لوحدك
خواتيم سورة المائدة للشيخ احمد بن طالب التي تتضمن حوار سيدنا عيسى عليه السلام والله عز وجل يوم القيامة، كل مرة اسمع التلاوة ديه وكأني أرى الحوار بينهم رأي عين.
واحد صديقي لسا في بداية الكارير جاله عرضين عمل، واحد في شركة ريموتلي بالدولار والتاني في فودافون مصر والمرتب اقل بكتير.
عنده وجهة نظر ان فودافون اسمها كبير هتفيده فالCV وقدام هيعوض فرق الفلوس اضعاف.
رأيكم ايه؟
﴿قُل إِنَّ صَلاتي وَنُسُكي وَمَحيايَ وَمَماتي لِلَّهِ رَبِّ العالَمينَ﴾
حاول تحط الآية ديه قدامك علطول، ان كل فعل تفعله تشوف هل هو لله؟ وهل يرضي الله ولا يغضبه؟
ابسط مثال الtweets بتاعتك هل ديه انت عاملها إرضاء لله؟ خصوصاً وانت عندك reach كويس، علشان الviews ما هي الا حجة لك
محتاجين نnormalize القصة ديه، لينكدان عبارة عن منصة مهنية فا عادي جدا تخش اكونت حد تكون حابب تشوف هو شغال فين او بيعمل ايه و تستفيد من ده او تتفرج بس كمان عادي.
بحس ان فيه ناس كتير بتخاف من الموضوع ده او بتشوفه عيب وده مش صح.
My free Zod tutorial is still one of the most popular things I've ever put out.
@colinhacks
was even kind enough to link it from the docs.
We've got so much great feedback on it - I'm keen to do more.
Is there another lib you'd love a tutorial on?
لو حصل فعلا و الAI استبدل مبرمجين فا اخر ناس هيتم استبدالهم هما الناس الي بdig deep وتعرف الtools شغالة ازاي و بتهتم بالعلم و الpatterns اكتر من الtechnologies و الناس الي قوية فالfundamentals ومش بتكتفي بقشور العلوم.
والله كلام جميل جداً.
المفروض انك تفضل طول ما انت عايش تطهر نفسك من العادات السيئة ومن الذنوب، ده حرفياً الهدف الاهم فالحياة، مينفعش تفضل عامل خطط لمذاكرة كورس او وصول لهدف رياضي وانت مهمل انك تحط خطط انك تبطل الذنب ده او تبطل عصبية او الحقد او العند والكبر.
وبالتعبير القرآني،
انت وولادك قدام هتبقوا consumers للمحتوي ده، فا الي مش عارف دينه وبيذاكر العلم الشرعي-ما لا يسع المسلم جهله- هيكون بيعرض نفسه للوقوع فالشكوك علشان هو مش عارف الصح اصلا ولا حتي هيعرف يعلم ابنه الدين الصح او يرد عليه لما يجي يسأله.
أنا لو كنت ملحدًا لاعتبرت اليوم 4 مايو هو عيد الإلحاد
منذ ساعات قليلة تم الإعلان عن تدشين مركز "تكوين" لنشر اللادينية والشكوكية وإنكار السنة بين المسلمين!
تم إنشاء منصات للمركز على كل مواقع التواصل.
تم عمل إعلانات ممولة بسخاء
أول مشروع علني منظم للتشكيك في الثوابت
#تكوين_الملحدين
﴿فَخَلَفَ مِن بَعدِهِم خَلفٌ أَضاعُوا الصَّلاةَ وَاتَّبَعُوا الشَّهَواتِ فَسَوفَ يَلقَونَ غَيًّا﴾
قال الأوزاعي، عن موسى بن سليمان، عن القاسم بن مخيمرة في قوله: ﴿فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ﴾ قال: أي: أضاعوا المواقيت، ولو كان تركًا كان كفرًا.
عن عبد
فأما إذا تركت نفسك سدى مهملاً إهمال البهائم، لا تدري بماذا تشتغل في كل وقت، فينقضي أكثر أوقاتك ضائعًا، وأوقاتك عمرك، وعمرك رأس مالك وعليه تجارتك، وبه وصولك إلى نعيم دار الأبد في جوار الله تعالى، فكل نفس من أنفاسك جوهرة لا قيمة لها؛ إذ لا بدل له فإذا فات فلا عود له.
فلا تكن
﴿يَعلَمونَ ظاهِرًا مِنَ الحَياةِ الدُّنيا وَهُم عَنِ الآخِرَةِ هُم غافِلونَ﴾ [Ar-Rūm: 7]
المختصر في التفسير:
لا يعلمون الإيمان وأحكام الشرع، وإنما يعلمون ظاهرًا من الحياة الدنيا يتعلق بكسب المعاش وبناء الحضارة المادية، وهم عن الآخرة التي هي دار الحياة الحقيقية معرضون، لا
كنت على طول حاسس إني جامد في الدنيا، اللي هو عارف لغات كتير، معايا باسبور كندي، وتعليم أجنبي، وكمان رجل اقتصادي ناجح لحد في مرة ما اعتكفت مع أصحابي، ولقيتهم ساعتها بيشوفوا مين فيهم اللي عنده علم ودين أكتر عشان يبقى إمام،
ساعتها بس حسيت إني فاضي أوي، ودي كلمة كبيرة جدًا،..