الف الف مبروك لضاري تركي بادي عمر الرمالي الشمري .. خريج 5 سنوات من امريكا وعمل بشركة اوريدوا وقبلها بشركة علي الغانم واولاده
ماجاز له الوضع ودخل ضباط الجيش
تعرفت عليه قبل 3 سنوات وجدت رجل على الفطره ولم تأثر فيه لاغربة امريكا ولا شركة علي غانم
اللهجه ❤️❤️
عبدالصمد رجل صالح من المحافظين على خمس الفروض بالمسجد ، سايق عندنا بالبيت من 30 سنه جانا للبيت وكنت في اولى ابتدائي والان ابني سعود في اول ثانوي .. قبل امس غادر الى بلاده بلا رجعه .. نسال الله لنا وله التوفيق والسعاده وحسن الخاتمه
@lailaaahmad
انا يوم الخميس مريت وسمعته وهو يقرأ قرأن وانشرح صدري من صوته واطالب المؤسسه في تكريمه / مو الكويت بلد حريات ؟ انا اشوف ان اللي سواه حريه شخصيه
ليه ماتسيّر ؟
ليه ماتمر ؟
ليه قاطع ؟
اسمع 👇🏻
يقول جلعود الهمزاني
بلا عزيمة من يبيني يجيني
ومن لا يبيني لو عزمته ماهو جاي
اجمل زياره اللي تجي من طيب خاطر ، مايطلع الرجال من بيته قاصد صديقه او ابن عمه لانه يتشره علي كثير .. مع العلم ان الشرهه مرات تكون من باب غلا ومحبه
إنا لله وإنا اليه راجعون والحمدلله على ماقدر الله > انتقل الى رحمة الله تعالى عمي ( راضي ) بعد معاناة مع مرض كورونا في احد مستشفيات تركيا ونحدد الدفان حين وصوله جثمانه ان شاء الله
لو تفتح المجلس من الصبح لليل
وكل يوم يطبخ داخل البيت قدرك
وتشري من اطيب طيبات المعاميل
مازودت والله طيبك وقدرك
دامك معبّس ماتحب التعاليل
ومْن الكبر تنظر الى الناس حدرك
ابنصحك في بيت عبر التماثيل
ان كنت تفهم بالمثايل وتدرك
قبل لاتفتح مجلسك للرجاجيل
افتح لهم قلبك وعينك وصدرك
@lailaaahmad
بما اني مواطن واتبع التامينات بالنظام الوطيفي اطالب المؤسسه بمحاسبة ليلى احمد ورفع قضيه عليها لانها شهرت في احد موظفيها وصورته ونشرت صورته بمواقع المتواصل الاجتماعي
والله ان كبدي من الضيقه تْلوع
واحمد الله واشكره في كل حال
كل مايطري علي يوم الربوع
والدموع اللي من عيون الرجال
روّح اسبوع ومضى مثله اسبوع
وجرح هاك اليوم باقي لايزال
مايبدد ضيقتي هل الدموع
عارف علاجي ولا جالي مجال
فيه ضيقه لاطغت بين الضلوع
مايعالجها سوا خط الشمال
#فهد_زبن
امسيه جميله جمعتنا هذي الليله باحبابنا واصدقائنا في عزبة اخوي الكبير وولد عمي ( نواف سالم الضّوي ) ابو سلطان .. الله يكثر خيره ويجود عليه ويونسه بالعافيه
@aannee1366
ان متفهم جدآ ان الترحم والثناء على الشرفاء يزعج الساقطين وهذا الشي قديم .. رحم الله صالح الشيحي وجزاه خير الجزاء عن دينه وطنه وابناء وطنه الذين تكلم بأسمهم ونقل هموهم ومشاكلهم للاعلام
عسى السحاب اللي برفحا نثر ماه
يسقي قبر " لماس " راعي الجمايل
•
عودٍ كريم وتفعل الطيب يمناه
وصيته وصل رفحا وبقعا وحايل
•
مرحوم ياللي مالقينا حلاياه
ولا هو قصورٍ في رجال الحمايل
•
ابوي جعل الله من النار يحماه
وفي جنة الفردوس يلقى البدايل
السعاده شعور يهبه الله لمن يشاء من عباده واحيانآ يصنعها الانسان بنفسه
البعض يربطها بالسفر او المال او اشياء اخرى وكل انسان له مقياس للسعاده
انا اشوف ان ( علي بن حمري ) اكثر انسان مستانس بالدنيا ، الله يدومها عليه
كل فتره يجّمع المنشدين عنده ويشيلون قصايده ومبسوط على الاخر :)
كان شغال مع فريق الازاله بعد ماتقاعد من منفذ السالمي ، وحضر اول ديوان تم ازالته بالكويت وعندما راى راعي الديوان يبكي على بقايا ديوانه توجه للمسؤل فورآ وعطاه مفتاح السياره حقت فريق الازاله ورجع للبيت بتكسي وكتب هالابيات
انتقلت الى رحمة الله تعالى والدتي " أم لماس " والدفان غدآ الثلاثاء بعد صلاة العصر بمقبرة الجهراء ان شاء الله " العزاء بالمقبره فقط " أسالكم الدعاء لها بالرحمه والمغفره
@aljamal__
ياشين جيلٍ يهدم اللي بنا جيل
وبعد المدايح يكسبون المسبه
والمرجله والنار والبن والهيل
يحبها من حب دينه وربه
ولايكره فعول الرجال الحلاحيل
اللي مريضٍ مايعرفون طبه
جمال يبهرني ببدع التماثيل
وانا جمال اغلي قصيده واحبه :)
@khalid_oun
لاصار مشيك هروله عند الاجناب
ليه تحبي في واجبات القرايب
ساير نزال الشمري
يامرحبا باللي ليا غاب عنا
ضاعت مراجلنا وحنا رجاجيل
لشاعر مري
من اهل قطر
هذا اروع ماسمعت خلال شهرين
لا والله الا طفت قبل الفجر شمعه
على جميع الطنايا نورها ضافي
وعيني عليها تجود وتنّثر الدمعه
والخافي اعظم عسى الله يستر الخافي
والقاف ماله طراة وقيمه وطمعه
وابدّعي الله قبل لاينتهي قافي
يارب انا طالبك في ليلة الجمعه
تغفر لعبدك صعب عبدالله الافي
#صعب_اللافي
#صعب_عبدالله_اللافي
الانسان يمرض ويتعافى بمن يجالس وبما يسمع ويقرأ ، وبافكار وثقافات الناس من حوله
احرص جدآ على جلسائك واسمع واقراء ما يدخل السعاده على نفسك وقلبك ويزيد من ثقافتك ويجعلك انسان سوي ��الي من الاوهام والافكار السلبيه
@aprvip
ذكرتني في بيتين قديمات لي
واعدتني بالاحد واليوم يوم الربوع
لاتواعد الناس كانك ماتوفي وعدك
والله ماأنصاك مره ثانيه يالـط ؟؟؟
والعن ابو حاجةٍ مخلاصها في يدك :)
@saeedtawfiqi
انت ياسعيد لا تمثل الا نفسك ولاتستطيع ان تأمر احد بالذهاب لبلده هو وابنائه ، والاخ طالب بشراء اللقاح ونحن نطالب الحكومه بان توفرها لاخواننا المقيمين في اسرع وقت ومجاني
لي صاحبٍ بيته يدلونه الناس
حتى ولو هو كان ضيّق مكانه
•
في مجلسه تلقى المناعير جلاس
وتشم ريحة هيله وزعفرانه
•
يفداه من بيته طلع موقعه راس
ومأجره كامل لراعي حضانه :)
•
بـ 📝
عندي مشكله مع كل شخص تصير معاه مشكله مع صديقه او اخوه او زوجته او زميله بالعمل ، ويجي مشحون ويحط حرته بحالات الوات ساب وتويتر ومواقع التواصل ، قصايد مشاريه وعبارات عن خيانة الصديق وووو .. يغثونه ويجي يغثنا ابن الحلال 😂
•
ان رحت للقصر والا عيونها والنسيم
تلقى الفخر والشهامه والكرم والسطر
•
من قال وش جوها قولوا سحايب وديم
والماء غسل ارضها واصبح ثراها عطر
•
أقسم قسم والقسم لو تعلمون عظيم
ما فيه احلى من الجهرا لاجاها مطر
•
مشعل الضوّي
اي والله انك رجل طيّب ومطنوخ
وسنافي وْطيرٍ من طيور شلوى
وربعك هل الطولات لباسة الجوخ
وتلوي ذراعٍ بالملاقا مايلوى
اما فـْ بدع الشعر لو راسك يدوخ
قصايدك ماهيب للنفس سلوى
ياكثرها ولا بها توتٍ وخوخ
ولا بها كيكه ولا صحن حلوى
لاينفخونك حيل وتصير منفوخ
تراك والله بالي الشعر بلوى :)
محبتك ماهي مجرد دعايات
فرضتها بالطيب على البشر فرض
ياصعب ياللي ترتكي للصعيبات
يوم الردي يقّرض لحوم البشر قرض
اليوم لو اصبحت من ضمن الاموات
بذن الله انك رحت ياطاهر العرض
من فتنةٍ بالارض تحت السماوات
لـ جنة عرض السماوات والارض
#صعب_عبدالله_اللافي_في_ذمه_الله
#صعب__اللافي
من اكبر نعم الله على العبد ، ان يشغله في نفسه وفي حدود مسؤولياته ويبحث عن سعادته ووناسته ويجالس الناس اللي يرتاح لهم ويستانس عندهم ، ويبتعد بكل هدوء عن اللي مايحبهم ولايرتاح لاطباعهم وطريقة كلامهم وبعض تصرفاتهم بدون لا يطعن فيهم ولا ينتقص منهم ولايحتقرهم
بعض المدايح مالها اي داعي
يامنفخين الناس بالمدح تنفيخ
مديحكم اصبح ( ذكاء اصطناعي )
يظهر لنا الرمان في شكل بطيخ :)
الشيخ في هذا الزمن صار راعي
والراعي بْهذا الزمن صايرٍ شيخ ..
اي والله اني مخطي ومنهجي شين
لكنني في كل يوم اتعلّم
عطيت وجهي يافهد لبو وجهين
وكتفي غدا لمثله وشرواه سلّم
واليوم مقفي ضمن ناسٍ مقفين
ولاشافني عقّد حجاجه وبلّم
يوم ان له حاجه يسلّم وهالحين
حتى سلام الله علي مايسلّم :)
مما نشوف وتسمع الاذنين
من حقنا لو نزعج الونه
الحزن طاغي حيل هاليومين
والدمع ماينفع لو نْدنه
بعض الصور بالخاصره سكين
مسنون / والحظ الردي سنه
هذا الصغير الغافل المسكين
كنه ، يقول بخاطره ، كنه
ياجنة الدنيا ونور العين
ميعادنا / وياك / بالجنه
الصلاة على والدي المرحوم بأذن الله تعالى لماس الضوي ظهر اليوم في جامع السوق في محافظة رفحاء بالمملكه العربيه السعوديه والعزاء في الكويت ان شاء الله ، نتمنى من اهل رفحاء والقريبين منها مشاركتنا الاجر في الصلاة عليه لاحرمهم الله الاجر
مافيه شيٍ يجي بالغلّب
روحوا لمتعب وقولوله
اللين يجلب لشخصك جلّب
قلوب وارواح معلوله
ويسلب عْقول الاوادم سلّب
في كل ديره وكل دوله
حتى النبي القوي الصلّب
حبيب ربي ومرسوله
لو كان فظآ غليظ القلّب
لاانفضوا الناس من حوله
الخال زبن عبدالله الذعذاع " ابو عبدالله " من الرجال المحترمين اللي فرضوا حبهم واحترامهم على اغلب الناس اخلاق عاليه وراعي وصل وصلاة ولسان لاينطق الا بكل خير وحيا وشيمه واحترام للنفس وللناس ، وترفع عن هزال الامور وصغارها .. أسال الله ان يحفظه ويكثّر من جنسه
لي عقل لولا ستر ربي ولطفه مرج
ولاشك حزني هو اللي متهم بمْرجّه
•
ولي دمع لو اكتمه داخل ضلوعي درج
من راح ابوي وانا كل ليل اقوم ادرجه
•
يالله عسى رجله اللي للصلاة تْعرج
في جنة الخلد تمشي بس دون عْرجه
لاصار مشيك هروله عند الاجناب
ليه تحبي في واجبات القرايب..؟
.
.
بيت لي فتره اقراه بمواقع التواصل وعجبني وتوي علمت انه للخلوق والمؤدب والعزيز جدآ الشاعر ( ساير النزال )
اعتقد انه راح يبقى مضرب مثال لسنوات طويله
صح الله لسانك على هالالتقاطه يابو تركي
@sayr_99
من اجمل قصايد المدح اللي قريتها .. فهد عافت بطلال الرشيد رحمه الله
كريمٍ والله انه يستحي من ردة الانفاس
اليا منه عطاها للهبوب وردت لجوفه
وباقي الابيات لاتقل
جمال عن البيت المذكور 👇
انتقل الى رحمة الله تعالى العم والوالد صاحب القلب الطاهر والبار في كل من حوله ( عبيد حسن الضّوي الشمري ) والدفان اليوم المغرب في مقبرة رفحاء بالمملكه العربيه السعوديه .. نسأل الله جلا في علاه ان يغفر له ويرحمه ويعفو عنه ويسكنه الجنه ويعظم اجر ابنائه واخوانه واجرنا جميعآ فيه
#القادسبه_الكويت
#القادسيه_سوبر
القادسيه وطن وباقي الانديه مناطق تنتمي لهذا الوطن الكبير 💛
الف الف مبروك ( للقادسيه ) الشي الجميل الوحيد المتبقي في الرياضه الكويتيه حاليآ 💛
وياحلو الفوز اذا جاء غصب وبحضور الاخوان اللي بالمنصه 😂
الطيب ساس واصل وعْروق
مايوخذ الطيب بالحيله
والرجل يُعرف من المنطوق
واذاني الناس تصغيله
به ناس تحتٍ وناسٍ فوق
والشال يفرق عن الشيله
واهل الغنم غير اهل النوق
والبن مايحمس بهيله
الله جعل بالعباد فروق
حتى الديار ومداهيله
تل الهوى غير تل صفوق
والجوف غير العويقيله :)