السلام عليكم بعد انقطاع دام ٤ سنوات عن الساحة الشعرية ، ابشّركم ولله الحمد انا اليوم مهندس كما تشهد الجامعة ، وهذي قصيدة اصافحكم وابشركم فيها بما من الله على أخوكم الفقير لله ، اللهم لك الحمد
من مذكرات طالب جامعة وابشركم انها مانفعت مع دكتوري ، اللي يبي يستخدمها على وجه الفاينل بحل :
دكتور بعض القصايد تجذب الانتباه
وكلامك الي تقوله ماوعى سامعه
فلا يغرّك نفاق وكذب بعض الوشاه
شف الكلام الصحيح بـ عيني الدامعه
الطالب الي قبالك نادم من خطاه
والنفس بـ العفو يادكتورنا
ياكثري في عيونك لا استقلتني عيون الناس
وانا شاعر على صدر الغمام يترجم شعوره
اعرف ان النجم يبقى نجم وان البدر نبراس
وانا نجمٍ سرا ليل الهوى لين انبلج نوره
ليامن هبت قصرٍ دونه الابواب والحراس
تشجّعني يدين اللي تلوح لي ورا سوره
#مسهوج_الدوح
لا تنظرين بنظرة المستريبة
ماشفتي ضلوعي هجدها الوله هجد
حتى ولو جيتي مجيّ الغريبة
اللي ظفر بمواصلك ظافر بـ مجْد
باقي زمن هيّن واعدّك حبيبة
في قربها راحة وفي بعدها وجْد
تهايلي مثل تهايل عتيبة
يوم انها جات اتّهايل على نجد
اتركيني على سفح الجبل يا فطيم
واصعدي فوق في روس النوايف ونادي
وقولي ان فيه شاعر كل ماهام هيّم
كل واحد من الغاوين في بطن وادي
والله انا عزاز ولا نعرف نتضيم
خوف لا يضحك الشمات ولا المعادي
هلت دموع عيني يوم مالجو غيم
ودي ان المطر يسقي ضواحي بلادي
شاعر واشوف التواضع للوضيعين عيب
ولا ارتمي كل ما شفت العرب ترتمي
الشعر حاجة ماهيب تزود العفن طيب
ولا هي بترفعني ان كان نزلن اسهمي
لو فيه شيٍّ من الطالة وطيب النصيب
رحت اتخطرى هل الساحه وارز علمي
ياغناة العمر كم راح غالي
بعد ما اوغل جروح وضيع سنين
-
وسالت دموع باطراف الليالي
في رجا انك ليا رحتي تردين
-
يوم رحتي غدى جيدي خمالي
وكل ضحكة غدت دمعة من العين
-
اكره الناس وآحب انعزالي
وافرح ليا سمعت فراق غالين
-
لو تحسين ما اجلس لحالي
مير مشكلتك انك ماتحسّين
يالساني لو كثر جور الزمان وقمعه
كل كلمة كتمها يوذي ضميري قلها
عشت عمري مالي بخير الاوادم طمعه
ولا انتهت بي الدروب افقد شعور اولها
واتجلد وارمع الرمعة باثرها رمعة
واتحلوى حملها لامن عجز شايلها
لو ان مال الدوح بالتاريخ صيت وسمعة
ماحمل متني من حمول الزمان الثقلها
وجد روحي يوم
اللهم لك الحمد والشكر ، شكرا لكل من هنّا وبارك لي وان شاء الله نقدم الشي اللي يليق بالجمهور وشاعر الراية ، وحظ أوفر لزملائي الخمسة ، والله ان كلهم منافسين شرسين وبهم الخير .
الحمدلله على التوفيق وشكرا للجميع مره أخرى
#شاعر_الراية
دايم على زلة الاصحاب باله طويل
لو ان باله من ظروف الليالي ملي
ماعمر جيته ورحت الا مبرد غليل
وان جيت زعلان يجلي ضيقتي وزعلي
ما مثل ابو جود في خلاني الا قليل
ماغيّره طولة الشقّة وكثر عملي
مامرّني يوم غير مسويٍّ لي جميل
ماباقي اللي يزوجني ويصرف علي
@Khazzam_saif
#شاعر_المليون_يزعزع_الحمدين
.
ياللي نسيتوا ما مضى من فضايل
حنّا ترا ناس نتنزه عن العيب
.
نحاارب الفتنه بشتى الوسايل
ولا نجحد المعروف ونْشوم ونطيب
.
ولا تحركنا ظروف و رسايل
نمشي حسب عرف العرب والمواجيب
.
ماتملي بطون العفون الجمايل
لا صار له روسٍ خليّه من الطيب
لحد يقول اليوم صوت الحق ضاع
مادامه محمد على راس الرجم
اقدح يابو حمدان تفداك الرعاع
ولا تلتفت باللي تنابز وتهجم
ماننسجم مع خطابك يالشجاع
حنا مع قديح راسك ننسجم
اشوف حجمك وانت لك بالعز باع
واخالف اهل العلم من عرب وعجم
الطول x العرض x الارتفاع
مايعتبر مقياس فعلي للحجم
جعل الله يجير قلبك من صدوف الحياة
ولا يذوق العذاب ولا يذوق الهمل
يامنوة اللي قضى عمره وهو في شتات
الناقص اللي بدونك ماقدر يكتمل
يتلعثم ان شاف وجهك ياجميل الصفات
ولا يتماسك ولا يقدر يرتّب جمل
يائس ويرقب من الدنيا فرج والتفات
لو يسئلونه وش اللي تطلبه قال (أمل )
يابعيدة ماينقّصك البعاد ، الا يزييدك
ما يرغبني بقرب الحاجة الّا البعد منها
استبدّي والقصايد من جواريك وعبيدك
والمشاعر جوّدي بعيونك النجلاء رسنها
واجرحيني ياااه ياحلو الجروح اللي من ايدك
مايعاف الشاعر المحبوبة الا يا ومنها
مدري كيف اربط الموضوع ، بس تذكرت قبل يوم افتح محل ورد وكنت اقول اول مافتحته:
حتى ولو إن الاراضي جِرْد
لا زلت احسّ ان الامور بخير
اللي جعل مسهوج بايع ورد
يقدر يليّن قلبك الشرّير
يا عيال شمّر مكرمين الضيف
نجم عليكم ممل الامال
،
كانه ماياخذ بيرقه ياحيف
قدامه رجال ووراه رجال
.
انتم هل البيرق بوقت السيف
وانتم هل البيرق بوقت المال
.
#نجم_الاسلمي_شاعر_المليون
تم اختياري ضمن قائمة الثلاثين في برنامج شاعر الراية ، ان شاء الله نقدم الشيء اللي يليق بنا وبكم .
سوف اكون ضمن المتسابقين في الحلقة الاولى يوم الثلثاء القادم ٣ اكتوبر الساعه ٨ مساء
ترقبونا
اضرب على الكايد يقول عبيد
وانا بلاي اضرب على الكايد
بيت قلته وانا عمري ١٧ سنه ، لازمني في اكثر من مرحلة بحياتي وتمثلت به في اكثر من معترك في معارك الحياة ، واليوم يتمثل به احد ممثلي القبيلة خليفة الخليفة في انتخابات برلمان الكويت . شرف كبير
#بدر_سيار_الشمري
حي من يلهج بذكر الطنايا لسانه
وكل من مثل ابن سيار يالله حيه
وحي رجلن على الدرب القويم مشيانه
ماعطى للضعوف وللرخوم اولوية
@Bsshamry
كل التوفيق لابو خالد عسى الله يكتب له الخير
#بدر_سيار_حصان_الرابعه
#محمد_بن_زايد_صانع_السلام
"
هذا ابو خالد عزيز الجاه
يورٌد الضامي على الجمه
.
مافيه لا مثله ولا شرواه
لحاله لحاله على القمه
.
الله مشتتّ فيه شمل اعداه
والله موحّد فيه شمل أمه
المدح وادي وابو خالد عزيز الجناب
ديمٍ غشى بطن هاك الوادي وسيّله
ابو اليتامى ، وريث المجد ، شيخ الشباب
الواجد اللي يفكّ الواجد قليّله
متخيّله اطيب اللي من على الا��ض طاب
ولقيته اطيب من اللي كنت متخيّله