@Lord_FiRe_StOrM
ليا صديق نـازل أجازة كذلك
بيضيف عليها إنه بيحـاول يقلل احتكـاك مع الناس
لأنه حاسس إن التغيير في السلوكيات ده أصبـح نتاج مشاكل نفسيـة متفشيـة
مكانتش بالشكل ده - حسب كلامه - زمان 😬
@MenaElmenshawy
مرة لقيت ناس مسمين " سجـى"
فتعجبوا لاستغرابي " ايييه ده انت مابتقراش قران .. والليل إذا سجى "
مارضيتش أقول لهم طبعاً إن مصدر استغرابي إنه ( فعل ) أسـاساً مش اسم
ومعناه ( أظلم ) أو ( غطى بظلمته)
عشـان كنت تعلمت من صدمة حد لما شرحت له إن "رتاج " من غير " ي" ومعناها ترباس أو قفل
@EgyptianScorpi8
ما انت برضه ماتقنعنيش إن واحد باعت لعياله 1000$
هيقول لهم اصرفوهم على 30 عشان خاطر البلد ويضحي بضعفهم
طب ولما ييجوا يشتـروا بالأسعـار - اللي البلد مش عارفة تسيطر عليها - يقول لهم ايييه ...
" ابقـوا خدوا م الجيـران " 😒🤔
@ranbed1
صديق قادم من السويد قبل سنتين
كان محتاج بنك ضروري يوم السبت فرحنا مول كايرو فيستفال في التجمع
بعدما خلص قاللي نتمشى شوية ودخلنا فرع نايكي
صدمني لما قاللي بيشتغلوكم هنا
الموديل ده بقاله 3 سنين يعني بواقي وسعره مضاعف 3 مرات
وكانت أوول مرة اعرف انها زي العربيات لها موديل سنوي😶
الفترة الأخيرة لقيت كتير بيكلموني عن مسلسل جميل لشاب بيؤدي دور طبيب في وحدة محلية ريفية .. " البالطو "
مش عارف لييه تذكرت الدور ده للعبقري " نبيل الحلفاوي " من سهرة درامية بعنوان " تحت الملاحظة "
وأداءه في المشهد ده تحديداً 👌🏽😃
ربنا يخلي لنا ماسبيرو زمان
@kami_egypt
@Tahoun71
زي نكتة عن واحد سافر عمرة وصلى التراويح خلف السديس
وده يعييط وصاحبنا يسح وراه .. وفي الدعاء يبكي وصاحبنا يتشحتف معاه
خلص وهو خارج لقى العساكر بيبعدوه وموكب وعربيات مرسيدس
افتكر الأميـر خارج بيسأل اللي جنبه قال له "لا ده الشيخ السديس خارج"
قال لهم "الله ..أومال بيعيط جوة لييه "😅
@waeltawfek50
قابلت في الكيت كات زمان رجل كبيـر بيبيع مكن خياطة الله يرحمه حكى لي تفاصيل مشابهـة لما ذكرت
بس قاللي هو اسمه " الشيخ رياض " مش حسني .. وكان مدرس موسيقى ع المعاش
وبالفعل بيدور بالبيجامة
وحادثة الموتسيكل لما سألته عليها قاللي إنها حصلت بس كانت عجلة ومقعد عيل صغير قدامه يدله 😅
@jarelkamar
إلى جانب كلام حضرتك
اتقالت لي جملة من أغرب ما سمعت في وصف أيرلنـدا من حد كان في بعثة هناك من الخليج
" أيـرلندا هذي مصـر أوروبـا .. لاهي تبع الخليـج ولاهي شبه دول شمال أفريقيـا لها خصوصية لوحدها
حتى شعبها شبهكـم بيهتم بالمجاملات وآداب الحـوار "
@Ahmed_Ameen_
من الطقـوس لدينـا في أسـوان 😅😁
ذلك أننـا لا زلنا نتعامل مع النيل معاملة الأجـداد
فلا يُرمى فيه شيء ولا يتم تلويثه بأي شكـل
والغريب رغم حرارة الأجـواء معظم السنـة
يخرج المـاء بـارداً
#Miss_Homeland
🫶🏽
@mohamedghobara9
هم مشكلتهم إنهم بيتعاملوا بطبيعتهم اللي نشأوا عليها
ومابيعرفوش يفرقوا عند التعامل مع حد من قرايبهم اللي في المدن
فيه مشاكل كتيرة في طبع الفلاحين بس بصراحة دي تعتبر مجرد عشم واختلاف طبائع القرية عن المدينة
وليست بجاحة بالشكل المعهـود
@alrougui
الذئب الأسمر محمد نسيم هو من قام بدوره الفنان القدير
@nabilelhalfawy
نبيل الحلفاوي في مسلسل رأفت الهجان " نديم قلب الأسد"
وله بطولات متعددة منها دوره في تفجـير الحفار قبل وصوله لسينـاء
وتهريـب رجل عبدالناصر في سوريا " عبدالحميد السراج" من معتقل المزة الشهير .. بعد سقوط الوحدة
@abanobalex39
المنشاوي
عبدالباسط عبدالصمد
الحصري
مصطفى اسماعيل
البنا
الأسماء دي لو شفتها تعرف إن اللي قدامك قراءة القرآن الكريم
المنشدين أسماء كبيرة أخرى
زي النقشبندي & نصرالدين طـوبـار
@MahHafez
( الرجال قوامون على النسـاء بما فضل الله بعضهم على بعض وبما أنفقوا من أموالهم )
قال الرجال .. ولم يقل الأزواج ولا الآباء ولا الإخوة😑
فحتى لو انتفى وجود كل هؤلاء
توجب إيجاد من يقوم على رعايتها وكفالتها من قبل ولي الأمر الحاكم ويُستقطع من مال "رجال " القرية حتى يكفونها السؤال
@ahmadmehrez
@mephistophelesr
لا مش نبـوة
دي ولايـة
وهي مرتبة أعلى وأعظم من النبـوة عند بعض الصوفيين
ودليلهم على ذلك أن النبي موسى لما حب يتعلم اتبع ولياً .. فالولي قال له " إنك لن تستطيع معي صبـراً " 😑
@Habiba_Shoukry
ده وثائقي كنت شفته من فتـرة على نتفلكـس
عن شخص كان بيصـور نفسه وهو بيعمل كدا مع القطط وينزلها ع النت
ناس خدوا على عاتقهم يتتبعـوه
لقـوه في الآخـر طلع مختـل وقـاتل حد ومقطعـه وحاطه في شنطة
يعني الميـول دي مش سهلة وبتدل على شخصيـة سيكوباتيـة
غير سوية
دخلت على
@saudmadany
أخويا
وهو بيتفرج على أتليتكو مدريد
بقول له " هم بيلاعبوا ميين "
قال لي فريق اسمه " هويسكا "
لقيتني برد عليه بصوت وائل غنيم ..
#حد_هنا_من_هويسكا 😅
@Alaabayoumi
مبـارك كان مدور البلد دي ��سياسة " غض الطرف "
البنـاء العشوائي على الأرض الزراعية وتبويرها ممنوع
بس أنا هغض الطـرف لو انت بنيت 14 دور
الموظف الحكومي مرتبـه لا يسد الحاجة
فأنا هغض الطرف عن الفسـاد عشان ماضطرش أزوده
وبما إن ماعنديش وقت لتنمية سيناء
فأنا هغض الطرف عن الأنفاق والتهريب
@SpeakUp_00
800 ألف شخص سعودي تقريباً مستقرين في البلد
ومؤشـرات وزارة السياحة تقول إنه بيـزورنا حوالي 600ألف سنوياً - كأكبر نسبة من جنسيات السياح على مدار السنة -
وتلاقي بعض الكومنتات العجيبـة يمسكوا في تصـرف شخص واحد
أووول ناس هينتقدوا فعلته ويشيدوا بتصرف الأمن هم ناسه وأهل بلـده 😑
@EgyptianScorpi8
عندي اعتـراف بإني كنت من اللي انجــرفوا
لحد لما في مناسبة عائلية قابلت أم بتتكلم على الرجل كويس جداً
سألتها : إزااي دي أول شهــادة في حق الرجل أسمعها من ولية أمر..!
قالت لي: عشان أنا اطلعت على المناهج وشايفاها ممتازة
ولو بنتي مش هتعرف تعديها..فدي قدراتها
مش هنفصل لها منهج ينجحها
@waelabbas
فيه واد يوتيوبر بيلف العالم
كان عامل الكم شهر اللي فاتوا لافريقيا
لما راح الصومال اتصدم
ماعندهمش تعامل كاش تقريبا
كل محل أو محل عصير حتى حاطط رقم الحساب ع الحيطة وراه
تحول له وانت واقف
والنت هناك أرخص وأسرع من عندنا بمراحل
هو تقريبا في الجولة مالقاش دولة متأخرة عننا
غير أريتريا
@Lord_FiRe_StOrM
الرجل داخل على الـ70
فكتر خيره يعني إنه عارف يعني ايه انترنت أصـلاً
التطورات اللي بنحكي فيها حدثت في بلاد سلمت القيـادة لمواليد التمانينات 😑
@ABAZIR33
@nabilelhalfawy
استمعت اليوم إلى لقـاء الفنان فتوح أحمد مع الكابتن شوبير في برنامجه الإذاعي قبل الإفطار
أخذ الكـلام عن الفنان والقيمة والقامة نبيل الحلفاوي حيزاً كبيراً
ولفت نظـري عندما قال أحدهما للآخر "شوف نظرة عيونه بتحكي أكتر من الكلام إزاااي"
ثم أردفا في نفس واحد تقريبا ..
" المعلا قانون "
@Fatma18236032
ناس خليجيين سألوني مرة
"ليييش تكتبون في كرت الفرح الدكتور والبشمهندسة
أنا كواحد معزوم ورايح أجامل .. ايش دخلني "
اللي سألني في منصب رئيس قسم كلية 😶
@waelabbas
"ده احنا لو حد فينا عطس وقال حاجة مش على هوى النظام بيتحبس اخبار كاذبة !!!"
الجملة دي ملخصة كاشفة وافيـة
إن احنـا محتاجين نعيد تعريف إيه هو "هوى النظـام"
وهل هوية آثارنا الإسلامية والمعابد القديمة تدخل ضمن اهتمامات النظام ولا مجرد شيء ثانوي هامشي
وهواهم يلموا قرشينات بس
تذكرت صديق مرة زعل مني لما قلت له
الفرق بين السلفي والمسلم الطبيعي
إن الإنسان العادي بيقف في الصف وهمه الاول والأخير إن صلاته تتقبل وبيجتهد قدر الإمكان
السلفي واقف جنبه يراقبه ويشوف هتتقبل ولا لأ 😅
الكائن السلفى:
انت مالكش دعوة مين يترحم على مين ولا مين صلى ولا ماصلاش ولا صام ولا ماصامش،انت تخليك في نفسك وخيبتك التقيلة انت بس،بمعنى آخر انت تخرس خالص ومالكش دعوة بغيرك..انت مش وكيل الله عالأرض.
"ياأيها الذين آمنوا عليكم أنفسكم لايضركم من ضل إذا اهتديتم إلى الله مرجعكم جميعا"
@NaguibSawiris
بمناسبة موبينيـل
أنا دايماً بستشهد في الاجتماعات بالطموح في مقولة عمكم نجيب لما قال
" المحمـول في يد الجميع "
والكل اعتبرها وقتها شطحة لأن المحمول كان في يد رجال الأعمال والمقتدرين فقط
لكن اللي شايف بكـرة عامل إزاي هو اللي بيتميز في البيزنس
@Navanevo
حد من دولة خليجية لفت نظري إن الكلام ده بيتكتب عندنا في كروت دعوات الأفراح
واتقال لي " إيييه كم الكلاكيع والعقد اللي في مجتمعكم "
ملحوظة صغننة :
الحد ده عضو هيئة تدريس في جامعة كبرى في بلده 😄
@HanaShams
دي كانت ناس محترفة .. تعرف كل صحبة قعدتهم فين .. اللي بياكل تنزل له كوباية مية سقعة من غير ما يطلب .. حفظ درجة وتقل المشروب بتاع كل زبون
حاليـاً أصبحت مهنة من لا عمل له
#كلها_بقت_توكتوك
@Khaled_Nabil07
في 2006 كنا بنلاعب السنغال في مباراة قبل النهائي..كسبناهم رغم إنهم كانوا كالعادة خصم عنيد وقوي جداً وصعدنا للنهائي
مكان تشجيعي كان بجانب مدرج السنغاليين
فوجئنا بهم واحنـا خارجين واقفين صف يهنئونا ويبيهدونا أعلام وأدوات التشجيع بتاعتهم كتذكار
كانوا من اكتر الشعوب المهذبة بصراحة
النـاس منشغلين بخناقـات جانبية وحـورات الطرشـان بينهم وبين بعض والنشطـاء والمشاهير داخلين السويقـة دي
بينما الأستـاذ وائل عباس بيعمل عظمة مع الأجانب لشـرح تاريخ القضية وأبعادها وبمختلف اللغـات
ادخلوا الأكونت عنده ودوسوا ع الـ Replies واتفرجوا .. واتعلمـوا 👏🏾👏🏾🎩
@QNNNA
السيدة صافيناز كاظم كاتبة وصحفية مصرية
من أصول عراقية وكانت متزوجة من الشاعر الكبير أحمد فؤاد نجم ولهما الابنة الناشطة نوارة نجم
اشتهرت السيدة صافيناز بحدتها في النقد
واعتقلت مرات عديدة في عهد عبدالناصر & السادات
وكتاباتها ذات توجه محافظ دائماً
@michealnabil010
امبــارح لسسة مشتريها بعد تررد 😃😀|
لدرجة روحت بالحاجات ورجعت جبتها لوحدها عشان فضلت في دماغي
عشان شكل الصفيحة عجبني وحسسني إنها هتطلع شبه الجبنة بتاعة زمان
عندنا لقيتها بـ160
بس مش مشكلة محل صغير جديد والشباب صغيرين عاملين مجهود كبير
ربنا يفتح عليهم
@nabilelhalfawy
التويتـة بقدر ما فيها من مفارقـة وطرافة
بقـدر ماهي محـزنة عندما تدل على وضع استنكـاري لشيء كان هو المعتـاد والطبيعي
ده موضوع إنشـائي لطالبة في زمن مضى ..
@waelabbas
أبهـا في جنوب السعــودية
فيها نفس ميزة صلالة العمانيـة
أجــواءها لطيفة خريفية في عز الصيف لارتفاعها عن سطح الأرض
الحكومة قررت إيييه بقى..
توسعة الرصيف وزيادة التشجير وخلق مساحة للمشي في مشروع وطني سموه "أنسنة" يعني زيادة رقعة تحرك الإنسان عن المركبات
البلد تحولت لمقصد سياحي
قررت أعمل ثريد لشرح أ/ وائل عباس لمسلسل الحشاشين لسببين:
- يكون مرجع سهل للي عايز يوصل لها فيما بعد
- سبب"شخصي" لما كنا بنفطر عند الحاج ربنا يديله الصحة لقيت مرات أخويا بتقول إن ابنها "11 سنة" بيتابع المسلسل وحابب يقرأ أكتر
فمالقيتش أفضل منها كبداية له يفهم ويعرف يبتدي إزاي ..
@A7madAnw
مش الاعلان الدستوري
في اعتقادي أن نهاية الرجل كتبت يوم غزوة الاستاد والتلويح بعلم جبهة النصرة
يومها قلت لحد قاعد معايا فيه ترابيزة مدورة بتتعمل حالاً لمناقشة قلش الرجل ده
هناك دول بالنسبة للأجهزة"عمق استراتيجي"
مبارك بجلالة قدره خبط مرة في السودان اتبعتت له ورقة
"احنا ع الهوا"
@msaad445
@Temo_Maverick
@nabilelhalfawy
احنا جيران بقى كده يافندم ..😀
لكن الملاحظة المقلقة بالنسبة لي مش الانقطاعات الطويلة
ولكن " المتأرجحة " اللي بتروح وتيجي في فترات قصيرة
وتأثير ده على الأجهزة
@AdelElsobky2
أنا بقى اللي خلاني أنزل ضـده لا قدراته السياسية
ولا فسـاده وحاشيته المادي ..
الرجل ده كان بيكـره الشعب ده كراهيـة عميـاء
وكان شايفهم شويـة "جرابيـع " كويس عليهم قوي إنهم يعيشـوا في المستـوى الضحل ده من الصحة والتعليم والتكنولوجيا
@kiiss430
@alruhaily_a
صديق من الصعيد قال لي مرة مثل مقارب ..
" بـارك الله في الزرع القريـب .. والنسب البعيد"
يقصد إنه تحرص عملك ما يكون بعيد عن بيتك
واذا جيت تناسب .. دور عند الغريب
@Ahmdalmaimoni
دائمـاً آخـذ وقت مطـول في الاختيـار بين العطـور المعـروضـة إذا حبيـت أجـدد
وأعـاني من هـذا التـردد
الوحيييد اللي من أول وهلـة اختطف تركيـزي 👌🏽
@EmaarW
حررتك أنا رحت أطلع مستخـرج م الكليـة
قالولي " تعالى هنا انت لم تؤدي التربية العسكري��ة قبل التخرج .. روح عند مكتب التجنيد اللي في ملاعب الجامعة " 🤦🏽♂️😬
رحت المكتب قالوا لي تنتظم من يوم الاتنين
لقيتني تلقائياً بقول الجملة الخالدة ..😶
@ahamdyos
أتفـق مع حضـرتك جداً خاصـة في نقطتين :
- انتشـار " الشـابو " في الصعيد لأن أول مرة اسمع اسمه كان من شاب في الأمن عندنـا وهو بيشتكي من كتر قدوم أخوه عنده من البلد وده ممكن يجيب له شبهة.
- إن الإدمـان ممكن يظهـر في أسر محترمة ملتزمة فالشاب اللي بيشتكـي ده واضح إنه من بيت ذو تقاليد
@Pi2vu2v6iURnP1m
@AhmedSameh
@rezoviche
عايز اقول لحضرتك إني لسسسة راجع مع الأسرة من زيارة خاطفة للإسكندرية لحضور مناسبة
اضطريت معهـا - آسفـاً- للتجول داخل المدينة نفسها بقى المرة دي .. بعيداً عن الكورنيش
وأقدر أقـول بكل أريحيـة إن القاهرة - بكل العك اللي فيها - كأنهـا دبي بالنسبة لها
@Mexican3214
بس الحقيقة أنا مؤخـراً أخـدت جولة بين روكسي و الكوربة
المكان يعتبر شعبي بمحلاته ومطاعمه وقهاويه
صـورة مصر الجديدة اللي نعرفها من التسعينات
موجودة في شوارع داخليـة محـدودة
@salmukaimy
سؤال أصعب
حبت زميلها في الجامعة
واشتغل وهو طالب عشان يدخل البيت من بابه
سمح لها تتوظف بعد التخرج وبنوا البيت بهدوووء
وأصدقاءه يعايرونه لأنه يدللها ويساعدها كثيراً
فجأة لاحظت - بعد 15 سنة - إن منصبها وراتبها أعلى مما وصل إليه هو بكثير..
فطلبت الطلاق
تعتبر independent 🤔
@nova_mber
دونـاً عن جميع ميلفـات نادي الصيـد
المـدام دي تستطيع لو تم اكتشافها فنيـاً أداء أدوار الشر المبطن و خاصة دور الفنانة تيسيـر فهمي في مسلسل العائـلة 😬
@ahyounes
المغـرب على الدوام شعب جميل يحمل لنا الود
والمحبـة والإعجـاب
ودائماً بعد انتهـاء المنـاوشات الكروية تعود الأمـور إلى نصابهـا وطبيعتها
لذلك لا يوجد شعب عاشق ومشجع للمنتخب المغربي في مباريات كاس العالم كالشعب المصري
رغم إنه ممكن يكـون مخرجنـا من التصفيـات
@Sahar_Eldeeb
الشبـاب برضه معـذور ..
لأنه وقع ضحيـة أكبر عملية " نصب مجتمعي " ممكن تكون في التاريخ
لما قالوا له " ذاكـر بس انت وتفوّق عشـان تبقى وتبقى ..."
فلما قضى له بتاع 16 - 20 سنة في أروقة التعليم
طلع من المنظومة اكتشف إن " فيـه منك كتييير"
والاشتراكية قلبت رأسمالية
والرأسمالية بقت مهلبية