Zakovich
@AhmedZaky
Followers
165K
Following
9K
Media
3K
Statuses
112K
صحفي أحياناً، مسافر دائماً، وباجمع طيارات وأقلام حبر! a King's College London alumni @warstudies @KCLalumni . https://t.co/jsCZLNxmRX
London
Joined May 2009
رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ .……………………….عبد الله الغرباوي و محمد الجزار و عامر سامي
151
2K
4K
المتحدث العسكري باسم الجيش الإسرائيلي نشر صورة من داخل مستشفى الرنتيسي وقال إن دة جدول فيه أسماء المسلحين اللي كانوا بيحرسوا الرهاين. بعد تحليل استخباراتي عالي المستوى للصورة والجدول، اكتشفنا إن أسماء المسلحين السبعة هي الآتي:. السبت.الأحد.الاثنين.الثلاثاء.الأربعاء.الخميس.الجمعة
1K
4K
14K
الست اللطيفة دي بتفكرني بعازفي الكمان لما تايتانيك كانت بتغرق!
1K
1K
11K
الفيديو دة كل ما بأشوفه، بأتشد جامد. يوم ٢١ فبراير ١٩٨٠، السفارة الإسرائيلية بتاخد مقر في القاهرة. جيران السفارة في البلكونات بيتفرجوا وهما مش مصدقين، وأول ما بيشوفوا العلم، بتسمع صوت صويت !. حرب أكتوبر ١٩٧٣ كانت وقفت من ست سنوات وخمس أشهر.
169
3K
9K
اللطيف في الفيديو دة إن الأستاذة دعاء كسرت الحاجز بين المشاهد والشاشة وطلعت برة الاسكريبت وطلعت مخزونها الداخلي من الإحساس بالذنب علشان عايزة تمارس حياتها بدون خوف من إنها تدخل النار.
151
1K
4K
وأنا في كينجز كوليدج كنت بأنادي الدكتور باسمه بدون لقب: ريتشارد! وهو كان بيناديني أحمد، عادي برضه! .وكان مكتب عميد الكلية موجود وسط مكاتب الدكاترة وفيه سكرتارية موحدة للقسم كله. ودي كينجز كوليدج اللي هي رقم ٩ على العالم. طبعاً جامعة المنوفية هي رقم ٢٢ على مستوى المنوفية نفسها!
116
587
4K
عاصمة أيه اللي حتتنقل؟! دة ممكن يحصل في تشيلي أو البرازيل أو ماليزيا أو أستراليا ولكن مش مع القاهرة. أحياناً بيبدو لي إن الناس مش عارفة يعني أيه القاهرة. القاهرة هي أقدم أكبر تجربة إنسانية على سطح الكوكب. هي أكبر من كونها عاصمة. هي تجاوزت فكرة العاصمة السياسية من زمان وأصبحت.
170
727
4K
من عبثية المشهد، إن في وسط كل هذه الأحداث الجِسام، فيه مجموعات في تويتر داخلة في خناقات من نوعية: شوف بلدك الأول. لأ أنا بلدي أحسن من بلدك. بينما الغرب بيشوف المنطقة كلها على بعضها إنها منطقة يعيش فيها "العرب"، ويتحدث عن كل شعوب دول المنطقة وفق تصنيف جامع ووحيد وهو: "العرب". !.
83
1K
3K
بعد ما شوفت ٢٩ حلقة من العتاولة، ودة أول مسلسل مصري ٣٠ حلقة ناوي أخلصه منذ مسلسل "لعبة نيوتن"، عايز أقول إن دة مسلسل غريب جداً. يكفي أنه فيه شخصية زي عيسى الوزان، شرير كارتوني صاحب كاريزما تفكرك بشخصيات الأشرار في أفلام ومسلسلات مانجا اليابانية! عيسى الوزان بيقوم بدوره باسم سمرة
284
235
3K
فيه حد في تويتر كتب:."مفيش طفل بيتعلم بيانو ورسم وبيتعامل كويس مع الحيوانات . هيبقى شقي وعنيف ومزعج".ففيه شخص عمل كوت ريتويت ذكي وقال: هتلر كان رسام. ففيه شخص علق على الكوت ريتويت: كان رسام فاشل!.فذهبت لأبحث عن رسومات هتلر وفوجئت إنه كان رسام جيد ودي إحدى لوحاته!.#تويست_تاريخي
58
289
3K
عدتُ من رحلة إلى السعودية استغرقت عشرة أيام كاملة(بدون يومي السفر) زرت خلالها خمس مدن. بدأت بالرياض ثم العلا ثم المدينة المنورة ثم مكة المكرمة ثم جدة.كانت هذه أول مرة أسافر فيها للسعودية.ما سأكتبه هي ملاحظات سريعة، وأتمنى إن شاء الله أن أكتب مقالاً طويلاً عن مشاهداتي خلال الرحلة.
133
325
3K
الخطاب بتاع "التعليم الجامعي مينفعش يبقى لكل الناس" تطور وبقى "الشجر الأخضر مينفعش يبقى لكل الناس"!.أول حاجة بيتم بيها تسويق الكمبوندات هي "اشتري في المكان اللي نصه مساحات خضراء وأشجار!". الفرق بين الغني والفقير لم يعد القدرة على التعليم وإنما الحق في الحصول على ضل شجرة!. إبهار!.
15
681
3K
دة كلام لو كان اتقال في ٢٠٠٩ كان العالم اتخض والناس في كل مكان أُصيبت بالهلع والغضب… بس في ٢٠٢٥ الكلام دة بيتقال عادي جداً!!.دة على كدة الحضارة الإنسانية رايحة في داهية!.
40
610
3K
هل تعلم أن حسني مبارك شارك بدور في فيلم interstellar للمخرج كريستوفر نولان حيث لعب دور شخص يسافر عبر الزمن!
38
271
2K
دي صورة القاهرة سنة ١٩٦١. لو ركزت حتلاقي المبنى اللي في الواجهة مكتوب فوقه: فندق سميراميس. تجاهل الشوارع العريضة النضيفة المتخططة، وتجاهل التخطيط اللي يبدو مواكب للعصر في الوقت دة، وتجاهل الطراز المعماري المنتمي للقاهرة الخديوية. تجاهل كل دة وفقط ركز في كمية الأشجار في الصورة!
82
479
2K
سعيد إن وجوه الرأسمالية في مصر وقف بيهم الزمن عند ممارسات الرأسمالية الأوروبية خلال القرن التاسع عشر!.حكاية اشتغل ١٢ ساعة في اليوم ٦ أيام في الأسبوع مش حتشوفها غير في مزارع القطن اللي كان بيشتغل فيها العبيد في أمريكا أو في الصين أو طبعاً في مصر حالياً علشان تجيب حق الأكل والدواء!.
حماده فاروق بينادي الناس تشتغل 12 ساعه و 6 ايام في الاسبوع . ماشي يا حماده
81
388
2K
السياحة مش حتتحسن لما إيلون ماسك يزور مصر ويطلع الهرم. ماسك لما ييجي حتتفرش له الأرض ورد ومحدش حينصب عليه وهو راكب الجمل!.السياحة حتتحسن لما السائح العادي يلاقي مصداقية وأمان ويبقى عايز يرجع تاني. التفكير بتاع لو ماسك زار مصر، فيه مليون أمريكي حينبهروا ويقلدوه دة خلص سنة ١٩٧٨!.
35
420
2K
بن غفير، وزير الداخلية الإسرائيلي، نشر صورة لسيدة فلسطينية متصورة في قسم بوليس وخلفها العلم الإسرائيلي وكتب إن دة عقاباً لها على نشاط لها في السوشيال ميديا. شخص إسرائيلي رد عليه رد يستحق التفكير فيه:. "وحده من يكره الوطن يحول علمه إلى أداة لمعاقبة الآخرين.". أزمتها عميقة جداً!.
@itamarbengvir רק אדם ששונא את המדינה הופך את הדגל שלה לכלי שאיתו מענישים אחרים. מגיע לנו יותר טוב. יהיה לנו יותר טוב, בלעדיך.
30
739
2K
حكاية إن فيه شغل كتير متوفر ولكن فيه شباب كتير بيرفضوه، حقيقية بس دي نصف الصورة فقط والصورة الكاملة مختلفة!.تعالوا نتخيل شاب في دولة زي بريطانيا في أول حياته ومعاه شهادة جامعية والشغل المتاح أمامه بياع في محل ملابس. هل حيرفض الشغلانة أم حيقبلها؟.في لندن حيقبلها بس في مصر حيرفضها.
50
506
2K
شوفت فيلم The Godfather في السينما لأول مرة بعد خمسين سنة من عرضه في السينمات. كنت شوفت الفيلم كتير جداً قبل كدة على التلفزيون ولكن دي كانت أول مرة أشوفه في السينما. رغم إني كنت عارف القصة وحافظ الحوار بالكلمة والوقفات، بس وأنا بأتفرج على الفيلم كنت مش مصدق أد أيه الفيلم دة عظيم!.
28
81
2K
لما حد يقول إن أم كلثوم كانت بتطبل للنظام. فدي وجهة نظر ممكن يتم فهمها من شخص هولندي عاش طول عمره في كوريا الجنوبية ومن أسبوعين بدأ يقرأ كتاب فرنساوي عن تاريخ مصر المعاصر!. أم كلثوم كانت هي النظام نفسه. أم كلثوم كانت عابرة للأنظمة السياسية وعابرة للزمن. وعلشان كدة هي استثنائية.
59
132
2K
خلصت أولاد حارتنا لنجيب محفوظ والجملة الأخيرة كانت:. "لكن الناس تحملوا البغي في جَلد، ولاذوا بالصبر، واستمسكوا بالأمل، وكانوا كلما أضرَّ بهم العسف قالوا: لا بُدَّ للظلم من آخِر، ولليل من نهار، ولنرين في حارتنا مصرع الطغيان ومشرق النور والعجائب.".
15
389
2K
فيه فيلم وثائقي مدته ساعة. عرفته من بلال فضل لما اتكلم عنه ونصح بمشاهدته على نتفليكس. كنت أتمنى ما أتفرجش على الفيلم علشان هو فيلم مؤلم وموجع وبديع! أنا حزين بقالي يومين بعد الفرجة عليه. اتفرجوا عليه لو قادرين على وجع القلب. فيلم لماجي مورجان واسمه: من وإلى مير from Meir to Meir
34
116
2K
أحسن حاجة في إيلون ماسك إنه حيموت بطريقة غريبة جداً داخل أحد منتجاته، وحيتعمل عن حياته أفلام كتير باعتباره أكتر شخص مريب وغريب أطوار منذ هوارد هيوز!.
46
61
2K
الموضوع بقى عبثي لدرجة إن لما طلع خبر إن ابنتي محمد فريد خميس عملوا صندوق مسجل في بريطانيا لتحويل أرباحهم من نصيبهم في شركة أبوهم إلى الخارج، كان الغرض من نشر الخبر التشكيك في وطنيتهم، لكن اللطيف والعجيب والمنطقي في نفس الوقت إن غالبية الناس اللي شوفتها أُعجبت بحركة البنتين جداً!.
39
139
2K
استخدمت جوجل ترانسليت لترجمة ايميلات اسباني للإنجليزي، ولقيت إن الدقة جيدة ولكن ما أعرفش أسباني فمش قادر أحكم على جودة الترجمة. فقررت أختبر جوجل ترانسليت من خلال ترجمة نصوص إنجليزي للعربي، وفوجئت إن الترجمة احترافية بشكل يخوف!. متى ترعرع في وادينا الطيب كل هذا الذكاء الاصطناعي؟!.
57
60
2K
دة مقطع من تسجيل طويل لمبارك وهو بيزور مدينة ٦ أكتوبر في يونيو ١٩٨٩. كان لسة أيامها بيلبس البدلة السفاري اللي كان بيلبسها السادات أحياناً ويبدل بينها وبين الجلابية والعباية أو البدلة الأفرنجي. في المقطع مبارك بيتحول من رئيس إلى مهندس بيشوف الساكن حيستلم الشقة عاملة ازاي. بيقول
76
253
2K
طب انا عارف قصة العيلة من أول "مراسلات الحسين– ماكماهون" مروراً باتفاق "فيصل- وايزمان" ثم تفاهمات عبد الله الأول مع جولدا مائير قبل ٤٨ وصولاً لملف علاقات الحسين بإسرائيل واستعانته بهم في أيلول الأسود ١٩٧٠ ثم تحذيره إسرائيل من هجوم مصري سوري وشيك قبل حرب ٧٣!.بس ألف مبروك للعروسين.
@AhmedFathy مدامك مش عارف العيلة الهاشمية و اول مرة تسمع عن الاردن شكلك. فصعب ارد عليك. روح مكتبة و اعمل بحث و اقرأ. غسلت يدي من الشعب اللي عايش على ثقافة السوشال ميديا فقط.
38
231
2K
سعيد جداً برجوع توكيل فيراري لمصر… في انتظار افتتاح المتاجر الرسمية لشانيل و لوي ڤيتون في مصر. المواطن المصري يستحق إنه يعمل صيانة عربيته الفيراري في توكيلها ويشتري شنط لوي ڤيتون من متجرها مباشرةً بدل ما هو متشحطط بين دبي ولندن وباريس!.#إنجازات_إسكوبار.
81
218
2K
الشيف أسامة السيد في رحاب الله. الله يرحمه ويدخله فسيح جناته. وأنا مراهق كنت بأشوف برامجه بشكل عابر في تلفزيون دبي وكان بيقدمها من أمريكا وبعدين تنقل بين القنوات، وفاكر في ٢٠٠٩ عملت معاه حوار اذاعي في bbc Xtra عن الأكلة الوطنية في اسكتلندا وهي الهاجيس، وكان شديد اللطف والكرم.
91
191
2K
فيه شوية أرقام حصلت في اللحظات الأولى على الجبهة المصرية في حرب 1973 مدهشة وغير مسبوقة في تاريخ الحروب. مثلا في الثواني الأولى من الحرب فتحت أكتر من 2000 مدفع مصري نيرانهم على المواقع الإسرائيلية في سيناء وخلال 53 دقيقة ضربوا 10 آلاف و500 قذيفة بمعدل 175 قذيفة في الثانية الواحدة!
24
305
2K
أنا عشت في الدوحة بشكل متواصل من ١٩٩٢ لحد ٢٠٠٦، وشوفت التحولات الكبرى من بلد صغير ومحدود جداً لبلد بدأ يعمل قفزات في التنمية. وبعدين زرت الدوحة مرات عديدة من ٢٠١٠ لحد النهاردة. في كل مرة المدينة بتتوسع وبتتغير معالمها. حالياً في ترانزيت واللي شوفته من المدينة كان شبه لاس فيجاس!
15
47
2K
انا واحد من الناس اللي شافوا كريس روك بينضرب ويتشتم عالهوا من ويل سميث في حفل الأوسكار من دقايق!.باكتب دة للذكرى حيث دي واحدة من أغرب لحظات التلفزيون عالهوا!.الناس اتنشنت جامد أوي في القاعة والكل مكانش مصدق إذا كان ويل سميث بيهزر أم لا، لحد ما شتم كريس وزعق في وسط القاعة!.#Oscars.
28
108
2K
سباق ٤٠٠ متر سباحة حرة اللي فاز فيها التونسي ابن ١٨ سنة أحمد حفناوي، سباق عظيم!.محدش من معلقي bbc يعرفه وفاكرين اللي حيفوز الأسترالي ماكلوكلن، ولآخر ثانية مش قادرين يصدقوا إن سباح تونسي غير معروف حيفوز بذهبية السباق!.شوف رد فعل أحمد في النهاية، رد فعل مدربه. مؤثر جداً.#Tokyo2020
10
250
1K
الآية رقم ١٠٠ من سورة الإسراء بتتكلم عن إن الناس لو كان بيدها رحمة الله، لمنعوها!. قُل لَّوْ أَنتُمْ تَمْلِكُونَ خَزَائِنَ رَحْمَةِ رَبِّي إِذًا لَّأَمْسَكْتُمْ خَشْيَةَ الْإِنفَاقِ ۚ وَكَانَ الْإِنسَانُ قَتُورًا. أسألوا الرحمة من الله للناس، فهم عبادُ الله، وهو أولى بهم منكم.
13
417
1K
"هذه المرة ليست مثل كل مرة. هذه المرة سوف تنكسر أشياء كُنّا نظنُ أنها ستظلُ معنا للأبد. سوف يدرك الناس أن وهماً كبيراً قد عاشوه عندما ظنوا أن العدل والحرية للجميع!". بيدرو آلڤاريز - "في الليلِ تُضيءُ السماء".
7
599
1K
البنك الدولي بيقول إن الانهيار المالي اللي بيحصل حاليا في لبنان واحد من أسوأ الانهيارات المالية اللي شافها العالم خلال آخر ٢٠٠ سنة!.يكفي إن اللي بيحصل دلوقتي سوف يتم دراسته في علم السياسة حول العالم كنموذج لتحلل فكرة الدولة!.على المستوى الشخصي متابعة الوضع في لبنان أمر مؤلم جداً.
38
330
1K
شيء مؤسف ومسيء للتاريخ وللسادات نفسه إن يكون مصدر معلومات كثير من المصريين عن عملية السلام بين مصر وإسرائيل ودور السادات وعلاقة دة بالفلسطينيين، يكون مصدر كُل دة هو فيلم أيام السادات!.الفيلم اللي كان محمد خان (مخرجه) ما بيتكلمش عنه لحد ما مات بسبب العك اللي حصل فيه في كتابة.
36
257
1K
لو لم يكتب أسامة أنور عكاشة سوى الراية البيضا، لكفاه!. لمعرفة حجم موهبته يكفي مشاهدة آخر مشهد؛ حيث فضة المعداوي قررت هدم ڤيلا السفير مفيد أبو الغار. بالرغم من الإخراج المسرحي لمحمد فاضل واللي كان سائد حينها، فيه تمثيل عظيم لجميل راتب وسناء جميل!.من المدهش إن المسلسل إنتاج ١٩٨٨!
56
302
1K
لأول مرة أقرأ لنجيب محفوظ بعد ٤٢ سنة على سطح الكوكب وبدأت قراءة ما قيل لي من عشاق محفوظ أنها أعظم رواية في تاريخ اللغة العربية، وهي "الحرافيش"… اللغة والصنعة الروائية عجيبة ومدهشة، كأنها كُتِبَتْ في كوكبٍ بعيد ورمى بها أحدهم في قلب حارة قاهرية في منتصف القرن التاسع عشر!.
47
101
1K
من فترة شوفت حوار عجيب في تويتر عن جدوى مجانية التعليم. كان فيه طرف في الحوار بيؤكد بيقين إن مجانية التعليم هي خطيئة لا يمكن الاستمرار فيها أو السماح بيها حيث إن دة معناه إن دافع الضرائب يصرف على الفقراء. وإن المفروض اللي معاه فلوس هو بس اللي يتعلم!.وكان بيتكلم بجدية وبحماس بالغ!.
40
93
1K
هو الواحد قرأ كتير عن أنظمة ديكتاتورية ومستبدة، بس للأمانة مفيش نظام فيهم وصل لمرحلة البعث السوري!.دة النظام الأكثر كراهيةً لفكرة الإنسان!.نظام هدفه سحق البشر من أجل اللاهدف. نظام مستعد يعمل أي حاجة في سبيل بقاء فئة ضيقة جداً لها كل الحقوق والامتيازات وباقي الشعب يفضل مسحوق للأبد.
23
268
1K
أ. إبراهيم قال إنه محصلش قبل كدة في التاريخ إن فيه ناس نزلوا أنفاق وحاربوا والمدنيين دفعوا التمن. هو مثقف وعارف إن قوات الڤيتكونج الموالية لفيتنام الشمالية حاربوا من شبكة معقدة من الأنفاق وكان الرد الأمريكي قصف مدن فيتنام الشمالية من١٩٦٥ لحد١٩٦٨ والضحايا المدنيين تجاوزوا ١٨٠ ألف!
45
446
1K
"كل شيء سينتهي فجأة، تماماً كما بدأ. سيبدو ما حدث ضرباً من خيالٍ جامح، ولن يصدق من لم يعش تلك الأيام ما سيرويه له من عاشوها!". أول جملة في الفصل الأول من رواية: خريفُ الأدميرال الأخير - خوسيه بيدرا.
12
364
1K
بشكل غير متوقع ومفاجئ بصورة صادمة، تم لخبطة جميع الأوراق والملفات في الشرق الأوسط. اللي عنده خطة للتطبيع، تأجلت، واللي عنده انتخابات فإنها تراجعت على أجندة الاهتمام الدولي. الحدث أكبر من أي سيناريوهات تم التفكير فيها من قبل. وتطورات الحدث في الأيام القادمة لا يمكن التنبؤ بها.
9
168
1K
ما حصلش قبل كدة إن الصورة كانت واضحة جداً زي دلوقتي!. اللي ضد اللي بيحصل واضحين واللي مع اللي بيحصل واضحين. اللي في معسكر الكارهين واضحين واللي في معسكر الرفض واضحين. حتى اللي بيكرهوك ولكن بيحطوا كراهيتهم ضمن شعارات كبيرة مركبة، بقوا واضحين وشعاراتهم اختفت زي ذرات الملح في المية!.
21
368
1K
فيه دوكيومنتري مهم وممتاز اسمه The Shah's of Iran Ultimate Party عن الحفلة الأسطورية اللي أقامها شاه إيران محمد رضا بهلوي في عام 1971 بمناسبة الاحتفال بألفين وخمسمائة عام على ولادة الامبراطورية الفارسية.
20
119
1K
لو الجدل حول فاروق والملكية ساخن، والجدل حول عبد الناصر ويوليو ساخن جداً ، والجدل حول مبارك ويناير ساخن جداً جداً، فكل سخونة هذه الجدالات حتكون باردة جداً مقارنةً بأي جدل جاد حيتفتح عن سيرة ومسيرة وإرث رئيس دولة العلم والإيمان محمد أنور السادات!. الجدل الساخن والمشتعل يجب أن يضم
145
106
1K
- في الحقيقة أخطائه كتير، بس خطأه الأكبر إنه لم يعي مسؤوليته التاريخية ويجهز انتقال سليم وآمن لشخص يخلفه ويكون لديه وعي بالتحديات الهائلة والوضع المعقد ومن داخل المطبخ. * الكلام على مين؟. - أبو طارق بتاع الكشري. بعد ٣٠ سنة خبرة، ما سابش حد يعرف قيمة المحل!. * شكراً. - عفواً.
42
198
1K
انا والحمد لله ما بأصلحش لأي حد نطقه في الإنجليزي! أتذكر صديق كان عامل نفسه رجل إنجليزي وهو أصلاً من أهلنا الكرام في شبراخيت، بس يعني كان بيحب الإنجليز أكتر من حبه لخالته، المهم مرة صلح لحد نطقه لكلمة إنجليزي، فالشخص دة قال له:.I am Scottish you idiot!.وأنا للأسف ضحكت أوي!.
14
89
1K
من الحاجات اللي ندمان عليها إني ما زرتش سوريا قبل 2011. كل اللي راحوا هناك حكوا عن بلد جميلة وشعب طيب ومليانة تاريخ. ودي حاجة سمعتها من مصريين راحوا وعاشوا في العراق في السبعينات وقالوا عنه شعر. إحنا كعالم عربي كان عندنا أكتر من فرصة لقفزات كبيرة في آخر 100 سنة وكلها للأسف ضاعت!.
54
90
1K
إيلون ماسك بينتقم من كل شخص كان موجود في تويتر قبل ما يشتريه علشان هو حاول يهرب من صفقة الشراء وفشل وتورط!.زعلان علشان أصدقائي اللي خسروا وظائفهم في تويتر، وأتمنى إيلون ماسك يغرق مع تويتر ويصبح هذا البلاتفورم زي موقع yahoo كدة لما تحلل وأصبح من ذكريات اللي شافوا الانترنت في ١٩٩٧!.
27
86
1K
خلصت مشاهدة مسلسل تشيرنوبل اللي كل الناس شافته في ٢٠١٩ وأنا أجلت مشاهدته عدة مرات خوفاً من مشاهدته!.أنا في العادة أتجنب مشاهدة أفلام الرعب، بس مفيش حاجة مرعبة أكتر من هذا المسلسل الذي لا يدور حول كارثة تشيرنوبل، وإنما يقدم إجابة وافية لسؤال شديد الخطورة:.ما هو ثمن الكذب؟.الهلاك!.
38
213
1K
محمد علي كان ملاكم عظيم. ورغم مهارته في الملاكمة لكن لقب "The Greatest" مش سببه شطارته في الملاكمة ولكن أيضاً من بسبب إنه كان إنسان عظيم. عظمة محمد علي تتمثل إنه كان عنده مبدأ ولما المبدأ تم اختباره أثبت إنه مستعد بالتضحية بمشواره العظيم في الملاكمة من أجل مبدأه.
10
321
1K
محمد الفايد شخصية مكتوبة للروايات. طريقه للثراء بدأ بالزواج من سميرة خاشقجي، أخت عدنان خاشقجي، تاجر السلاح الأشهر في السبعينيات. دخل في حرب مريرة مع تيني رولاند من أجل ملكية هارودز. بدأ يلقب نفسه بالفايد بدلاً عن فايد، وأسمته الصحافة الانجليزية "Phoney Pharaoh" الفرعون المزيف!.
26
131
1K
ثورة يناير كانت مليانة مشاهد مركبة وكبيرة، في اعتقادي إننا لحد دلوقتي لم نستوعبها بشكل كامل، ولكن فيه لقطتين كل شوية أفكر فيهم لأنهم مليانين كم هائل من التفاصيل السياسية اللي لسة ما اتكشفتش. اللقطة الأولى لما طلعت إشاعة إنه حصل محاولة لاغتيال عمر سليمان ودة بعد ما بقى نائب رئيس. .
19
71
1K
يمكن اختصار المشهد في المنطقة بالجملة العبقرية لنجيب محفوظ: إن خرجنا سالمين فهى الرحمة، وإن خرجنا هالكين فهو العدل. ليس من قبيل المبالغة الاعتقاد أن مستوى التوتر في المنطقة هو الأعلى منذ خمسين سنة!.
14
396
1K
فيه حاجات عبثية مينفعش ترد عليها أو تناقشها إلا بإنك تعلي عليها!.لما تلاقي واحد بيقولك "١٦ ساعة شغل في اليوم قليل بالنسبة للي لازم تشتغلوه"!.فأنت ترد تقول: علفكرة ٢٢ ساعة شغل مش كفاية!.ولما تلاقي دكتورة جامعة بتقول ٣٠٠٠ جنيه تكفي أسرة ٤ أفراد شهرياً!.فأنت ترد وتقول: هما ألفين بس!.
33
162
1K
يحكى أن زعيما سوفيتياً تم خلعه في أواسط ستينيات القرن الماضي. تحديداً في عام 1964. اسم الزعيم هو نيكيتا خروتشوف. أما اسم خلفه فهو ليونيد برجينيف. بعد أن اختارت اللجنة المركزية في الحزب الشيوعي السوفيتي برجينيف لتولي القيادة، طلب خروتشوف الاجتماع به من أجل تقديم النصح له. التقى
26
337
1K
لو فيه حد سألك يعني أيه جهل؟.١. ممكن توريه الفيديو دة ويشوف واحدة جاهلة مش عارفة معلومة عن الموضوع اللي بتعمل عنه حوار مع واحد من أهم أساتذة العلاقات الدولية. ٢. ممكن توريه تويتة لواحد حاطط سعر الدولار في ١٩٥٢ وسعر الدولار في ٢٠٢٤ وهو جاهل اقتصاد وتاريخ!.
55
217
1K
مناظرة هاريس وترامب بدأت. البداية غير المتوقعة إن هاريس راحت في البداية لمكانه وسلمت عليه وعرفته بنفسها!.وفي أول إجابة هاجمت سياسته الضريبية وشرحت سياستها في دعم العائلات الأمريكية. في مداخلته هاجم المهاجرين وقال إنها وبايدن السبب في ارتفاع الجريمة من المهاجرين غير القانونيين.
16
74
1K
فيه ناس عاملة شوية شغل تضليل على استعباط عظيم!.مثلاً استدعاء شخصية راحلة واعتباره لو كان موجود كان خد موقف أنهى الأزمة. هنا بقى نسأل:.هو عمل أيه في ١٩٨٢؟ طب عمل أيه في١٩٨٧؟ طب٢٠٠٠؟ طب ٢٠٠٦؟ طب ٢٠٠٨؟.الخمس إجابات على الأسئلة اللي فاتت، تقولك الله يرحمه لو كان موجود كان عمل أيه! :).
41
244
1K
صفحة أحمد الطنيخي في فيسبوك حط الصورة لبُناة السد العالي في وردية ليل أسوان 1964. الصورة ��ن جمالها تحس إنها لوحة مرسومة. لوحة فيها "حراجي القط" وهو بيشتغل قبل ما يكتب جواب لزوجته: الجوهرة ا��مصونة والدرة المكنونة فاطنة أحمد عبد الغفار - يوصل ويسلم إليها في جبلاية الفار. الله يرحمك
13
296
1K
حكاية الأسرى الستة الفلسطينيين اللي هربوا من سجن إسرائيلي شديد الحراسة، مش بس حكاية تنفع فيلم سينما مذهل، ولكن حكاية حتخللي الإسرائيليين يسألوا عن قوة الإرادة الهائلة لدى الأسرى الستة!.الأظرف من كدة إنها حكاية حتضايق بعض العرب المراهنين دائماً على تفوق إسرائيل وهزيمة الفلسطينيين!.
13
269
1K
قرأت حاجة في تويتر استوقفتني لأن فيها فكرة تستحق النقاش. حد كتب إن لو ينفع يركب آلة الزمن ويرجع ليوم ٢٢ يوليو ويحذر فاروق من إن فيه انقلاب بيحصل عليه خلال ساعات. التويتة دي بعبارات مختلفة اتكررت عند أكثر من شخص، وبدا بالنسبة لي عدة أمور:. أولاً الملاحظة المباشرة والواضحة وهو.
100
206
1K
اللامبورغيني السودا في شوارع العاصمة الجديدة تحفة!.شوارع حلوة وعريضة وفاضية، وبنايات جميلة وتصميمها نيويوركي خليجي فاتح! وإضاءة شوارع بديعة، والمشهد كله فعلاً جميل ويستحق يفضل كدة بغطاه البلاستيك وبدون ناس من العاصمة القديمة، علشان ندخل التاريخ كأول مشروع مدينة خالية من البشر :)).
41
202
1K
هي طبعاً وبلا شك وبلا جدال القراءة مفيدة. مثلاً فيه فيديو لخطاب قديم لعبد الناصر بيشتم فيه الملك حسين وبيعايره بتاريخ جده في التعامل مع الصهاينة. والشباب قاعدة تعمل شير للفيديو والإخوة الأردنيين زعلانين وبيشتموا والدنيا حاجة آخر فل!.طبعاً علاقة ناصر مع حسين علاقة طويلة ومعقدة. .
14
67
1K
عالم تسيطر عليه الصين سوف يكون أقسى من عالم تهيمن عليه الولايات المتحدة.
68
167
988
ممتن للإعلام في مصر تغطيته لمعاناة الناس في انجلترا. تغطيات إخبارية على مدار الساعة عن آلاف الجوعى ومئات القتلى في شوارع لندن! اللي ما بيموتش من الجوع، بيموت من البرد!.أتمنى الشعب الإنجليزي يتفرج على الإعلاميين في مصر علشان يعرف كيف قتلت الحكومة البريطانية أحلامهم في المستقبل!.
20
121
1K
نيويورك دي غريبة جداً!.شجر في وسط مانهاتن. ليه؟! وعلشان أيه؟!.أنت عارف متر الأرض هنا بكام؟!.شوف بقى الحتة دي لو اتعملت كمبوند أبراج فاخرة، كل برج بتاع ٦٠ دور وتحت مجمع تجاري وصالات سينما وأفراح ومطاعم وكافيهات، مش أحسن من شوية الشجر دول والمساحات الخضراء بتاعة الأكسجين والبيئة!.
51
241
1K
ونستون تشرشل كان له عبارة طريفة تقول:."النجاح يتضمن الانتقال من فشل إلى فشل دون فقدان الحماس!"."Success consists of going from failure to failure without loss of enthusiasm.".وربما دي من أدق العبارات في وصف طريق الوصول إلى النجاح وهو أنه يتضمن الكثير من محطات الفشل وخيبات الأمل!.
5
261
988
بعيداً عن إحساس العظمة الهائل لديه بأن يصف نفسه بأنه من "آباء المهنة" التلفزيونية في الحوار، يظل مفيد فوزي كاركتر يستاهل التريقة والسخرية. كاركتر لشخص مفتعل امتلك قدراً هائلاً لا يستحقه من الحظ تمثل في التحاور مع نجوم الفن في النصف الثاني من القرن العشرين.
62
132
969
اللي حصل في ليبيا كارثة أكبر من قدرة العقل على استيعابها!.دي كارثة طبيعية غير مسبوقة في تاريخ شمال أفريقيا منذ كارثة زلزال أغادير في المغرب سنة ١٩٦٠ لما مات ١٥ ألف شخص!. الله يرحم أهلنا في ليبيا ويصبر الناس وينقذهم.
4
286
955
تصريحات المسؤولين عن الاقتصاد بتفكرني لما زرت فرع في هليوبوليس لبنك حكومي كبير من ٣ أسابيع. وكالعادة في المرات اللي زرت فيها الفرع خلال سنوات سابقة، لازم يكون السيستم واقع!. المهم فيه ست لطيفة قامت واتخانقت مع موظف وقالت له إنها مستنية دورها بقالها أربع ساعات. طلع ليها مدير فرع.
32
140
936
واحد صاحبي راح مؤتمر في أمريكا ورجع بيحكيلي عن فكرة عبقرية: لو عايز فلوس كتير أوي، مش لازم تعمل شركة… أنت ممكن تسمح للناس إنها تعمل شركات ومصانع وتشتغل وتاخد منهم نسبة من أرباحهم في مقابل إنك توفر أمن وتعاملهم كلهم زي بعض وفق معايير تسمح لشغلهم بالتنافس والنمو!.العالم شكله تطور!.
33
101
919
يؤسفني أو يسعدني إني أهدم سردية هذه التويتة بعيداً عن ثنائية المحب أو الكاره. مشروع الإصلاح الزراعي بشكله الذي تم تطبيقه في ٩ سبتمبر ١٩٥٢ (بعد ٢٣ يوليو بـ٤٨ يوم) مش هو مشروع فاروق الأول للإكثار من الملكيات الصغيرة اللي اتعمل في ١٩٤٨!.ونبدأ القصة من أولها. .
عملة تذكارية بمناسبة بدء مشروع توزيع خمس أفدنة على الفلاحين. طبعاً كلنا عارفين مين اللي لهف المشروع على اسمه وإنجازاته. كفر سعد حالياً مركز في محافظة دمياط،الصورة من صفحة دمياط التاريخية #MASRZAMAN
15
185
924
فيه تكهنات إن فيه حرب عالمية عظمى حتحصل كمان أربع شهور… تقريباً دي الحاجة الوحيدة اللي ممكن تفسر ليه واحد يروح يقترض كميات هائلة من الفلوس ويوعد الجميع بحاجات مش حتحصل ويفضل مبسوط وهادي ومطمن إن محدش حياخد حاجة!.التفسير التاني إنه متأكد إن يوم القيامة حيكون خلال ست شهور بالكتير!.
28
121
906
فيه أزمة ثقة بين السودان ومصر بقالها سنوات وأتخيل إننا في مصر لدينا مسؤولية أكبر ومحتاجين نغير تصوراتنا عن السودان. أحد أسباب الأزمة إننا دائماً ننظر إلى السودان باعتباره مهم لأمننا المائي والجغرافي دون إدراك إن مفيش علاقة بين شقيقين تعتمد فقط على مراعاة مصالح شقيق واحد فقط منهم!.
اللي بيحصل في السودان بيعيد مرة أخرى الحديث عن أولويات السياسة الخارجية المصرية. السودان هي دولة شقيقة لمصر وتربطنا بيها علاقات تاريخية شديدة القوة. ولكن أيضاً ينبغي إدراك إن استقرار السودان هو شأن داخلي مصري لأنه يؤثر على ملفات شديدة الخطورة بالنسبة لأمن مصر المائي والجغرافي.
48
282
902
خلصت الحرافيش من يومين ولسة تحت تأثيرها ومش قادر أبدأ قراءة رواية تانية. بدأت بين القصرين ولقيتها محتاجة إني أتحرر من تأثير الحرافيش. قررت أبدأ قراءة "المرايا" واللي تكررت في نصايح أصدقاء متبحرين في عالم نجيب محفوظ. الراجل دة بجد كان أكبر من نوبل للآداب بكتير!.
43
91
871
خلال آخر مئة عام، تم التأكد علمياً إن أكتر حاجة بتجيب فلوس هي العلم! وأكتر حاجة بتخسر فلوس وممكن تحول جبل من الذهب إلى تراب، هي الجهل!.مفيش حاجة تانية بتجيب فلوس أكتر من العلم، حتى البترول أو المخدرات أو السلاح ما بيعملش فلوس زي العلم!.ومفيش حاجة تخسر فلوس زي الجهل، حتى الحروب!.
19
257
873
في سنوات العشرينات والنصف الأول من الثلاثينات كنت مشغول جداً بفكرة تحقيق النجاح وتعريف النجاح. حالياً وقد عبرت الأربعين أصبحت شايف النجاح والفشل أمور نسبية وإن الأهم هو الوصول للسعادة. وبالتالي أصبحت مؤمناً إن على الانسان أن يحاول، لكن الأهم أن يكون سعيداً بصرف النظر عن النتائج.
12
181
847
اللي بيحصل الآن في أوكرانيا أمر حيكون له تداعيات خطيرة جداً على النظام الدولي الحالي. على الهامش وقبل أي كلام أو تحليل، فيه خبر مهم تأمله وهو: نائب رئيس مجلس السيادة في السودان يدعم من موسكو ما وصفه بحقها في الدفاع عن أراضيها. فعلاً بوتين كان محتاج حميدتي يعلن عن موقفه ويدعمه!.
16
72
831
عند أسامة أنور عكاشة "كيندال روي" (علي سليم البدري) نجح في الانقلاب على أبوه "لوجان روي" (سليم باشا البدري) وخد منه مجموعة البدري / مجموعة روي ، خلال اجتماع مجلس إدارة حاول من خلاله الباشا استبعاد ابنه علي من الإدارة!.ليالي الحلمية Succession VS
29
127
841
مفيش ديكتاتور وطني. الديكتاتور هو بالضرورة شخص غير وطني يخدم مصالح فئة ضيقة من الناس ومصالح حلفائه في الخارج. لكن فيه مستبد وطني. بس مفيش مستبد وطني بيهرب خارج بلده لما النظام ينهار. هو لم يكن وطنياً يوماً ما. هو نسخة أخرى رديئة من باتيستا وشاه إيران. في لحظة الحقيقة ينجو بحياته!.
10
187
859
أشد ساعات الليل ظُلمة، هي تلك التي تسبق الفجر. ومفيش ظُلمة أحلك من اللي إحنا فيها!. اقترب الفجر.
44
238
817
فيه مثل مصري بيقول "كان فاكر تحت القبة شيخ" ، وهو مثل يُقال عن من صدقوا أساطير إنه أقوى جهاز في العالم، بل وراهنوا عليه، ثم اكتشفوا إن الجهاز شغال من Google images. إحنا في لحظة فيها خيال يتفوق على فوازير فطوطة!.
21
157
802
أنا معرفش نوارة نجم شخصياً ولم أرها أو ألتقي بها من قبل. ومش من هواة كتابات السيدة صافي ناز كاظم والدتها، أو من هواة مواقفها الصدامية. ومن محبي أشعار أحمد فؤاد نجم ولكن سمعت من ناس عرفوه عن تناقضاته الشخصية أو الأجزاء غير اللطيفة في شخصيته. وبالتالي لما سمعت من بلال فضل عن كتاب
28
112
807
محللون فرنسيون: انعدام المساواة يؤدي إلى غضب مكتوم لدى قطاعات من المجتمع الفرنسي وهذا الغضب يحتاج إلى شعلة من أجل أن يتفجر!.محللون عرب: المهاجرين العرب والمسلمين هم ا��سبب وأخطر ما فعلته فرنسا هو تجنيس المهاجرين!.(مدهشة هذه الكراهية العميقة للذات! ومدهش هذا الجهل المشبع بالعنصرية).
23
229
797
الصورة دي عظيمة جداً. تليق بفيلم سينما عظيم ملحمي عن وقائع لحظات الانهيار!. الاجتماع دة حصل يوم ٢٧ يناير ٢٠١١ وفيه أقوى خمس رجال في القاهرة وقتها بعد الرئيس!. كمية الإنكار اللي على وجوههم في الصورة تكفي قارة بحجم أفريقيا!. تصوير: السيد عبد القادر
33
239
774
بات من المحسوم أن العالم القديم مات، والآن هناك عالم جديد يتشكل بمعادلات جديدة. المشكلة إن العالم الجديد يتشكل في لحظة إحنا فيها مشغولين بثمار التنمية اللي غرقتنا بخيرها لدرجة إننا مش عارفين نرفع راسنا ونتنفس!.أملنا كبير في ربنا إنه ينقذنا من ثمار التنمية ويقوينا على ما هو قادم.
21
220
764
في الوقت اللي لندن ومدن أوروبية وأمريكية بتضيق على السيارات الخاصة وتحول شوارع كبيرة للمشاة فقط وتزرع فيها أشجاراً كثيفة، تقوم مدينة قديمة جدا بهدم مقابرها الأثرية من أجل شارع عريض وكوبري طويل!.بس طبعاً المقارنة مع لندن بتكون في أسعار الأكل والمواصلات بس، مش في الحفاظ على التراث!.
10
223
770
ما كنتش أحب أعلق على تصريحات عجيبة جداً عن الاقتصاد لحد ما سمعت جملة غريبة أوي من رجل غني جداً ينصح الشباب بإنهم يشتغلوا كتير أوي لأنه بيشتغل ١٨ ساعة في اليوم!.دة مش صح. لما يكون الواحد مجبر يشتغل ١٨ ساعة في اليوم يبقى حياته لن يكون لها معنى سوى محاولات النجاة الدائمة من الجوع!.
24
128
760
هذه هي اللحظة التي يمكن أن تحصل فيها على إجابة لسؤال كبير كان يطرح في السنوات الماضية بدون إجابة واضحة… لماذا كان هناك جهد هائل في تزييف تاريخ المنطقة خلال القرن العشرين؟.
19
211
755
خمسون عاماً مرت على حرب أكتوبر. خمسون عاماً مرت على أحداث وقعت قبل الحرب وخلال الحرب وبعد الحرب. خمسون عاماً مرت على لقاء الملك حسين مع رئيسة الوزراء جولدا مائير في مقر للموساد في تل أبيب مساء ٢٥ سبتمبر ١٩٧٣ يرافقه رئيس الوزراء زيد الرفاعي ورئيس المخابرات العسكرية فتحي أبو طالب.
20
151
754
الناس مقتنعة إن اللذات هي لذة المال، لذة الأكل، لذة الجنس. لكن الكثيرين لا يدركون إن بعض الناس لديها لذة أخرى تتفوق على لذة الأكل والجنس والمال معاً وهي لذة "التحكم في مصائر الناس عبر إذلالهم". دي لذة للناس المنحرفة نفسياً بشكل لا يمكن علاجه. زي الراج�� اللي تسبب في انتحار موظف.
15
176
750
حرائق الآمازون مرعبة جداً ومؤشر خطير على وضع المناخ رايح على فين في السنوات القليلة القادمة. أتمنى يكون فيه مبادرة حكومية جماعية كبرى في مصر بزرع أشجار داخل المدن وحولها بكثافة زي ما حصل في الهند وأثيوبيا. حتفرق جداً في جودة الهوا ودرجة الحرارة وحتنعكس إيجاباً على الصحة والاقتصاد.
49
393
749
أي حد مكتئب أو متضايق، أقوله إوعى تيأس. يكفي تتأمل نموذج منى الشاذلي، مذيعة ليس لديها أي مقومات ومع ذلك بتطلع علينا في التلفزيون من سنة ٢٠٠٠ لما كانت في أيه آر تي ومكملة لحد النهاردة ومحدش بيشوف برنامجها إلا اللي بيطلعوا فيه علشان تعمل معاهم فقرة تيجي نلعب بالكلمات ونعد الحروف!.
47
68
766