منيف المنقره :
والله اني ضامن الربح لو اني وحيد
وآتغدى من غدا الذيب وآكل من عشاه
وصل العطياني :
لا غرابه يشبع الذيب ،، والزايد يزيد
تحسب انك لاقيِِ شي ،، غيرك ما لقاه
@enadm1
تعلّيت برج الساعة وجيت في أعلى دور
أطالع وأنا مبسوط و النفس مـسرورة
ورى مانبسّط و ( الجار ) بيت الله المعمور
هذا والله اللي ( جّيـرته ) مـالها جـورة
هنا أطهر بقاع الأرض في الوادي المذكور
دعاله نبي الله ( إبراهييم ) في السـّورة :)
مطلع لحزمي سعد
الكريم اللي على حق وحقيقـه ماينافق
لن نصيته في لزوم ولن نصيته في ضيافه
إيتجوّد فيك ويجاهدك لين انك توافق
وإيتسلّف ديـن ويرحب على قل الكلافه
وصل العطياني
@sbinbtlaa
النظم يبغى شاعرِِ عنده مجال
ينقحه ويفقّده وينقّده
جالس وحاذف بالعمامه والعقال
يامر وينهى هاجسه مثل ولده
يبني قصور وعرش من نسج الخيال
ويوقّف الدنيا على راحة يده
ياوجد حالي لو سلمت الانشغال
لأطب سوق الشعر وانقى شرّده
مطلع من قصايده المنبريه
#سلمان_بن_عبدالعزيز #الملك_سلمان
#سلمان_الحزم #شعر #قصيد #خواطر
( الكـوكـب التاسع ) على وجـه الفلك
من كثـر ماهو من صـعـودِِ في صـعـود
ما يـرتـفـع فـوق الدول ،، غـيـر الملك:
( سلمان ابـن عـبد العـزيـز ابـن سعود )
#فيصل_الثبيتي
#دعم_فيصل_الثبيتي
يالربع التصويت ينتهي الليله الساعه ١ فالليل
شدو حيلكم بالتصويت والنشر والله يبيض وجه كل اللي صوتو
التصويت عن طريق تصوير الشاشه على هذي الصوره في سناب رائد المدلشي وإضافه الحساب مهمه لقبول التصويت
نامي السلمي :
إن كان فيصل مثل عايض قلتله حظك سعيد
وإن كان فيصل مثل مطلق قلت ليلك ماسرا
فيصل الثبيتي :
اما انت يا عسفان ،، والله ما كماك الا قديد
محدِِ يبا يشبّهك في طـيـبَـه ولا فـ ام القرى
فيصل الثبيتي
إن قامت الفتنه تقول استغفرالله العظيم
وإن نامت الفتنه تشب النـار مابيـن الملا
حامد القارحي
ودك تشب النـار لكن ماجمعت الا الهشيم
يامَكثـر الدخان يافيصل ترا البيـت إمتلا
()
في صبّة الفنجال ماشوفك بخـيـل
دامك ورثت الفعل من جدك وابوك
ماني بـ مـثلك مرّه ومـالـك مـثـيـل
ومن الثقه ،، تنصى رجـالِِ ما نصوك
في واجبي ماآخُذ كثيـر ولا قـلـيـل
وفي واجبك دخلِِ مثل دخل البنوك
انا ليا قهويـت ،، قهويـت الـدخـيـل
وانتـه ليا قهويـت ،، قهويـت الملوك
فيصل الثبيتي
#مسابقة_نجم_المحاورة
اولاً ابارك لزملائي المتأهلين والف مبروك لهم يستاهلون عز الله ورجال قبل يكونون شعراء
والحمدلله على كل حال سواء تأهلت او لا والمكسب الاول معرفة الرياجيل اللي تعرفت عليهم ومعرفة الجمهور وراضي باللي قدمته للنهايه واشكر ربعي عتيبه وجميع من صوت لي من كل القبايل🌹
فيصل الثبيتي
@Faishal2020
المكاسيب الصغيره والمكاسيب الكبيره
كلها والله ماتسوى شي مع كنز القناعه
وصل العطياني
@alotayyani
إعلَم إن الله يحاسب فالقليله والكثيره
ياثبيتي ،، لا تفرط فالصلاه مع الجماعه
١٤٤٣/١٠/٢٦
فـ الوصـف يبقى كل شاعـر له طريقه
لو ان بعض الوصف ،، شي مْن المحال
يتفنن العاشـق ،، بـ توصيـف العشيقه
ومابضلمك فالوصف بس عندي سؤال !
انتي ( خياليه ) على هـيـئـة ( حقيقه )؟
ولا ( حقيقيـه ) على هـيـئـة ( خـيـال )؟
#فيصل_الثبيتي
#شعر
@AliBinHamri
الله على اللي ماتشوف الناس ناس
مزيونـةِِ .. بـ الغـطرسه وبدونـها
ماغير انا و الكحل الاسود و النعاس
اللـي قـدرنا ،، نستبيـح عـيـونـها
#وصل_العطياني
@zafr_frhan
@enadm1
عديت ربعي فالرخا واتعبوني
لقيتهم مُجمل عددهم يهوّل
وعديتهم وقت القسا واذهلوني
لقيتهم زادو عن الرقم الاول
@muteb_1191
أسلافي اللي تقول [الطيب كله لهم]
خالقهم الله [لتاريخ القبيلة ذخر]
وشلون مافخر/وأباهي/وأتعزوى وهم
[الحي يحييك] و [الميت يزيدك فخر]
@zafr_frhan
ترا واحدِِ .. يامن عدوّه ولا يحتاط!
مثل من يشوف البرق وينام فالوادي
عايض العاطفي
المحبه ما على خطها لوحة رجوع
كود لإسرائيل لوحه على خط ضرما!
وصل العطياني
#ولي_العهد_الامير_محمد_بن_سلمان
بلادي فـ الحضاره والتراث ،، اول مقر لـ الدين
إلـهـي جـل شـانــه ،، عــزّهـا عـن بـاقـي البلدان
لباس العـز كـاسـيـهـا ،، من الماضـي ليا ذلحين
من (محمد رسول الله) الى (محمد ولد سلمان)
فيصل الثبيتي
#حبيب_العازمي_العلامه_الفارقه
ماكذب وصل العطياني يوم قال عنه :
إمداحم الشعار بالجنب المتين
مافيه احد يلحق مداه الا مداه
واللي يقول العازمي عزمه يلين
خله يروح إيليّن جبال السراه
تم اختياري ظمن ال١٠ الفايزين فمسابقة سناب عتيبه الرسمي لتكلمة بيت الشاعر سفر الدغيلبي وباقي التوصيت عبر تصوير الشاشه فسناب عتيبه الرسمي اتمنى دعمكم 🌹🌹
مشاركتي رقم ١٠
علّم الضميان لا يرجي مزون الكنّه
لو يلوحنّ البروق ويرزم الرعّادي
.
وإن حصل منها رشاشِِ ما يبل الشنّه
المطر ماهو مطر حتى يسيل الوادي
مطلق الثبيتي الله يرحمه
ينتهي التصويت يوم الاثنين الساعه ٦ مساء
ولا استغني عن دعمكم بالتصويت لتحديد الفائزين وانا محتزم في ربعي عتيبه خاصه وجمهور الشعر عامه
#دعم_فيصل_الثبيتي
#شاعر_القلطة
السلام عليكم ورحمه الله بركاته
اخونا الشاعر فيصل بندر الثبيتي
مشارك في مسابقة وان شاء الله الليله بنطلق حملة الدعم لشاعرنا الذي يمثلنا وهو خير من يمثلنا ارجو المشاركة والدعم على حسابات المسابقة
طريقة الدعم
الدخول على الرابط المرفق :
اختيار الشاعر
@khladmbark505
من عرض قصيده
بس خلف ضلوعي العوج فيه هموم عوج
والمشاعر تختلط بالقساوه والحنان
نوب قسوه بالفعايل وقسوه بالهروج
نوب حكمه فالتصرف وحكمه فاللسان
العقل والقلب بحرين موج يضد موج
فاصلِِ من بينهم برزخٌ لا يبغيان
ودي ان عقلي يوصلني لحد النضوج
قبل لا قلبي يوصلني لحد الجنان
#يوم_العلم
#يوم_العلم_11_مارس
#ارفع_الخفاق_اخضر
#يوم_العلم_السعودي
لي الفخر ولاعاد ادري اعـبّـر عن شـعـوري كيـف !
فـ يـومِِ مـخـتلف جـوّه ،، عـلَـمـنـا رفـرف بـ جـوّه
ترا (شَهادة الإسلام) و (اللون الخضر) و (السيف)
معانـي : لـ (الشريعه والعدل) و (الخير) و (القوه)
فيصل الثبيتي
@zafr_frhan
الليل يغري كل شاعر والشتى ليله طويل
اليا سرا الشاعر مع الهاجوس لا تنشد عنه
بين الحنايا صوت ناس ودق زير ودبك خيل
احيان حربِِ معلنه ،، واحيان ماهي معلنه
حربِِ بلا مدفع ولا بندق ولا سيفِِ صقيل
(الواقع) يحتّم على الشعار (حرب الالسنه)
@majed_almhl
ابيات محاوره لهذا الذيب
@alotayyani
حسبي على اللي قالو الذيب مافيه حسَنه
ماهم بدارين ،، الذيابه على ويش تعَوي
اليا عوا ذيب الجبل يعوي معه عشرين ذيب
والذيب ،، لوّ البدو تعرف قيمته ماتذبحه