يقول عبدالله بن زويبن :
يوم السنين يعجزن المعازيب
ما بالشمال ونجد غير ( الهبنّي)
ويقول سفر الدغيلبي :
ازعجوني بـ تاريخ البطل هذا وهذاك
واثر ماعندهم وابطالهم غير ( الهبنّي )
السؤال هنا .. ماهو الهبنّي ؟
يالربع كل ٍ حساباته يرااجعها
ويهدّي شوي قبل يجيه ماجاني
وقعت فـ اشياء ماكنت متوقعها
بغت تجيب اخبري بس الله انجاني
الجادل اللي تتابعني و اتابعها
وتشكي لي احزانها و اشكي لها احزاني
كانت جميله و معجبني تواضعها
وطلع رفيقي سعد بحسابه الثاني :)
من الضيقه اللي من تولته مايرتاح
تركت البلد و مراجعاته و قروشته
لي ايام و انا بين شويه و بين رماح
اليا شفت لي عرق ٍمطرّف تناوشته
ادوّج واسج الرجل و الاعب المسباح
و اليا دق رقم اللي يبا الهرج طنشته
تقافت سنين العمر كله ووقتي راح
ورى حلمي اللي لا نسيته ولا عشته :)
صدورنا مااهي بـ داااايم رحييبه
ياللي زعلت من الكلام الصحيح إرض
نصمت عن اللي فيه شكّه وووريبه
خبل ٍاليا سمع السوالف دخل عرض
سواااااااااااالفه مااابين نمّه و غيبه
اما شذب عرقووووب ولا هتك عِرض
ونمسح خطاء الطيّب على شان طيبه
ولا الردي لـ اخطاء مسحنا به الارض :)
انا وين ابا القى لي خويٍ يذب الريع ؟
لو انه كذوب ٍ يصرف الحكي من كيسه
ابي ديرة ٍ من دونها الاتصال يضيع
و جو ٍ خلاء تطرق ضلووعي نسانيسه
قلبي من كثر ما هزّه الشوق و التلويع
فقد راحته و اغلب شعوره واحاسيسه
حلالاه لو قلوب بعض العرب لـ البيع
ابا اطق لي قلب ٍ جديد بـ قراطيسه :)
صدورنا مااهي بـ داااايم رحييبه
ياللي زعلت من الكلام الصحيح إرض
نصمت عن اللي فيه شكّه وووريبه
خبل ٍاليا سمع السوالف دخل عرض
سواااااااااااالفه مااابين نمّه و غيبه
اما شذب عرقووووب ولا هتك عِرض
ونمسح خطاء الطيّب على شان طيبه
ولا الردي لـ اخطاء مسحنا به الارض :)
انا مستعد اقضي لزومي بضغطة زر
لكن السلووم و عزة النفس تمنعني
لـ ذالك نويت احط لـ السر كلمة سر
واكاابر لو ان ظرووف الاياام تووجعني
ابا اعيش و انا حر و اموووت وانا حر
ومرد القدر من حيث اخذني يرجعني
من يهين نفسه للمخاليق عاش بـ شر
مصيره يطااوع كل من قال له طعني :)
صدورنا مااهي بـ داااايم رحييبه
ياللي زعلت من الكلام الصحيح إرض
نصمت عن اللي فيه شكّه وووريبه
خبل ٍاليا سمع السوالف دخل عرض
سواااااااااااالفه مااابين نمّه و غيبه
اما شذب عرقووووب ولا هتك عِرض
ونمسح خطاء الطيّب على شان طيبه
ولا الردي لـ اخطاء مسحنا به الارض :)
اللي لها بين الحنايا مدااهيل
ام الجماال مخيبت من رجوها
طرقا لا لدّت بالوساع المظاليل
ياقشر والله حظ من طالعوها
ودي بشوفتها وانا حرص بالحيل
والعالم اللي عندها ضاايقوها
عايدت ابوها قبل كل الرياجيل
و لو لا الحياء عايدتها قبل ابوها :)
لا تحسب الساكت اللي مايسولف سالي
ساكت ٍ من كثر تفكيره و قلّت وجده
خاطره من ضيقة الايام ماهو خالي
الصبر ماعاد فاد و لا لقى له نجده
مونس ٍ فرقاء حبيب و فاقد ٍ له غالي
و الطواري كل يوم تصبّحه و تهجده
جعل ماافاات يتعوّض فـ الزمان التالي
وباقي احلامه تحقق كلها في سجده :)
يالله بـ صبر ٍ مثل صبر المهادي
شطر ٍ لي اكثر من اسبوعين اغنّيه
الـوقـت له مـدّه علي متماادي
ورفيقي المحسوب ضاع الرجاء فيه
قلت احتزم ؟ قال احتزم لـ الثنادي
والظااهر حزامه نشب في ثناديه
رحت ورجعت ولا تحقق مرادي
والاقشر انااديه كنّي ماا انااديه :)
من الضحى وانا عن المجتمع صاد
اخفي طعوون الصدمه اللي تموّت
عفت العرب والدار والنوم والزاد
وقنعت وخياام الهقااوي تطوّت
الفرصه اللي خيرً من الف ميعاد
فااتت وهي مفروض ما تنتفوّت
وامسيت اردد كل مااوحيت نشاد
الله على الايااام وشلون سوّت :)
لي ايام وانا كل ماكتب ثلاث ابيات
يجيني بلا وارجع عليها واكنسلها
واعود على قديمي اللي فالاعجابات
وانسخ كم تغريده قديمه ولا ارسلها
اعاني من التفكير واشعر بـجلد الذات
وحاجات واجد بس ماني بـ قايلها
لا مات الشغف فالادمي كل شي ٍ مات
حتى اغلاء طموحاته مع الوقت يهملها :)
لي صاحبً يعرف خوافي علومي
وبيني وبينه من بنود الوفاء بند
غاب وخذنّه زاهيات الوسومي
فهق الظهور اللّي مقاديمها سند
معها تقول انه موظف حكومي
ماغير يبراها على جيبه اللند
و من بعد كنت اقابله شبه يومي
الحين صرت اكلّمه كل ويكند :)
صدقني ان الزمن ماعاد فكّرت فيه
ولا عااد افكّر بـ حظي جاد ولا بخل
لو كل ما فاتني سقت الحسايف عليه
طلع بـ راسي من التفكير شلقة نخل
يوم اتعب النفس وافكّر لـ بعدين ليه
والموت شغال يشخل فالنشاما شخل
ان زاانت اوضاعنا هذا هو اللي نبيه
وأن كان مازانت الاوضاع مالي دخل :)
اللي يضيق من الخلا لا ترضّاه
النااس جاء فيها غرور و تغلّي
والوقت متغيّر من ادناه لـ اقصاه
ماعاد تلقى الحااجه اللي تسلّي
حتى الرفيق اللي اليا ضقت تنصاه
وينزل على الصعبه نزول المظلّي
ماهو بـ دايم كل الاوقات تلقاه
احيان يمسك له خطيطٍ يولّي :)
استوحش الليل والضايق يدوّر نديم
من السهر ضاقت اخلاقه وحاله فتر
هبت عليه الطواري مع هبوب النسيم
وبغت تحدد مصيره مير ربي ستر
مع انه افنا حياته كلهاا مستقيم
ودايم يصلي النوافل كلها و الوتر
بس الرسوم القديمه و المكان القديم
من مرّها طااح من دمعه ٣ لتر :)
لاقام وقتك يخلط الزين بالشين
حاول مع ظروف الليالي تكيّف
من خلقة الدنيا والاصحاب نوعين
لازم تعرف الاصلي من المزيّف
اصبر ولا تشرح ظروفك على اثنين
راع المصالح و الرفيق الضعيّف
اللي لا سولف في عروض المقفين
يصيب تسبدك من هروجه تليّف :)
واهني الدااله اللي عن التفكير ساج
ما بعد جرّب عنا الوقت من يومه صبي
ولا انا ماغير ادوّر من الضيق الخراج
وكل ليل يزيد همّي و ضيقي و اتعبي
علة ٍ في خااطري ماالقيت لها علااج
من سبب ميلات الاياام ماهي بـ اسببي
من يسلفني سعة بال واخلاق ومزاج
وياخذ الضيقه وياخذ عليها اللي يبي :)
زل نصف الليل و الهم بااقي لا يزال
و ودّي ارقد و الطواري على مرواسها
ضيقة ٍ في خاطري جا لها عدّة ليال
لا بدا نووم الاوادم عطتني رااسها
من صلاة العصر خارج حدود الاتصال
منعزل عن صجّة العاالم و مجلاسها
و كل ما هبت هبوب البراد من الشمال
قمت اعرض صدري المشتحن نسناسها :)
لا تحسب اني خفيّف و انجرف كلّي
واطرد مزوون الظنون و برقها اللايح
عقلي دليلي و اقيس العلم بـ الملّي
ونفسي عزيزه و قدري ماهو بـ طايح
ماامشي مع اللي عن الماجوب متخلّي
لو انّي اقضي حيااتي فـ الخلاء ساايح
أعرف وجه الكفو و أعرف وجه اللّي
يطش وجهه على الجاي وعلى الرايح :)
ماغير الاعب سبحتي في محلّي
والمُلهمه تضرب بالأفكار الافكار
الليل وااالبرد ومدااهيل خلّي
خلتني اخذ لي مع الهم مشوار
و برد الشتاء عادي مصيره يولّي
فتره ونشكي من نكد صيفنا الحار
المشكله برد المشاعر هو اللي
والله ما تنفع معه فروه ولا ناار :)
لي ايام وانا كل ماكتب ثلاث ابيات
يجيني بلا وارجع عليها واكنسلها
واعود على قديمي اللي فالاعجابات
وانسخ كم تغريده قديمه ولا ارسلها
اعاني من التفكير واشعر بـجلد الذات
وحاجات واجد بس ماني بـ قايلها
لا مات الشغف فالادمي كل شي ٍ مات
حتى اغلاء طموحاته مع الوقت يهملها :)
على الطريق المظلم الرايح الجاي
طالت مشاويري و ضاعت سنيني
واليا فهقت النقطه و زان مسراي
لقيت طيفك واقف ٍ يحتريـني
واخذت معه ومع هواجيسي ادواي
ورجعت و أنا مـثّـر الشوق فيني
رحتي و قفيتي و الأقفاي الاقفاي
حسبي على اللي حال بينك و بيني
الصدق ما تعطيك يمناي يسراي
لكن حـظـي
ياضمير ٍفيك من جاير الفرقاء رسوم
و بينك و بين الشقاء مابقا الا فاصله
دام ترهقك الطواري وتسهر كل يوم
لو تدوّر راحة البال مااهي حاصله
ادري انك صاير ٍ ماش وعلومك علوم
والحزن له مدّه يواصلك و تواصله
ومبطي من السجّه اللي تنسيك الهموم
والمزاج الزين و النومه المتواصله :)
اللي يضيق من الخلا لا ترضّاه
النااس جاء فيها غرور و تغلّي
والوقت متغيّر من ادناه لـ اقصاه
ماعاد تلقى الحااجه اللي تسلّي
حتى الرفيق اللي اليا ضقت تنصاه
وينزل على الصعبه نزول المظلّي
ماهو بـ دايم كل الاوقات تلقاه
احيان يمسك له خطيطٍ يولّي :)
انا العاشق اللي حالته ماتبي تشخيص
و يحاول عن الانظار يخفي معااناته
دخل في متاهات الهوى ما معه ترخيص
مع العااشقين اللي على اول بدايااته
تهوّر و ضيّع وقته اللي ماهو برخيص
وهالحين عااف الحب كلّه و لذّاته
طريق المحبّه صار كنّه طريق خريص
من الزحمه اللي فيه ضاقت مساراته :)
من الضحى وانا عن المجتمع صاد
اخفي طعوون الصدمه اللي تموّت
عفت العرب والدار والنوم والزاد
وقنعت وخياام الهقااوي تطوّت
الفرصه اللي خيرً من الف ميعاد
فااتت وهي مفروض ما تنتفوّت
وامسيت اردد كل مااوحيت نشاد
الله على الايااام وشلون سوّت :)
كان وضعي قبل مدّه على احسن مايرام
و احسبني طبت واللي مضى لي سدّني
انشغل و اسج واليا بغيت انام انام
واكثر هروج المحبّه ماعاد تشدّني
لين عرّض ناعس الطرف وأرخى فاللثام
ورحت انا و القلب ما بين أخذني ودنّي
كيف أقاوم جسم طاغي تفاصيل و قوام ؟
وقـدٍ اطرق قادني لــ الغرام و
رفيقي بعد ماشاب دقنك وشاب الراس
وقضيت السنين الماضيه وانت في غفله
تغانم حياتك و ارض نفسك وخل الناس
ترا الرجل يتعب في رضى نفسه اصرف له
اللي ماحسب لك لا تحسبه من الاساس
ولا تحااول تدوّر رضااه و تاسف له
واللي مايوقّف معك فالماقف الحساس
لو تلقااه يـ أشر فـ الخلاء لا توقف له :)
كل ما يستدني الليل ويغيب الشفق
انعزلت وراح حالي مثل حال العراق
و الهموم بساحة الصدر قامت تصتفق
من سببها الخاطر اللي ماعمره ضاق ضاق
اشهد اني لي اسبوعين كنّي في نفق
وانا مااحب المجامل ولا احب النفاق
ياارفيقي كم لنا ؟ ماا قدرنا نتفق
وانت ما دقيت تسأل وانا ماني بـ داق :)
يارب عبدك ضعيف ونفسه امّاره
و ابليس يلعب بها و الغي يغويها
تميل تاره و ترجع لـ السنع تااره
واطيعها مرتين و مرّه اعصيها
يارب عنّي على الوقت وعلى اخطاره
و ان شفتها ما تسااوت لي تسوّيها
واجعلني اسلك طريق الحق واختاره
تكفى يااربي تراني رايح ٍ فيها :)
النوم من تاالي الايام ماااهو تماام
بيني وبينه مشاكل و العلاقه صفر
افكاري اللي توصلني اليا الانفصاام
احسها في دمااغي تشتغل و تحفر
والمشكله ماتجيني غير لاجيت اناام
جاات الطواري على راسي تدور و تفر
من كثر مااطلع مع االافكار رحلة مهام
الحين قبل ماانام اقراء دعاء السفر :)
والله ان بعض المداهيل للعاشق دمار
ذكريات ٍ تشلع القلب و تـكّ النسم
كل ما سجيت عنها ذكرت وجيت مار
ورحت منها دمع عيني مثل وبل الوسم
يتمادى صوبي الضيق و افك الزرار
و اتنهّت و اتذكّر و اهوجس و ابتسم
اقنعي يانفس بالبعد و اللي صار صار
ودي انها تزين لكن ربي ماا قسم :)
ليت قلبي يشبه لـ قلب ابو نوم ٍ ثقيل
اللي لو يشب فـ اطراف ثوبه ما صحى
بس انا من كثر ماني شقي نومي قليل
و الهموم تدور في خاطري دور الرحى
صرت لـ الاحزان ملجى ولـ الضيقه عميل
واتظاهر بـ السعاده وانا حالي محى
وسالفة بـ اعدل النوم هاذي مستحيل
والله يا بعض الليالي ماانام الا الضحى :)
يوم شفته يبا الهجران من دون سبّه
وقام يكثر علي من العتب و يتشرّه
قلت درب الفراق اللي تطرّيه ذبّه
واخذ معك الغلا الباقي بـ خيره وشّره
قال قلبك قسى بعد الوفاء ؟ قلت صبّه
ما بقى في مدااهيله لـ الاشواق جرّه
من طروق الغرام ومن دروب المحبّه
سامح ٍ خاطري ماعاد لي شف مرّه :)
قامت الدنيا تمادى و تعطينا عروض
يالله توفيقك و عفوك وسترك والنجاه
ندري ان العمر محدود والدنيا حظوظ
وثمرتها السيره المستقيمه و الصلااه
وانت ياللي بارق الحزن في عينك ينوض
العرب ما من وراهم لا فقر ولا غنااه
خل في شخصيتك لو شي من الغموض
لاتصير كتاب مفتوووح من مرّه قراه :)
ياجميله صار للوقت ميله وانقلاب
و الليالي قاسيه و المولع في عناء
خافي الله في حبيبك و خفّي فالعتاب
لا تجيبين المشاكل و حنا في غناء
أنا من فتره وحالي مثل حال المصاب
ويني وين الفرح و السعاده و الهناء
مؤنس ٍ فالقلب حرّه وفالكبد التهاب
و الصدر ماهو شمالي ولا هو بـ دهنا
مايخفف
عز الله ان الزمن ماهو على مايرام
من يوم قلّو زحوول الوقت و اكابره
بعض الرياجيل مشغولٍ بطرد الكلام
عساه واللي سواته ينقطع دابره
دايم على نفسه يضوي الفشل والملام
مدري وش اللي على درب الردى جابره
جعله فدا اللي لو اخذ عنه ٢٠ عام
اجيه والقاااه نفسه يوم انا خابره :)
وليفي ترا كثر العتب يقفل الاخلاق
واذا الوقت ماسانع معي ويش اسوي له
اسافر وانا مشتاق وارجع وانا مشتاق
ولا في يدي حيله ولا في يدك حيله
مااغير اتحرى شوفة ٍ تشفي الاعماق
من الهجر وجروح الغرام و غرابيله
خيال الغلا ما يرصده خالد الزعاق
لو انه ركز فووق الحنايا دراابيله :)
يارفيقي خاطري ماش وافكاري شتات
خلني لـ مطاول الليل الاسود والسهر
والله اني ضايق الصدر من كل الجهات
وفاقد النوم الطبيعي لي اكثر من شهر
المداهيل القديمه و بعض الذكريات
اظهرت من عيني الخافي اللي ماظهر
وكان ماالله عاضني فـ الليال المقبلات
مات حلمي قدم عيني ومتّ من القهر :)
ياصاحبي لا تجامل عطني من الاخير
الصدق راعيه دايم ماااعليه من احد
مجامل الناس مثل الكذب حبله قصير
وقعه على المنتظر وقع الشباري و آحد
تحدني للخطاء حد العصاء لـ البعير
واللي سوواتي على درب الخطا ما يحد
عموماً اليوم موعدنا عسى الفال خير
تقول يووم الاحد و اليوم يوم الاحد :)
يا قبلة غرام ٍ مبتداه الليالي ذيك
يوم الحب كل ٍ فيه قد خاض تجربته
لا تلعب عليك ظنونك اني ماعاد اغليك
لا والله غلاك يزيد من سبته لـ سبته
ترا قلبي اللي هاام فيك و تعلق فيك
لو انه يقلطني على الموت ما هبته
اللي حب مثلك مستحيل انه يخليك
لو انه يحط السيف الاملح على رقبته :)
اتركوني لين اميّز واشوف الدرب زين
فالمزاج من التفاكير شي ٍ خرّبه
الفراق وجرح الايام وصدوف السنين
تاخذ الانسان عن عاالمه و تغرّبه
بس ياللي مزعج الناس ومسوي حزين ؟
وانت وجهك واضح ان الحزن ما مرّ به
لا تصنّع فقد غالي ترى الفقدان شين
مايحس بـ لوعة الفقد غير مجرّبه :)
كل ليل الشوق في صدري هذا توقيته
ودّي اسلى منه و الليل الطويل اختصره
بس من شفته يبا الهجران ما رديته
لو تروح ايامي اضوق من مساحة خصره
من يخليني على درب الخطر خلّيته
حتى لو هو معجزة جيله و فتنة عصره
ما بقي شي ٍ من اجل رضاه ما سويته
ان بغاء يرحل بكيفه وان تراجع بصره :)
واهني الدااله اللي عن التفكير سااج
ما بعد جرّب عنا الوقت من يومه صبي
ولا انا ماغير ادوّر من الضيق الخرااج
وكل ليل يزيد همّي و ضيقي و اتعبي
علة ٍ في خااطري مالقيت لها علااج
من سبب ميلات الاياام ماهي بـ اسببي
من يسلفني سعة بال واخلاق ومزاج
وياخذ الضيقه وياخذ عليها اللي يبي :)
يارفيقي فالظروف الهينه والعسره
من قديم الوقت ولا فالزمان التالي
خاطري ماهو زجاجه لجل يسهل كسره
والكلام اللي يردد ما يضيّيق بالي
بس روحك لا تلحقّها ملام وحسره
طنّش الي ما تبيها وانسها طواالي
الرفيق اللي سوواتك مستحيل اخسره
حتى لو تخطي وتزعل والله انك غالي :)
صدري تباين مواري ضيقته من عصير
و اليا سرو عنه ساالين العرب سرّته
دوّامة الذكريات اللي تحوس المرير
يا عنك مااهو معيّن خيير من مرّته
اللي تنوشه يحس بـ وقعها فـ الضمير
و يطلق سبيل الدموع و يطلق ازرّته
ذكرى موادع عشير ٍ ماهو ايّة عشير
امسي على حرّته و اصبح على حرّته :)
غيبي اليا صارت عيون الاوادم عليك
واليا لقيتي مجال ٍ لـ الوصل هيّفيّ
وان كان ماانتي بـ جايه علميني بـ اجيك
نبا نتوااجه ترا فرااقك لعن طيّفيّ
عشان اسمّعك بيت ٍ قلته العام فيك
ومدام راسك يكيّفه الشعر كيّفيّ
احرقني الشوق وانا كل ليل احتريك
مااغير في موتري و مشغل مكيّفيّ :)
ياللي تقول الحظ عيّا لا يطيب
وتحس في ضيقه ونار ٍ لااضيه
اصبر على الدنيا تجيب اللي تجيب
العمر فتره و الليالي مااضيه
وان كان فيك من الزمن شكّه وريب
ونفسك عن اللي صار ماهي رااضيه
لا تنشد مجرّب ولا تنشد طبيب
رح جرّب انت الناس ماهي فاضيه :)
حاول اصحابك يكونون ناس معينين
و دوّر الوافين لو فـ الزمن يا قلّهم
ولا تكثّرهم ترى كثرهم ماهو بـ زين
كثررة الاصحاب يمكن تغيّر دلّهم
حط لـ الفزعه ثلاثه و لـ الخوه اثنين
و إن تعكّر جوّك اسحب عليهم كلّهم :)
النوم من تاالي الايام ماااهو تماام
بيني وبينه مشاااكل و العلاقه صفر
افكاري اللي توصلني اليا الانفصاام
احسها في دمااغي تشتغل و تحفر
والمشكله ماتجيني غير لاجيت اناام
جاات الطواري على راس تدور و تفر
ومن كثر مااطلع مع الافكار رحلة مهام
الحين قبل ماانام اقراء دعاء السفر :)
خلاص ماعاد عندي للمجامل مجال
القلب من جااير الشوق انلعن خيّره
حبك بـ قلبي رغم طول البطا لا يزال
البعد ماغيّره و الهجر ماغيّره
اليا متى والمواصل بين روح وتعال
الاختيارات هذي : جداً محـيّره
عز الله انه صدق راع المثل يوم قال
الواحد اليا بغيت تحيّره خيّره :)
كم لي وانا ارقب مع الايام لحظة وصل
ياللي غيابك مهيب وطلتّك فاخره
الوقت مر و تعدى و اللقى ما حصل
والصبر على آخره و الليل على آخره
وانا من الانتظار الحار مخّي فصل
كنّي انتظر واحد ٍ جاي ٍ على بااخره
على العموم اعتذر ماعادني متصل
و الله يسامحك فالدنيا و فـ الاخره :)
كل مااقبل ظلام الليل قمّت اتهرّب
ودّي اغيب لين الفجر يبدي شعاعه
من سبايب هموم ٍ فالضماير تسرّب
نومتي بـ الكثير ان طولت ربع سااعه
الطواري تغرّب واحد ٍ ماا تغرّب
وفي عيونه يضيق الكون بعد اتساعه
والربع و الجماعه و الرفيق المقرّب
صرت مااجيهم الا في صلاة الجماعه :)
لا عاد تنشدني ورى الخاطر حزين
ان كاان عندك عقل شفني و اعتبر
الفقد يوجع و الغياب احياان شين
ولا تنفع الحيله اليا باااح الصبر
واللي يقول مع الشتاء الخطّر تزين
ما جرّب الفرقاء ولا الحظ الغبر
بدا يطووول الليل و يزيد الحنين
لـ الغايبين اللي ما طقو لي خبر :)
المشكله فالحظ ماهو فـ المزااج
وحظي معرضني على درب الخطر
لو ينعرض والله لـ اعرضه فالحراج
واستبدله لو انه بـ علبة عطر
واقرب دليل انه ماينفع به علاااج
حتى السحااب يمر فوقي ما قطر
ان جيت فالديره اليا الديره عجاج
وان رحت عنها صورو غيم و مطر :)
يا ابو مبسم ثلجي وخد كما المنديل
ووصفِ لو اسهب فيه محدٍ مصدقني
عيونك من البصره وقلبك من اسرائيل
و طيفك تعلّق في خيااالي و علّقني
مواري فراقك في محياك صبح وليل
دخيلك تعلمني قبل لا تفارقني
اعرف الفراق وسطوته مثل عزرائيل
ماغير اتحرى له متى بس يزرقني :)
رفيقي ترا كثر المجامل يغث و شين
وأنا أشوفك تجامل ونفسك مضيعها
يمكن بالمجامل تقنع العالم الصاحين
لكن العقول الناقصه كيف تـقنعها ؟
أنا كنت مثلك ضايع الفكر بين و بين
لين ان اغلب الاصحاب بانت روابعها
و من العااام و أنا طايح ٍ في نظام ٍ زين
لا شفت العلااقه ما تناسب لي اقطعها :)
المعاريف الثقيله تميّل بـ المتون
كان متنك سلم منها احمد الله واشكره
وان تجمّل فيك احد لا تجي منّه و دون
اي معروف ٍ يجي واجبه لا تذخره
الجمايل مثلها مثل تسديد الديون
لا حصل لك فرصة ٍ سدد اللي تقدره
جحدت المعروف عند النشاما ماتهون
والردي لا اخذ لزومه عطا الناس ظهره :)
ليت قلبي يشبه لـ قلب ابو نوم ٍ ثقيل
اللي لو يشب فـ اطراف ثوبه ما صحى
بس انا من كثر ماني شقي نومي قليل
و الهموم تدور في خاطري دور الرحى
صرت لـ الاحزان ملجى ولـ الضيقه عميل
واتظاهر بـ السعاده وانا حالي محى
وسالفة بـ اعدل النوم هاذي مستحيل
والله يا بعض الليالي ماانام الا الضحى :)
لي ايام وانا معلن الصدّه عن الكلّ
واليا شفت لي جو ٍ خلاوي تنطحته
اجامل وانا نفسي شقيه و ضغطي فلّ
و صابر و سرّي لـ المخاليق ما بحته
اثر صدق مجروح المعاليق ماله حلّ
لو جاامل تواارت دمعة العين و فضحته
لا وردت عليه هموم الايام دق وجلّ
تروح الفجوج الواسعه وسع مسبحته :)
اتركوني لين اميّز واشوف الدرب زين
فالمزاج من التفاكير شي ٍ خرّبه
الفراق وجرح الايام وصدوف السنين
تاخذ الانسان عن عاالمه و تغرّبه
بس ياللي مزعج الناس ومسوي حزين
وانت وجهك واضح ان الحزن ما مرّ به
لا تصنّع فقد غالي ترى الفقدان شين
مايحس بـ لوعة الفقد غير مجرّبه :)
لا عاد تنشدني ورى الخاطر حزين
ان كاان عندك عقل شفني و اعتبر
الفقد يوجع و الغياب احياان شين
ولا تنفع الحيله اليا باااح الصبر
واللي يقول مع الشتاء الخطّر تزين
ما جرّب الفرقاء ولا الحظ الغبر
بدا يطووول الليل و يزيد الحنين
لـ الغايبين اللي ما طقو لي خبر :)
انا مستعد اقضي لزومي بضغطة زر
لكن السلووم و عزة النفس تمنعني
لـ ذالك نويت احط لـ السر كلمة سر
واكاابر لو ان ظرووف الاياام تووجعني
ابا اعيش و انا حر و اموووت وانا حر
ومرد القدر من حيث اخذني يرجعني
من يهين نفسه للمخاليق عاش بـ شر
مصيره يطااوع كل من قال له طعني :)
صديقي الاعتراف الصادق من الضمير
تراه مثل اللقى اللي بعد طول البطاء
مدري وش اقول لاكن اسمع من الاخير
ان كنت مقفي زعل جعله مراح القطاء
وآنكان عينك تشوف الدرب منت بـ ضرير
تراي اجيد النقاش وعندي اخذ وعطاء
لاكن اليا خربت اخلاقي مااحب استشير
امشي على اللي بـ راسي صح ولا خطاء :)
عسى الله يرزقني روقان بعض الناس
على شاان اركّز زين و اخلّص اشغاالي
لكن البلاء صدري حجازي وانا حسااس
واليا خربت اخلااقي تضاايقت طوالي
اعاف المدينه كلها واكره المجلااس
و اجنّب عن زحام العرب واجلس لحالي
عز الله من اول خاطري مايعرف الياس
ولا جات فيه المشكله غير من تالي :)
رفيقي لا تعاتبني على التقصير والاهمال
ترا الانسان مايسلم من الاهمال والتقصير
اجامل لك واقول بخير يوم تقول كيف الحال
وهاذي عادتي من قال كيف الحال قلت بخير
انا من واقعي مصدوم والدنيا غثاها ماال
على قلبي و قلبي ما معه تامين ضد الغير :)
الخاطر المشحون له كم من يوم
فيه الفرح محدود والضيق صااعد
من كثر مايستقبل احزان و هموم
يمكن ضلوعه عن بعضها تبااعد
وزوداً عليها جدول النوم معدوم
شفني من المغرب اليا الحين قاعد
حتى الحبوب اللي تساعد على النوم
اخذتها لكن عيّت تسااعد :)
اشهد ان الضيق في خاطري ماله حدود
يالله بـ صبرٍ يجمّل بعد حاالي برى
اتصدد و اتذرّى عن عيون الحسود
واتظاهر بـ السعااده ولا حياً درى
كل تالي يوم اوقّع مع الضيقه عقود
و اخذ مع الهم سجّه و بيع و مشترى
ودّي اني حزّة عصير اغيب عن الوجود
ما اتبيّن غير من طلعة الشمس و ورى :)
حافظ على دينك وجوّد مبااديك
وخلّك صبور و خل صدرك شمالي
والناس لا تكثر عليهم شكاااويك
ماافيه احد صدره من الهم خالي
ان طحت حطو فيك شي ٍ ماهو فيك
لو انك اللي كنت طيّب و غااالي
واليا سلم راسك وطابت مساعيك
اول مايحسدك الرفيق المواالي :)
الاجتماع احيان شر و وجع راس
والعزله افضل وانت شف وجهتك وين
لا تقرب العاالم اليا صرت حساااس
القرب من بعض الاواادم مااهو زين
خلك بعيد و عش حيااتك على اساس
ما تبتلش مع بعض الاشخاص بعدين
قلته وانا لا زلت مع معظم الناااس
مطبق ٍ وضع التبااعد اليا الحين :)
والله ما ناقصنا ظروف و ضغوطات
لكن من جور الزمن ماا نعااني
صدورنا لـ الضيق صندوق امانات
وعيوننا لـ الحزن مثل المواني
نحب و نوادع ونسهر واخذ هات
و نمشّي الغلطاات بـ العمر فااني
و ماجاب فينا العيد غير التلفاات
اللي يجي بعد الودااع بـ ثواني :)
يالشاعر اللي تشتكي جور الايام
وعلى ما فاتك من حياتك توجّد
ريّح ملايكة القريحه و الالهام
وخل القصيد وسيرته واسمع الجد
باقي من اياااام الشهر تسعه ايام
حااااااول تقضيها قيام وتهجّد
وبعد رمضان ارسل على الخاص والعام
و اكتب و غن و مجّد اللي تمجّد :)
فكري اللي ماعمره هام في كل وادي
لا لقى فكرة الابداع اخذها بـ يدها
مايبي له ونيس ولا يبي جو هاادي
متعايش مع ظروف الحياه و نكدها
والتجارب تعلّم كل من كان غاادي
طبعها تخبر الرجال لو ماا نشدها
صارت تمرني صكّات الايام عادي
كل صكّه تعلمني عن اللي بعدها :)