اكتر شي مبسوطة منو الفترة دي ، اني مالية وقتي بالتطوع في وقف المياة ، دا غير الدعوات اللي بنسمعها من الناس ونحن واقفين في الحر بنوزع و الأطفال اللي بجو يعلقو عليك ويمشو والدعم النفسي من المتطوعين 💙، ربنا يتقبلها مننا ويجعلها في ميزان حسناتنا 💙💙.
مقولة بابا : ( العالم اكتفى من الناس الفارغين ، انا بعمل كل اللي في يدي وقدر القدرة الفيني عشان تطلعو ناس نافعين للمجتمع ) . يارب تقدرني وأكون عند حسن ظنو بي 💜💜.
لحد هسه انا ما مقتنعة ب موضوع العشرة والسنين والعيش والملح،، انا مقتنعة بفكرة انو في شخص" أصيل " وشخص "قليل أصل "… قليل الأصل دا لو قعدت تقدم ليهو تضحيات على مدى سنين طويلة ما بغير فيهو . ف غالباً العيش والملح مكانهم المطبخ ما العلاقات .
ما قادره أصدق اني بشوف قدامي نتيجة تعبي السنه الفاتت والسنة دي . ما قادرة أصدق انو بكره ح أكون حققت أول هدف لي في حياتي فيكون نقطة بداية لبقية أهدافي .
- باي السودان 🫀❤️.
- كل ما ازعل او اتضايق او أحس اني في فترة صعبة ، بتجي علي الآية " لا يُكلفُ اللهُ نَفَسًا الا وُسْعَهَا لهَا ما كَسَبَتْ وعَلَيْهَا مَا اكْتَسَبَتْ " وحقيقي ربنا م بحمل الأنسان أمر غير للكتف اللي بقدر يشيلها ❤️❤️.
الشعب السوداني الموجود في تويتر مريييضضضض ، *الا من رحِم ربي* ، بالجد الله يشفيكم ويهون عليكم ويديكم موضوع تعملوهو في حياتكم 😂😂.
" كان المُتكلم مجنون يبقى المستمع عاقل "
وما سويتو شي غير مثلتو نفسكم 🤷🏻♀️.
@LeWildOssaa
كل وحدة جميلة بطريقتها الخاصة يا بنات 💗، مافي مقاييس للجمال ، ولا نخرة صغيرة ولا كبيرة ، ولا في شكل محدد للجسم عشان يكون حلو ، انتو كلكم حلوات وتجننو 💗
@A7md_TeXas
ربنا قال " وقل اعملوا فسيرى الله عملكم " نحن علينا السعي م إدراك النتيجة . والرزق ما بعتمد على مهنة معينة + ربنا يوفقو ويديهو على قدر نيتو 🙏
الليلة طلعنا انا وماما نجيب حاجات البيت ل رمضان ، وكل السودانين اللي بلاقونا بسلمو علينا ويباركو الشهر الفضيل كأننا بنعرف بعض ، حسيت اني وسط اهلي محل أمشي و اننا بالجد شعب طيب وما نستاهل الا كُل خير والله ❤️