دمعتي قامت تسابقني على- : محرابي !
وقام منها يعتنق صدري “ شعور التايب “
الصدوف الي تقابلني وتطرق بابي
لاتجيب الغايبه خلها تجيب الغايب
في وجيه ظروف بقعاء ما ابرد من اعصابي
عقب صرت اعاين الدنيا ب نضرة شايب
من كثر مانيب يآئس من رجوع أحبابي
ناوي اصلّي على أحبابي صلاة الغااايب : )
ودك ظروف الليااالي لا بغييت تخاوي
تشخل الاصحاب حتى تظهرلك الزبده
احرق العود ويبين الهندي من الجاوي
وان لقيت المرقب النايد تمثنه وابده : )
والله ان بعض العرب مثل البعير الثاوي
مايجي له في الزمن لا رمحه ولا هبده
لا اندعى في لازمة ربعه ماغير يراوي
وان هرج في سالفه كنه محمّد عبده
مساري الليل .. تغزل في خيوط الظلام
والأرض يسحب لها وجه القمر ضيحته
وأنا مثل من وصل عمره ثلاثين عام
والقلب مثل الصغيّر فوق مرجيحْته
مراحل العمر نبت وتاليته أنصرام
له يوم تلحى الذواري سدره وشيحته
من مغريات الليالي والفتن والأثام
الحصن تكبيرة المؤمن وتسبيحته
يابحر لاتطوي أمواجك
ديون الجمايل ماتجي في يدين بخيل
تمره (معاريف النشاما) بدون حساب
بعضها على الرجال حملً يهد الحيل
ولها باب من دونه علينا مسد الباب
طريق المراجل عسر دربه على ما قيل
وفعول النشاما بعضها تملك الارقاب
وانا خابرً بطن الردي مثل بطن السيل
تروح الجمايل فيه كنها مساحب داب : )
ياوديع الأرض والنسناس وأنسام الطواري
أحتجى بك نور فـ وشاحه دجا الليل يتوارا
كل ما فكيّت . . بيبان القصيد الأعتباري
أطلسيات القصايد .. في جنابك ما تجارا
يالنديم اللي صرم رجواي من حر أنتظاري
في محيّا وجهه . .الطاهر . . قبالٍ ما يمارا
لو ما يدرا شيمتي .. ويحط قيمة لـ أعتباري
-
أدنى ما ياثر بنا وأدنى ما يملا الصدور
تقول الايام تطلب من حدانا قضاء
احياناً الصمت ( للتعبير منفذ عبور )
، لا هو " علامة زعل ولا علامة رضاء "
خلّو ( يتيم المشاعر يستفيض الشعور )
ضلوع صدره على مشهاب جمر الغضا
تقول زحل وعطارد فوق صدره تدور
لامن صدره فضاء عوّد “ مجرّة فضاء “
ندْ الأنسام : يجتاح الضلوع المحاني
مثل ما أجتاح جيش الفرس جيش المثنّا
عاد حنّا علينا من الليالي ! نعاني
وانتم الي عليكم ( ردّو العلم عنّا )
يقبس من الحشا ملح الرصاص العماني
ونتمنى ولا فاد التمني مهنا
يوم شفت : ( المنايا تحول دون الاماني ) !
صرت شخص اتمنى .. اني ما عاد اتمنى ؟
بنت اميرً في ذرا العود مطغيها الغرور
فرّعت ، مجدولهاا واكحلت عين الثقه
انتلالة عنق وهيام بطن وعين حور
واشقرٍ كنه مثل بشت امير المنطقه
في تنهض صدرها يلعب الابداع دور
مهرتين سباق في وسط ساحه مغلقه
ردفها النابي مثل شط ابو خمسة شهور
وخصرها اللي ققلتين وشبر بطن اسلقه : (
اثر الهوى في عيون المهتوي سم داب
وادنى ما يجفل منه قولة هلا مرحبا
احيان برقه مطر واحيان برقه عذاب
وعلايمه في مثاني رجم كل أشهبا
مرّت ليال المحّبٌة غشنةً من سحاب
وهبّّت نسايم وراحت شعرةً من ظبا
الطف من النود واقسى من ضياح السراب
واوهن من السلك، واعظم من ممالك سبا
ماحد يشذب المقفي من الباب لـ الطاقه
لاصارت محاويشه من الطيب نوب ونوب
فلا عذربوك اللي سوالفهم ادقاقه
هذا حوفك :سنافي :وقرم :وتسد النوب
ترى اللي عن الحروه يعوّد على الساقه
ماحد يلتفت يمه ليا من بدى الماجوب
بس الطيّب اللي يعجب العين ملحااقه
هو اللي تراه معرّض لـ شذبة العرقووب :(
@Alrayapoet
سعوديّة المصمك ويا أغلى صحاري نجد
( خزاين كرمها ) في ( سبيل العطى ) مليا
نغني لها بـ أسم الوطن سارعي للمجد
وهي سارعت للعز ، والمجد ، والعليا
#شاعر_الراية
تيممت وجهي وأستقم يمّة المحراب
لو يخالف الوجهه من يخالف الوجهه
ياشين الهقاوي عاد لا عرضتك الباب
وركايب ضنونك مقفيهْ ماهي بوجهَهْ
تغيّر مع الأيام وجه اكثر الأصحاب
ولا عاد تدري رفقته وين متجهه
ليا صار وجهه ينقلب مثل سِلب الداب
أنا ويش أبا في الرفقة اللي مثل وجهه؟
-
الشاعر الي ما غييير يردد أبياته
ضلوع صدره حقيبه دبلوماسيّه
.. أزرا لا يلحـق ” تنّهاته تنهاته ”
من قو ما يمشي بسرعه جنونيه
قامت صدوف الزمن تنسف طموحاته
تقوول : معها عليه “ صكوك شرعيّه “
اليا ذكر ( طارق زياد وفتوحاته )
يشوف الاياّم : منتهية صلاحيه
حقوق الرجال تصان والعنصريه عيب
ما نشره على اللي مجتمعهم خرز قانه
جمعكم هوان النفس ياشلة التخريب
بس الاسم ماادري ليه مجهول عنوانه
حسب وضع جيناتك حواليك شك وريب
تجي مرّه .. [ فلان ] وتجي مرّه [ فلانه ]
لاتطلق لسانك في قفا الناس خلك ذيب
ترا الـ …….وهو …….. مااطول من لسانه
ما سبّك ردي الرابعه غير من طيبك
رخومً تدرّج هرج الأقفاي فـ ألسنها
ولكنّ لو تكرهك لا يمكن تعيبك
كراهية الطيّب مع الناس ديدنها
لا هذرى بك المسكين خلّه يهذري بك
عيال الخدوش خدوش ما احدً درا عنها
يقولون لي سبّك وأكل من عراقيبك
وانا اقول جعله عافيه يوم أكل منها :)
غشى الولف قلبً من جفى الغايبين محيم
مثل يوم يسبح في النداء لـ النواامي عرق
سقى نبت قاع عروق قلبي غزال الريم
ورعى به غرام اللي طرقني غرامه طرق
ليا ارخى عباته نوتن فكت من الغيم
على لبةٍ فيها جلست استخيل البرق
اذا اقبل حشا بطنه يشابه بطون الهيم
واذاادبر وراه تقول قافيه خشم العرق
سفر رمحنا الفاري سفر سيفنا شامان
هو اللي ينومس فـ المواقيف مطلاعه
وقف دون ميقاف القبيلة حصان رهان
من اللي يحسب حقوقنا توخذ طماعه
اذا صار وقت مواجهه وأحتمى الميدان
شف أخصاامه يحطون الأعذااار شماعه
هذا اللي ردع روس الأعادي عن العتبان
وصار اسمه المعروف للنااس أبو رداعه
هالتتويج العظيم من شاعر بحجم عبدالله بن عون لايأتي جزافاً
سفر فيه وقفاتً تخلد لنا الافعال
تهز الخصيم ليا اعترض له مخاصمته
بعد غاب مستور العصيمي وابن هذال
ورشيد الزلامي ، من يساهم مساهمته
هو اللي بعدهم داقمً شوكة العيال
بعد غابو الاثنين .. بانت مقاومته : (
حنّا موااااقفنا ! ماهيب الّا على : دححم الجنوب
في ، معضله ولا ، لزوم صعبٍ ولا / ، أمرٍ مهم : )
( فن الخِطابه ) ندرسه من ( مدلهمّات الخطوب )
.. ما ناْااقف الا : يوم تشتدّ " الخطوب وتدلهمّ “
الصمت موحش وانا بين الضجر والذهول
حملت نفس المفارق فوق ما لاتطاق
صدري مثل ليل مدبح والطواري سدول
بين [ انتفاض المشاعر ] والضلوع الرقاق
الكون مدري علامه ضاق بي عرض+طول
عاد المصيبه جو الشاعر ليا ؛ ضاق ضاق
سؤال من [تجربة واقع] ودافع فضوول !
اكثر [ دموع السماء ] ولا دموع الفرااق ؟
تناظم نجوم الليل كنها خرز مسباح
وفي خيط الافكار اسحب الليل بنجومه
فصيح اللسان احيان مايقبل الافصاح
ومن يلومه اليا باح سده من يلومه
ماتخفي عيون المهتوي سدها لا باح
علومه تبين بدون تنشد عن علومه
دليل الهوى في عينه ابين من المضواح
مضواحً رمو به في حجى راس مزمومه
اثر كثر المدارى على الحاجه ضعافه .!
ولا تليق الضعافه على مثلي وشرواي
وانا من كثر ما نيب حتى البخل اعافه
مشرع باب صدري مابين اقبال واقفاي
خطاطيرً ( ن ) تقلّط على قل الكلافه
لامن امداولات الليالي جابت اقصاي
يا جعلك للمعزه يا [ مدهال الضيافه]
لو اسبر بابك القى هذا رايح هذا جاي
الردى داخل عروق اللاش ينفث سمه
اتركه من حيث يمشي مع عروقه يلدغ
مير منهاج الرجوله لا بغيت اتمّه
خل قلبك حي ماهو مثل قلب الافدغ
المراجل تعشق الها قرم حارً دمه
ماتبا الي قلبه من الدغدغ ليا الدغدغ
لو حاربوني من جميع النوااحي ..!
ما تثني عزووم الرياااجيل عزمي ..!
.. الصبر زندي " والتوكّل سلاحي"
ما اطرد ورا راع الحضور الكاريزمي..!
.. اعداء النجاح الي تحارب كفاحي ..!
.. لالٍ على ( بطون الجراهيد ) يزمي..!
اليا بغيت اضحك على أعداء نجاحي
.. ذكرتّهم في وصفهم - بيت حزمي ..!
الخيـال اللي علـى الديره نصب همّاله
منه كم وادي يسيل وكم شعيبً ماشي
ترقب اعلومه عسوس البدو والوباّله
أهل البر والبداوه ماهم اهل الطاشي
نطلب الله منشي ثقال المزن ونساله
من خزاين ماه في علو الخيال الناشي
يالله بمزنً على طهـران ردم اخياله
مامعه غير ابرديً كبر راس الحاشي :(
لنا واقعه مشهوره وفعلها مشهور
تسجل وتكتب جنب باقي فعايلنا
علينا تطبق بيت فيصل ولد منصور
نهار الجمووع اربع مـيّه واربعه حنّا
شواهد موثقها الزمن قبلنا بعصور
ولاهي ب حاجة قول رد الخبر عنا
فعولن تبشرر ردّة البل على المقهور
نهار اخذت البل واحتماها اربعه منا
@aprvip
تعريفين:
مدغم
الحب مثل العباده وآنفس المؤمنين
أشرّها مانفر وأخيرها ماستمر
بن جدلان
الحب سيسان العباده والعباده بالجهر
إن ماقدرت تقولها وجه الصحيح يقولها
ترى الثقة فـ الرجل تعطيه طابع لحال
بضرب مثل باختصار وكلمة من الاخير
اقصر عزومك عن الممكن ويصبح محال
واتعب على الحاجه اللي ما تصير وتصير
الناس من طبعها ما هيب تعطي مجال
دايم ترَى انه صغير اللي يرىَ انه صغير
عشان يكبر مقامك في عيوون الرجال
لازم تحاول تجي في عين نفسك كبير
اثر كثر المدارى على الحاجه ضعافه
ولاتليق الضعافه على مثلي وشرواي
وانا من كثر ما نيب حتى البخل اعافه
مشرع باب الاضلاع بين اقبال واقفاي
خطاطيرً تقلط على قل الكلافه
لامن مداولات الليالي جابت اقصاي
يا جعلك للمعزه يا [ مدهال الضيافه ]
لو اسبر بابك القى هذا رايح هذا جاي
يا خليلي معك ما للصبر عاده
اتودّد لو تعشّا القلب ،، بدّه
-
الفؤاد اللي هوى لك من شداده
بعد مكه ، ما هوى الا لـ المودّه
-
ما يطوف الا ب سلسال القلاده
والسعي بين الثنين اللي تردّه (:
-
مد خلّك بالسقايه و الرفاده
قبل عزرائيل في قبره يمدّه
اجرام شعري 😂
@fa_otaib
#اليوم_الوطني_السعودي90
شاارفت تحت ذراااهم على ميّة سنه : )
🇸🇦🇸🇦🇸🇦🇸🇦
هي خدينة [ قمّة المجد ] هي [ فصل الخطاب ]
هي [ حديث الفعل ] ، ماهي ، [ حديث الالسنه ]
النقاد في المحاوره ثلاثة انواع
١ - ناقد اراد النقاش والتطوير وهذا النقد البناء ، والنقد البناء يكون بنية تصحيح المسار ، وتبيين مواضع الجمال والرداءة بأيطار ادبي
٢- ناقد متصيد للهفوات وهذا النقد الهادم الذي يشير الى ( الرداءة ) فقط
٣- ناقد سطحي لايفقه شيء
ملاكمة جديدة🤞
تركي العطاوي:
تحسبن الاوادم تشبهك ي الشاعر المجنون
خلقك الله ب منطق عاقل وميزات مجنونه
فارس السميري:
مصيبة كان ما تدرون واعظم كانكم تدرون
يوم ان الله خلق سوّاكم ب نيات ملعونه
انا حصاني تراه يزود مع زود المسافات
اريعّه في لزومي ب العنان و بالشكيمه
حبيّب العازمي
مع زحمة الناس ياراع الحصان حصانك ايات
لا زلت ادور على رجال ما ادور بهيمه
سفر الدغيلبي
القطبين 👏🏻
الله ولارزقً يجي بالبخاشيش
ماياكل البخشيش كود الخمامي
رزقً حلال وتنقشه بالمناقيش
أخير من رزقً كثير وحرامي
نبينا المختار عايش على ويش!
على حصير وحبت شعير نامي
لو تنفع الدنيا كثير المحاويش
ما مات اخو نوره رفيع المقامي
معلا بن مشعان المغيري
ولابو نايف البيت المشهور
( الله من العيّلات وانا ولد روق )
ي ليتنا من باب جده رجعنا
مانيب لا معلا .. ولا انته .. بمرزوق
حنا اسمنا اللي في النشايب وقعنا
@JrashM
محابيسً خذتها الهقاوي للحسافه
اداريها عن الطيحه الي تفرح أعداي
مثل ما طاح في قررطبه عرش الخلافه
وتنافر شعب بغداد مع موت ابو عداي
واثر كثر المدارى على الحاجه ضعافه
ولا تليق الضعافه على مثلي وشرواي
أنا
مطاف اوله صدّة وعزلة وراحة بال
قبل سوره تصير الكوارث وتجتاحه
@vv_851
تكاليف جهد الحلم ما ترهق الرجّاال
ولا يقبل التامين حلمه ولا افراحه
@algoos_a
وكنز القناعة لو تبيعه ما جاب ريال
ليا صبت راس الطير مارفرف جناحه
مدهل المضياح جعله مايجيه السافي
يبطي الهمال من فوقه ما كف اشناقه
لين ياتيها من صدوق الحيا هتافي
كل مضياحً طفاح وورقه وعملاقه
والحقيقه كلمةً تستوجب الانصافي
من يعذرب فالبل اعلاقه وابوه اعلاقه
في عهد جدان اهلنا ماضي الاسلافي
ما يساق الاحمرين الا لكسب الناقه
#خلف_بن_هذال شااعر عظيم ، ويعٌتبر مدرسه شعريه متكامله ونموذجيه لان مسيرته وتجربته الشعريه حافله وثريه بالحصاد المثمر وقصائده وافيه في الاغراض الشعريه التي كتبها
بـ ( اختصار لن يتكرر شاعر بحجم خلف )
المجتمع عودت ترقص شياطينه
فتنه عليها عقول الناس منضمره
عندي سوالن بسيط وسهل تضمينه
من يدرك اجابته يدرك بصعب امره
وش بعدها ساعة القابض على دينه
مثل ما قال النبي قابض على جمره
شقير الجذع يقول👇
ماذكر خلً قتل بالهوا خله
وان نفذ قتلي على يدك كفني
لفني في سمطة البرقع الهله
حطني بين النهيدين وادفني
في ذرا واحد وواحد تحت ضله
لين عطفك ياشقر الراس يشملني
في جبينك حطني والشعر هله
ذرني به ياحبيبي وضللني
وكمبيوترحبنا برمجه كله
دقني بارقام الادخال وادخلني ؛)