عملت اتفاق انا و ابني ١١ سنة… في كل مشوار بالعربية كل واحد يسمع التاني اغانية … هو يسمعني الجديدة و الغريب (اللي في منه جميل قوي علي فكرة) انا بسمعه شوية كلاسك روك علي شوية اغاني عربي قديمة… sharing is caring
مرسي مطروح هي آخر مكان علي الساحل ممكن الناس تصيف فيه … ارجوكم سيبوا للناس حاجة مش ممكن نهم المحرومين و سماسرة الأراضي ده …بلاش انسانيا لان كلنا عارفين ان الكلمة ماتت من زمان … بس حتي سياسيا ده غلط كبير و بجد خطر جدا جدا علي السلام الاجتماعي … يا رب حد يسمع 😔
هل يختلف كلام الشيخ "الدكتور " مبروك عطية عن كلام طالبان؟ كزوج مسلم لست غير محجبة و اب لبنت غير محجبة مطلوب مني ايه علشان اضمن سلامتهم… و ايه الاسلوب المنحط ده في الكلام و الاشارة باليد كناية عن العضو الذكري للرجل و الذبح …ازاي وصلنا للمستوي ده …لو ده مش تحريض يبقي ايه التحريض
فيلم غير مصري و علي منصة خاصة بفلوس و غير مصرية و متصنف للكبار … و علشان تشوفه لازم تختاره من بين افلام كتير و بكامل ارادتك … طب ايه؟ … بجد فين المشكلة 🤔🤔
"حتي لا ننس" فعلا انتم اللي بتقولوا كده … طب حتي لا ننسي الدولار كان ب ٨ بقي ب ٥٠ … حتي لا ننسي كان عندنا مضيق مهم علي البحر الاحمر اتباع ،.. حتي لا ننسي كان عندنا اتفاقية لنهر النيل بتحمي حصة مصر اتهانت … للأسف الأمثلة كتير و كلها مهينة و محبطة ..عموما تأكد أننا لن ننسي
جراج يقامً علي ضفة النيل امام حديقة المسلة بالزمالك. هيكون تحته محلات. لسه في اتنين كمان بنفس الصورة هيقاموا ما بين الجراج ده و الماريوت. محلات، كافيهات جراجات
بمناسبة Netflix و العبث الحالي ….احنا مش المفروض و حتي لو عايزين مش حنقدر نتحكم في اولادنا…احنا الحاجة الوحيدة اللي نقدر نعملها اننا نحبهم و نعرفهم اننا بنحبهم …و الباقي كله تفصيل … و شكرا
📌 كشف تحقيق استقصائي، أجرته منظمة التحقيق "Public Eye" السويسرية بالتعاون مع شبكة العمل الدولية لأغذية الأطفال (IBFAN)، عن قيام #شركة_نستله للصناعات الغذائية بإضافة السكر والعسل إلى حليب الأطفال (نيدو) ومنتجات الحبوب (سيريلاك) التي تبيعها في دول في #أفريقيا و #آسيا و
محطة مترو الزمالك اللي كان عايش فيها ام كلثوم و عبدالحليم و عبدالوهاب و غيرهم من العظماء … اسمها … "صفاء حجازي" مع كامل الاحترام لها و لكل حبايبها بس هي ايه انجازتها جنب العمالقة دول … للاسف زمن عجيب بجد و كمان للاسف كل ده مقصود 😔
كنت بستغرب جدا من الناس اللي كانت بتهلل لعبد الناصر وهو بيلغي الاحزاب وبيذبح القضاء وبيمس باستقلال الازهر وبيأميم الشركات وبيخرب الزاعة وبيدخل معرك وهمية الخ ...وده كله لاقتناعهم التام ان البلد كده ماشية في الطريق الصحيح ...لحد ما عشت التجربة لايف في الكام سنة اللي فاتوا
الله يرحمك يا #بليغ_حمدي كان هدفه يوصل الموسيقي لكل الناس … كان دائما يقول "الغناء للغناء" … يعني هو بيلحن علشان كل الناس تعرف تغني معاه من غير تعقيد ولا فزلكة … موسيقي صادقة ترشق في القلب بدون استئذان … لروحك السلام يا عمي العزيز 🙏
لما تكون غضبان من شركة النت زي حالاتي ساعات .. بلاش تفرغ غضبك علي ��دمة العملاء … معظمهم غلابة زيك و مش قصدين ينكدوا عليك… و صدقني لو كلمته باحترام هيعمل كل اللي يقدر عليه علشان يحل مشكلتك … أنا عميل فودافون من أيام ما كان "كليك " والموضوع عمره ما خيب معايا…بالتوفيق للجميع 🙏
انا عن نفسي مستحيل اتبرع لاي مؤسسة خيرية من غير ما تكون بتنشر ميزانيتها كل كام شهر ع العلن …جابت كام و صرفت كام في ايه و اجور العاملين ايه و كده … المشكلة ان فكرة المحاسبة في مصر فكرة خطر جدا …
مصر اللي اعرفها ... كل يوم بينقص منها حته ... الشوارع اللي بحبها ب��تبهدل... و الأماكن اللي بروحها بتتغير... و الأصدقاء اللي كانوا معايا في المدرسة معظمهم هاجر ... و الفن اللي بعشقه بقي مسخ... و التطبيل بقي اهم من شهادة الدكتوراة ... و الأهم ان الجهل بقي اُسلوب حياة
أنا حابب أشكر الفنان الجميل "هاني جمال"
@Art_HanyGamal
على التمثال الرائع ده… حقيقي تسلم إيدك وشكراً إنك حققت حلم كنت عايز أعمله لعمي "بليغ" من زمان… الله يرحمك يا عمي العزيز ويا رب يكون عجبك وتكون فرحان بيه زيي 🙏🙏💚
يعني انتم متخلين العشوائيات ممكن تنتج موسيقي عاملة ازاي ... لا بجد حد فكر كده ؟... الفصول الأربعة لڤيڤالدي مثلا ؟! ... الموسيقي بتكون زي الصوت المصاحب " الاوديو تراك" لشكل للمباني و الشوارع و ثقافة و حياة الناس ... بس كده ...
مصر حتبقي دولة سياحية عظيمة لما الدولة تهتم بالمواطن الاول … مرور محترم… مواصلات و خدمات عامة … جناين و اماكن عامة جميلة و نظيفة الخ … ساعتها السايح حيحب يشاركنا فرحتنا .. دلوقتي السايح بيجي مصر و كأنه في مهمة انتحارية يزور كام اثر قديم او معزول في شاطي و يجري تاني علي بلده
حسب كلام راجل موسسة " الأورمان" مصر مفهاش غلابة ... فأنا ك مواطن في يوم من الأيام اتبرعت لك علشان خاطر الغلابة ف من حقي ارفع عليك قضية علشان اعرف انت وديت الفلوس فين ؟
فكرة ان الدولة تقيم الناس حسب مستواهم الاجتماعي و تسيب لده و تاخد من ده …دي جريمة في حق الانسانية و الدستور … من اهم مبادء اي دولة الموساة بين الجميع و عدم التفرقة علي اساس طبقي او ديني او عرقي … مرحلة ما بعد العبث
عموما من ساعت من وعيت علي الدنيا و معظم (إذا مكنش كل ) الميداليات الأولمبية اللي كسبنها كانت بسسب الموهبة الفذة للاعب/لاعبة و مش بسبب فلسفة المنظومة الرياضية ..
يعني انت عايز تقنعني ان الحكومة العبقرية في الاقتصاد اللي قدرت تبني العاصمة الجديدة من غير ما تكلف الدولة مليم واحد و كل ده في سنين معدودة … هي نفس الحكومة اللي فشلت في كل المشاريع الاقتصادية اللي عملتها لدرجة انها استلفت من طوب الارض و كل ده برده في سنيين معدودة 🤔
طريق القري /الساحلي بعد ما تخلص طريق الضبعة في اتجاة مرسي مطروح حاجة لا توصف… انا و الله مش لاقي لفظ ممكن يوصف حالة الطريق والاهمال الرهيب (لدرجة الجريمة) بسلامة الناس😔
لازم مرة احكيلكم لما رحت لبنان و صديقي اللبناني خدني كبارية مشهور و بالصدفة اتغنت اغنية "زي العسل" و فتن قالهم اني قريب بليغ حمدي … يا لهوي علي اللي حصل 🙈… بجد اللبنانيين دول احلي ناس تسهر و تنبسط معاهم … و حقيقي هيفضل بليغ ملك للبهجة و الانبساط 💚
"تعتيم جميع الطرق الرئيسية و الصحراوية " انت متخيل كمية الحوادث اللي ممكن تحصل … انت متخيل ان ده المفروض بيحط خارطة الطريق للشعب … اطالب بالكشف عن قواه العقلية 🤔