Мен дунё даражасидаги университетларда ўқисин, деб уч қизимни (!!) Туркияга олиб келганман. Шу учун оилам уч йилдан бери мусофирчиликда. Ҳозир улар шундай ўқув даргоҳларида ўқишяпти, алҳамдулиллаҳ. Бундай қилишни менга диним - ислом буюрган.
Шайх Муҳаммад Содиқ Муҳаммад Юсуф раҳимаҳуллоҳнинг китобларини ўқиб турасизларми? Соф исломни, дин мақсадларини ва тўғри яшашни ўрганмоқчи бўлсангиз албатта ўқинг! Ҳамма китобларини ўқинг!
Ҳижобсиз бир қиз шайх Ғаззолийнинг хоналарига кирди. Буни кўрган бир йигит ғазабнок ҳолда: "Бу ифлос нега келибди?" деб сўради.
Шайх шундай жавоб қилдилар: "Табиб касални қабул қилади, соғломни эмас!".
#Стоп_исламофобия
АҚШнинг Стенфорд университети саудиялик кимё фанлари доктори Нажло Радодийни 2022-йил жаҳонда энг кучли таъсирга эга 2% олимлар рўйхатига киритди. Академик олима Нажло дунё илмий муассасаларининг кўплаб нуфузли даража ва тақдирларига муносиб кўрилган.
Ёш АйТишникларни битта арабча нашид учун 5 йиллаб қамаш тизимли йўлга тушгандай. Ақлли, ғайратли ва уйғоқ ёшлар учун зимдан ов кетаётгандай.
Мустамлакачиларгина орзу қиладиган мақсад: давлат ва миллат келажаги йўқ қилинмоқда. Бу фикр ваҳима маҳсули эмас...
Твиттерни элита ва ақллилар жойи дейишади. Лекин бу ернинг муқимлари калондимоғ ва сўконғич туюлаверади. Шу сабаб твиттерга кўниколмайман. Мен ақлли эмас ва баланд дорга осилганман шекилли.😅
Тушкун пайтингиз қарор қилманг, келажак режангиз тузманг ва атрофга муносабатда бўлманг. Бироз вақт ўтиб кайфиятингиз кўтарилади ва биринчи жумлада айтганларимга амал қилганингиз учун хурсанд бўласиз.
Кайфиятни ўзгартириш учун энг зўр таъсир чораси - Аллоҳнинг зикридир.
Твиттерга жуда хавотир билан кираман. Ва чиқаётганимда кайфиятим 0 бўлади. Бегона фикрлар ва калондимоғ ёзувлар ичра ўзимни ғариб сезаман унда. Бир-икки кўнгилдошларнинг твитлари ҳам тасалли бера олмайди.
Шунинг учун унга хафталаб кирмайман.
Мен "тўйни катта қилиш мусибатимиз" ёки "ош миллатимиз бошидаги тош" деб нолиб юрмайман.
Тўртта тўй қилдим, ҳаммаси кичик кафеда, 200 дан кам одамга. Ошларга эса шунчаки бормай қўя қоламан.
Осмон узилиб ерга тушмаяпти.
Сизларнинг тилингизда айтай: Дин реформага муҳтож эмас. Мусулмон ва унинг исломни ўз ҳаётига татбиқ қилиши реформага муҳтож.
Тараққиёт эса сизнинг монополиянгиз эмас. Ислом татбиқи тўғри бўлган пайтда биз цивилизация чўққисида бўлганмиз. Тўғри қилсак, уни яна забт эта оламиз.
Қуръон ўқиётганингизда ўйлаб кўринг: Сизнинг оғзингиздан чиқаётган калималар, севимли Пайғамбаримиз соллаллоҳу алайҳи ва салламнинг ҳам оғизларидан худди шундай чиққан.
Буни ўйлаш инсонга сурур бағишлайди.
Аёлини рашкдан ўлдирган кишига муносабатимиз ва фикримиз йўқ. Чунки бу тўғрида динимиз таълимоти бор. Диннинг қатъий ҳукми бор жойда биз фикр бермаймиз.
Исломнинг бу тўғридаги ҳукмлари қуйидагича:
1. Хоҳ эркак, хоҳ аёл бўлсин, бошқа жонни ўлдириши қатъий ҳаром ва гуноҳи кабира.
Қизларимга доим айтганман: сизлар ўқиб кучли олим бўлишинглар керак. Дин ва ватанга хизмат қилишинглар лозим, деб.
Ҳар ой янги (қўшимча) китоблар олишади ва тугатишади. Оилавий бюджетнинг сезиларли қисми китобларга сарф бўлади. Психология, тарих ва жамиятшуносликка қизиқишади.
Ғарб маданияти кўпхотинликка қарши, аммо юзлаб зинога рухсат беради. Кўпхотинликни жазолайди. Аммо баччавозликни ҳимоя қилади. Улар ислом диёрларини кузатиб туришади. Бу диёрлардан бирор к��ши Муҳаммад (с.а.в.)га таъна ва масхара қилиб қолса, уни қўллаб унга бағирларини очишади.
Аъробийдан сўрашди: “Охири замонда эканимизни қандай биламиз?” У: “Ҳақни сўзловчи киши сўзи учун товон тўлаганда ва ёлғон гувоҳлик берувчи киши сўзи учун ҳақ олган вақтда”, деди.
Шайх Муҳаммад Ҳасан Деду
Кибр жуда ҳунук иш-да. Унинг ҳунуклигини ҳунук сўзлар билан ифодаласам маъзур тутасиз:
Ҳасан Басрий раҳимаҳуллоҳ айтадилар: "Сийдик йўлидан икки марта чиққан одамзот нега кибр қилади?!".
Яъни, у бир марта эркак ва иккинчи марта аёл сийдик йўлидан чиқади.
Имом Бухорий ҳадисдан далил олишга жуда ҳам устамон бўлганлар. "Аёллар хусусида тавсия" бобида "Ким Аллоҳ ва охират кунига иймон келтирса, қўшнисига озор бермасин" ҳадисини зикр қиладилар ва: "Хотининг сенинг энг муҳим қўшнинг. Шундай экан унга озор берма", дейдилар.
17.09.2016
Ким мусулмонларга қарши сўзлашда тилига эрк берса ва айбларини кавласa, ўлим чоғида Аллоҳ уни шаҳодат калимасини айтишдан тутиб қолади.
Ибн Жавзий раҳимаҳуллоҳ, "Баҳруд-думуъ" китобидан
Афғонистонда қизларни олий таълим олишдан маҳрум қилингани ҳақида ўқиб қоляпман. У ердан келаётган хабарлар ва уларнинг талқини тўғрилиги ҳақида шубҳага борсам-да, қизларни таълимдан маҳрум қилиш динимиз руҳияти ва таълимотига асло тўғри келмаслигини таъкидламоқчиман.
1+1=3 bo’ladi. Matematika va uning qonunlariga tupirib qo’yganman. Bu mening ilmim.
(Shaxsiy tuporello fikrlarim uchun ming bor uzr)
Rahmatillo Isroilov
Гуноҳнинг бошланиши қийин бўлади. Кейин осонлашади. Сўнг уни оқлаш бошланади. Охири унга кўникади. Энди ёқа бошлайди. Ва ниҳоят қалбга муҳр урилади.
Шу даражага етгач, кейин қалб бошқа гуноҳ излай бошлайди.
Айман Ёғий
У ҳозирда Саудия Арабистони Тоййиба университети кимё факультетида дарс беради. "Саратон ўсимталарини даволаш" мавзуида докторлик ишини ҳимоя қилган.
У Раббига итоат қилди, иффат ва муҳташамлигини сақлади, оиласи ва мамлакати обрўсини кўтарди. Муслима аёллар фахрланадиган намуна
Илмий изланишларга кўра, шиллиқурт узлуксиз уч йил ухлаши мумкин экан. Бу жуда ажиб ҳолат-а?
Аммо бундан ҳам ажойиби, беш йиллаб ухлайдиган кишилар бор. Сўнг улар уйғонадилар-да, халқдан ўзларини яна беш йилга сайлашини сўрашади. Қайта уйқуга қайтишлари учун..
15.11.2017
Мен оддий инсонлар борлигига ишонмайман. Балки ҳар бир инсон истеъдодли, деб ҳисоблайман. Уларнинг оддий бўлиб қолиш сабаби, ўзларидаги истеъдодни кашф қилишдан ғафлатда эканларидир. Улар ўзлари ўзларини адаштирадилар. Ўзларини изланиш машаққати ва синаш меҳнатига ундамайдилар.
Олдимга жуда катта мақсад ва марралар қўйиб хато қилдим. Тўғри уларнинг ўндан бирига эришиб, кўп нарса қўлга киритган бўлсам-да, доимий зўриқиш, ўзидан норозилик ва узлуксиз қониқмаслик ҳолдан тойдирди.