لا تضيق وينتثر دمعك وأنا فوق البسيطه
أذخره لا سمّعوك اسمي وأنا قدني تحتها
- صالح النشيرا
لا تخافين — المفارق من يديني
اليدين اللي تحبك — ما تخوّف
- مزيد الوسمي
وش تحفظون لـ هالمبدعين ؟
تعرف ان البدو فيهم طبيعه وانت ما يخفاك
يموت الرجل ما تنساق رجله لـ المقفيني
وانا يمكني افعل كل حاجه في سبيل رضاك
لكني ( مستحييييل ) اقول ( تكفى لا تخليني )
-
@aprvip
أناظر فـ السما وأقول يارب السما والقاع
عسى اللي صار تكفيرة ذنوب وفاتحة توبه
غريبه كيف راودك الندم يا بنادم الطمّاع
يا دوب النفس نالت ما تبي والقلب يا دوبه
- بدر بن ذنبوح
@alajmibdr
الشاعر نايف العطاوي كان في رحلة سفر ولما عاد الى الوطن حصل والدته مسافره قال :
راجع من أقصى الارض بـ الشوق محدود
أسابق اللهفه : غمامه ——— غمامه
جيت الوطن وأثر الوطن — غير موجود
الله يرجع لي —— الوطن بـ السلامه
" نص جديد "
تدري أن أجمل ألاشجار شجرة هلك !!
-
بسأل مساعد ربيّع سؤالٍ وحيد ؟
كيف : بالله سيف العشق مايقتلك
تجلّى أبو بندر في هاللقاء وهذا النص 👏🏻
@JamalBander
المشاعر بين حرب المواجه والرجوع
لا تزال أبرز علاماتها ——— تأنيبها
والحياة بلا ملامح صلاة بلا خشوع
ما تحس بْها على كثر ما تشقي بها
- عبدالعزيز العبلان |
@azizalablan
ما أغاض منها الشامتين إلا جمال الشامتين
اللي حداها عن حداها — فارقه ومعبّره
- صالح النشيرا
الليله أللي ما يطرقها مهب النسيم
وتفقد تعاليلها — أنتي تعالي لها
- سهيل الميموني
أنا معاك أتذكر الأيام — وأنساها معاك
يا قربك لقلبي وضيقة خاطري يا بعدها
أجمل ثلاث ليال فـ ليال العمر ليلة لقاك
والليله اللي قبلها — والليله اللي بعدها :)
- بدر بندر
أشوف الصخور اللي تبارق واقول الماس
وأقول العريش ان قاله الله غدا فله
قطعت الامل من حاجةٍ في يدين الناس
عقدت الامل في حاجةٍ في يدين الله
- مبخوت المري
خطييييييير 🔥
ماشاورت خيرة ولا حبّت افصاح
وخبّت ملامح وجه هجْر وتجافي
راحت وخلّت كل هادي ومرتاح
يستشعر ان العشق ماكان صافي
كانت هداياها جمادات بـ ارواح
وصارت غياهب وانتحار ومنافي
لا السبحة تسلي ولا العطر فوّاح
ولا الرسمة تعبر ولا البشت دافي
أجعل أسمك فـ المقام الاولي وأصنع مصيره
يوم تقسيم الفعول ويوم ترتيب الاسامي
حتى فـ الدين الصفوف الاوله غير الاخيره
الاجر يفرق ليا صليت - فـ الصف الامامي
- خالد بن طفلان 👏🏻
ناسٍ تعيش تحلل الناس .. تحليل
كن البشر .. ( متقدمين لـ وظيفه )
ورفيقنا في شانه نحط ونشيييل
معنا يشوف ان الثقيله خفيفه
من كثر ما نرفع مقامه عن الميل
( يحس كنه فوق الامه خليفه )
-
@7shar_a
شاعر من أسرة شعر 👏🏻👏🏻👏🏻
دامه حكى فـ ظهرك —— خله لأنه جبان
لو فيه —— ذرة شجاعه ما حكى فـ ظهرك
جلس مع اللي جلس معهم فـ نفس المكان
مجموعة أشخاص يجمعهم ردى مشترك
- فهد بن شويمي |
@bn_Shwimy
قصيدة فـ الشهم المتبرع بكليته لوجه الله تعالى
عبدالرحمن بن محمد الودعاني الدوسري
يوم عانى فيصل أمن المرض وأمن الظروف
والفشل في كلاه عجزت الأطباء عن دواه
جيت جعل الله يجازيك دانية القطوف
والله ما غيرك يوقف ويفعل ذا السواه
ما يجارونك كرام اليماني والكفوف
بالعطاء وانت اللي
من اجمل ما قيل فـ البرق :
برقه على كبد .. السما لا فلجها
طلسم طبيبٍ كاتبٍ وصفة علاج
- سعد بن جدلان
كن صوت رعّاد غيمه صوت طياره
وكن بارقه فـ السماء توقيع متردد
-
@MBnradah
اكتشفت مصطلح ( نجد ) كفيل بـ كرت التأهل
- مزيد ( سقاك يا نجد من ربي بكور السحاب )
واخذ الكرت ✅
- مسهوج الدوح ( يا نجد علّي ليا طوّل غيابي منك مسموح )
- العنود الواصليه ( يا نجد ماني غريبه لو شعوري غريب )
#شاعر_الراية
والله أني في محيا - وجهك الطاهر - أماري
وكل زين يمرني — عقبك أمره وأتعدّا
في محطات العمر ما كنت من ضمن أختياري
القدر جابك - وأنا ممنون - للأقدار جدّا
الغايب الحاضر :
- حمد ابن الذيب |
@Abn__Altheeb
صرت مثل اللي بنى بيته على درب الطراقي
ما يمرّ الهم لين يحفر في مركاي ( كوعه )
أبتسم ما كنّي اللي من شقى - الايام شاقي
وأبتسامات الحزين أشدّ و أقسى من دموعه
- عويّد النجود |
@owaid_123
من ما قالوا الشعار عن القصيد في بداياته :
كرهت أصحاب عرّفني عليهم عنفوان الطيش
مثل ما يكره الشاعر قصيده —— في بداياته
- محمد الذيابي
صورتكْ كنها —— قصيده في بداياتي
أعتز — فيها ولا ني — قادر أنشرها
- حمد ابن الذيب
ما حسدت المطر على مكان النزول
لين بلّل جدايلها وهي ضاحكه
كانت كفوفنا ملامح مْن الذهول
مدري كفوف و الا ارواح متشابكه
جعل غيمٍ يفرّح خاطرك ما يزول
و جعل كل الليالي فيك متباركه
- شاعر المطر |
@Nmnaa7y
رحت اغني من بعدك .. اسمحي لي يـ الغرام
ما سمعته غير .. مرّه ورحت اردده
القصيده كلها جميله سلاسه تركيبه قوه ابدع جداً 👏🏻
هنا تقتنع ان المسابقات الشعريه ليس مقياس 🙏🏻
" تجاعيد الزمن " ..
واقصى مراحل الادمي في المُعاناة
اليا تحاشى صورته في المرآيه
- سعود الرساسمه
مادريت أن الزمان يتعبث في وجيه
لين ما دققت في صورتي بعد وقبل
- خالد بن طفلان
تجلى القمر في سطح مترامية الاطراف
واخذني معه في عالمه رحلة سياحه
بداية طريق ومرحلة شعر واسم وقاف
وليلً ينور في سماء الكون مصباحه
جذبني وجيت ارسل رسالة واحط اهداف
وادخل في قلوب الناس قبل ادخل الساحه
عسى ماني بمخطي ضريبة ولا مزهاف
على شان احصّل بعد كثر التعب راحه
تمآدت خطاي
أحضن رضاك وأستعذب معاذيرك
كل موعد لعينك ما تأخرته
مالي مْن الدروب إلا مشاويرك
أنت مكتوب و أقداري مسخرته
من عرفتك و قلبي زاهد بـغيرك
مثل من يزهد بـدنياه لآخرته
" اللسان " ..
القلب يكسرهْ اللسان ولا تجبرهْ اليدين
ماهوب عظمٍ كل يومٍ تكسره وتجبرّه
- صالح النشيرا ):
يشّن حرب — وينزع القوه لسان
مع أنه أضعف قوه من الايادي
- محمد الرفيدي العجمي ):
" مرثيه "
ترفق في خفوقٍ ما يمل الضيقه وبالهون
على موقٍ لو البل تارده ما نشفت مايه
يقولون الدموع تنقص الرجال ما يدرون !
لو ( الطيب عدوي ) عيني لـ فرقاه بكايه
- الرزحان مبارك
كنت ابتسم وافرح وانا ماتكلّمت
لـ الطاري اللي .. هامته ما توطّى
ياوجهٍ آغوتك الظروف ، وتلثّمت
مثل السنا اللي بالسحاب يتغطّى
الذكريات آمرّها بعدك بـ صمت
كنّي . . على أعتاب القبور آتوطّى
البارحة .. ذكرتك ، وما تبسّمت
يبدو علي إني " بديت " آتخطّى
قسى الوقت حتى الضحكه اللي لها تأثير
سرقها مثل ما تسرق العين حلو النوم
عسى الله ما يجعل طمعتي في حقوق الغير
لو اعيش باق العمر كله وانا محرووووم
حريصٍ على الواجب جزوعٍ من التقصير
بعيدٍ من الظالم قريبٍ من المظلوم
-
@jaber_nshera
شاعر جداً 👏🏻
يا صاحبي هقوتك فينا لا يمكن تخيب
اضرب بنا الكايده ونجيب ناموسها
حنا ربينا على فزعه وجزعه وطيب
روسٍ تصادم كبار الروس وتروسها
تطيب الايام .. ولا جعلها ما تطيب
الطيب في روسنا ماهوب في روسها
- مطلق البعاج
مافي شي — الا لحقهْ قصور
حتى السنين التاليات قصار
تقول — الارض من الاوادم بور
ماهو على شان — القبور كثار
اللي دفناهم — بدون قبور
أكثر من الموتى بـ تسع أعشار
- يوسف العصيمي
برنامج سيء الى الان في نظري لا لجنه صح ولا يستحق ان يكون لجنه منهم الا مشعل الزعبي ولا قناه ناقله عليها الكلام برنامج تسع شهور يعني النهائي على السنه الجديده 🙏🏻
تخيل ان اللجنه حمود بن وهقه يقول لـ عمر الودعاني ابعد من الحشو وهو من حقق كرت التأهل 😅
اللي عرفته كل ما صدري يشين
دم أكثر الناس أثقل مْن الزبادي
-
ماهيْ بـ الأوراق وتواقيع وأسمين
الكمبياله كمبياله مبادي
محمد بندرمن عيال بندر الغنامي أسره شعريه و متجدده تعشق الافكار البكر يعني لك أن تتخيل مصطلح زبادي كل يوم تشوفه بس ماطرا فـ بالك الواحد ماله جدّا إلا أنه يصفق 👏🏻
بين عسرين المواقف وذربين المقال
لا تجي مثل الهزيمه بـ وجه المشتكي
مافتحنا المجلس الا لـ جزلين الفعال
وكل شغموم لـ جور الليالي مرتكي
وش تبي بالكلمه الناقصه يابن الحلال
ومنطقٍ يشره عليه الغبي قبل الذكي
ماينزّل قيمة الرجل فـ عيون الرجال
غير طرّاد العذارى و طرّاد الحكي
- عابر
يا ربي إليك المشتكى ياعليم الحال
أنا عبدك اللي نفسي معذبّه نفسي
من التيه ما أخشى كثر ما أخشى من الأهمال
أحاتي غدي وأبكي على ذاهبات أمسي
فوادي وعقلي بينهم كل يوم قْتال
من الفتكْ كنّه بين ذبياني وعبسي
من الفانيه ماأريد شهره ولاأبغى مال
أبي رحمتك لاصرت تحت الثرى منسي
- سعود مهدي
دقة الوصف لا يجيدها الا شعار سبيع
البيت هذا مغرم فيه لا أبعد درجه :
أستماته ، خوف ، رهبه ، ضما ، تشتيت ، جوع
غيرها أشيا لو أعرف ——— اسمها سميتها
- مطلق بن شويه 👏🏻
" اللامبالاه عند مشاري الغنيم " ..
لوّح وأخذ راحتك تلويحة أيدينك
ما تجرح أنسان متعوّد على الفرقا
-
جفيت غالين واجد ما توقف عليك
من يوم ربي خلقني - والجفا لعبتي
لا تعدّت حاجة الطيّب يدين الكرام
صدّ منها لا تهيّت من يدين الردي
- عويّد النجود
كم حاجةٍ ارخصتها لـ اجل مبداي
راحت وانا بتطيح كبدي عليها
- محسن ال فطيس
كبرت العزيز اللي لا دار الزمان ومال
تنازل عن احلامه على شان مقداره
- عساف ابو ثنين
كم من سليم شكله معافى .. وتفكيره معاق
يمشي على البيداء برجلينه و عقله في يده
- المختلف جداً
@S_h5111
اليكم هذا العمل المذهل من اللي لاجاء منه الابداع ما نستغربه 👏🏻
عطاها من قريّب يقول بندر بن سرور 😅
الابيات من عرض قصيده لـ الشاعر دسمان بن مناحي السبيعي وهو اللي يقول :
من أسرف فـ الغلا لا بدّ في يومٍ من الايام
تدور بْه الدواير لين - يسرف فـ الكراهيّه
لك الشكر ولك الذكر ولك الفضل ولك المنّه
وأنا عبدٍ من هموم الحياه لـ رحمتك جالي
ياربي طالبك .. لا جيت بين النار والجنّه
تحاسبني بعفوك ماتحاسبني على أعمالي
⠀⠀⠀⠀⠀⠀⠀⠀
- محمد المسعري |
@ms3ry
لا تطوّل الموضوع ولسانك قصير
ولا تنفعل لا صار .. مالك فعااااايل
وان طعتني لا تركب ( حصان و بعير )
شكلك ( غلط ) على ظهور الاصايل
- العذب جداً (
@al3tibybader
)
نساير الوقت لكن لا أحتزم نحتزم
شفنا تدور الليال وثوبنا - ثوبنا
مرّت بنا أيام لو مرّت قليل العزم
ما شال قلبه كثر ما شالت قلوبنا
- بدر بندر |
@al3tibybader
وصل الكلام .. آخر حدود الميانة
واللي تعثر قام واللي .. قسى حنّ
مافيه احد ، يستاهل انّك عشانه
تعيش راجي فضل وتموت ممتنّ
تقدر ترجّع ، ( كلّ شيّ ) بـ مكانه
بسّ المسير لـ وين والخطوة لـ منّ
لا خانك اللي كنت خوفه وأمانه
بـ يخونك التعبير ويخونك الظنّ
-
@imoh656
بما أن مصطلح السقوط متجلّي :
هو أخر اللي بقى ماطاح من عيني
وأخاف يسقط سقوط ملوك غرناطه
- عايض العاطفي
حيث أنه أول شخص يسقط من عيوني مرتين
وانا عيوني من سقط منهاماعاد تعبّره
- صالح النشيرا
مستحيل ترجع الدنيا مكانة شخص غالي
ساعة أنه طاح من عيني مثل ساعة وفاته
- عويّد النجود
مطارد الأحلام يبغى وسع بال
وشلون نحكي لك ومن وين نبدا ؟
.
صديقي الحالم ترى بعض الآمال
تحوّلك من كائنًا حرّ.. عبدا
.
لا تصير حاجة فارقة صير رجّال
المرجله من كل رغباتك أبدى
.
الركض خلف ( الصيت والمجد والمال )
يخلّي الرجال من غير مبدا
- جمال بندر
وش الغلا لو مابه اقفاي واقبال
ومكابرٍ يِنسف مع اول مواجه
وصغيّرٍ مالك على ابوه مدخال
رغم انك اكثر من يقدّر نتاجه
انا دخيل صخيّف العود لا مال
العايج اللي مايعرف العواجه
اما يبشرني عن العهد لازال
ولا يخليني قريب انفراجه
الناس ماخلت من الهرج مثقال
حتى بعد وصلت لعنق الزجاجه
كلٍ