لا تتهمني ، بـ شي انا مالي شغل فيه
اما اسمع اللي بـ اقوله .. ولا لا تتهم
لو اللي وسط القلوب بينقراء فالوجيه
يمدي عرفت انك اغلا وانك ابدى واهم
علمتك اللي ورى قلبي ، وقلبي نزيه
��دقتني زين .. ما صدقتني ما يهم !
لايضيق صدرك الهم .. يالصدر الرحب
الصعب يبقى صعب ، لين ما تتساهله
واعتبر هذي النصيحه نصيحه من مُحب
التجاهل .. هو علاج القلوب الجاهله
حب من يستاهل الحب ولا لا تحب
لا تسلم قلبك انسان .. ما يستاهله !
لاتضيق / إن شنّـوا الحرب أعداء النجاح
دايم الفاشـل .. يحـارب "نجاح الآخرين"
.
من حسد مايهتني من يراقب ما استراح
من بلا خلق الله بـ / يُبـتلى لو بعد حين .
العين تحكي وحكي العين من غير صوت
تاخذ حكي الانفس المتكتمه .. و تحكيه
علمتك ان المحبه .. تمرض وما تموت
و انك الوحيد اللي افتقده واحبه وابيه
حكيت .. واخر محطات الكلام السكوت
إذا ما حسيت بإحساسي من يحس فيه؟
تخطي واطوّف خطاياك برحابة صدر
ولو انها جات من غيرك .. ما طوفتها
ابيك تدري واذا ما كنت تدري فـ أدر
انك ظلمت المحبه .. واني انصفتها
وان غلطتك واضحه مثل وضوح البدر
وتقول لي شفتها ؟ واقول ما شفتها !
اللي من الداخل مبعثر ومهزوز
ما يمتلك صبر ، وقرار ، وعزيمه
كل ن يرى انه صح حتى الارقوز
يرى انه يقدم ( رسالة عظيمه )
يا مكبر الهقوه ترى كلش يجوز
لا تحسب ان كل النوايا سليمه
ص�� الهزيمه ما تقارن مع الفوز
بس التعادل افضل من الهزيمه !
العمر عدّة مراحل / و الاصعب مرحله
تجعل الإنسان قطعة ورق و الوقت ريح
طحت؟ وقف والعوض فالسنين المقبله
القوافل لو توّقف .. وقف صوت النبيح
يضحكون الناس لا طحت؟ وين المشكله
ما أنت بأول من يوقف ولا اخر من يطيح.
ما مت فيك ، الا عشان أعيش
قلبي ، ما هو لعبه .! لا تلعبّه
وتروح بشويش وتجي بشويش
مع الأسف .. صار الجفا هبّه
اسف وسامحني وما اعرف إيش
ما هي .. دوا قلبي ، ولا طبّه ..
ماقلت لي ، زعلان مني ليش !؟
على الأقل ، اعرف وش السبّه !