واخيراً بعد غياب دام سنة ، نزلت حاجة جديدة ..
اتمنى انها تعجبكم وتكون في مستوى أقوى وأفضل من السابقات ، والقادم حيكون افضل اكيد .
#أين_انتِ ؟
اكيد نبي رايكم ودعمكم هذا شئ مهم جداً ليا ومسيرتي ..
ان شاء الله تعجبكم ، استمتعوا ..
#شَتِيت
#ريتويت
أتمنى من الي حضروا الْيوم ينفوا الكلام الي منتشر على الشوسال ميديا الي هو كان في شباب وفِي خمور وكلام كذب ثاني وحنتخد اجراء قانوني ضد الصفحة عاجل بنغازي الأصلية وحناخد حق كل وحدة المهم صبوا معايا وماتخافوش انا مش خايفة لاني عارفة شنو درت كويس والحمدلله كان في صبايا كبار حتى
1/3
مفش جريمة ومفش مخالفات يعني مفش قضية والحمدلله افرجوا عن شباب الكافي الا قيس الهمالي فقط لأسباب غير معروفة ، وحنسعوا ان يطلع حتى هو وشكراً لكل شخص كتب كلمة حق فينا وفِي الشباب ربي في الوجود وصاحب الحق مايخافش #كلنا_كازا #مدنية_وإن_طال_النضال
يوم الليبين الْيوم ماشاء الله مبروك التأهل للمراحل النهائية
@FuadGritli
congratulations 🎊
@omarkikhia
@Moeflyzone
🇱🇾🙌🏼
We all proud of you Wallahi ❤️
•فرحتوا قلوب 6 مليون ليبي •
في وقت الشرطي المرور مامش لشغلة ، كان في حد عنده ضمير وداره مكانه ..
شاب ليبي من شوية في مفترق شارع فينسيا وفي عز الصقع والمطر ، والضي الطافي وهو حافي القدمين ويمشي في طريق ، ياريتهم كلهم يكونوا زيك راه مش هذا حالنا وتصفيقة كبيره لك ولك احترامي وتقديري 👏🏼
#ليبيا #بنغازي
سَدُوْس الجهمي، صحفية ليبية مستقلة
وصانعة أفلام وثائقية. يهدف فيلمها
الوثائقي القادم "ســجانة " لتسليط الضوء على موظفات الحرس الجامعي، لكسر القوالب النمطية لمن يمكنهم شغل هذه الأدوار #قرار1325 🇱🇾🇬🇧
"احلى بوست شفته اليوم "
أظُـن بأنّ الحُـروبَ هي منْ تُـظِـهرُ الأخـلاقَ
الحقيقيةَ للإنسانْ !.
فليّـحمد الله كُـل منْ سَـلِم النّـاسُ منْ لسانه طيّـلة هذه الحربْ و لـمْ يؤذ جاراً أو صديقاً أو قريباً بسبب رأيّـه السيّـاسي فـالحربْ تنتهي و تَـبقى الكَـلِمـاتُ و الأفْـعال !
مُتفقين ام مخُتلفين فكلنا ليبيين ❤️🇱🇾
منذ لحظات امام ساحة المحكمة رمز الثورة ، وجودي في هذا المكان اعاد الي اجمل ذكريات عشّتها ، اتمنى في يوم ترجع المحبة والاخوة والوحدة التي كنا بها مند عشرة سنوات
#ثورة17فبراير #عيدالثورة #الذكرى_العاشرة #ليبيا #بنغازي #طرابلس #وحدة_وطنية
فرحانة بالنتيجة والتقدم الي يصير معايا يوم عن يوم ، الفروسية قعدت جزء كبير جداً مني رياضة كنت نحلم نلعبها مش بس نحترفها والحمدلله وصلت ل80c بجد فخورة جداً لنفسي والاكثر اني نلهم في بنات اخرى معايا
#فارسة #ليبيا #بنغازي #قفز_حواجز #خيل #فارسات_ليبيا 🐎
مقمعزة في كافي ونشتغل جاني راجل كبير هو ومراة كبيرة فرنسيين قالولي جملة بالفرنسي ما فهمتش ، بعدها المراة قالتها ليا بالاجنبي " محلاك كيف جميلة " انهرت من اللقطة وصنعت يومي ، حتى لو نعرف الشي هذا بس الكلمة الطيبة صدقة وكيف ممكن الشخص يحتاج يسمعها حتى لو هو يعرفها 🤍
بكرا الاحد هو موعد اخلاء سبيل #شباب_كافي_كازا اتمنى كلنا ندعولهم وندعموهم ونمشولهم لأن غداً هو لحظة مصيرية في حقهم وحق كل شخص كان مشارك معانا في #تجمع_بنات_التويتر
هذا وقتنا انّ نتكاتفوا ونكونوا واحد في الحق ضد الباطل والكذب والتلفيق ، قضيتنا قعدت تمس كل ليبي وليبية
1/2
بطولة للمنطقة الشرقية للقوة البدنية كانت في مشاركة نسائية فردية من نوعها اقيمت اليوم في مجمع سليمان الضراط شاركت فيها تسعة سيدات من مختلف الفئات العمرية
والصراحة كان حدث يشرف ويفتح للنساء افاق في المجال الرياضي واتمنى تكون هذه البطولة انطلاقة قوية للمشاركة حتى في بطولات دولية
قررت ندير يوم للبنات بتاع التويتر كلهم الي نعرفهم والي حتى ما نعرفهمش نلموا بعضنا في كافي ونشربوا قهوة مع بعضنا ونشوفوا بعضنا في طبيعة الي موافقة ادير #ريتويت حنشرف على موضوع ونديروا اجواء حلوة 🥰
الي قاعدة نمر بيه وحدة ربي الي عالم بيه شكراً لكل شخص دعمني ودزلي كلمة خير مانردش عليكم لان مسجات واجد والحمدلله لكن هذا رد لكم كلكم شكراً إنكم جنبي ومصبين معايا وحاسة ان عندي ظهر بيكم انتوا بارك الله في كل حد دافع على الحق
نوعدكم ان مش حيكمل بالشكل المعتاد لكل شي جديد يتحارب .
ممكن تهدوا علّيا أولاً انا ماعندش اي يد في الي صار وحالياً يجوني تهديدات على تلفوني ويرنوا علّيا ارقام يسبوا فيا ويهدذوا فيا حسبي الله فيكم وفِي الي ساعدكم تاخدوا رقمي وتسربوا فيديوات خاصة الستوري هذا كان برايفت لناس معينة لكن حينعرف من ارجوا إنكم معش تضغطوا علّيا أنا تعبت والله
يا جماعة تراه حد يأكدلي هو مش بنغازي هي من طلعت في اول ايّام الثورة وكانت الشرارة الاولة ؟
باهي ليش مفش اي بوادر احتفال وكل الاحتفالات في طرابلس ؟
#خطرها
في بنت تعرفت عليها في الكلية لطيفة جداّ تمتلك موهبة عظيمة شخصيتها جميلة زي جمال روحها وشكلها ، ماكنتش متوقعة ان في يوم حيأثر فيا كلام شخص زي ما هي دارت افتخر لكوني ملهمتها ومصدر فخرها ونوعدها أني حنكون ديمه على حسن ظنها شكراً إسراء لكونك صديقة حقيقة في زمن انعدمت فيه الإنسانية❤️
اولاً ربي يعطيكم الصحة
ثانياً الي مش فاهمته انهم ليش يشوفوا في بعض الشغلات صعبة والي هي في الحقيقة مش صعبة !! شغل زي اي شغل في الدنيا ! كل الناس تتعب في شغلها وفي شغلات خطيرة حقيقة هي الي الواحد يقول عليها (الحياة صعبة ) ف بلاش تنظروا لأي شغل خارج على المكتب ومكيف انه صعب
خدمة //
نبي شخص يعرف يترجم نص انجليزي / عربي وتكون لعنة الانجليزية قوية وصحيحة لان النص حيطلع في وكالة كبيرة معروفة
ديروا منشن للي تعرفوه يقدر #ريتويت بليز🙌🏼
ثانكيو
نسمع في كلام ونشوف في حاجات ولكن حندير روحي حوله ومفش شي حيأثر فيا جيتوا لعندي انا مش زي غيري 😎
وحنديره وحيقعد يوم سمح ومحد حيخوفني ولا يهددني انا واثقة من كل شي ندير فيه وعارفه ان مش غلط وماعندش مشكلة او مانّع اني نكون شخص مبادر ويكون في الواجهه والحمدلله على الثقة ❤️
خشوا ديروا ريبورت سارقين ستوري سناب بتاعي وحاطينا حسبي الله فيهم لو سمحتوا بسرعة قبل ماًينتشر في بنات واجد حينضروا ومنهم انا #تجمع_بنات_التويتر #ريتويت
والله عيب دولة زي ليبيا غنية مفش مقارنة ابداً بثروات مصر بس لما يكون في تخطيط وادراة ويكون في اهتمام بالمجالات الرياضية والفنية حيكون في لاعبين زي صلاح وحجازي بس الله غالب مفش من مهتم بيهم وتبوهم يفوزوا !!
اختي الصغيرة دزتلي فويس مسج اني مدعوة على " حفل شاي " ساعة سادسة مساءً في غرفتها
عشان مانقدرش نطلع او نتحرك لقيتها دايرتلي بانكيك الي نحبه واجواء عشان مانملش من قعدة السرير 🥺
she just made my day
i luv you sis 🧁💕
شعور الأم في اللحظة هذي صعب جداً متخليين تشوف في بنتها في كل وجه خريج !!
الله يرحمها ويسامحها ويجعل مثواها الجنة اقرولها الفاتحة كلنا خلونا نحسسوها بنجاحها في الدنيا وهي مش موجودة ❤️
#دفعة53
سعيدة جداً اني حنغطي مباراة المنتخب اللييبي اليوم ضد خصيمة التونسي ، ومتحمسة جداً انها حتكون تجربة جديدة من نوعها في شغلي الصحفي ، نتمنى لمنتخبنا التوفيق والفوز ان شاء الله 🇱🇾🤞🏼
الي حاب يشوف التغطية يتابع
@ElkulLibya
على انستغرام والفيس بوك
#مباراة_ليبيا_تونس #ليبيا #تونس
بنات اكتبوا على الهشتاق هذا والي تبي تحصر تأكد حضورها لان العدد مش حيكون مفتوح الاولولية للي كتب اول لان مكان مش حيسد العدد كبير مع الاسف ❤️
لازم تجوا وتستمتعوا بالإجواء الي ح��كون قمة في خيال 🔥
وشكر كبير لأجمل كافي على حسن تعاون وضيافة
@casacafe4
#تجمع_بنات_التويتر
خاطري نتعرف على ناس جدد وشخصيات أخرى خاطي الي اذوني وبس ناس تحب الخير ، المفجاءات ،الضحك ، الحب ، النكت ، البصارة ناس يقعد تشيل معاك همك وقت الشدة و تشاركك فرحك وقت النجاح ناس يقعدوا سندك وضحكتك بدون ما تطلبها منهم ..
ناس تعرف تحب وتخلص وتقدر الي أديرلهم فيه ..
ناس جديدة❤️
كانت تجربة حلوة وممتعة وجديدة ، ماندمتش اني مشيت وحبيت الموضوع اكثر ، ميزة انك تجرب كل شي عشان تعرف أنت شنو تبي وانت مبدع في شنو ، مازلت حابة شغل القصص الاجتماعية والنجاح اكثر ولكن استفدت بالتجربة وتعرفت على نوع جديد من الصحافة
مفش حاجة اسمها مانعرفش جرب مش حتخسر 🤞🏼
بكرا اول حلقة في موسم الثاني من برنامج هيروفيل الي نحكو فيه على وضع المرأة في ليبيا ، سياسياً وثقافياً واجتماعياً ، متحمسة جداً لان ضيفاتي مميزات بكرا ، ماتنسوش اتابعو الحلقة على راديو جوك 95,5 وتشاركونا برسائلكم ،تجاربكم ، وارائكم على الرقم 95595 .
#ليبيا #بنغازي #هيروفيل
وفي يوم عرفة :
" اللهم اجبر خاطري جبرًا أنت وليّه .. فإنه لايعجزك شيئً في الأرض ولا في السماء ، ربي أشرح صدري وأرح قلبي وأزح من قلبي كل خوف يسكنني وكل ضعف يكسرني وكل أمر يبكيني ، ولا تفجعني في مستقبلي ولا في نفسي ولا في باقيّ أهلي ولا تُعسر أمري وأفتح لي أبوابي المغلقه." ❤️
الي صاير هذا يخليك تؤمن ان البلاد ممكن تنقلب واطيح وتنهد بمجرد #اشاعة وموضوعك ينتهي ويكذبوا يقولوا امن وشرطة ومكافحة اداب !!
خلل الأمني الي صاير يخليك تعرف ان موضوع ليبيا مطول وكان ربي عطاك عمر تعيش فيها زيك زي رجل الكرسي هذا لو حاب انك تعيش !! #تجمع_بنات_التويتر
فكوكم من الكذب والوهم يا بنات الراجل راجل مفش شي ما يقدرش عليه والي يحب يدير اي شي والي يبي حاجة يسعالها لعند ما ياخذها ، والأفعال هي الي تفرق بياع الكلام من الراجل الحقيقي .
" محد يضحك عليكن الي يبيك يقدر "
حفلة ماجنة !!!
@218Tv
اكيدة تبصروا صح !؟
معقوله قناة زيكم تكتب هكي !!!!! وين المهنية والموضوعية في القصة ونقل الخبر هذا هو الاعلام الي ندافعوا عليه حنرفع قضية ضد القناة بتاعكم على الكلام الكذب الي تنشروا فيه لو ما مسحتوش الكلام ونزلتوا اعتذار رسمي
حنقعد قد كل شي يصير والله ماعندي مشكلة انتوا خواتي ومانرضش شي فيكم حتى كلمة وحناخد حقنا بالقانون الي يعتزموا ان كان جاي الْيوم وهما أشكال تخوف والي ورا الموضوع حينعرف وحيتحاسب والدنيا كلها واقفة جنبي الحمدلله خليكم مذكرين ان مادرنا شي غلط وكان تجمع بنات فقط !#تجمع_بنات_التويتر
قالك في دكتور طلع على قناة الحدث وتحدث بكل صراحة وشفافية على الي صاير في قطاع الصحة من نواقص وضعف الإمكانيات رغم ادعاء الجهات المسؤولة بالتوفير كل شي ، بعد ما كمل المداخلة طلبوه نفس الجهات هذينا للتحقيق وتم التوجيه اليه تهمة الخيانة 😂
#ياعليك_حرية #ثورة_فبراير_وينك
شاركونا دعمكم وتشجيعكم للمرآة الرياضية في اليوم الدولي للرياضة من اجل التنمية والسلام واللي حاتُقام فية عروض للالعاب الرياضية النسائية 💪🏼
يوم 6/4/2019 حايكون يوم مميز ماتنسوش الحضور والمشاركة
تقدرو تساهمو معانا حتي بكلمة تحت شعار هشتاق #ليش_لا #ريتويت
بخصوص #تجمع_بنات_التويتر عشان مايصيرش زحمة وعشان تفهموا الفكره هو تجمع محدود على البنات الي في تويتر فقط وعشان نتفادوا الاحراج بكرا ياريت كل وحدة لما تجي ادير سكرين شوت بأكاونت بتاعها عشان تقدر تخش والدخول يكون فردي لصحبة الاكاونت فقط بدون عائلتها وغيرهم
ارجوا الالتزام #ريتويت
عينة من الرسائل " feedback “ الي كان يوم امس في #تجمع_بنات_التويتر وهذا المهم عندي والي نشوف فيه إنجاز درته ووصلت ضحكة وفرحة لجزء من البنات وغيرنا جو بطريقة محترمة وحضارية ولم نتجاوز اي حد لا ديني ولا مجتمعي ولا شي
الحروف هذينا كانوا عندي بالدنيا ويهونوا علّيا حملي الكبير 🙏🏼