اللهم ارحم عبدك أيمن نصر واغفر له واعف عنه وأكرم نزله ومدّ له في قبره مدّ بصره واجعل كل عمل صالح لنا في ميزانه وارفع به درجاته ونعّمه في روح وريحان وارزقه الفردوس بجوار المصطفى العدنان ﷺ واجمعنا على سرر متقابلين..
آمين.
صاحبتي النهارده بتحكيلي عن موقف وبتقولي استشعرت وقتها قول الله ﷻ:
﴿وَعَصَيْتُم مِّن بَعْدِ مَا أَرَاكُم مَّا تُحِبُّونَ﴾
وإزاي الإنسان ممكن ينسى نعمة الله عليه ويعصيه بعد ما حقّق له ما كان يرجوه ويراه بعيدًا.
وهي لا تدري ما فعَلَت كلماتها بنفسي، وكأني أسمع الآية لأول مرة!
عايزين جندي مصري مجهول خليفة لـ د.أحمد خالد صاحب موقعة دشملة برج إيڤل الشهيرة،
يروح سويسرا وينقل لنا الحقيقة، هل هي بهذا الجمال الساحر وجنّة في الأرض فعلًا ولا عبارة عن بلد خاطفة شباب شاطرة في الفوتوشوب وبتصدّر للناس الصور المزيفة دي؟
جمال عصيّ على العقل تصديق وجوده على الحقيقة!
الزواج حاليًا قرار مُهلِك للعقل، يحتاج توفيق إلهي تامّ، وبصيرة نافذة، وصبر، وتزكية على الدوام.
لأن مآله في الدنيا: خير متاع الدنيا أو كدر وضيق وفساد عظيم؛
ومآله في الآخِرة: "فانظُري أين أنتِ منه، فإنه جنَّتُكِ ونارُكِ."
فنسأل الله البصيرة والعافية وأن يرزقنا من أحبّ عباده إليه.
أختي كانت في غمّ من مشاهد القصف وشهداء غزّة وهم خارجون من تحت الأنقاض…
فقرصتها وقلتلها يشعرون بمثل هذه ثم جنان ونعيم مقيم، هم أحياء يُرزقون وفي حواصل طير، ولا يتمنى أحد أن يرجع الدنيا إلاهم يرجون لو يعودون فيستشهدون ثانيةً من عِظم الجزاء!
(ولا تهنوا ولا تحزنوا وأنتم الأعلون)
مُلثّم، مجهول الهويّة، لا معلومات.
لا يُعرف منه غير عينيه ويديه وصوته بلسانٍ عربيٍّ غير ذي عوج بالحقّ صادحًا وبقوّة البيان يُرعِبُ أعداءَ الله.
قال رسول الله ﷺ لحسّان -رضي الله عنه- يوم قريظة: "اهْجُهُمْ، وجبريلُ معكَ."
وفيه: مشروعيةُ هجاء الكفار وإظهار معايبهم بالشِّعر وغيره.
أنا هتجنن!!
منظمة الصحة العالمية بتنادي بتوفير ممر آمن لدخول الوقود لغزة عشان المستشفيات وانهيار القطاع الصحي!
لما المنظمات العالمية بتنادي، ورؤساء دول بتنادي، وإحنا في بيوتنا بننادي!
مين بقا اللي المفروض يتحرك وينفذ؟؟؟
As Gaza’s health system disintegrates, WHO calls for safe passage of fuel, supplies for health facilities
WHO remains unable to distribute fuel and essential, life-saving health supplies to major hospitals in northern Gaza due to lack of security guarantees. WHO calls for an
امبارح ضافري اتكسر، حاولت أشيله مقدرتش من الألم، واضطريت أستخدم مخدّر موضعي.
والله كل ما أتأوّه أفتكر الطفلة اللي كانت بتصرخ و د.غسان أبو ستة في مقابلة تلفزيونية والمذيع بيسأله ده صوت إيه؟
قاله بنعمل عملية بتر لطفلة بدون مُخدّر.
قلبي بيرتجف من مجرد التفكير!
اللهم إنا نبرأ إليك.
إزاي الكوتس كلها والريبلايز محدش قال:
"لعينيكِ سامحتُ هذا الزمان وكنتُ عليه طويل العتب"
أو
"وارتحتُ في عينيكِ من عبئي وكُل شيءٍ حولنا يُملي علينا أن نخاف"
تخيل حد يسامح الزمن اللي إحنا فيه دا بأهواله عشان عيونك!
أو يتطمن من مخاوفه لما يشوف عينيك!
مسم والله..
الرحلة فردية بشكل مُرعب!
اللي هيفطن لـ دا بدري ويبطل فرك ومعارضة ويبدأ يوطّن عقله على حسن مصاحبته لنفسه فُرادى من غير استثقال = هينجو.
واللي هيغتر بكتر حبايبه حواليه وإتاحة إنه ينفر من نفسه لهم، فلما ينشغلوا عنه -وهذا حتميّ لا محالة- هيعاني من مكوثه مع نفسه في الرحلة الطويلة دي.
من كام سنة أنا وأختي كنا بنغرق فعليًا ووصل لنا واحد وقال مش هقدر أدخل أكتر من كده، استغليت الموجة وزقيت أختي فهو قدر يمسكها وطلعها، وعلى إثر الدفعة دي -طبقًا لقوانين الفيزياء- رجعت أنا لورا أكتر واتسحبت، ودي كانت آخر لقطة قبل ما أغرق خالص، لولا فدائية ابن خالتي كان زماني ميتة. 😃
هسألكم سؤال و أتمنى تجاوبوا إجابة واقعة...
هل فعلا فعلا أنتم مستعدين تضحوا بأرواحكم فداء للناس اللي بتحبوهم؟؟
أنا بسأل سؤال أفلام أووي بس عايز الإجابة تكون واقعية
يعنى في حد ممكن فعلا تنهي حياتك عشانه و الا الكلام ده كبير أووي و ساعة الموقف هنتهز..؟؟
وأعرِفُ *السلكان* لكن لا أُعرِّفُهُ
يبدو لعيني ولا يبدو لتعييني..
بالتوفيق والسداد والنجاح والرُشد في كل مساعييك يا د.عبد الرحمن
الله يكرمك ويرضى عنك وعن والديك وييسرلك كل عسير وتخرج من مصر على خير وفي خير وعافية ويحط في طريقك ولاد الحلال وينفع بك أينما حللت أو ارتحلت.
"ما يُصيب المسلم، من نَصَبٍ ولا وصَبٍ، ولا همٍّ ولا حُزن ولا أذى ولا غمٍّ، حتى الشوكة يُشاكُها، إلا كَفّرَ اللهُ بها من خطاياهُ."
"عجبًا لأمرِ المؤمن، إن أمرَه كلَّهُ خَيرٌ، وليس ذاك لأحد إلا للمؤمن، إن أصابتهُ سرّاءُ شكرَ، فكان خيرًا له، وإن أصابتهُ ضرّاءُ، صبرَ فكان خيرًا له."
حاسة إني هموت من القهر!!!
يا فَجَرة الناس على بُعد 40 كيلو منكم بتموت من القصف والجوع والعطش والألم!
نُص ساعة بينكم وبينهم!
بدل ما البوابة تتفتح والعربيات تدخل كلها ودي أقل حاجة تتعمل كمان،
بتستعرضوا بشعارات رنانة لا تُسمن ولا تغنيهم من جوع؟!
الله ينتقم منكم ويلعنكم دنيا وآخرة.
*الخنز.ير ده نفَق النهارده بسكتة قلبية*
جهنم مفيهاش كريمات يا روح أمك.
تاخد الكبيرة؟
جلدك كل ما يتفحم كده ويتحرق ويتشوي، ربنا هيبدّلك جلد غيره أبيض فيه كل المستقبلات الحسّية تاني عشان تذوق العذاب مرارًا.
وخلّي Fair & Lovely تنفعك.❤️🔥
-
الحمد لله إن فيه يوم قيامة والله.
أكتر حاجة هتفكرك انك لسه محتاج تتعلم وانك مش أشطر واحد وتخليك متواضع طول الوقت هي الشغل مع ناس شاطرة .. الشغل مع حد أشطر منك و (يكون انسان كويس) نعمة محدش بيقدرها التقدير الكافي ..
نُشهِدُك يا رب أنّ أباهم صالحٌ..
فاللهم بارك فيها وأخواتها وأنيتهم نبات حسن طيب واصنعهم على عينك.
يمنى كبرت يا إخوانا؛ المحاضرة معدتش هتبوظ :')
بس مين هيحاسب ع الأعمار دي والله؟
البنات حقهم يكبروا جمب باباهم..
"لا تُيَتّمونهنّ وأبوهنّ حيٌّ يُرزَق!"
الحرية لأيمن عبد الرحيم..
دي مش أول مرة أسمع فيها الكلام، وبردو مش أول مرة أترعب.
يا رب متكتبهاش عليا أبدًا؛
عارفة إن الزواج لا يُقام بالحبّ وحده، بس فكرة انعدامه في منظومة الزواج وقيامه فقط على المودة والرحمة والرعاية والتذمم، ولو اتسأل بيحب مين تكون واحدة تانية! فدا مما لا تطيقه نفسي.
تميم شاعر؛ فلو شاء التغزّل في امرأة خير من عشر ممالك لفَعل، ولكنه خَلُص لوصفين جَمعا كُل المحاسن: ذكية وطيبة.
ذكية: عقل زينة مليح.
طيبة: نفس هادئة صالحة.
ذكية لتعرِف متى وبما تواسيك؛ وطيبة لتحنو بأرقّ إيناس لمُتعَب: "لا بأس بك ولا بأس عليك."
وما عشر ممالك؟
قل خيرٌ لك من الدنيا.
يا حبيبي!
"خيرٌ لك من حُمر النعم.."
الله يكتب أجرك ويرضى عليك ويفتح على يديك ويصنعك على عينه.
يا رب مَن كان في قلبه خير فاهدِه للإسلام.
اللهم واختم لنا بخير وتوفّنا مسلمين.
الحمد لله امي اسلمت على يد ابني عمر
حرصت على إسلامها تقريبا ٣٠ سنة.
هي الان طريحة على الفراش تعاني بمرض عضال ( الله يشفيها)
و اليوم بفضل الله نطقت كلمة التوحيد على يد ابني.
الحمد لله الحمد لله
#الاسلام
#التوحيد #البرازيل #الدعوة
دا اللي هيجننهم، عشان متأكدين مليون في المية إن لو طبّعت معاهم كل الحكومات العربية، فالشعوب العربية مش هتطبّع وهيفضل كرههم متوارث لحد زوالهم.
وعارفين إن لو العالم كله طبّع الشعب المصري تحديدًا مش هيطبّع، إحنا بنكره إسر|ئيل كشيء فطري في الچينات.
ملعو.نين أينما ثقفوا، صدق الحْنزير.
«كل الأمم تكرهنا، وعلى رأسهم مصر»..
الحاخام الإسرائيلي يشيفا هجاري إدلشتاين يشن هجوما حادا على العرب والمصريين، مطالبا بالقضاء على جميع أعداء «إسرائيل»
جايلنا ولد صغير بعد المدرسة عايز يغيّر على حروق في إيده.
بسأله ده من إيه؟
قالي أمي حرقتني بالسكينة عشان وقعت فلوس.
منظر الحرق صعب واكل تلتين دراعه!
منقلة السكينة 3 مرات؛ سكينة مربعة كبيرة مش زي الصغيرة العادية.
الله يحرق الأهالي اللي بتعذّب عيالها بالشكل ده!
قلبي وجعني؛ منها لله.
منمتش عشان ابن خالتي كان تعب وروحنا بيه المستشفى؛ خلصنا الصبح وطلعت على نباطشيتي.
وطبعًا مكلتش حاجة من ساعة الغدا امبارح؛ بس أنا جعانة نوم أكتر..
لقيت ماما جاية لحد الوحدة وجايبالي محشي وفراخ متسخنين وماية ساقعة ومقطعة تفاح 😭😭♥️♥️♥️
الله يطعمها من طعام أهل الجنة يا رب🥹💚
عايزين مهندس يكسب فينا ثواب ويعملنا تطبيق اسمه *نوايا*
فكرته:
يدخل المسلم قبل بداية كل عمل/خطوة في حياته ويكتب في البحث مثلًا "قضاء حوائج عن أمي"
فيجيله النوايا اللي ممكن يستحضرها في هذا العمل الطيب:
﴿وبرًا بوالدتي﴾
﴿ووصينا الإنسان بوالديه إحسانًا﴾
"أمك ثم أمك"
"فيهما فجاهد"
الشهيد عماد عقل اسطورة المقاومة .. قلب اسرائيل كلها رأسا على عقب واستشهد عمره ٢٢ سنة
الصورة بحبها اوي لانها في عصور ما قبل الميديا .. صورة تذكارية لعملية مسجد مصعب بن عمير اول عملية مصورة في تاريخ المقاومة من تنفيذ الشهيد العظيم
الچيب الصهيوني والجندي اللي مرمي عالارض زي الكلب
مذاكرة كافيهات إيه يا جدعان!
دا أموت من كتر ال anxiety ومش هركز في حرف واحد!
فيه طقوس معينة كده للمذاكرة أهمها:
في دايرة آمنة + لبس مريح وشعري مرفوع + أصيح لهم في البيت كل نصاية + أكل وشرب وتسالي.
بتذاكروا لابسين حجابكم وفي مكان عام؟!
حاسة إن جالي ضيق تنفس من مجرد التخيل 😵💫
م.باسل كاتب تعريفه في حسابه الشخصي آية: ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ﴾
قال ابن كثير في تفسير الآية: "النُّورُ هُوَ: القُرْآنُ.."
نحسبه على خير والله حسيبه ولا نُزكّي على الله من أحدٍ..
الله يتقبّله في أهله وخاصّته.
درست في العقيدة تعريف الكرامة والفرق بينها وبين المعجزة.
فالكرامة:
"أمرٌ خارق للعادة يُظهِره اللهُ على يد أوليائِه."
ورأيتها واقعًا ومُشاهدةً فيما يصنعه مجاهدو القسام.
فلو أنّ الكرامة ليست أن يقرأ المجاهدُ آيةً ويُكبِّر ثم يُدمِّر دبابةً من *مسافةِ صفرٍ* وينجو بحول الله؛ فما هي؟
بحب سيدنا إبراهيم عليه السلام حبًا چمًا
بفرح بنسبنا إليه في:
﴿ملّة أبيكم إبراهيم هو سمّاكم المسلمين من قبل﴾
وبحس برفقه بنا وحنوّه علينا في:
﴿وابعث فيهم رسولًا منهم يتلو عليهم آياتك﴾
فأجاب الله دعواه فينا برسول الله محمد ﷺ
وتأخذني الشفقة حين ألمس حرصه في: ﴿قال ومِن ذريتي﴾؟
حصل حاجة فافتكرت اتنين كانوا متقدمين ليا وقعدت أدعيلهم كتير.
فماما بتقولي زمانهم خطبوا؛
قلتلها يا رب والله يكون ربنا رزقهم بأحسن مني ويقرّ أعينهم.
بعد ما خرجت من الأوضة لقيتها بتقولي: أساسًا فاته نص عمره.
بقولها مين فيهم؟
قالتلي: اللي متبقيش في حياته يفوته نص عمره.
وحسيت هعيط🥹😭
من كام يوم واحدة جت تكشف فبتقولي عندي وجع في جنبي -محتاجة مسكن كعادة روّاد الوحدة الصحية-
فحصتها ولقيت الأعراض مش تبيكال زايدة وهي لسه واكلة من شوية وبتمشي عادي ونبضها كويس ولكن العجيب إن فيه ألم فعلًا مع الفحص!
حوّلتها أقرب مستشفى تعمل سونار وأقنعتها إن لازم تروح عشان تتطمّن.
سيدنا طلحة كان يقولُ لها:
"ولنِعم حليلةُ الرجلِ المُسلم أنتِ." :')
كلما مررت على هذا القول كاد قلبي أن يطير فرحًا بجمال الثناء وغبطةً لها..
لو صحّ أن ينزل مقام الغزل لقلت هو ذا،
ولكنه يرقىٰ لما فوق ذلك، هذا -بإذن الله- جنّتها في الدارين.♥️
رضي اللهُ عنهما وجمعهما في مستقرّ رحمته.
أي حد بيقول أي حاجة بشكل غير واضح -ولو عندي يقين ومتأكدة ١٠٠٪ من مقصده الأصلي- بعتبره مقالهاش أو بعتبره قال عكسها.
ليه؟
لإن حياتنا لا تحتمل المجازات، وعقولنا مش ناقصها تفكير في علم الماورائيات!
فـ لا للمجاز، *اقطع عرق وسيّح دم* للأبد.❤️
ليا صديقة جميلة.. جميلة قلبًا وقالبًا -وكل أصحابي الحمد لله كذلك- ولكن ما يُميّزها دائمًا وطوال خمسة عشر عامًا أنّ وصالنا لا يتأثّر ببُعدٍ.. مهما طال غيابنا عن بعضنا لا أغفل عن ذكرها في الدعاء
وأنا أعلمُ أنّا حين نلتقي فكأنّنا ما افترقنا -الحمد لله وأسأل الله أن يديمها أبد الدهر-
بحب الحنّة اللي بتكون في بيت العروسة وكلها بنات بس دي أوي، تاني أجمل مناسبة أحب أحضرها بعد كتب الكتاب.
ما يحدث في حنّة البنات يبقى في حنّة البنات.🫢💃🏻💃🏻
فيه نايبة باطنة لما بتيجي تخلص التذاكر بتقعد تذكر الله طول الوقت، لأ طول الوقت دي بمعنى كل ثانية ونفَس بذِكر!
في الأول كنت بحسبها بتقول الدوا أو البيانات وهي بتكتب، بس لما ركزت لقيتها بتقول:
"لا حول ولا قوة إلا بالله.. إنا لله وإليه راجعون.. الحمد لله.. استغفر الله العظيم."
اسمع هذا الكلام وتخيّل عُمر قائله.
عشرون عامًا.
بعد 9 أيام توافق ذكرى استشهاده الثلاثين
عماد عقل صاحب أسطورة *من مسافة صفر* استُشهد بعُمر 22 عام، وقد نفّذ 40 عملية قتل فيهم 15 صهيوني، ورفض إغراءات رابين بمغادرته لمصر أو الأردن بسلام دون محاكمة.
الشُهداء يُخرّبون فكرتي عن الوقت!
في عمليات تحاكي العجائب، بتنكشف لنا لحظات القوة الرهيبة. هذا الصمود هو اللي حيكون سبب تحرير فلسطين. هذا هو المنطق الذي لا يفهمه اليـ8ـود ولا المطبعين معهم على مر العصور
#غزة #فلسطين #عماد_عقل #غزة_تقاوم_وستنتصر
أنا بكرَه البلد دي كُره شديد، يشهد الله علينا إنه عن بيّنة وليس كُره أعمى.
أخزاهم الله ما رأيناهم في صفّ الحقّ إلا وأُريدَ به باطل!
بدعي دايمًا أخرج منها أنا وأهلي على خير وفي عافية.
﴿ربنا أخرِجنا من هذه القريةِ الظالم أهلُها واجعل لنا من لدنك وليًا واجعل لنا من لدنك نصيرًا﴾
بعيط عشان جه في دماغي هاجس *لا تزيد مدته عن دقيقة* إن أملي ورجاءي دا هيكون واقع في يوم.. وبعدين قطعته بسرعة ونفضته عن دماغي عشان خايفة أعيش في وهم.
الأمل له وجه لعين بردو..
"ولو أستطيع حميت قلبي من الأمال،
ولكني عليل.."
اللهم إن البرد خلقٌ مِن خلقِك يأتمر بأمرك،
اللهم يا مَن أنزلتَ الدفء على حُذيفة بن اليمان يوم الأحزاب أنزل الدفء والرحمة على إخواننا في غزة.
اللهم أطعِمهم من جوع وآمِنهم من خوف ومدّهم بمدد من عندك يا لطيفًا لم تزل الطف بهم فيما نَزل.
الجو برد اوي مش عارفة ليلة زي دي ازاي هتعدي على أهلنا في غزة ال فقدوا بيوتهم والمصابين والأطفال في ظل عدم وجود وقود ولا أكل دافي ولا مشروب سخن يدفيهم
ربنا يلطف بيهم وينزل عليهم من رحماته
مشاكل الشغل.
انتكاسات الحفظ.
الصداع والألم.
لو شدّيت مع حد في البيت.
أي حاجة بتحصلي بكون عارفة إنها بسبب المعاصي.
كانت السيدة أسماء -رضي الله عنها-تصدع فتقول: "بذنبي، وما يغفرهُ اللهُ أكثر."
ويُنسب للفضيل: "إني لأعصي الله فأعرف ذلك في خلق حماري وخادمي وامرأتي وفأر بيتي."
العقوبة بتنزل على الجميع…
ولا شكّ والله أن ثمن ولعنة هذه الدماء الزاكية ستكون ثقيلة في الدنيا وأشدّ وطأة في الآخرة!
الواحد مرعوب يتاخد في عقوبة دماء أهل غزّة..
اللهم اشدد وطأتك على الصهاينة ومن والاهم؛
يا رب خُصّ القادر وارحم العاجز..
اللهم لا تُهكلنا بعذابك وعافِنا قبل ذلك.
المهم احنا بقالنا عشر سنين بندفع فاتورة تقيلة وبنحاسب على دم ٢٠٠٠ بني آدم وبنصرخ كل يوم ولسه الحساب مخلصش..فاتعلمنا من الدرس وقمنا متاجرين بدم ٢ مليون بني آدم..مظنش اللعنات دي هنخلص منها ليوم الدين خلاص
جسمي بيرتجف ودموعي نازلة بلا وعي..
دم واحد وشعب واحد والحدود تراب
يلعن اللي يفرقنا ويلعن اللي يعادينا
أهل إدلب اللي القصف شغال عليهم من بشار وروسيا والكيان بيهتفوا: *الموت ولا المذلة!*
بسم الله عليكم من الموت والمذلة لحكامنا
أي حجّة أقاموها والله.. هنقف أدام ربنا نقول إيه؟
ربنا يغفرلي ويردني إليه ردًا جميلًا.
لولا ستر الله لهلكت!
أنا حاسة إني مبقتش قادرة أرجع.
مغبونة في نعمتيّ الصحة والفراغ، وغارقة في نِعم الله التي لا تُعد، ومُمتنة لفضل الله عليّ إنه نجاني من الأيام اللي فاتت؛ ومع كل دا (وعصيتم من بعد ما أراكم ما تحبون)؟!
إنا لله وإنا إليه راجعون.
أي حد يعرف د.عثمان الخميس ومبيسمعش له فهو فايته خير عظيم!
القايمة دي فيها تفسير سورة البقرة، حوالي 100 مقطع، كل واحد لا يتجاوز 20 دقيقة.
لو قسمتهم على الأيام المتبقية في رمضان يعني هتسمع بمعدل 5/يوم
فاكر دا كتير؟
صدقني هتتفاجئ إنهم خلصوا ومش هتملّ.
ده عشان لو فاكر يعني إن سعيك وسفرك وتعبك يضمنلك تحصيل ما تتمناه :)
رزق يا عزيزي..محض رزق.
يرزق مَن يشاء ويمنع مَن يشاء وليس لك من الأمر شيء..
ليس لك إلا ما سعيت وجزاء السعي مش شرط تاخده هنا.
"أنت بتروح وتيجي لله، يفتح عليك أو لأ دي مش بتاعتك."
معاني وددت لو أشربتها لقلبي وعقلي!
يا زهراء هو احنا لو متنا فى سننا دا ودخلنا الجنة هيكون لينا أنيس؟! —
أنا وقفت عند السؤال كتير أوي.. من كتر ما عايزة أكتب فيه بلا توقف، فسامحيني على الإطالة.
هو مرضيش ينشر الإجابة غالبًا لطولها فهكتبها في ثريد السؤال دا على تويتر اقرأيه…
أبو عبيدة مش طالع يقولهم بدّلنا الميمنة بالميسرة كأعظم ذكاء حرب فُعِل حين لم يتوفّر عتاد ومدد جديد للجيش؛ لأ!
ده بحول الله وقوته بيقولهم *بدّلنا* القوات بقوات أخرى، أي لدينا القدرة على الوصول لمناطق الاشتباك والمدد الكافي لراحة المجاهدين.
القوة القوة لا بارك الله في الضعف
المتحدث باسم كتائب القسام: "تمكنا خلال الساعات الماضية من استبدال بعض القوات بمواقع القتال بقوات أخرى "أسندنا مجاهدينا في سديروت من خلال قصفها بمئة صاروخ"
#الجزيرة
محمد صلاح -الشهيد بإذن الله- عمره 22 عامًا أيضًا..
في كل مرةٍ يقوم فيها فتى في العشرين أو دونها بالتنكيل بأعداء الله أتذكر قول البراء عيّاش:
"الشهداء يُخرّبون فكرتي عن الوقت.."
أن تكون في موضع قوة ثم تَعفو عن مَن لو سُلِّط عليك فلن يعفو عنك = فهذا جهاد نفسي رهيب والله!
أخلاقٌ عزّ نظيرها بل استحالت من بعد قول رسول الله ﷺ: "اذهبوا فأنتم الطُلقاء."
هؤلاء هم فرساننا المجاهدون.
نناديكم يا أسيادنا ونشدّ على أياديكم..
ونبوس الأرض تحت نعالكم ونقولُ نفديكم.
الله يعافيه من الرياء والتسميع ويتمم عليه نعمته وفضله ويوزعه على شكرها ويجعله من أهله وخاصته ويجعل القرآن ربيع صدره ونور قلبه.
ربح البيع بإذن الله.
والحمد لله ربّ العالمين
"أمشي وكأنّ عقلي ليس معي؛
أو معي أكثر مما يجب."
- رضوى عاشور.
منطقيّ أنها رسمت الفكرة تشبه الحجارة = تُثقِل صاحبها..
وكلما ازدحم بالأفكار العقل علق تحت أنقاضها.
مش طبيعي والله… كل الكلام مبتذل مش لاقية حاجة أكتبها..
اللهم توفّنا ما كانت الوفاة خيرًا لنا..
يا رب اختم لنا بخير وثبّت عقولنا وقلوبنا على دينك وتقبل توبتنا واغسل حوبتنا واغفر لنا وتوفنا على الإسلام شاهدين أن لا إله إلا أنت.
اللهم لا تؤاخذنا بعذابك وعافنا قبل ذلك..
إنا لله.
أبو عبيدة أعلن البارحة عن تدمير أكثر من 136 آلية من بينهم دبابات ميركاڤا يا فارس..
هذا صنيع الله وهذه يد الله فوق يد المجاهدين إخوانك مَن حملوا على عاتقهم ثأرك ممن قتلوك.
كنت أرتجف وأنا أقرأ سيرتك قبلًا، الآن يسكن قلبي كلما رأيت دباباتهم تستعر نارًا بالياسين بأيدي طلاب الياسين.
مرة شُفت طفل كان غرق في حمام سباحة وجابوه الطوارئ ميّت بالفعل.. يدوب عملوله ECG عشان يثبتوا للأهل إنه خلاص.
أنا يومها طلعت مسجد المستشفى واتفطرت من العايط لوحدي.
الغريب إني فضلت أحلم بكوابيس لمدة 3 سنين بنفس الحاجة متكررة كل فترة؛ إن جايلي طفل لونه أزرق وغرقان ومش قادرة أنقذه…
نفسي لما أتقاعد يكون عندي مزرعة خيول كبيرة وبيت واسع في مكان جميل ويتوافد عليه أهلي وأصحابي وأولادهم وأعلمهم ركوب الخيل والشِّعر.
-
*أتقاعد = عند سن ال ٣٥ في سعة من النفس والعافية في بدني وأهلي ومالي.
أو في الجنة بقا يا رب..
مكونات الخلايا الحية كلها ميتة، عبارة عن بروتين وأحماض أمينيه ودهون وكربون وهيدروجين وأكسجين وكله شغال في نظام متكامل يدعم غرض واحد وهو الحياة!
مُنتج العناصر والخلايا الميتة دي هو كائن حي!
فسبحان الذي يُخرج الحي من الميت!
أنا نفسيًا مهزومة جدًا
بالكاد بحرّك ساكن وأقوم من السرير
شغلي ا��عادي اللي مبستقبلش فيه جرحى حرب ولا حاجة مش قادرة أروحه.
مذاكرتي وقفتها.
مش عارفة شعارات رنانة إيه اللي برددها بتاع عايزة أتطوع دي!
هواجه إزاي لو أنا شايفة رأي العين؟
ولا ده بسبب العجز ولو في الموقف نفسه مش هكون كده؟
الشباب بتتناقش في الريبلايز يخيط بڤكريل ولا حرير أحسن ومدى تأثير ذلك على القطع! D:
ويجي حد يقولك الباطنة أحسن من الجراحة؛
تقدر تقولي لو أنت دكتور باطنة والكوتشي بتاعك اتقطع هتعالجه إزاي بالسماعة؟
ساكت ليه؟
اتفضل قول
أصدقائي في المواساة اليوم:
"هناك طُرق وَعِرة سنمشيها لأنها كُتِبَت علينا، وليس لنا طريق إلا المَشي!"
-أروىٰ الطويل
”إنَّنِي أحتَمِلُ ما أحتملُ لسبب واحد فقَط، ولَكِنّهُ كَافٍ: لَأنَّ هَذَا مَا يَتَوَجّبُ عليَّ فِعلُهُ.“
-علي عزت بيجوڤيتش
سعيدة بعودة انتشار هذا الكلم الطيب لمُعلّمي الناس الخير؛ الله يذكّر به الناس ولعل أحد ينتفع به :')..
كتبته من سنتين أو أكثر كتذكرة لنفسي ولأني أحوج ما يكون للعمل به ودا الڤيديو اللي جمعته وكتبت الكلام ده عليه:
يطمئني كلام د. أبو موسى: "اجتهادك + غباءك = يزيدك أجرًا عند الله".
وأهدهد نفسي بقول د. أحمد عبد المنعم: "العشوائية أفضل من التوقف".
ويُذهِب عني جلد الذات قول الشيخ ناجي: "تروح وتيجي لله، العلم والفهم دول فتوح من الله، تيجي أو لأ.. مش بتاعتك".
بزعل أوي من نفسي لما بسخط على أي شيء في حياتي.. بحاول أعلِّم نفسي الرضا والتسليم التام، فعسى الله يغفر لي ويرزقني يقين المتوكلين عليه.
الحمد لله ربنا أكرمني في كثير، ونجّاني وسترني وأمهلني وتفضّل علي وإحسانه عني ليس بمقطوع على سوء عملي.
*سبحانك الخير كله بيديك، والشر ليس إليك.*
الصورة دي مرتبطة في ذهني بأثر:
كان في جامع الحيدرخانه ببغداد كتاب صحاح الجوهري منسوخ بخط جميل جدًا (في أواخر القرن ٦ هـ) تقول كاتبته مريم عبد القادر:
"أرجو من وجد فيه سهوًا أن يغفر لي، فبينما كنت أخُطّه بيميني، كنت أهزّ مهد ولدي بشمالي."
لأجل هذا والله!
لأجل لحظات تكبير الأطفال وشفاء صدور الكبار فنحن مع المقاومة مهما فعلت.
ارموهم بسم الله والله أكبر عليهم يرميهم ويعذبهم بأيديكم ويُهلكهم ويُنجيكم بحول الله
المسلمين في كرب والله؛
فلسطين وإبادة غزّة على مرأى ومسمع وتخاذل العالم والعرب خاصة.
سوريا وجنون مبيرها اللي طغى في البلاد مع روسيا وإيران!
اليمن اللي الناس بتتصدم إن كان فيها حرب -ولازالت مستمرة- مع مجاعات وتهجير لأهلها..
السودان…! الايغور..!
ربنا يلطف بيهم ويتولاهم ويغفر لنا.
أي بنت شايلة شنطة زي دي فهي بالغة من العمر ما يكفي للتمييز مين تبصله بقرف ومين عايز يساعد.
لو رجل خافض الطرف بيتكلم كويس بيقولها:
أنا ممكن أساعدك لو حضرتك عايزة أشيلها عنك.
فحتى لو رفضت مش هتبص له بقرف؛ إلا لو فاقدة للأهلية، فليس على المريض حرج.
﴿فسقىٰ لهما ثم تولى إلى الظل﴾
"نفسي الفداءُ لكُل مُنتَصرٍ حزين…
قُتِل الذين يُحبّهم إذ كان يحمي الآخرين..
يحمي بشبرٍ تحت كعبيه اتزان الأرض؛
يحمي البرايا أجمعين،
حتى مماليك البلاد القاعدين."
اللهم أنفِذ وعدك لعبدك محمد الضيف.
كنت باخد الطرقة أدام العناية رايح جاي وأنا بقول "دنيا فانية" وبسترجع وبحوقل وبصلي على النبي ﷺ.
سامعاه بيصرخ وبيتألم وقلبي خواء ونظري شاخص ودموعي سواكب وأقول يا رب لا تكلف نفسًا إلا وسعها لو ده وسعي فلن أقول إلا ما يرضيك ولكني أسألك العافية بحق أنك تجيب المُضطر إذا دعاك..
ماما النهارده نزلتني أستلم أوردر؛ فبتديلي الفلوس ومعاها عصير ليمون ساقع عشان عمو اللي جايب الأوردر.
بس ده مش شيء غريب بالنسبة لها، إذا كانت بتطلعنا ع السطح نملا علبة مايه ساقعة للعصافير 😃
يا رب تشربي من زمزم في الدنيا، ومن أنهار الجنة ماء غير آسن وعسل مصفى في الآخرة يا ماما ♥️
مؤخرا بقيت اسال أي حد جايب ديليفيري "حضرتك عايز ماية؟".. وكل مرة بتفاجيء برد الفعل..
في اللي بيبتسم جامد ويدعي وفي اللي بيبان عليه الخجل وهو بيقول ياريت من فضلك..
وكل مرة.. حقيقي كل مرة.. بنبسط..