وصلت أول سفينة مازوت ورح توصل سفينة بنزين والتالتة والرابعة عالطريق🙏هالصدق لايثمّن.التخفيف من معاناة الناس ومن طوابير الذل والعمل عليه وتحقيقه لايثمّن. عقبال ماكل جهة قادرة تساعد ماتقصّر.لانستحق كل هذا الذل والظلم والعتمة ولاسيف الاحتكاروالجشع والسوق السودا #سفينة_الوعد_الصادق
ولك ياعيب الشوم عم تتمسخروا عحجاب صبايا متطوعين بالمطار لإجراءات #كورونا بدل ماتشكروهن!!ولك كيف إلكن عين وحشمة تدافعو عن العنصرية بأميركاوالعاملات المنزليات لما العنصرية مشلشة فيكن هيك!إزدواجيين ومنافقين.ياعيب الشوم عنا أهل محجبين عنا أصحاب هون وبالخليج ومن كل الاديان!
#لبنان
قومو يا عمي ولك بعرف ناس ما خصّن بحدا لا بحزب ولا بطايفة وبعاد عن البيئة سفر سنة و آخدين من القرض الحسن وبيشكرو ربن ليل نهار إنو مالن موجود ! نحنا مالنا وين ؟؟؟ مسروووووووق
#لبنان
علّمو ولادكن إنو الطيران الواطي اللي بيسمعو كل يوم بكل #لبنان وبيتخبّو هوي طيران حربي لعدو معتدي لا إلو حق بسماناولا بمياهنا ولابأرضنا.علمو ولادكن إنو الأضواء اللي بتخرق ليل القرى الآمن مش كهربا،علمو ولادكن إنو الاعتداءات المستمرة منها fireworks,علمو ولادكن إنو الأرض متل العرض!
شو يعني المبعدين قسرا عن لبنان بفلسطين المحتلة؟؟! كيوت كتير صايرة اللغة العربية!
حبيبي هودي عملاء قولا متل ما هيي ما تستحي
عندك فكرة شو يعني عملاء شو عملوا ببلدن وبأهل بلدن
العمى ما عاد حدا استحى !
١) حتى ربنا يخلّصني ٥ مرات بسنة ونص يعني بحبني وأنا ما إلي غيرو.. دخيل إسمك ورحمتك ومحبتك وكرمك ونعمك..ياشافي يامعافي يا منجّي ويا جابر الخواطر ياحبيبي ويا كل الحب.
بالحب والإيمان تحيا ليس فقط القلوب والأرواح إنما الرؤوس أيضا..حمدالله رب العالمين عكل شي🙏الحمدلله بكل لحظة بحياتنا
ليه صحافيين لبنان عم يغطوا الحرب ب جنوب لبنان؟؟
ليه أهل الجنوب نايمين ببيوتن؟؟
ليه الغزاويين قاعدين ب غزة ؟؟
عن جدّ ليه !!
#لبنان #غزة #فلسطين_الان #الجنوب #الميادين_لبنان #فرح_عمر #ربيع_المعماري #حسين_عقيل #عصام_عبدالله
ما فيك تكون ضدّ الإعتداء عالمتظاهرين المدنيين السلميين بساحة الشهداء وتكون عادي مع الإعتداء على المتظاهرين المدنيين السلميين ب #الطيونية! ما فيك تكون منافق ما فيك تكون بوجين ما فيك تكون كذاب وما فيي كون متلك! ببلد الحريات التظاهر مشروع والقتل وجهة نظر! #لبنان #لبنان_ليس_بخير
ابن بلدتي الحبيبة خربة سلم وابن عائلتي شهيد..
إلى جنات الخلد يا شباب لبنان .. لبنان الذي نعرفه بالكرامة وشبابه العنيد المقاو م
#محمد_حسن_أحمد_شري
#لبنان #بيت_ياحون #غزة
ما شفت مسؤول لبناني اشتغل قدّ #حمد_حسن مع كمية مش معوّدين عليها من الادب والحب والاخلاق! واجه وباء متوحش ومجهوووول من أول وصلتو بالوقت اللي البلد مأفلس والناس مهسترة.. بردا وسلاما معالي الوزير🙏عسلامة إنت وإبنك
@Hamad_hassan20
طابق بمستشفى بأميركا بإسم أحد الزعماء الطرابلسيين لقاء ٣ مليون دولار كرمال الوجاهة.. لو هول انعمل فيهن مصنع، مستشفى،مزرعة بطرابلس كانت شغّلت كتير من الفقراء و حتى "الزعران"_الفقراء وفتحت سوق عمل "شريف"
#مثل_صغير
#طرابلس #لبنان #لبنان_ينتفض
عم تقطعوا بأرزاق بعض؟؟؟
يا ويلكن من الله! ولك نملة ما إلنا قلب نأذي! يا ويلكن من الله.. يا سواد قلوبكن وعقولكن ونفوسكن!
ما بقى تحكو بصلاة ولا بدين ولا بأخلاق ولا بإنسانية.. كلن براء منكم!
#صباح_الخير للأوادم
صديقتي انعدت من أحد ولادها واستفحل فيها #كورونا لدرجة كلنا خايفين عليها،كل ماإبعتلا إطمّن عليها بتقلّي حمد الله ولادي أحسن.. بسألها عن حالها بتجاوبني عن ولادها..شو هالمخلوق اللي إسمو "إم" يا ربي 🙏شو هالحب العظيم اللي ربنا بيحطّو جواتن
صباح الأمهات❤
#صباح_الخير #لبنان
إسرائيل عم تهدد مطار بيروت وشركات الطيران اللي بتروح وبتجي عليه !!!! في وقاحة وإجرام أكتر من هيك؟؟؟؟ أرضنا مياهنا سمانا مرافئنا الحيوية !!!!! يا خيي والله مش برغش نحنا !! احتلال واستباحة وتعدّي وترهيب وتخويف لإيمتى!
#لبنان
لو شو ماكان الموقف السياسي بس توصل للشماتة بالمرض! والله عيب!وين وصلنا بأخلاقنا وبإنسانيتنا ؟! في ناس صارت بتخوّف من كتر الكره والحقد والسفاهة ياعمي!بردا وسلاما #جبران_باسيل انشالله بالشفاء العاجل وللشماتين إنتو كمان لازمكن شفاء وعاجل. #كورونا ممكن يصيب أي واحد منا أو من أهلنا.
الطيران مفوّل من كندا ع لبنان ما بقى تلاقي مطرح!
لو ما أنا هون وحدا خبّرني كنت قلتللو كذاب ..
اللي بسمعو من المغتربين شي ما بعرف فسّرو وأصلا ما بيتفسّر ..
#لبنان 🇱🇧
خليني إحكي عن شي بعرفو ضيعتي خربة سلم
البيت الفيلا اللي صاحبها صديق بيي وحاطط دم قلبو فيها متل أغلب بيوت الجنوب فاضية ما فيها حدا ولا حتى ناطور ! اتدمرت وتدمر معها كتير من البيوت المحيطة
بيكذبو الكذبة وبيصدقوها
زاهي الأخ والصديق الغالي يتجاوب مع العلاج بفضل ربنا وصلوات ودعوات عيلته وأصدقائه وألوف الناس المُحبّة والوفية❤أما مطلق الشائعات فلا أمل من علاجك للأسف! خافوا الله وادعو له بالشفاء،إذا عتلفوني هيك،كيف رابعة وعيلته وولاده،عم تتخيلو الوضع! #زاهي_وهبي
@Zahiwehbe
@rabiazayyat
س:لماذا تدافعون عن رياض سلامة؟
ج: لان غيره أيضا فاسد!
س: يعني هو فاسد وغيره كثر فاسدين؟
ج: صح
س: تمام ما دام من ضمنهم إذن لماذا تدافعون عنه؟!
ج: ^*&€_/×+@#^%$#@€
#رياض_سلامة #لبنان
تحدثوا في السياسة ماشئتم تحدثوا يالإقتصاد ماشئتم فأنا إبنة الحرب لي حديث آخر بالأمان والازدهار والفرح وفتح المناطق ونبذ الطائفيةوالعنصريةوالتطرف والقلب الكبير وحب الوطن والجرأة على الحلم والنجاح وتقبّل الآخر في #لبنان آخر لم أكن أعرفه ولا أحنّ إلا إليه
#رفيق_القلب #رفيق_الحريري
إختي اليوم عيدا❤إختي رجعت ع #لبنان ب ٢آب بعد غياب طويل،إختي انكتبلا عمر جديد متلي ومتل كل اللبنانية اللي بقيوا عايشين ب ٤آب،زوجا انصاب وبيتا اتدمر،الكلّ قلّلا رجعي شو جابك.إختي بعد ٤ آب اتحجبت وحلفت مابقى تترك البلد،في كتير ناس صعبة يفهمو إختي..العمر كللو يا نور قلبي وعيوني❤
شو بيشتغل جمال عيتاني غير إنو رئيس بلدية بيروت المنهوبة المنكوبة المتروكة بلا كهربا بلا مي بلا إشارات سير بلا حياة بلا خطة للزبالة بلا أي شي!؟؟
#لبنان #بيروت
أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟
هول اللي ساعة بيحطوا الجيش بالسما وساعة بيسلخوه وساعة بيسألو عسكر على مين وساعة بعايروه بمعاشه حسب المكان والزمان والمزاج لا يعوّل عليهم ،هول جزء من البلاء والنفاق لبلدنا وأهله وجيشه أولا
جيشك تاج راسك وين ما كان وكيف ما كان..واضحة؟
#الجيش_اللبناني #لبنان
الطيران الأسرائيلي مش فوق بيتي صار فوق راسي!!! الله ينتقم منكن دني وآخرة!!
كانو أهلنا يخبونا بالحمام نحنا وزغار وين منخبيهون هلق؟! الله يذلكن ويلعنكن لعنة الشياطين! العالم عم بتصلّي ليلة الميلاد!
يا سيادة مرحباااااااا #حربي_بالاجواء #لبنان #العدو_الاسرائيلي #عيد_الميلاد_المجيد
لما كنا زغار عشنا وتعلمنا وشهدنا على إنو إسرائيل احتلت لبنان وفلسطين ولما كبرنا اكتشفنا إنو إسرائيل احتلت كل العالم إلا لبنان وفلسطين
#طوفان_الاقصى_ #لبنان #فلسطين_قضية_الشرفاء #غزة_تُباد
#FreeGaza
شو عالشماتة والفرح والابتهال بانهيار البلد !!!!! يا لطيف بحياتي ما شفت ناس بتيكره بلدا هالقدّ!
يا رب إحم #لبنان من هؤلاء ونكاية بهم ..
#يا_عفو_الله #صباح_الخير #رمضان_كريم
فقت على أخبار #الجنوب_يحترق والبعض التافه من الحاقدين المنافقين الكارهين لأنفسهم شمتانين بحريق قطعة من أرض بلدنا..شياطين الأرض اللي عايشين بيناتنا! ماشفت أوطى من هيك..اللهم اكفنا شرّ خلقك واحم لنا لبنان من شماله لجنوبه🙏
#يا_حبيبي_يا_جنوب #برداً_وسلاماً #لبنان #الجنوب
شكلي رح كون بلا رفقاتي ب #كندا كللو نازل ع #لبنان .شنطن أدويةوغراض أساسية ومصاري لأهلن وأهل رفقاتن.كلسات ماحدا اشترى من هون،بدن يشترو من بلد الذوق وينفّعو أهل بلدن.طيب الكهربا البنزين؟نحنا مش أغلى من أهلنا،حتى لو قعدنا سوا بالأوتيلات.تفكير مش كل الناس بتفهمه❤
#المغتربين_جايين
الإعلام المضلّل أنتم جحيم!
وصّلتو إعلامنا مهنتنا المفخرة والمثال اللي كان يحتذى فيه بالعالم العربي إلى الحضيض!! صرنا مسخرة، جبهة،ضلال،ظلام..
أضطر لمشاهدة كل المحطات ولقراءة عشرات المواقع والمقالات لأحصل على معلومة واحدة صح !!الإعلام المضلّل جريمة..خجلانة فيكن!
و #صباح_الخيرᅠ
#هنغني_كمان_وكمان رسالة حياة وفرح وتحدي وتفاؤل ببكرا🙏بوقتا وعالقدّ
#أليسا و #هيفاء_وهبي غير الحلا والهضامة رسالة تكاتف واتحاد نحنا كتير بحاجة نضوي عليها،وايه الفن لكل المناسبات ولكل الظروف كمان وحنعيش بإذن الله
@elissakh
@HaifaWehbe
@TonySemaan961
#Covid_19
هدموا مبنى تلفزيون المستقبل بالروشة💔كل حجرة حكاية كل قرنة ذكرى..هون البداية أجمل وأرقى وأقوى وأحب وأنجح بداية بس ما تخيلت هيك نهاية..قلبي عم يوجعني!
#لعيونك #لبنان #تلفزيون_المسقبل
لأصدقائي القدامى بتلفزيون المستقبل،شيلكن عن المهنة وكل حلاوتهاومرارتها،إنسانيا ومن دون تخطيط،عرفنا داخل هالمؤسسة وخارجها وبعد ماصار كل واحد بديرة،عرفنا نحب بعض ونتقبّل ونساند بعض..عرفنا نكون عيلة محبةومعتدلةومحترمة وناجحة بعد كل هالسنين وبالرغم من قساوة كل الظروف..بحبكن❤ #لبنان
هل كان يعلم المجتمع الدولي بهؤلاء الاطفال الأسرى المعتقلين؟ أطفال أطفال يا الله !
طيب الأمم المتحدة ؟
طيب جمعيات حقوق الإنسان والطفل؟
طيب القانون الدولي والإنساني؟
ناشط ؟ حقوقي؟
يا ويلكن من الله!!! دنيا وآخرة
للأسف الحرية حقّا دم
#غزة #الهدنة_الإنسانية
#فلسطين_الان
لم يرض الممثل #ويل_سميث المسخرة على شعر زوجته المتساقط بسبب مرض ولا هي بلعتها!لم يفكر لابمهنته ولابالليلة ولابالاوسكار ولا من أن يقال كان عنيفا! فما الفرق بين العنف اللفظي والجسدي؟برأيي لافرق،تصرف كزوج وكحبيب مراعيا شعور زوجته أولا والباقي تفاصيل!
#Oscars2022
#willsmith
#Oscar
رح إبقى عاتبة و زعلانة على تسكير مؤسسة بحجم #تلفزيون_المستقبل أسست لإعلام حديث ريادي "سابق عصره" وجامع ولإعلاميين بينشاف الحال فيهن بكل العالم
#رفيق_القلب #رفيق_الحريري
نحنا بصورة ❤
هالصورة كيف ما كان من شي ٢٠سنة بمحطة ما حدا أخد عزّ وشهرة ومحبة واهتمام ومتابعة قدّا
كنا زغار وكبرنا سوا وحلّقنا نجوم بكل الفضاءات العربية بحبكن كلكن وفخورة بكل حدا فينا وين ما كان وشو ما عم يعمل
أجمل ما بالخبرية إنو نحنا بعدنا أصحاب وأخوة لهلق
#الايام_الحلوة
بكل صراحة وصدق انسيابية وبساطة الأداء عند نادين، نقطة ضعفي شو ما مثلت وشو ما عملت
اداء جدا مقنع لدرجة ما بتحسّا عم بتمثل، مبروك نجاح مسلسل #خمسة_ونص مبروك #نادين_نجيم
@nadinenjeim
@sadek_sabbah
#نادين_نسيب_نجيم
اخترت هالصورة لان اشتقنا للفرح واللقاء والمهرجانات اللي كانت تلفّ لبنان وتجمع كل الناس عالفرح والمحبة والفن والموسيقى والنجاح..الله يعيدها،ويعيد عليكي سنين بالخير والصحة والسعادة والقوة والحب والاستمرارية لنجاح صار كمان عمره سنين💗
@elissakh
#HappyBirthdayElissa
#شيرين_عبد_الوهاب الآن في أيدي أمينة🙏
للإعلام للأقارب للأصدقاء للناس المحبّة وحتى غير المحبّة فقط تذكروا أنها أم لطفلتين عم يتعرّضوا لضغط نفسي مش طبيعي حطّوا حالكن أو ولادكن مطرحن واعملوا ضميركن!
#شيرين بحاجة للدعم والسترة والدعاء والحب،بناتها كذلك وأكثر وربنا ما يجرب حدا
#جو_خوري هالشاب محامي شو عمل حتى يتفجّم بهالطريقة؟ ومين عمل فيه هيك؟ وليش بدي شوف قصتو بس عال otv !!!!
ليه ما عم فينا نكون ضد كل الاعتداءات وكل الاعتقالات وضد كل قمع الحريات ! كيف قلنا قلب 💔
#لبنان__ينتفض #لبناني