جذبني مثل جذب الدلو في رشا سآنيه
وجبرني على التقدير والحب وأغراني
عشقته مثل ما يعشق الاخ ضحك اخيه
وقبلته مثل ما يقبل الطب مرضاني
الا جيت في جمع العرب عيني تراعيه
اسولف على شانه ، ويضحك على شاني
الى من دعاني قلت : لبيه ثم لبيه
وهو لا دعيته ؟ قام طوله ولبّاني ❤️ .
#تبعثر_القلب_وقال
أنا مهبول وجايزٍ لي هبالي
هبال طيب ولا صحاية رخامة
هذي تواصيفي وهذي خصالي
يقولها اللي مازهف في كلامه
إن جزتلك فانا الرفيق الموالي
و إن عفتني مسموح ومع السلامه
دور و تلقى لك رفيقٍ بدالي
وكلٍ يبي رفقتك ترفع مقامه