محتاجه ارجع اتفرج علي الفيديوهات الدينية اللي بتخليني شايفة الدنيا دي صغيرة و بتفكرني بالغرض الاساسي من حياتنا لاني لما ببعد فعلا بتعب و ب panic والحياه بتبقي صعبة وتقيلة
الإنسان ده كائن عجيب، تلاقيه في يوم متحمس وبينجز وناقص ينور في الضلمة ويهز جبال وبرنس في نفسه. مفيش شوية تلاقيه مُنطفي ومش قادر يقوم من السرير حتى أو يعمل أي حاجة.
الخروج من البيت دايما قرار صح ، حتى لو حاسس انك مش عايز تخرج، كام مرة متبقاش عايز تنزل وصحابك ينزلوك بالعافيه ولما تنزل تتبسط، كام مرة لما ذاكرت برا البيت ذاكرت فعلا ومضاعش وقت ولو كنت قعدت في البيت كنت هتضيع الوقت، الخروج دايما قرار صح .. حتى لو حاسس انك مش قادر.
بحب جو رمضان اوي وبحب مقاوحة الناس ف انهم يقربوا من ربنا اكتر وبحب الناس ف المواصلات وهي فاتحه المصاحف والسواقين مشغلين قرآن ، ولو حصلت خناقه ف الشارع بيلموها بكلمة يعم الدنيا صيام ، والبنات كمان وهي من غير ميكب ولبس ضيق حقيقي رمضان اجازة من دوشة الدنيا اللي جوانا بتاعت طول السنه
بحس ان من الحاجات اللي بتبقى جميلة اوى
ان الولد يبقى حنين و caring على أهله و خصوصاً مامته و اخواته البنات لأن دا مؤشر حلو انه اولآ حد مسؤول و فى الاغلب هيبقى حنين عليكى و يقدر يحتويكى زي ما بيعمل معاهم
سورة يوسُف هي أكتر سورة قريبة من قلبي بجد, فيها الكيد وفيها الحزن والكرب وفيها الدعاء وفيها الفرج, معتقدش في وصف للحزن أدق من "وابيَضَّت عَيناهُ من الحُزنِ فهو كَظيم".
الانسان مبيحبش يكون شكاء بكاء ف بيفضل يكتم و يخزن جواه كتير اوي و بعد كده يجيب اخره ف يمشي يندب على كل حاجة بأثر رجعي ف يبقى شكاء بكاء مُبالغ فيه و من غير مبرر
واضح كده ان الانسان ف حاجة دائمه لـ partner مريح يشاركه كل حاجة بيعملها ف حياته وي support him دايماً ويفكره من وقت للتاني انه انسان كويس ومرغوب فيه و يطمنه كل شوية
سيدنا يعقوب من كتر ما دعي ربنا الناس قالوا عليه مجنون لأنهم كانوا متأكدين إن يوسف ميت ومستحيل يرجع ، بس في يوم جالوا منادي من ربنا بيقول "يا يعقوب وعزتي وجلالي وارتفاعي عن خلقي لو كان يوسف ميت لاحييته لدعائك" ، فبلاش تستهون بالدعاء ، واعرف إن الرد ديماً " فَاسْتَجَبْنَا لَهُ "
الجسم المليان بيعجب ناس والجسم الرفيع بيعجب ناس ، شعرك الكيرلي حلو والخفيف والقصير حلو برضو ، سنانك فيها عيب ، مناخيرك كبيرة كل دي أمور عادية، متزعلكش من نفسك انت جميل وحلو وربنا مخلقش حد وحش مفيش حد فينا مثالي الناس هي اللي مبقتش متربية...
رمضان ده بمثابة استراحة المحارب بالنسبة ليا، حتى لو مخلصتش المسؤلية والضغوطات، مجرد أفتح المصحف وأسجد لربنا وأدعي بحس إني مرتاحة، والراحة بتوسع لنفسها مكان في قلبي وتقعد شوية. بعد كل الإنتهاكات اللي أحدثتها الحياة في حقي.
طالما خطبت أو ارتبطت او حبيت ياريت متعرفش واحدة عليها تحت بند صحبتي مجرد اللقب بيضايق ، هي واحدة بس اختارها مابين ناس تكون اختك وصحبتك وكل الناس ،وهكذا برضو انتي...
عارف لما تبقي مقرر تسطح علاقتك بحد بتحبه وتاخد جنب وتحاول ع قد ما تقدر متكلموش واول ما تكلمه تلاقي مشاعرك اتجددت وعايز تحكيله عن كل الايام اللي كنت ساكت فيها
سورة يوسف دي جميله اوي ولما بسمعها بطمن اوي وبحس ان ربنا بيبقي قادر فعلا يغير دايما الامور للاحسن وقد ايه الصبر فعلا مفتاح لكل حاجه حلوه واللي دايما مع ربنا عمر ما ربنا هيسيبه ابدا والله♥️
وانت بتصلي .. انت بتتغير من غير ماتحس طباعك بتتغير، خوفك بيروح ، سلامك بيزيد، شهواتك بتتبخر، انت حارم نفسك من دا كله لما بتهمل الصلاة او بتكسل عن الصلاة!!
كل ما البنت تحط لنفسها حدود في كل حاجة كل ما قيمتها بتزيد عند ربنا وفي عيون الناس ومش اسمه تعقيد أبداً مهما الدنيا اتغيرت من حواليكِ الكل باع نفسه واتخلوا عن مبادئهم انتي صح.. الحياء والأخلاق بيكونوا رزق من ربنا مش اي حد يطولهم♥️
هو جميل طبعًا انك تبقي قوي ومعتمد ع نفسك وكل حاجة بس انك تلاقي حد يسمعك ويدعمك وتحكيله كل اللي انت حاسس بيه في أي وقت أعتقد ده ميتقدرش بأي تمن ولا أي حاجة في الدنيا ..