Officially a RADIOLOGIST!!
الحمد لله رب العالمين، اللهم استعملنا ولا تستبدلنا وقدر لنا الخير حيثما كان.
رسمياً طبيب مقيم بدرجة معيد قسم الأشعة التشخيصية بمستشفيات جامعة المنيا❤️❤️❤️
النهاردة كان هيبقى أسعد يوم عليك يا والدي ألف رحمة و نور عليك، توفيت قبل ثانوي على طول و النهاردة بعد سبع سنين و نص الحلم اتحقق و ابنك الصغير بقى خلاص دكتور رسمي زيك بالظبط بفضل ربنا و كرمه الواسع❤️❤️
✨️بكالريوس الطب و الجراحة - امتياز مع مرتبة الشرف 95.64% الحمد لله❤️✨️
انا مبسوط جداً الحمد لله اخيراً خلصت تحضير اول بيزنس صغير خاص بيا باذن الله تعالى بعد تعب و تحضير و لف كتير❤️
هو عبارة عن online store تقدر من خلاله تطلب منتجات خشبية شيك جداً متصممة و
متقطعة بالليزر❤️
ريتويت و هكون شاكر جداً❤️
رسمياً الطبيب\ مصطفى مجدي أحمد👨🏻🎓👨🏻⚕️
الحمد لله كما ينبغي لجلال وجهك و عظيم سلطانك❤️
مش قادر أوصف قد ايه تفاصيل اليوم كانت جميلة ربنا يكتبها لكل حد لسة بيعاني في الكلية و يتخرج على خير❤️
4/3/2024.
مشكلة تطور شخصيتك مع الوقت انك بتعرف نفسك اكتر و بتعرف مين يناسبك اكتر و هنا بتيجي مشكلة ان ليك صحاب و معارف بقالك كتير فشخ عارفهم بس you're no longer matched و هنا بتحس بصراع بقى
كام مرة حسيت ان مجهودي مش كافي،
انها بحر اكبر من قدرتي عالعوم،
انها ضاقت و مفيش فرج،
ان معنديش رفاهية الانهيار،
ست سنين و نص حسيت فيهم بكل أنواع المشاعر إلا شعور واحد، انها هتخلص، و النهاردة بس..خلصت❤️
٦ سنين و نص بتوع طب خلصت بفضل ربنا و كرمه ..
١٨ يناير ٢٠٢٣
تمت بحمد الله.
ده تذكير لطيف انه الاعتذار بدون تغيير حقيقي للتصرف او الاقتناع انه فعلا كان غلط فده manipulation و يستحسن تاخد رد فعل فأسرع وقت عشان هتخش فloop و الموقف ده هيتكرر و كل مرة هتخسر صحتك النفسية
انك تخسر زمايلك عشان عقدة الsuperiority عشان درجات او نظام دراسة ده أغبى شئ شوفته
انت بتخسر connections لا تقدر بثمن فالمجال الطبي في مقابل شوية جليطة و احساس زائف بالتفوق
لو مش عارف تفهم كونسبت المحبة قيسها عالاقل بالمصلحة
فيه كوتس كانت من نوعية "الله قد ايه شاطر واو نوعي المفضل من الميديكال ستيودنت🥺"
ده هبد و اي حد عدى قدام باب طب عارف انه هبد و لو عملت كدة يا مجموعك هيتدنى + مش هيبقى ليك اي نوع حياة برا الكتاب و ده اوسخ شئ لو تعلمون و اه طب بتأثر على حياتك بما فيه الكفاية فما بالك لو عملت زيه
احساسي بالصلاة اتغير من ساعة ما بدأت اعتبرها كوقاية من كل شئ سئ دماغي بتحطني فيه و كل ما صليت الصلاة فميعادها كل ما الحماية دي بتتجدد فميعادها الصح و مبيبقاش فيه أي gap السواد يدخل منه
النهاردة كملت ٢٣ سنة❤، السنة اللي عدت كانت من أسوء السنين اللي عدت عليا حرفياً ان ماكنش اسوأها... و بحمد ربنا انه بيدي طاقة للواحد يقوم بعد كل مطب، و باللي الواحد اتعلمه فاللي جاي احسن ان شاء الله.. يلا ..كل سنة و انا طيب😂❤🎊🕺
اللي محتار فالعظام عشان الكلام فالمذكرة مقصوص حبة و في حاجات مش مفهومة فيه موقع اسمه orthobullets دور عليه على اي حاجة هتلاقيها و ماشي مع كلام المذكرة حلو فشخ و عليه اشعة تفهمك الكلام كمان
Thank me later
أخواتي و حبايبي و أعيان صيدلة اتخرجوا ..اللي طلعوا ميتيننا على ما اساميهم اتندهت😂😂.. مبروك لاخواتي و حبايبي و ربنا يوفقكم فكل اللي جاي يعيال❤❤❤
@hanyadelali1
@Mahmoud18498
و عقبال حفلة تخرجك يواد ❤😂
@Abdulra66072621
فيه كتاب بدأته من بتاع شهرين كدة كان بيتكلم عن حاجة اسمها الresistance و الآليات العديدة الماكرة فشخ اللي دماغك بيعملها معاك عشان متعملش أي نشاط يتعبه و يبعده عن ال baseline activity بتاعته
The greater importance of smth you have to do, the greater is the resistance you'll face
المرادي مش هنزل الصور دي ستوري لأن الصور دي غالية عندي جداً.. و نادراً لما نتجمع..و الناس دول هما عشرة العمر بالمعنى الحرفي من افضل الحاجات اللي ممكن تحسها ان مفيش حاجة اتغيرت فالسنين دي كلها برغم كل شئ.. نفس القعدة و الضحك و أكتر ناس ممكن ابقى على طبيعتي معاهم..ربنا يديمها صحبة
@ASarahIncognita
Here's a tip that can help if self criticism is the prob:
Record your self-talk, then re-listen to it, you'll automatically compare how you talk to yourself vs. to others, this will obligate your mind to notice how unfair this is..
بنحتفل بعد تالتة (نص تخرج)
بنحتفل بعد الباطنة(يا راجل كأنك اتخرجت)
بنحتفل بعد ما نخلص نظري ساتة(هانت كلها ٢٠٠ درجة كأنك اتخرجت)
بنحتفل بعد ما نخلص نظري و عملي و شفوي ساتة(يا راجل انت كدة خلاص دكتور امتياز رسمي)
بنحتفل بعد سنة الامتياز (التخرج بس المرادي ابو
جد)
جروب نصائح للاطباء الراغبين العمل بالخارج ده عليه شوية ناس توكسك بدرجة كبيرة
(المشكلة انهم اكتر ناس active) يعني فيه واحد بجد خدت بالي منه بقالي فترة طويلة مش بيعمل كومنت الا لو محتواه سلبي بجد و ساعات بيبقى كلامه حقيقي و ساعات لا ..المهم لازم التعليق سلبي
موضوع الدكتور عبد الله اللي اتوفى ده معداش عليا بالساهل و متهيألي اني جوايا كمية غضب رهيبة على نظام الجامعة اللي اتسبب فموت شاب لا يتعدى عمره ال ٢٦ و اللي كل شوية يعصبني اكتر انه ملوش حقوق و مفيش حاجة بتتغير :)
ربنا يستر و مانوجهش نفس المصير
ربنا يرحمه و يصبر اهله
لو عاوز تخسر وزن :
١. ركز علي شكل جسمك مش الميزان
٢. ركز علي تمارين الحديد مش الكارديو
٣. ركز علي سعراتك مش الكارب
٤. ركز علي الاستمرارية مش المثالية
٥. ركز علي الاعتدال مش الحرمان لفترة
٦. ركز علي تغيير العادات مش الوزن بس
● اعمل فولو للاكونت لنصايح يومية.
بقالي فترة طويلة ملاحظ ان فيه صفة مريحة فشخ بحب اسميها "الاعفاء" لو انت عندك اي مشاكل من اي نوع فانت بمجرد ما اديتني hint بعفيك تماماً من اي عشم/شئ متوقع منك/طريقة تصرف معينة و الموضوع بيتطور اني حتى لو مش عارف خلفية تصرفك ايه او خلفية مشاكلك فالاعفا شغالة اتوماتك
كنت بتفرج على ڤيديو لمحمد علي كلاي بعد ما عجز و عنده parkinsonism و ڤيديو تاني ليه و هو في عز شبابه و قوته و بطولته.. ماترددش في دماغي غير "اللهم اني اعوذ بك من زوال نعمتك و تحول عافيتك"..
الڤيديو تقيل جداً بس هو جميل انك تتذكر حتى لو من حين لآخر ان كل شئ فاني يعني.
أولا ماما اكلها عظيم
ثانيا مبيجليش قلب ابداً انطق لو الطعم اتغير فمرة و بتخيل شكلها و هي فالمطبخ فالحر و هي اساسا كان عندها شغل الصبح و طالع عينها، بحس هبقى عيل معفن فشخ لو نطقت باي حاجة غير تسلم ايدك و هو فعلا تسلم ايدها
لما الست الوالدة الأكل بيألش منها -بيكون ناقص ملح مثلا- او اشياء من هذا القبيل المهم مايكونش طالع مظبوط، بتواجهوها بالحقيقة ولما بتعملوا نفسكوا مستمتعين بالأكل مراعاة لشعورها؟
و الله يصاحبي طول ما انت نيتك خير هيتهيألك انك بتتخزوق بس نظرتك هتتغير تماماً لما تاخدها من منطق ربنا بيبعد عنك الوحش ما هو الوساخة عمرها ما تمشي مع النضافة..فمتغيرش من روحك و كمل فطريقك.. يومك سعيد❤
مسلسل بالطو بيصور شئ واقعي إلى حد ما بس هو مخليين الدكتور اهطل زيادة عن اللزوم لزوم الكوميديا عشان لو المسلسل مش كوميدي هيبقى واقع مرير فقط و محدش هيتابعه
انا شايف انه هيحصل rebound فظيع للانهيارات و المشاعر السلبية المكبوتة الفترة اللي فاتت.. الواحد لازم يعترف بده و يتعامل معاه لو عايز صحته النفسية ترجع كويسة تاني.
كنت مستني حد يقول كدة انا 3rd gen و معملتش اي حاجة اتنصحت بيها و شكل مستقبلي و طريقة تفكيري بناءا على تجاربي و تفكيري انا عشان انت اللي هتشيل الطين لو ماخترتش اللي يناسبك انت👍🏻
مش دايما...
هتلاقي 2nd و rarely 3rd generation و كله عمال يديهم نصايح و tips و كله بيتكلم based on personal experiences و مطلوب منك تفلتر كل ده و تنقي اللي يمشي معاك في الاخر
ده في حالة انك عاوز يبقى ليك طريقك انت and you don't wanna be such a follower !