ستدركُ في نهايةِ الأمر و بعد التجرُّد من كل شيء ، أن أكثر ما تتمناه هو أن تمرّ الأيام سالمةً ، هانئةً ، وادعةً ، مغمورةً بالصحة عليك و على أهلك و أحبابك"
أعتقد ان أعلي ليفيل الصداقة انك تبقي قادر تدخل تقول أي حاجة في أي وقت من غير أي تكلف أو تزويق للكلام ، حتي لو انت و الشخص ده بقالكم شهور متكلمتوش ، و مع ذلك تحس ان لا الأيام ولا المسافات فرقت بينكم ، و لسه قادر تكون أنت زي ما أنت و هو زي ما هو .
العشم دا اسوأ حاجة فعلا ، انك تفضل متعشم في حاجة أو في حد أو تطلب حاجة من حد وعشمك يروح في الهوا ،الموضوع فيه كسرة نفس جدا يعني ،فمتتعشموش يا جماعة في أي حد مهما كان ؛
جربتوا يا جماعة احساس انكوا تبقوا طول طول الوقت مش مرتاحين كده و مش عارفين انتوا عايزين ايه و لا عارفين تختاروا حاجة صح في حياتكوا ولا لاقين حد جمبكوا يشاركوا اللخبطة دي و بجد انا بقيت شخص مشتت من كل الاتجاهات.
كنت راكبة المترو و قعد جمبي بنت كانت بتعيط في صمت و بعدين لقيت البنت اللي قدامي و هما ميعرفوش بعض بتقولها انتِ كويسة ؟ طب عايزة حضن ؟ و البنات ألطف الكائنات فعلا بجد😭
كل شوية أدخل علي صفحة مس نادية أشوف كمية الناس اللي كاتبينلها أعيط ؟ايه كمية الحب دي؟ ازاي إنسان قدر يجتمع كل الناس علي حبه! مش جيل ولا جيلين لأ دي أجيال كتير أوي ،ربتينا كلنا ، وشك وابتسامتك كان فيهم حب و حنية الدنيا بجد، ربنا يرحمك يا حبيبتي و يسكنك فسيح جناته♥️
فيه شخصٍ ما لا داعي لذكر اسمه ، ركبت النهاردة ميكروباص ورايا رجالة بتشتكي من ضيق الحال و مصاريف عيالهم و دعوا عليه كمية دعاوي بحرقة، معرفش بينام بليل ازاي و كل الناس دي بتدعي عليه بجد ، تخيل ربنا هيحاسبك علي كام مليون ؟
خدوا step back يا جماعة لو حسيتوا للحظة إن المكان ده مش مكانكوا ، أو الناس دى مش شبهكوا ، أو انكوا بتستهلكوا طاقة أكتر من اللازم مع اى حد حياتكوا ، لفوا وشكوا وارجعوا و متكملوش فى حاجة عارفين أن آخرها حيطة سد و بيعوا الناس واشتروا راحتكوا ،
مذاكرة ال palliative بتأذيني والله العظيم تخيل بتذاكر حاجة عشتها مع أقرب الناس ليك و شفت كل التفاصيل دي فتلاقي ال flashbacks بتأذيك نفسياً و المادة بتأذيك علمياً، كفاية يا دنيا بقي
I'm always looking for people who really appreciate and care , a real friends who are gonna put you at the top of everything, so please if I'm not a priority don't put me as a second chance , and don't be my friend anymore , end of the text.
من الصبح مفيش غير علي لساني غير الحمدلله ، كل ما أفتكر الفزعة اللي كنت فيها و اني مكنتش اعرف حالنا هيبقي ايه و كل السينوريهات السيئة اللي في دماغي اقول الحمدلله يارب ، كل ما أبص لماما ألاقيها قاعدة في وسطنا أقول الحمدلله ١٠٠ مرة والله الحمدلله..