اعتقد أن ابسط أشكال الاحترام اللي ممكن تقدمها لحد هي "التبرير" أنك مثلا وقت ما تغيب تبرر غيابك وقت ما متردش عليه تبررله ده، وقت ما متكونش على طبيعتك معاه تبرر ده برضه، هي الأمور مفروض تمشي كده بين الناس عشان محدش يستحق ابدا أنه يتساب في dilemma "هو إيه اللي حصل؟"
في ٢٠١٦ اختي ولدت توأم. اجمل بنيتن في العالم، لين كانت مولودة أصغر من العادي. فاكرة في يوم كنت أنا نايمة و ماما جت صحتني و حطتها جنب خدي، كلها على بعضها كانت قد وشي. والله من من أجمل لحظات حياتي
ههه لا اليهود اللي برة مش ارحم ولا حاجة، و مش لازم نقول أي كلام لأجل القافية وخلاص. معروف أنا الشركات الضخمة اللي بتنتج أضعاف أضعاف الشركات الصغيرة بتبقى التكلفة عليها أقل بكتير.
الكانز اللي في الصوره دي لمنتج بيبسي ومنتج مصري
البيبسي كان ب١٠ ولما غلي بقى ب ١٣
اما الكان المصري اللى المفروض نشتريه علشان المقاطعة ف بعشرين جنيه
وهنا انا طلعت بدرس مستفاد
أن اليهووود اللى بره ارحم من اليهووود اللى جوه .😏
.
بدأت اتقفل من ناس كانو مفضلين جدا بالنسبالي وعمري ما كنت اتخيل إن حبي و قبولي ليهم ينقصوا، و بدأت أحب ناس مكنوش في بالي أصلا، بس مضايقة متقلباتي و من عدم استقراري و حاسة أن مليش أمان و محدش ياخد حبي ليه for granted عشان أنا نفسي مش ضامنة ده
الناس بتقول ان مسلسل أمينة خليل عقدهم من الجواز، بس جيس وات الوحدة برضه تعقد و تقرف و العيشة منغير شريك تحزن، و تكوين أسرة صعب برضه و تربية عيال مهمة شاقة. كل حالة في الحياة صعبة و كل روتين بيتمل مهما كان مثالي، في المجمل الadulthood حمل تقيل والله. ليه الإنسان بجد؟
حد اعرفه اتجوز من مصر و جابها امريكا. بلا ادني سبب بعد فتره قصيره قلعت الحجاب و لما كلمها جابتله البوليس و عملت أمر حمايه ضده. والدها كلمها عملت أمر حمايه ضده برضه. و خدت العيال و اتطلقت عافيه و خدت مصاريف اضعاف المستحق عشان كان راجل شغال ب ضمير و بيعمل دخله كله قانوني… يتبع…
احنا كبنات عيشنا طول حياتنا علينا وصاية أبوية/أخوية و حتى وصاية من الاقارب البعاد و احيانا الجيران، و ده اضطرنا نقبله غصب عشان محدش بيختار اهله أو محيطه، وقت بقى ما تجيلك الفرصة انك تختاري شريك حياتك اختري لنفسك حد شايفك انسان كامل ومش محتاج وصاية
انا مش بس بقيت احب الحاجات اللي بيحبها عمر، و مش بس بلقط الsense of humor بتاعه و مش بس باخد من طباعه، أنا كمان بقيت مبطقش الساقعة زيه و بستحمل الحر عادي. درجة الحرارة ٣٠ و وانا زي القردة عادي مبسوطة بالجو بعد ما كنت من محبي الشتا. مش ممكن انا اتمحت شخصيتي😢
اتمنى الناس تبطل تشوف رضوى الشربيني كرمز للنسوية. من وجهة نظري هي بتاكل عيش و لابسة persona زيها زي ياسمين عز بالظبط. اعلامية شغالة مع قنوات النظام بتطلع تقول اي كلام اهبل و عايم تعمل بيه ضجة وخلاص و عمرها ما تطرقت لقضايا حساسة
فى قاضي بمجلس الدولة شوهه وجه زوجته المذيعة وقتلها ودفنها في جنينة بيته، مطربة مصرية مختفية وملهاش اثر خلاف معروف مع كفيل الفنون والرياضة اللي حاطط جزمته في بوء الفنانين والاعلاميين في بلدنا، نيرة ادبحت على مرأى ومسمع الجميع على باب جامعتها..ده نوع العنف الموجه لستات مصر ف اسبوع!
عايزة اقول أن مهما كنت شيف شاطر لو اللحمة مش حلوة الأكل مش هيبقى حلو، بس لو لحمة نضيفة ابسط مهارات طبخ هتطلع منها أكل حلو. بيبقى كفاية عليها ملح و فلفل اسود بس حد يقولي يعني ايه لحمة نضيفة و لحمة مش نضيفة هقوله معرفش والله تتحدد ازاي انا لسة جديدة في عالم الطبخ كله، هي بتتحس كده
كنت واقفة مع ناس اعرفها فكانوا بيتريقوا عليا عشان قلعت الحجاب،فقولتلهم أنه اشطة اتريقوا عليا في وشي أحسن ما تتريقوا فضهري فواحد منهم قالي مين قالك أننا مش بنتريق في ضهرك فواحدة ردت عليه بتقول خلينا نتكلم عليكي في ضهرك أهو تاخدي حسنات أنتي محتجاهم دلوقتي، و كانت حاجة ههه خالص يعني
السكرتيرة اللي عند بابا في العيادة ولا معاها انجليزي و لا خبرة و لا نيلة و يدوب بتفك الخط و بتشتغل ٥ أيام في الاسبوع ٤ ساعات في اليوم و بتاخد ٢٥٠٠ جنيه ده أساسي غير الزيادة اللي بتبقى في النص اللي هي ال(+) حضرتك و آه إحنا في إسكندرية
أنا بكره البنات اللي بدماغ رجالة شرقية يعني نبقى بنهاتي في أبسط حقوقنا وأنتي شايفة مثلا أنه التحرش سببه البنت أو ان التحرش نفسه غلط مش كبير، أو مثلا slut shaming لواحدة مش لابسة على مزاجك أو بتتصرف تصرفات مش على مزاجك، ايه الخرا ده بجد
دكتور باسم صديق عزيز و على عينا و على راسنا طبعا. بس لو شنبك يا حبيبتي طالع و عايزة تروحي لدكتور السنان فاشطة روحي عادي ولا يهمك عشان الدكتور المفروض يركز في شغله و بس.
جماعة دكتور الأسنان أول حاجة بيلاحظها أول ما تقعدي على كرسي الأسنان مش سنانك لا أبسولتلي .... هي شنبك فا بلز والله من باب النصح مش أكتر حاولي تعملي قبل ما تجيلنا
بجد كان نفسي اقول كده. الناس تشبعت بالفاشية و العنف خلاص. نفس الشخص اللي ممكن يتاخد في الرجلين لأي سبب أهبل، لا يجد غضاضة في ظلم و شحطة حد تاني لمجرد تعارض فكري. لا و عاملين نفسهم تنويرين و تقدميين
ليه دايما بتودوا في البعيد كدة يا جدعان؟ البت دي الناس كلها عارفة رأيي فيها، وبنقول وبنسف وبنوضح الغباء والجهل والتخلف وبندفع بتدافع مجتمعي مدني، ودة بيفتح مسارات اما للناس تطور أو المجتمع بيفلتر، لكن ايه كل ما حد يعمل حاجة مش عاجباكم تروحوا تنادوا ع الدولة؟ يعني في ظل دولة
@Dexteing
بيبقوا معتقدين أن الزن و الإلحاح ممكن يغير رأينا و أنه إحنا هنخ بقى بعد ما نشوف محاولات التقرب المستميتة، ده إن مكنش أصلا مقتنعين من البداية أنه ال"لأ" ديه مجرد تقل بنات هيروح مع الوقت
الواحد اترسخ في دماغه فكرة أنه بيgain validation بس عن طريق أفعاله الproductive ، أو طول ما هو بيعمل حاجة مفيدة في العموم، بيذاكر مثلا بيشتغل، بيلعب رياضة بيساعد حد..إلخ أول ما بحس إني مبعملش حاجة مفيدة بفقد إحساسي لاستحقاق أي حاجة
المقاطعة هي الشيء الوحيد اللي قادرين نطلع فيه غضبنا و هي أضعف أضعف الإيمان. لكن تعامل الناس مع حد مبيقاطعش أنه مجرم و ملطخ بالدماء و بيشارك في الإبادة ده مبالغة منفرة و ما هو إلا تلويش في بعضنا و منفذ لغضب و عجز. المقاطعة اختيار شخصي و اللي مبيقاطعش مش مجرم.
انا هقول حاجة ومش عارفة إيه مناسبتها بس حقيقي تويتر من الحاجات اللي آثرت فيا و في تفكيري كتير و عرفني على حاجات وناس ومذاهب مكنتش اعرف انها موجودة أصلا، و بتعجبني جدا الdiversity الموجودة هنا
حاسة الناس فاهمة butterfly effect غلط. بيتكلموا عن صدف خليتهم يقابلوا ناس. آثر الفراشة مش صدف، هو حاجة تافهة جدا خارجة عن ارادتك حصلت بسرعة ترتب عليها دومينو ايفيكت و أدت إلى حدث فشيخ
بسمح لنفسي افرح على أي حاجة هبلة و مبهملش ده ولا بقلل من قيمة الحاجات اللي بتفرحني حتى لو كانت بتفاهة إني اشتريت حلق جديد. الحياة سخيفة كفاية و الواحد محتاج يقدس كل ما يُدخِل على قلبه السعادة
والله اتنكت عليه شوية في الأول و قولت فاكس مش وقت حب و مسخرة و بعدين وافقت انزل معاه و من أول نزولة والله حبيته منغير أي مجهود منه و منغير سبب واضح و بقيت أنا اللي مدلوقة
والله أنا دمي محروق من امبارح على ردود الجهلة اللي بيشتموا غصون اعتقادا منهم انها بتحلل الزنا. شيء مؤلم والله اللي وصلناله شباب متعلمين و اغلبهم تعليم عالي عاجزين عن تفسير جمل بلغة بسيطة جدا بلهجة عامية. ده انت حتى مش محتاج تكمل الثريد المعنى واصل من اول تويتة.
كنت عاملة لايك لبيدچ بتاعة spa في ال4 seasons عشان كنت عايزة احجز day use ل my ex لما كنا مع بعض عشان يروق يعني من جو الكلية و الشغل و كده بس بقى كل ما يطلعلي بوست من البيدچ ديه افتكر أد إيه أنا كنت girlfriend تحفة وكنت بعمل مفاجأت وحاجات لطيفة بس محدش بيقدر :(
لا طبعا، مش لازم كل مكان متميز يتحول لجهة رأسمالية (فندق/مول/ مبنى سكني فشيخ) يتمتع بيها فئة محدودة من الناس و خلاص مش كفاية الكورنيش كله بقى أماكن غالية، فيها لما يبقى موقع مستشفى تعليمي -بتخدم طلبة و مرضى- على البحر و ترفع من الروح المعنوية شوية، مش خسارة في الغلابة