السايس اللي فالشارع عند الشغل وانا بركب العربية وقفني و طلب اني اكشف عليه وكشفت عليه و شخصته و كتبتله علاج و شكرني و لقيته بيقولي بعدها هات ١٠ جنيه بقي حق الركنة وبيتكلم بجد قلتله طب هات حق الكشف اتعصب و بيقولي خلاص امشي ياباشا ربنا يديك ع أد نيتك وهو متعصب !!
بكيزة هانم معندهاش اي مشكلة تروح تدفع ١٥٠٠ جنيه لواحدة بتلفلها الطرحة و ٤٠٠٠ جنيه ميكب ارتست و متوسط ٨٠٠٠ ل فوتوجرافر بيصورها و ٢٠٠ جنيه للميكانيكي اللي بس بيكشف ع العربية و يتأكد ان مفيهاش عيوب
و عندها مشكلة مع الدكتور اللي بيكشف ع كل الناس اللي فوق دول ب ٥٠٠ جنيه
تصدقو بالله انا بقيت اكره الدكاترة اكتر من المهندسين .طلعو اوسخ بجد كنت فاكرة المهندسين بس اللي نرجسيتهم واكلة دماغهم لقيتهم علي الاقل عندهم مبادئ عن الدكاترة .. الدكاترة دول مش هيوردو علي جنة علي استغلالهم للناس .. في بلد متوسط الدخل فيها لا يتعدي ٣ الاف جنيه كشفهم ب ٥٠٠ وبيبررو
اهي دي واحدة متعرفش الألف من كوز الدرة
مبتشفناش واحنا بنجمع فلوس من بعض فالشيفت علشان نعمل تحاليل ل عيان معهوش فلوس
مبتشفناش واحنا بنلم تبرعات ل حالات علشان تجيب ادوات قيمتها بتتعدي ال ٥٠ ألف جنيه علشان المستشفى مش موفرهالهم
مبتشفناش واحنا بنمضي مسئولية ان العيان يدخل المستشفى
كنت قاعد بشرح ل شباب الامتياز شوية مواضيع فالشغل
ف واحد قالي انت اول واحد تشرحلي حاجة من اول ما بدأت امتياز من شهر ٣ !!
كلهم بيقعدونا النبطشية غصب و نشيل شغل كله ديرتي
مستغرب من زمايلي النواب اللي ف التخصصات التانية اللي بيعملوا كدا
محنا كلنا كنا امتياز و عارفين اللي فيها يعني !
22/2/2019
دخلت بيتها و قرينا الفاتحة 🙈
27/3/2019
خطوبتنا و لبسنا الدبل 💍👫
6/5/2020
زي النهارده كتبنا الكتاب ❤️✍️📖
19/6/2020
الفرحة جمعتنا ف بيت واحد 👩❤️💋👨🥰
اسماء اكتر حد بيستحملني و بيساندني ف كل خطوة ف حياتي
هي اللي رجعتلي الثقة ف نفسي و هي اللي بتشجعني دايماً اني اكمل ❤️❤️
@AhmedAliElSaye6
دورنا اننا نعلمهم و هم هيعملوا ايه بالعلم ده دي حاجة مش بتاعتنا خالص
كدا الاستاذة الكبار المفروض ميعلموكش مثلا تشتغل عملية معينة علشان شايفين انك لسة عير مؤهل ل ده
انا رأيي مش من رأيك خالص
مش عنجهية والله انا طبيعتي متواضع جدا
بس انا احيانا بشوف فيديوهات شرح للميكرو ليا ببقي معجب اوي بطريقة الشرح و ببقي مستغرب من نفسي ازاي قدرت اشرح و اوصل المعلومة بالطريقة البسيطة دي 😂
من الحاجات اللي نفسي ربنا يطول في عمري و اعملها هي اني أسجل منهج الميكروبيولوجي كله و انزله مجاني لكل الجامعات ف مصر . وقت ما كنت بدور ع شغل نزلت شفت واحد نيونيت و منزلتش تاني و استحرمت فلوسه . ساعتها ربنا فتحلي طريق كورس الميكرو و اجتهدت فيه و ربنا كرمني بيه و رضاني
تعليق لقيته ع فيديو من فيديوهاتي بتاعة الميكرو عاليوتيوب
الامتنان و التقدير من اعظم الحاجات اللي ممكن تلاقيها ف انسان سوي نفسيا
مع اني معملتش حاجة غير اني عملت شغلي.
دلوقتى بقيت انا اللي عاوز اشكره ♥️
Budd chiari syndrome
متلازمة بيحصل فيها انسداد ف أوردة الكبد بسبب مشاكل چينية فالدم
من 6 شهور جتلنا بنت 20 سنة عندها المتلازمة دي وكان ضروري نتدخل بتركيب دعامة في الأوردة لتسليك الانسداد ده ، و الكبد لسة بحالته وقادر يقوم بوظايفه ، بس الدنيا كلها كانت واقفة بسبب الكورونا
يتبع ،،
في بنت ٣٢ سنة
Pregnant 29 weeks
اتحجزت معانا من حوالي ١٠ ايام جاية
Fulminant liver failure
Hepatic encephalopathy
Liver enzymes 3000
INR > 5
طبعا فالطوارئ كدا عرفنا جوزها و اخوها احتمال كبير تحتاج زرع كبد ف اقرب وقت ، وبصراحه كنا متوقعين انها مش هتكمل
اتحجزت و بدأنا نطلب تحاليل
ربنا بيفتحلك كل طرق الخير
مكنش عندي اي امل ان ينزلي تخصص باطنة وكنت بقول ان كالعادة هيتبقي جراحة بس انا للأسف مش هاخدها انا مش جراح 🤷🏻♂️
لقينا الجراحة خلصت فال 50 و الباطنة قعدتلي
والحمد لله بقيت اصغر دكتور باطنة كبد و جهاز هضمي ومناظير في معهد الكبد 👨🏻⚕️🙏😍
السبحة دي فرصة كانت ضايعة عني من زمان
عداد حسنات شغال معايا طول اليوم
من ساعة ما جبتها ع طول بقيت متطمن ( أَلَا بِذِكْرِ اللَّهِ تَطْمَئِنُّ الْقُلُوبُ )
ع طول ف شغلي مبشلهاش من ايدي بتهدي الروح و بتقلل التوتر و بتخليني استحمل تعب الشغل و حسنت كتير من تعاملي مع أهالي العيانين
مراتي ولدت من 5 ايام
مشفتهاش هي و ابني من ساعتها ساعة كاملة ع بعضها بسبب الشغل و اني بمتحن
،،
قبل الولادة ب ساعات لقيت السينيور بتاعتي بتقولي غير معاد الولادة علشان مفيش حد يشيل مكانك او تولد لوحدها و متبقاش معاها
انا مش فاهمه احنا ليه رمينا نفسنا في الارف اللي احنا فيه ده و دخلنا كليه زي دي
انا بقالي اسبوع مشفتش طارق ساعه علي بعضها مفيش رحمه و لا ان ده بني ادم المفروض ينام و يعيش حياته عادي
الناس محتاجة تعرف ان الدكتور اللي بتمسك ف خناقه او بتشتمه فالمستشفي هو ده اللي بيقف ف وش إدارة المستشفى و يمضيلك ع التحاليل مجاني او يمضي ك نايب اداري بتخفيف مصاريف العيان
الدكتور هو اللي وقت ما الحالة ميكونش معاها فلوس بيلم فلوس منه و من زمايله علشان يعملوا اشعة او تحاليل للحالة
بس ف نفس الوقت مش حابب ان يكون في حد محتاج معلومة ويحس انها ممنوعة عنه . علشان كدا عمري ما منعت تسجيل الكورس للناس اللي مش قادرة تحضر ودايما كنت مسامح . وعمر ما حد طلب يشترك فالكورس بدون مقدرة و رفضته . اتمني ف يوم من الايام ربنا يديني القدرة و الايثار اني اسجل المنهج كله مجاني
احلي حاجة ف علاقتي انا و اسماء انها متسامحة مع حقيقة اني يومياً لازم انام كتير و كذا مرة فاليوم غصب عني علشان اعرف اكمل باقي اليوم طبيعي ومجهودي فاليوم بسيط
وعلي العكس هي نومها خفيف و بتكتفي بعدد ساعات قليل و تعيش حياتها عادي و تخلي بالها من البيت و ريان ف بتشيل عني كتير فالبيت
شاب كان خرج من الدور السادس من مجموعتي من كام يوم
وتعب تاني وجه اتحجز تاني بس ف دور مش دوري
لقيت مراته بعتالي الكلام ده
بحس دايما ان العلم لوحده مش كفاية خالص
تعاملك مع العيان أهم كتير من إنك تكون شاطر
و محبة العيان ليك هتخليك تجتهد و تذاكر وتكون شاطر علشان تعرف تعالجه كويس ❤️❤️
من غير ما يدفع جنيه علشان معهوش ونيجي فالاخر نسمع كلمتين من المدير الصبح و يتخصملنا إحنا
ان شاء الله يارب يوقعك ف ايد واحد من اللي انتي بتتكلمي عليهم دول و متلاقيش ف قلبه ذرة رحمة 🙏🏻
العيان اما بيجيلك مش بيجيلك علشان سواد عنيك
العيان فيه حاجتين لازم تحترمهم طول الوقت
اول حاجة انه ضعيف
التانية انه واثق فيك ف اي حاجة هتعملها فيه مش هيسألك انت بتعمل ايه
متستقواش ع العيان و متضيعش ثقته فيك
أوقات بياخدنا الحنين ل ايام واحنا صغيرين و تنام ع نفسك ف اي حتة وبنبقي نفسنا نرجع ل لحظة من اللحظات دي
اللي بيحصل دلوقتي بقي اني بدات أعيش كل اللحظات دي تاني مع ريان و اتبسط بيها كأني انا اللي مكانه ❤️❤️
Fulminant hepatitis
اسوء حالة ممكن تشوفها ف معهد الكبد
بيبقي شاب داخل المعهد ع رجله سليم مفيهوش اي حاجة غير ان نسب انزيمات الكبد و نسبة الصفرا عالية
للأسف الحالات دي قليل اللي بيرجع منها , معظمهم بيموتوا ف مدة قصيرة جداً
من شهرين كان محمد مجدي
شاب 32 سنة اتحجز عندنا
يتبع ,,
بقابل حالات كتير اوي اوي
Cancer pancreas
ف سن صغير ٣٠ سنة و في منهم اللي بيكون عنده ثانويات في الكبد كمان و ملهوش جراحة
مش عارف بصراحه ده له علاقة بالاكل ولا البيئة ولا ايه
الحاجات دي بتخلينا نفتكر دايما اد ايه الدنيا دي ملهاش لازمة ومش دايمة ابداً
ربنا يلطف بينا ويرحمنا
طالب طب بيقعد 7 سنين مش فاضي و مشغول علشان عنده امتحانات مش ملاحق عليها
و يوم ما يتخرج و يقول انه ارتاح يلاقي نفسه مشغول في الشغل و النبطشيات و ف نفس الوقت بردو بيذاكر علشان امتحانات 🥴🥴
@AmalMag48067686
انا بكشف ف المستشفي التذكرة ب ١٠ جنيه
و بكشف برة ف عيادتي الخاصة التذكرة ب ٧٠ جنيه
انا برد عليها من منطق شخص معاه فلوس يروح ل دكتور ب ٥٠٠ جنيه هو نفس الشخص اللي معاه فلوس يعمل كل الحاجات دي
انما اللي مش معاه ف في ملايين الدكاترة كشفهم مبيعديش ال ١٠٠ جنيه
معنديش اي فهم لحوار ان حد مش عاجبه جسمه و نفسه يتخن ومش بقدر استوعب الموضوع ده خالص !
طب متاكل كل حاجة حلوة فالدنيا دي دانا حياتي كلها عبارة عن فترات ريچيم علشان اخس ال 20 كيلو اللي بزيدهم بين كل فترة و التانية 😷
الدنيا مش سهلة بعد التخرج
متستعجلش انك تجري مراحل عمرك بسبب الضغط اللي عليك مهما كان كميته
سواء ضغط مذاكرة او بعد كدا ضغط شغل
اتمسك بالممتع ف كل فترة بتقضيها ف حياتك
علشان مفيش فترة هتيجي تلاقي نفسك مرتاح و بتعمل كل حاجة و انت مبسوط
من كام يوم كنت بعرض حالة ع أستاذة فالقسم ف بقولها و عامل سونار و طلع في
focal lesion in liver
ف سألتني مكانه فين قولتلها ف معمل المختبر قالتلي يبني بقولك فين اقصد
which segment of liver
وحسيت اني نموذج حقير
النهاردة عملت السحور للبيت من الألف ل الياء
بس خلصته ف تمام الساعة 3:37 الفجر 😂
و قعدنا اتسحرنا ف 5 دقايق بالظبط
طبعاً مش محتاج اوصف منظرنا واحنا بناكل ،،
اول و اخر مرة بس تسلم ايدي والله ✌️😋
طلعت HBV positive ، بدأنا العلاج تاني يوم ع طول . مع الوقت الحالة اتحسنت كتير الحمد لله . امبارح فاجئتنا ب طلق مفاجئ . ولدت علي ايدنا امبارح فالنبطشية و الطفل نزل سليم و معافي و قصيتا الحبل السري و دي كانت اول ولادة اعملها انا و زميلي فحياتنا 😂
احنا ممنوع عندنا دخول اي حالة معهد الكبد فيها ارتفاع في درجة الحرارة بسبب الخوف من حالات كورونا
من كام يوم حالة جت و كانت حرارته 38.5 ف كتبتله ورقة تحويل للحميات علشان الحرارة
بعد مناقشات و محاولات مع اهل الحالة و اعتبره ابوك و الحاجات دي لقيت الراجل قالي يقعدلك ف عيالك 🤷🏻♂️
الحقيقة ان زادت حالات ال sudden arrest اللي بنشوفها حتي ل عيانين مش مرضي كبد أصلا
انسداد قنوات مرارية بسبب حصوات او غيرها
ال D dimer بتاعهم بيبقي عالي و من غير اي تدخل الحالات بتموت .
#الموجة_الرابعة
شاب جالنا بنزيف شديد من المعدة Hb 4 اخد ٥ اكياس دم و عمل منظار و ظبطناه و طلع من عندنا زي الفل
بعدها ب فترة والدته جتلنا غيبوبة كبدية و التهابات شديدة و حموضة في الدم و اتحجزت فالعناية يومين و ماتت
الشاب ده اتخانق معانا و دغدغلنا المستشفى
معرفش بصراحة ده اثر فراشة ولا اثر خفاش
الصحة دي اسوء الوزارات في مصر
انا كنت دايماً حاطت عندي اوبشن ان وقت ما اتخنق من الجامعة استقيل و اروح الصحة و اختار اي تخصص ارتاح فيه و اكمل
مش مستوعب ازاي يجبرك ع انك تاخد تخصص معين علشان باقي التخصصات مش محتاجة
اومال لو مستشفياتهم نضيفة شوية ولا فيها تعليم كانوا عملوا ايه !
حالات اورام الكبد المتأخرة بتبقي كلهم شبه بعض اوي
cachexia , loss of weight , loss of hair , thin skin , staring look
كل ما بشوف حد منهم معايا فالعناية بفتكر أبويا الله يرحمه
بعد الشر ع اي حد بس انا شفت حالات كتيرة سن صغير و جاية ب نزيف و عملنالهم مناظير و كان فيهم قرح فالمعدة و الاثني عشر و المشترك فيهم كلهم هي المسكنات
و منهم واحد اتعمله ٤ مناظير و اتفتح جراحة فالاخر و اتوفى
غير تأثيرها كمان ع الكلي
قدر الامكان تجنبوا NSAIDs
بعد 100 عام سنكون جميعاً مع أقاربنا تحت الأرض، وسيسكن بيوتنا غرباء، ويمتلك أملاكنا آخرون، لن يتذكروا شيئاً عنا، فمن منا يتذكر والد جده؟ أسماؤنا وأشكالنا سيطويها النسيان.
إن وجودنا ليس سوى ومضةٍ في عمر الكون، ستنقضي في طرفة عين
وسيأتي بعدنا عشرات الأجيال
بغض النظر عن كمية التعب و الارهاق و المرمطة
بس احساسك اما تقوم الساعة 3 الفجر ويكون في عيان جايلك طوارئ و المستشفي كلها نايمة و العيان ده معتمد عليك انت بس و مستني مساعدتك و انت تساعده , احساس الرضا اللي بييجي بعدها دا بيهون تعب كتير
الحمد لله ربنا اداني حاجات كتير اكتر مما كنت بتمناها في حياتي و ده بيخليني اخاف
اخاف من اختباره ليا في حاجة مقدرش عليها او في حد عزيز عليا
بخاف بعد العطاء و الكرم الواسع أقابل اختباره ليا ب جحود و نكران .
ربنا ولا تحملنا ما لا طاقة لنا به 🙏🏻
قال رسول الله - صلى الله عليه وسلم - : " إن هذه القلوب تصدأ كما يصدأ الحديد إذا أصابه الماء "
قيل : يا رسول الله وما جلاؤها ؟
قال : " كثرة ذكر الموت وتلاوة القرآن "
والله أحياناً احنا اللي بنجري ورا اشعة الحالة و تحاليلها و بنحاول بكل الطرق نوفرلهم الفلوس اكتر كمان من أهالي بعض الحالات اللي بيسيبوهم و يمشوا علشان مش قادرين ع مصاريفهم
حاجات كتير مبتخلصش غير بتبرعات من الدكاترة الصغيره المطحونة فالمستشفي
وكل اللي محتاجينه بس تقدير من الأهالي
- هو الضغط فالمنطقة دي بيزيد ليه
* بيحصل VC ف يزود ال resistance ف الضغط بيزيد
- بس ده بيعمل VD
* اه مهو بيحصل VD ف يزود ال blood supply ف الضغط يزيد
معضلة ال VC و VD 😂
" ربنا يسترك زي ما سترتني "
دعوة من راجل ٦٣ سنة
ف العناية
عنده cirrhosis, portal hypertension
و مش داري بالدنيا GCS 12
ويعتبر ف كوما
دعاها لواحد زميلنا اما ركبله قسطرة بول و ف ثانيتها القسطرة اتملت
الظاهر انه كان بيتوجع جامد بس مش قادر يعبر
النقط دي هي اللي بتهون علينا اي تعب 🙌
الحمد لله الحالة اللي فالمعهد طلعت سلبي بالتحاليل
كنا معتمدين عليها كلينيكال و اما عملنا
CT chest
كان فيها علامات تيبيكال كورونا
بس الوزارة اما جت و اخدت عينات طلعت سلبيه الحمد لله 🙏🙏♥️
قاعد بخلص شغل الموديول بتاع سنة اولي و هروح المستشفى بكرة و نبطشي بكرة و بعده و هبقي مطبق وهروح اضرب نفسي بالجزمة قدام العيانين ع زنقة الكلاب بتاعتي دي
عرفت معلومة ان اخر آية نزلت فالقرآن
( وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ ) صدق الله العظيم
معانا حالة بنت 34 سنة عندها نفس المرض
المشكلة الاولي الأدوات المطلوبة ليها تكلفتها 55 ل 60 ألف و اهل الحالة مش معاهم فلوس خالص
دي الأدوات اللي محتاجاها 👇
المشكلة التانية الدعامات اللي مطلوبة تحت دي مش موجودة ف مصر خالص
لو اي حد قدر يساعد ب مبلغ او عرف مكان للدعامات يتواصل معايا