I am not an angel nor a devil. I am a beautiful human being, living on Earth, coming from Venus and going to Mars
#25Jan
#Secular
Assoc
@CIPD
MA HRM👩🏻🎓
@LJMU
بابا بيقول ان النور قاطع من خمس ساعات متواصلة ونزل 7 ادوار على رجليه ! ياولاد ستين كلب !! ابويا 82 سنة قاعد فى الشارع من ساعتها عشان مش قادر يتنفس من الحر !!! حسبى الله ونعم الوكيل فيكم وفى اللى بلانا بيكم !! زى القط الدِني مش عاتقين حتى الفار المسورق !
ركبت تاكسي من اوكسفورد واول ما دخلت شكيت ان السواق مصرى ، جاله تلفون واتأكدت شكوكى طبعا سامعة وعاملة من بنها لغاية ما قلها معايا واحدة شكلها لاتينو بنت عرص هرميها وارجع اكلمك
وانا نازلة قلت له متشكرين يا ذوق بقى وشه عامل كده 😵💫
😂😂😂😂😂
ايوه غلابة وبندفع على 4 اقساط وبجمعيات وحوارات ببساطة عشان مفيش بديل ولو آخر جنيه فى جيبى هدفعه فى تعليم ولادى عشان ده مستقبلهم ، ابنى ابنك ولا تبنيلوش وده مش مجال للتريقة خالص معلش يعنى
يا وزير التموين الناس بتستهلك عيش كتير عشان يشبعوا ، عشان يعوضوا نقص حصة الفرد من اللحوم والاسماك والخضار عكس المواطن الاوروبى مثلا ...تصريح غبى من وزير غبى
ابويا دخل الجيش ٦٧ وخرج ٧٤ وحضر النكسة وحرب الاستنزاف وراس العش والدفرسوار واتصاب اصابة هتفضل معاه لآخر عمره وحكاياته مالهاش آخر فى فترة تجنيده اكتر حاجة اثرت فيه ان والدته ماتت وهو على الجبهة ومشافهاش وعشان كده بابا واللى زيه اهم ناس عندى يستاهلوا التهنئة #نصر_أكتوبر_العظيم
فى التسعينيات وانا فى تانية كلية كنت بحط ١٠ لتر بنزين فى ال ١٢٨ بتسعة جنيه ونفضل نلف بيهم طول الليل وباقى العشرين كنت بجيب اتنين شاورمة وواحد مانجة من ابو حيدر 😭😭😭😭😭
بيقولك واحده جوزها راجع من صلاة الجمعة وعاوزه تفتح كلام قالتله الخطبة كانت عن ايه انهاردة ؟ قالها عن قصة سيدنا يوسف ابتسمت وقالتله الله معرفهاش احكيهالى !
قالها مفيش تاه ولقوه 🫡
Interesting جدا لما تشوف الناس المتعصبة لأفكار معينة وأراء ما بحجة أنها عصارة الحكمه والصح المُطلق لما يتنصلو من أفكارهم ويروحو الناحيه التانيه بنفس ال extreme اللي كانو فيه زمان
ف الحياه مفترض تعلمك انك متتعصبش لرأيك مش جايز تطلع حمار ف الاخر؟
الناس اللى ماتت فى الحج فكرونى بالناس اللي ماتت فى العبارة سالم اكسبريس ايام مبارك ، تجاهل وصمت تام ... والحقيقة ده احساس مهين ! مفيش كرامة انسانية لأحياء ولا اموات ، كلنا مجرد ارقام فى كشوف الانتخابات...
الناس ماشية في الشارع متيسة ، هم الدنيا فوق كتافهم ، مثلا بيعدوا الشارع بلامبالاة مريبة ، تدوس ع الكلاكس يبصلك بصة ساخرة كده اللي هو هيحصل ايه يعنى ؟ هتدوسنى ؟ دوس وخلصنى .. ربنا ينتقم من اللى كان السبب !!!
عايزة اكتب ثريد عن توفيق عبد الحى اللى عمل ارباح 120 مليون دولار سنة 1981 من الفراخ البرازيلى الفاسدة وخلع بعد ما لهف من البنوك المصرية قروض بدون ضمانات وفضل عايش يتمتع فى اوروبا بدم الغلابة عشان آفة حارتنا النسيان وكده !
في بوست على The Bridal Club واحدة بتسأل "ايه الحاجة اللي علمتيها لجوزك و بيشكرك عليها؟"
نص الكومنتات: "انا جوزي مهندس يعني مبيتعلمش حاجة لأنه يعرف كل حاجة"
حسبي الله ونعم الوكيل فيك يا عبفتاح ، ربنا ينتقم من عضمك ولحمك زى ما استحليت شقانا تعويم ورا التاني وبهدلتنا فى بلاد الناس ، ربنا ينتقم منك ويذلك بين العباد !
الكلمتين دول كانوا سبب طلاق خالتى فى رمضان ٨٤ عشان مرضيتش تلبس الحجاب بعد ما طليقها كسر عضمها ضرب بعصاية المقشة والحزام وفضلت فى المستشفى فترة وفاكرة التاريخ كويس علشان خالتى اتوفت ٨٥ بعد الطلاق بسنة واحدة
بتشتم من امبارح عشان قلت عن مديحة كامل اجمل وجه ؟! ده رأيى وانا حرة فيه وانا بشوفها اجمل ست فى الكون وانت مالك ؟! لو انت شايف ان نعيمة الصغير اجمل منها برضه ده رأيك وانت حر فيه !!!
ايه العبط اللى احنا عايشين فيه ده ؟!
بالنسبة للمطاعم ، حد واخد باله ان الحكاية مبقتش اسعار غير منطقية لا ده كمان جودة زيرو ومن اكتر من مكان وكلهم خمس نجوم ، الاكل طعمه مش حلو ومهما تدفع مش مبسوط برضه !! البلد دى باظت خلاص 😞
قصة تنفع فيلم تحفة ، رجل اعمال مالتى مليونير فتح دار ايتام للبنات عشان يغتصبهم براحته من غير دوشة ، او واحد قتل اخته وامه عيطت للقاضى وخفف الحكم ، او مدرسة رقصت على المركب فى رحلة واتخرب بيتها 👍🏻
فى ايام البرد دى لو شفت عند مطعم ولا عربية اكل مخلوق برئ واقف بيبص من بعيد بأدب ومستنى ، هو جعان زيك لو تقدر تجيب له اكل تمام اوى ولا حتى ارمى له حتة من اكلك بلاش شلاليت وضرب وإهانة #خليك_انسان
#امم_مثلكم
كنت طفلة يتيمة الام وكرهت عيد الام اكتر من اى حاجة فى حياتى.. المدرسة كانت بتعمل حفلة وفاكرة العيال كان معاهم امهاتهم وانا قاعدة بعيد انا وولد اسمه باسم كمان امه كانت متوفية ولغاية دلوقتى بكرهه ومش بحب ولادى يشتروا لى هدايا ولا بحب اغنية ست الحبايب 🤬
اوعى تشترى شقة فى الهوا على الماكيت وتنبهر بالمقر والنظام وتدفع دم قلبك مقدم وتمضى شيكات على نفسك من غير سابقة اعمال محترمة وسمعة محترمة ، ممكن تحبس المقاول بالقانون آه بس القانون مش هيرجع لك فلوسك ، كمية الناس اللى اتنصب عليها مرعبة ، فكر مليون مرة وافتكر ان الطماع ضحية النصاب.
فعلا فى ناس فى مصر 2500 جنيه بالنسبة لهم مبلغ كبير وناس المبلغ ده ولا حاجة تمن قرازة برفيوم او شوز ماركة عادية كمان مش واو ... السوشيال ميديا شالت الحواجز اللى كانت بين الطبقات ولما فجأة شافوا بعض عن قرب حصلت الصدمة
مصر هى المناطق الشعبية واللى ينكر يبقى حمار مش فاهم حاجة ، تعمد الحكومات اهمال القاهرة القديمة لصالح الكومباوندات والمولات والعلب الاسمنت جريمة لا تسقط بالتقادم 😟
الحيوان اللى فى الڤيديو ده بيتحرش بالأطفال ودول امهاتهم واتعمله محضر فى قسم اكتوبر بس هربان لسه
فاتح محل فمول تمر حنة في مدينة هرم سيتي في أكتوبر
والمؤسف التعليقات على الڤيديو
الناس بتقولها معلش وحرام قطع العيش بعد ما اتحرش بعيالها في المخزن هو ايه القرف اللى احنا فيه ده ؟!
هو للأمانة عمرو واكد مفيش مشاهد جمعته بمايا خليفة وحتى حوارها مع رامى قصير جدا ، ببساطة مايا ظهورها كله مشهدين وكانت فى قصر واحد خليجى جابها علشان فتوى ارضاع الكبير 🤭🤣 ورامى قابلها هناك صدفة وكل اللى شاف المسلسل عارف كده عيب لما تزيط وانت حتى مشفتوش !
اتمنى من كل قلبى ياريهام انك تعيشى نفس لحظات الرعب والتوهان والخضة اللى فى عيون الحيوان البائس ده ، اللى حظه الإسود وقعه فى إيدين واحدة متعرفش معنى الرحمة ولا الإنسانية
نمنا صحينا خسرنا 60% من راس مالنا بسبب التعويم وبعدين بدأت مرحلة حلب الزبون بأى شكل وارفع رسوم اى حاجة وختمت بالإتاوة بتاع المخالفات .. وعندنا عيال بتاكل وتتعلم وتتعالج على حسابنا وواحد غشيم زانقنا فى كورنر وهات يادعك لو عرفت الحل اتصل على ٧٤٧١٢٠ اذاعة لتفوز بجايزة البرنامج
امى ماتت كان عندها 38 سنة وسابت ٣ اطفال وكانت بتغسل 3 مرات فى الاسبوع واتعذبت آخر عذاب الأكيد انه العلاج ده لو كان موجود ساعتها كان زمانها معانا دلوقتي ياحاج !
محمد ناصر بتاع الاخوان بيشتم رانيا يوسف وبيقول عاهرة وبيمدح عبد الله مجانص وبيقول كلامه سليم واللبس سبب التحرش طبعا وهو يوميا يعدى من تكسيم العرص ويشوف المثليين والبنات البريستيتيوت واقفين ع الناصية ومايقدرش يفتح بقه عشان عارف انه فى قانون وانه هياخد بالجزمة لو اتكلم مع حد فيهم
تويتر كان هو المنصة الوحيدة الداعمة للحريات لكن بقى فيه كوسة ومحسوبية وقفل حسابات مغردين بسبب مواقف سياسية معارضة وترك آخرين يخترقون قواعد تويتر بالفعل اصبح السكوت جريمة #هنتكلم
#wewillspeak
جماعة انا بعمل حتى الجبنة البيضا فى البيت وبخزنها بالشهور وبتطلع فى منتهى الروعة ولا حاجة السوق اللى كلها ملح وبودرة سيراميك ودهن نباتى وانتو عارفين الرقابة عندنا معدومة يبقى ليه لأ 🤷🏻♀️
بائسة فشخ ياعينى وغلبانة فى دماغها لو عاوز يخونك هيخونك حتى لو مشيتى وراه مخبر بجرنال مخروم الشئ الوحيد اللى بيمنع الخيانة انه يكون بيحبك ومالية عينه يا ام شخة 🤷🏻♀️
من شهرين كده كنت راكنة فى الدقى وانا رايحة للعربية لقيت الشاب الحليوة ده مشى ورايا ، ركبت العربية راح ناطط فى الدواسة من يومها مش بيسيبنى نهائى ،اعرفكم بالاستاذ ميشو 😍
مش كل اللى جاى من برة معاه فلوس لدرجة يقدر يدفع اوتيل خمس نجوم لمدة اسبوعين على فكرة وكان لازم يبقى فى مستشفيات ميدانية تخصص للعزل ..ايه اللى بتهببوه ده ؟!
لو مكانش القلم طرقع على قفاهم مكانش اتحرق وعمل ڤيديو ..رمضان مش هو المشكلة ولا يفرق معايا لكن انهم يكتشفوا حجم الرفض الشعبى بالشكل ده عمل لهم صدمة احنا شعب مختلف عن الخليج تماً ويحضرنى قول العظيمة نادية الجندى خالتى بتسلم عليكم 😅
ياجماعة حرام عليكم هو مفيش حد فى الجرايد دى عارف ان عمالة الأطفال مجرّمة فى العالم كله ومش نموذج للاحتفال والاحتفاء .. ده دليل على فشل الدولة فى توفير حياة كريمة حتى ! يعنى فقر وغُلب وبتحاول تعملها مثال يحتذى به ؟!
كمريضةاكتئاب سابقا ... المكتئب مستحيل يحكى لحد واحيانا للدكتور نفسه ...انا شخصيا اول جلستين عند الدكتور كنت بحور ومحكتش اللى مضايقنى بجد والدكتور قاللى المريض الذكى بيبقى متعب لنفسه قبل ما يتعب الدكتور ... مفيش مكتئب بيحكى ... ببساطة لأنه فاقد الثقة فى العالم كله
فى فرنسا وكل ما ادخل محل ويسألونى : where are you from?
اقولهم Egypt 🇪🇬
يقولولى Mo salah
وانا بكل فشخره اقولهم yes
يحميك يا مسيطنا ورافع راسنا قالك عاوز يتشهر على حس اتحاد الكورة 😂😂😂😝#محمد_صلاح
وعلشان امى ماتت بدرى فعلا ومعنديش لها ولا صورة و بفشل كل مرة احاول افتكر شكلها ☹️دلوقتي بتصور مع ولادى ولوحدى كتير جدا بمناسبة ومن غير مناسبة عشان لما فى يوم امشى يفتكرونى بالصور وميحسوش احساسى ده 😌
ومش باقي مني غير شوية كفر بشروقك على شوية رحمة من طينك .. على شوية صبر من دينك..
مش باقى مني غير شوية لحم فى كتافي ..
بلاش يتبعتروا فى البحر ..بلاش يتحرقوا في قطر الصعيد في العيد. بلاش لكلب الصيد تناوليهم.. 💔😥
Bonjour 🌹 عمرى ماطلبت منكم حاجة بس حبيبى وابن عمرى عنده امتحان سات دلوقتى ادعوله يكون سهل وربنا يكرمنى فيه ويبارك فى تعبه وتعبى والنبى يا جماعة يمكن دعوة بظهر الغيب تفيده .. مش مهم منشن اللى يشوف التويت يدعيله مع الشكر 🙏🏻