Je suis fiére d'être Algérienne
Je suis fière d'être kabyle
J'adore nos traditions, notre patrimoine, notre histoire et nos origines TAMAZIGHT...
J'adore notre diversité
J'adore mon beau pays ..
Rabi yarham el chouhada o tahia EL DJAZAIR ♥️🇩🇿♥️
حديث عن سرقة هذه الصورة و عرضها في الجناح المغربي في معرض إكسبو دبي 2020 !!!
الصورة لإمرأة جزائرية نايلية، صنفت من احسن مائة صورة في التاريخ في معرض مائة عام من معرض ناسيونال جيوغرافي بباريس .. اخذت الصورة في 1905 في نواحي الجلفة..الجزائر ,
من طرف المصور Rudolf Lehnert.
مشكلة الجزائر هي مشكلة القوادين ..
لي يقود للمروك، لي يقود لتونس، لي يقود لفلسطين، لي يقود ل السعودية، لي يقود لتركيا، لي يقود لفرنسا ...
و القوادة هدي سببها عقدة النقص و النقص هدا جا من نكران الأصل .
بين الوهابية و الصوفية :
الوهابي يعبد نفسه، الصوفي ينكر ذاته
الوهابي يكفر غيره، الصوفي مشغول بخطيئته
الوهابي لم يسبق ان استخدم عقله، الصوفي عرف عجز العقل و تجاوزه
الوهابي يبرر خيانته للوطن بالدين، الصوفي دينه عز الوطن و عزة قومه
الوهابي دينه الكره، الصوفي دينه الحب
نفس قصة شيماء تتعاود مع ماريا بنت 19 عام، واحد اغتصبها، عذبها و حرقها..
مدام ماكاش ردع، اكيد هاد الجرائم رح نشوفوهم بزاف، و كالعادة حتى و هي ميتة رح يوقع عليها اللوم..!
ربي يرحمها 💔
المميز في مقران هو ؛ الثقة في النفس لي عندو، انسان متوازن خطيه الطيش تاع جيلو، ومش متأثر بالهبال تاع هاد العصر ... شخصية قوية الله يبارك عليه
ان شاء الله ان شاء الله يا رب يروح بعيد
زمان كانو الناس قاع يحتفلو ب يناير، كانو يديرو لعشا على حساب كل منطقة وفي السهرة الدراز (خليط مكسرات وحلوى) وهوما فرحانين (دون إحتكار إحياء هذه المناسبة من طرف اي جهة في الوطن كانت مناسبة جزايرية فقط) .. وفجأة مافهمتش كيفاش رجعت صراع إيديولوجي ديني ...!
#assegass_amgaz
#Algerie
🇩🇿
*عندما يغرد الإرهاب:
انك تستشفى في اغتيال انسان ذنبو انو انتماؤه كان لبلادو و فقط، من طرف ارهابيين سفاحين ماسلكش منهم حتى لي كان في كرش يماه فهنا انت إرهابي مثلك مثلو
نتمنى برك الدولة كيما هبطت جماعة لكازمة للواد تزيد تهبط مخلفاتهم (خاصة زيرو كابيل) باش يكونو عبرة لفضيلة وأمثالها
ماتش 🇩🇿 VS 🇲🇦، مش رح يكون لقاء بين بلدين برك راهي داخلة فيه ((فلسطين، إسرائيل، الصحراء الغربية))، معناه رح يكون لقاء رياضي، سياسي، عسكري، تراثي و شوية راب..!
الا ربحونا حق ربي يحطوه في كتب التاريخ و يعقدو يحكو عليه الى يوم الدين..
المتدينون يظنون أننا متأخرون صناعياً لأننا بعيدون عن الدين..
العلمانيون يظنون أننا متأخرون صناعياً بسبب قربنا من الدين..
وحدهم العقلانيون فقط من يعرفون أننا متأخرون صناعياً لأنه ليس عندنا مصانع!!
في 1991 طفل عمرو 6 سنين يخطب في ملعب 5 جويلية والشعب يبكي دمعة وخنونة ويعيط عليها نحيا عليها نموت !
الشعب هداك قدر يبردعو طفل!!
والطفل هداك صنعو باباه لي هو علي بلحاج ..
وهكدا تصنعت الأصولية و الأصوليين ..
مبعد يجو ولاد الكازمة يقولك الإرهاب صناعة الدولة
عند انتهاء اي علاقة بين زوج و بغض النظر عن نوعها ، المفروض احتراما للعشرة واللحظات الجميلة لي كانت، انو الواحد ينهيها بلا حس، و بعيدا عن الاهانات او كشف الأسرار لي انسان في يوم ما وثق فيك و أمنك عليهم .
ارجع غريبا كيما كنت من قبل ، و إلا فأنت شخص رخيس و منحط وبلا أخلاق .
كرهك للامازيغ ((و القبايل خاصة)) ليس لكثرة إيمانك الذي تدعيه، فأنت فقط تحبين الشيتة والعبودية وتفضلين التاعوسية على وطنك و ولاءك لها أكثر من ولاءك الدين
انه الحقد علينا لاننا "أحرار"، لا ننكر اصلنا و فخورين بهويتنا ، بينما انت بلا أصل.
ومادابيك تروحي تقودي عندهم وتنحي علام دزاير
كاين فيديو لواحد من الاخرار يستشفى في موت العسكريين في ان قزام، و الناس تبرتاجي و فرحانة 🤬
والله باش تفهم واش صرا في التاريخ ما يلزمش تقرا كتب التاريخ.. برك اسمع واش يقولو الاحرار تاع زوج دورو و شوف أفعالهم و نتا تفهم مليح .
ربي يرحم العسكريين.
حنا هاد الجبة sport و نديروه بيها و مازال كاين هنا لي يقارن فيها ب حوايج لعراس ..
الا ما تفهموش مش مشكلتنا و الا لقيتو السبة باش تخرجو الأمراض لي في قلوبكم تاني مش مشكلنا... المهم المدير اعتذر و الأم رجعت حقها و حق بنتها .
سؤال سيريو : حابة نفهم وعلاش حنا متطرفين، يا كحلة يا بيضة، مكاش قع الاعتدال!؟
وعلاش كل واحد حاسب عندو الحقيقة المطلقة و يحب يفرضها على الآخر؟
إلا الاسلامي يحب قع الناس يدخلهم الدين، إلا ملحد يحب قع يخرجهم مالدين !
وعلاش منعرفوش حرية الاختيار و انو كل واحد مسؤول عما اختار؟
نقول حاجة لهاد لي كانو كلما يطلع النهار وهوما يسبو فالدشرة ودوق طاح عليهم حب الدشرة
اولا ربي يبقي الستر على الدشرة
ثانيا هدا لي راكم تشوف فيه كلو بفضل السكان مش الدولة
ثالثا الكوارث تقدر تصرا في اي مكان على لأرض ونتائجها ماتعرفها إلا بعد الكارثة
امالا حبسو هاد المقارنات الجايحة
تفووووه على هاد العالم 💩
تفوووه على الحروب
تفوووه على لي اخترع السلاح
تفوووه على الغرب المنافق
تفووووه على حكام لعراب المذلولين
تفوووه على الإعلام لي يتلاعب بعقول الناس
تفوووه على كل إسرائيلي و كل صهيوني و كل متصهين
كي نحكو على 5 جويلية، رانا نحكو على 5 جويلية 1962 ، النهار لي ماتو على جالو نسا و رجال باش تستقل هاد البلاد و ما تعيشوش مستعبدين في بلادكم .
دونك ما تخلطوش شعبان في رمضان و تفلسفو بزاف و تحكو على ما بعد 1962
و لي مش عاجبو الاحتفال تاع 5 جويلية🇩🇿 كاين 14 جويلية🇨🇵.
اغنية تارقية🧡
نك ليغ زمن: انا منذ زمن
ايلان ايوتيان: لعدة سنوات
نماغ اترهى: ابحث عن الحب
هيغ اكالين: في بلادي
آيميدون: يا اصدقائي
آنديتيلا: اين هو(الحب)
ميغورتيلا: عند من يوجد
اقيم اولهين: باقي قلبي
هاركوك اساستن: دائما يسأل
اولهين املن:قلبي الأبيض
ايسان ترهى: يعرف الحب
شجاعة كبيرة انها تحكي في وقت حتى الجهات الرسمية وما مدتش رقم حقيقي على قضية الاختطاف والاغتصاب للنساء وقت العشرية السوداء
وبخصوص البنات لي رفضو يحكو يا حليل، الصدمة هديك مش ساهلة وزيد حنا في مجتمع لي يشوف الاغتصاب عيب وعار اكتر منو جريمة
ربي يكون معاهم🙏
الصورة من صفحة د.بورابية
كل عام نفس الموضوع يتعاود و كل عام نفس البلبلة على هاذ الحاجات بصح مالازمش تشوف المنكر و تسكت...
إذا نتا مسلم تاع الصح راح تحتفل بزوج أعياد فقط، و إذا نتا من جماعة " كذلك و جدنا آباءنا يفعلون" مانقدرش نتناقش معاك لأنو
الناس لي راهي تقول ما نخرجش في مسيرة نظمها النظام، حبيت نقولكم هدا هو الفرق بينا و بين باقي المطبعين مع إسرائيل .. انو حنا شعبا و نظاما مع القضية الفلسطينية عكس بعض لي يسموهم أشقاء، و انو حنا من اول يوم نظامنا ندد بالجرائم الصهيونية و لا مرة أدان حماس او ساوى بيناتهم.
⬇️⬇️
سي نورمال يتطاولو عليها هكدا، مادام شعبها لي المفروض يوقف معاها هو الأول لي تنمر عليها ..
معندهاش بزاف هوما قاع ساندو "المغتصب" المجرد ، و حنا بطلة كيما هدي تتعرض للتنمر لخاطر ذنبها الوحيد مش هي لي خلقت روحها .
متضامنة مع #البطلة_ايمان_خليف
تبرير قتل المرأة تحت "اي مسمى" هو جريمة بحد ذاته .
لازم تعديل القوانين فهاد البلاد حتى يتعاقب القاتل و المُحرِض و المُبرِر قاع كيف كيف .. يمكن هداك الوقت برك تنقص شوية جرائم الكراهية ضد النساء !
#اوقفو_قتل_النساء