عمره 42 سنة..
اليوم سألته ليش لساتك ما تزوجت..؟!
وجوابه حرق قلبي:
حكالي كنت أحب وحده وكان عمري 28 سنة وكنت أحبها كثير، ولليوم وأنا بدعي الله إنه يكتبها من نصيبي..
واللي حرق قلبي لما حكالي إنها تزوجت ورغم هيك لساته بدعي تكون من نصيبه.
شو هالقلب يلي عنده لحتى قادر ع هالشي.💔
صباح الخير..؟!
أي خير بعد ما الشيخ اليوم لقى وحده قريبة مني عامليتلي سحر ودافنيته جوا بيتنا.
والله ما ضل خير لا والله.
حسبي الله بالبشر وحقارتهم ووساختهم.
هي ما بتحبني، بس بدها تضل معي..
ما بدها أبعثلها، بس ما بدها ما أسأل عنها..
ما بدها أطنشها، بس ما بدها أحكي معها..
ما بدها أكون بعيد عنها، بس ما بدها تحس إني قريب منها.
صبايا وحدة منكم تفهمني ول..🤦
لأول مرة بحياتي بضعف، لأول مرة بحياتي بكون إنسان ضعيف، لأول مرة بحياتي بنهزم قدام مشاعري، أنا يلي بعمري ما ضعفت لشي أو لحد، بعيش أبشع وأسوأ أنواع الهزائم.
سؤال للنقاش شباب وبنات:
السؤال هاد ما نزلته الا بعد ما أصحابي أصروا إني انزله...
الشباب لو كنت بمكان ما وشفت أختك مع شب شو موقفك وشو ردة فعلك..
البنات شو موقفك لو أخوكي شافك مع شب..
صديق إلي كتب كتابه بشهر 1 وبعد شهر وشوي رفعت علية قضية نفقة وشقاق ونزاع
وصديق آخر كتب كتابه بشهر 3 وبشهر 6 رفعت عليه قضية نفقة
قريب إلي خطب بشهر 1 مبارح بتفاجأ إنها رافعة عليه قضية نفقة والغبي كاتبلها مؤجل 20 ألف
شو يلي بصير مع النسوان حد يفهمنا، ليش بحس الموضوع صار تجارة..؟!
صدقًا الحمد لله على نعمة الأخت يلي بتستر حالها سواء بالبيت أو بالشارع أو حتى بالحفلات والأعراس.
فعلًا الحمد لله على ترباية أمي وأبوي، والحمد لله على نعمة خواتي يلي صاينات حالهم ولبسهم.
إجاني عرض وظيفي بشركة، حكيت بروح وبشوف العرض ومش خسران شي، دخلت على الشركة وقعدت شوي وطلبت إني أصلي، دخلت أتوضأ وسألت البنت عن مكان للصلاة، حكتلي ما في، دخلت أصلي بمكتب فاضي، طلبت سجادة للصلاة، كمان ما في.
دخلت لمقابلة المدير العام وأظهرت أدنى ما عندي وغادرت لحتى ما يختاروني..
الفرق بعدد المشاهدات بالصورتين، كفيل إنه يثبتلكم كمية التخلف والهمجية عند الكثير من المتواجدين بتويتر، وكفيل إنه يثبتلك إنهم أشخاص متخلفين مقرفين، أهم شي يطلعوا أمراضهم النفسية يلي بعيشوها ببيوتهم.
فيديو حادث شارع الأردن بقطع القلب جد..
إنه كيف هيك الناس صايرين، يعني الولد مرمي بالشارع وما حد مقرب عليه ودمه معبي الأرض، وتصفى دمه لحتى مات..
السيارات بمرقوا من جنبه كأنه شي عادي، والغبي الحمار قليل الأصل يلي بصوّر أحقر وأوسخ من شخصيته ما شفت.
صدقًا بوجع القلب
بدل ما إنتوا دايرين ورا حمزه ولينا ومكس وأبصر مين والتفاهات هاي، إدعوا الله يحمي رجالنا وبلدنا من المخربين وأولاد الحرام.
اليوم الأجهزة الأمنية توصلت لوكر ومخبأ ثاني للمخربين بمنطقة القويسمة.
الله يكبر عقول التافهين اللي عنا يلي دايرين ورا المياعة والسقاطة.
الله يحمي هالبلد.🇯🇴
الخميس ضليت صاحي طول الليل وصليت الفجر ونمت، وصحيت الساعة 10 الصبح وصليت الجمعة ولسا صاحي لغاية الآن ما نمت قد ما دعيت وقد ما قمت الليل وقد ما صليت لربنا.
يا رب يا رب كل يلي دعيته يتحقق وما تردني خايب يا رب وتقضيلي حاجتي يا رب.