من يومين حضرت فرح الإنسانه الوحيدة اللي حبيتها في حياتي، مقدرتش امنع نفسي اني مروحش زي ما انا مش قادر امنع نفسي اني مكتبش الكلام ده بس حاسس إني هيحصلي حاجه لو فضلت كاتم جوايا.
كان نفسي اوي اشوفها وهي عروسه بالفستان الأبيض.
الدنيا خدت مني حاجات كتير، بس دي أكتر حاجه وجعت قلبي.
On this tajic day, we missed the best 74 of us in football match, Rest in peace our angels.
We will never forget, we will never forgive..
#RIP_ALAhly_Martyrs
عايز اقول كلمة بس في حق تيم انسيبشن عندنا ف الكلية.
انا معرفش اي السبب ان الايڤينت يتلغي بس اللي متأكد منه بعد اللي شوفته ان الناس دي اشتغلت جامد وتعبت عشان توصل للي كانوا هيعملوه دا بس ربنا مأرادش.
التيم دا فعلا بكل الناس اللي فيه عظيم وانا بحبهم ومعلش يشباب تتعوض ان شاءالله❤
بعد اللي حصل بين حسام هيكل وسمر وبين انتيكا وسلمى، فياريت الناس تعرف ان الحب اتعمل عشان تعيشوه مع بعض، مش عشان تفرجوا الناس عليه.!
كل قصص الحب اللي اهتم طرفيها او طرف واحد فيها بنشر تفاصيلها ع السوشيال ميديا انتهت بنفس سرعة انتشارها.
Private life always wins يجماعه .
اصعب لحظه عدت عليا في حياتي كلها كانت النهاردة واحنا بنقفل الباب عليك للمره الاخيرة
مبقتش مصدق ساعتها ان دي آخر مره هشوفك فيها واني خلاص اتحرمت منك ومن حنيتك عليا
مش هنساك ومش هنسي كلامك كله واوعدك هكمل زي ما انت قولتلي
ربنا يرحمك ويجعل مثواك الجنه
جدي في ذمة الله، ادعوله بالرحمه
اتمنى يعني من طلاب الكلية بتاعتي لما تلاقي دكتور بيروش على واحد زميلك او واحده زميلتك ف المحاضرة ميضحكوش لان بجد الموضوع مش لطيف خالص وكونك تضحك على زميلك او زميلتك ودكتور بيسخر منه دي حاجه وسخه زيك بالظبط لان اللي حصل النهاردة دا اوڤر يعني وانتوا فعلا ناس مقرفه
إعتراف صغير😁
فى الترم الاول فى سنه أولى بالصدفه كده قابلنى أكونت بنت على جروب الدفعه كانت حاطه صورة للبروفايل جذبت إنتباهى(مش صورتها على فكره)دخلت على الاكونت بتاعها وقلبت فيه كتير وعجبنى جدًا طريقة تفكيرها وعجبنى البوستات ال بتنزلها وعرفت عنها حاجات كتير بعد مادخلت ع الاكونت
1
متصدقوش الناس دي
دي واللي زيها هما السبب في اللي احنا فيه
دول كانوا شركاء معاهم
اوعوا تصدقوهم واوعوا تصدقوا انهم في صف الشعب الغلبان
دول في صف مصلحتهم بس
وكل اللي هما بيعملوه ده بأوامر مش من نفسهم
هما اوسخ واوضع واضعف من انهم يعملوا كده من نفسهم
لو بورسعيد بتقطع الكهربا فيها ٤ ساعات،محافظات الصعيد بتقطع فيها كم ساعه؟قطع الكهربا يعنى قطع الميه يعنى قطع التلفون و الإنترنت و خراب الاجهزه الكهربائيه .مين ح يعوض الناس عن كل ده ؟و فى النهايه فين افق الحل؟؟ لازم نعرف ده حقنا ثم فين الطاقه الشمسيه؟
#الكهربا_مش_رفاهيه
#الكهربا
من كتر ما سيدنا يعقوب دعيٰ ربنا انه يرجعلوا سيدنا يوسف ، ربنا رد عليه وقالوا " يا يعقوب من كثرة ما دعوت لي لو كان يوسف ميت لأحييته لأجلك " ❤
ادعوا ياجماعه .. لا مستحيل مع الدعاء
جماعه انا عامل اكونت تويتر دا عشان اكتب عليه تفاصيل يومي مهما كانت تافهه ومغصبتش حد يقرأها، انا مش عامله عشان ابهرك وانزلك كل يوم وصفه جديده للطبخ ولا طريقة عمل مفاعل نووي ولا حتي كل يوم طريقة جديدة لتخريم القُلل.
ولو انت عامل فولو عشان كدا يبقي تعمل unfollow او Block ومتقرفناش.
معلش يا جماعه بس عايز اقول ان تويتر بقاله فترة بيظهر فيه ناس بتنافس بعض مين قليل الذوق و وسخ اكتر، وعايز اقول كمان ان معظم الناس دي من عندنا من الكلية
وحقيقي انتوا كرهتونا ف ميتين ام الابلكيشن اللي كُنا بندخل نفضفض عليه.
اول ما المطره بتوقف بطلع عشان انزل المايه من ع السطح واول ما بطلع بلاقي شارعنا كله فوق السطح بردو بينزل المايه وبنقعد بقى نتبادل اطراف الحديث اثناء مسح المايه وندخل في نقاشات واوضاع البيوت ف الوقت دا واتعرفت على ناس كتير الصراحه مكنتش اعرف انهم ساكنين معانا ف الشارع
تقريبًا فيروز لخصت احلامي لما قالت " وبيت صغير بكندا ما بيعرف طريقة حَدَا "، لا وكمان كملت وقالت " ما بدّي يزوره حَدَا الا اللي قلبي إختاره وقلّه اسراره "
اه يا حبيبتي يا فيروز.
أنا فعلا عقلى مبقاش يفكر إلا فيها هيا بقت واخده تفكيرى كله مبنتكلمش بس بحس هيا زعلانه ولا مبسوطه اول مابشوفها
من ساعة ماعرفتها وانا حاسس إن حياتى ناقصه من غيرها بفرح بمجرد مابشوفها
بغير من نفسى للأحسن عشان هيا تستاهل إنسان كويس فى حياتها وانا عايز أبقى الإنسان ده
انا مش هسيبها
ياجماعه والله انا عامل تويتر ده عشان احكى عليه تفاصيل يومى واكتب الكلام اللى مبلاقيش حد احكيهوله ، مش عامله انا عشان ابهركم بتويتاتى .😌
واللى مش عاجبه فا تويتر عامل حاجه اسمها Unfollow او block 🙄🌚
@MyPalestine0
انا مش فاهم ليه الفلسطينيين بيهاجموا المصريين ومش عاجبهم
اعتقد الشعب الفلسطيني لو يعرف مقدار الحب اللي في قلوب المصريين ليهم وقد ايه هما مستعدين يضحوا بنفسهم عشانهم مكناش هنشوف التعليقات المريضه دي
ع العموم مصر والشعب المصري بيعملوا كدا عشان دا واجب علينا مش مجرد مساعده
إمبارح واحد صاحبى جالى البيت يسلم عليا قبل مايمشى ع شان هينزل الجيش.
صحيت انا النهارده على إنه عمل حادثه وإتوفى
الموت مبيفرقش بين صغير وكبير والله ياجماعه،الموت بقى ييجى فجأه،بس الفكره بقى هل إحنا مُستعدين نقابل ربنا لو الموت جالنا فجأه كده؟! 💔
-اللى يشوف التويته يدعيله بالرحمه.
أي عقل فيه ذرّة من فكر لا يجعل لله تعالى شبيهاً ولا نظيراً ولا يُشَبِّهُ بالله تعالى أحداً ٬ فالله واحد في قدرته ٬ واحد في قوته ٬ واحد في خلقه ٬ واحد في ذاته ٬ وواحد في صفاته
- الشيخ محمد متولي الشعراوي
اعتقد السبب الحقيقي لاكتئاب اي شخص هو احساسه بإنه مش مهم او مفيش حد مهتم لأمره، ودا شعور اصعب من الوحده، لأنه ممكن يحصلك وانت حواليك ألف شخص عادي، اللحظه الحقيقية ال بيحس فيها الشخص انه سعيد انه يحس انه مرغوب فيه واموره مهمة بالنسبة لشخص ما، شخص بيحسسك بوجودك وانك مُميز وتتحب.
عايزني اتكلم بصراحة ؟ انا تعبان ، مكتئب جدًا ، واحشني ناس بيحبوني وبحبهم ، خايف ، منهار بمعني الكلمة وعامل جبل ، من كتر ما حسست الكل انك مش هامك مبقاش حد يحس بيك ، عمرك ماخدت الحاجه ال حبتها ، بقيت لوحدك ، اه والله مع وجود كل الناس دي انت لوحدك.
يلا معلش.
قبل ما انام كدا ف انا عايز اقول ان حبك لشخص وانت متأكد انه مش ليك دا مؤذي فشخ وبيخليك انسان ضعيف وهَش، وبيخلي الخوف يتملكك من كل اتجاه، وكل محاولاتك عشان تتخطاه بأي طريقة بتفشل وبتحس ان حياتك واقفه عنده، وينعل ميتين الحب اللي يخلي الإنسان ضعيف بالشكل دا، سلام
يوم شم النسيم الرنجه والسردين والفسيخ والحاجات دي مبتدخلش بيتنا وعمرنا ماعملنا زي بقيت الناس وخرجنا واتفسحنا في اليوم دا والبيت كله بيبقي صايم.
كنت زعلان وانا صغير عشان جدي هو ال كان بيعمل معانا كدا بس لما كبرت عرفت ان جدي الله يرحمه كان صح ومبسوط انه رباني علي كدا قبل مايتوفي.❤
محمد سيد الكونين والثقلين والفريقين من عربٍ ومن عجم، هو الحبيب الذي تُرجى شفاعته، اللهم صلى عليه صلاة تنحل بها العُقد، وتنفك بها الكرب، وتفتح لنا بها ابواب الفرج ..❤
انا استهلكت روحي كلها ف حُب شخص ربنا مأرداش انه يكون ليا ومش هعرف احب بعده ومتسامح جدًا مع الموضوع دا ، بس اي حد هيدخل حياتي لازم يبقي عارف كويس اني مش هعرف احبه وهظلمه معايا.
وياريت محدش يدخل حياتي خالص لان قلبي مش هيستحمل اي كسر او خذلان تاني.
لو هتختاروا ناس تدخل حياتكُم يبقى تختاروا الناس ال تخاف على مشاعركم وتقدرها وده الأهم من الحُب، إختاروا الناس ال تحسوا أن إنتوا فعلًا فارقين معاهم، مش كمالة عدد وخلاص، الخُذلان فى العلاقات أيًا كان نوعها بيكون شيء مُتعب جدًا ومؤذي والله، إختاروا صح من الأول، الندم مبيعوضش ال فات.