يااللي بعد سبعين عام تشيل نفسك للظهور
ليتك تفكر زين وتدور على حسن الختام
راحت سنينك كلها واللي بقي خله طهور
مانته بجايب شي ماجبته قبل سبعين عام
شطحه صباحيه
#زبن_القاضي
رجال مثل الجمل لو كان حمله ثقيل
يشيل حمله ويمشي به على مابغا
ورجال مثل الحوار اللي سنامه طويل
شبعان لكن ليا شاف الحموله رغا
؛؛شطحه صباحيه؛؛
#زبن_القاضي
شابت شواربنا وشابت لحانا
وبار الصديق اللي عرف سر مخباي
يقول عانو خالي الجيب جانا
مايدري ان الجيب تخليه يمناي
صالح بن جهز الدلبحي العتيبي(رحمةالله عليه)
والد صوت الجزيره:مهنا العتيبي
اشجع الموهبه وافرح ولاني حسود
يوم ان بعض العرب وده يحط احتكار
الحسد طبع الردي والخوف طبع الشرود
وكره الضعافه من طبوع الرجال الحرار
#شطحه_صباحيه
#زبن_القاضي
انا شاعر ان قابلت للخمصم في الميدان
وشيخ" على قول وفعل بينن طيبه
مارد النظر للهزل والنذل والرديان
ابويه وجدي ثم انا قاضي عتيبه
يكفيني ان اسمي لياشافه الجابان
تغير علومه واعتذر من معازيبه
شطحة هذا الصباح
#زبن_القاضي
الصدق اقوله والمجامل عيب في بعض الامور
بعض المجامل مايعز الرجل يخفض مستواه
والله لو الدنيا من اولها لياخرها تثور
اني مجامل واحد" وجهه مايفرق عن قفاه
شطحه صباحيه
#زبن_القاضي
والله ياوقت ٍ برز فيه النذل والضعيف
واسماء المهبل تسجل في اول القايمه
انه علامه لشي(ن)جاي مقبل مخيف
كنه يقول القيامه قايمه قايمه
؛؛؛شطحه صباحيه؛؛؛
#زبن_القاضي
الناس في ها الحياه انواع
مرسل ومستقبل ومرسول
والشعر بحر" بليا قاع
في النظم والنقض والمفتول
ابداع ومتابع الابداع
عاقل ويسمع كلام عقول
في ماضي الوقت بالاجماع
الشاعر العاقل المقبول
واليوم عقل المتابع ضاع
ناس" اتطبل بدون طبول
#زبن_القاضي
ترى ضعيف العزوم ليا نقص ماله
عود على اللي مضى له من معاريفه
لاتامنه لو عطاك وزين اقواله
يلقى لقوله معك مليون تصريفه
ليا عزم له ضيوف وحطها حاله
يمكن يعود يطالب في عشا ضيفه
#زبن_القاضي
يابارد الراس جنب واترك الشيخه
لاتدعي لك بشي ٍ مانته بقده
الشيخ من تعرف العالم مناويخه
ولا انت طبلتك معدومه ومنقده
الهتل لو تصمل العذرا بتلميخه
ماهاش لو تركب الصفقه على خده
#شطحه_صباحيه
#زبن_القاضي
#ثوب_العيد
ياللي تفصل ليوم العيد ثوب ٍ جديد
الفوز والله قبول اعمالك الصالحات
ان كنت صايم وقايم فاانته المستفيد
وان كنت صايم ونايم كبرت الجايحات
#زبن_القاضي
الشعر والشيخه بلاها الله
تولجوها نافخين الكير
الشعر راح ضحية الشله
كل(ن)على ليلاه جاك مغير
والشيخه ومضمونها كله
ضحوبها مشايخ التصوير
؛؛؛شطحه صباحيه؛؛؛
#زبن_القاضي
الامر صادر والملك سلمان
والسيف دايم عزه انصابه
تريحو يالحضر والبدوان
ماعد فيه شيوخ كذابه
ان كان مانت بشيخ في الميدان
في الضيق يعدابه ويبدابه
ولانته من اهل العلم والقران
مشلحك طشه ويش تبغابه
شطحه على الطائر
وللحديث بقيه،،؛،
#زبن_القاضي
اخر الايام قامت هقاوينا تضيع
ياالله ادفع غيب الايام وشهي جايبه
تغبط الرجال باالفّهم والراس الشجيع
ثم حاص عن الهقاوي وجاب الغايبه
؛؛شطحة هذا الصباح؛؛
#زبن_القاضي