بمد ايدي لعمو كبير يطلع المشروع مرضاش يمسكها والسواق اتحرك فكان هيقع وراسه خبطت في راسي، يعني حرام يا عمو تمسك ايدي بس مش حرام تديني بالروسية؟ مقبولة منك يا روحي مسامحاك عشان شكلك غلبان
فكرة اني كمراهقة كنت غضبانة من كل حاجه والدنيا والناس ودلوقتي انا بلقب اي حد ب "غلبان" تلقائي وبتعاطف مع كل انسان وجماد وحيوان هي اوقع حاجه ممكن تلخص الفرق في شخصيتي
هل انا سيبت المذاكرة امبارح وقولت هلمها قبل الامتحان وملمتهاش ودخلت عكيت؟ اه
هل انا اتعلمت اني شخصية غير مسؤولة ومينفعش اعتمد على قراراتي الليلية؟ للاسف لا
Egyptian Weasel
بتصطاد الفئران وتتغذى عليهم ودا بيقلل من عددهم ودا بيقلل الأمراض المحمولة عن طريقهم
في أماكن فيها زبالة كتير العرسة وجودها مهم
هي جزء من النظام البيئي فلو هي ملهاش لازمة مش هتكون موجودة وبتساهم في توازنه
أحياناً بتفترس الدواجن والحيوانات الصغيرة وهما من غذائها
قاعدة في اوضتي بعيط علي حياتي وبابا وماما قرروا يقعدوا عندي ويحكوا قصص من اربعين سنة وينموا علي جيرانهم ساعتها، انا مقدرة الحنين للماضي ده بس ممكن يبقي في الليڤينج عشان هنا crying area only؟
واقفة في الكلية ب guide الطلبة الجديدة وبقولهم هتتبسطوا معانا اوي، اتمني محدش فيهم يشوفني وانا بعيط في حمام الدور التامن on a casual Tuesday عشان مفقدش مصداقيتي
كاجو مبيعرفش يميز البوسة يعني لما بقرب عشان ابوسه مبيبقاش فاهم ده ايه وبيفضل ثابت، فكنت بقوله دلوقتي "I demand to have a بوسة" لاقيته قرب مني واداني بوسة فعلا
وده انا وهو حاليا:
اتعرضت لاول مرة اني ابقى في مكان حد بي seek validation مني، تجربة رائعة ومكنتش شخصية سيئة واديت ثناء وشكر للطالبة اللي عندي مقابل اجتهادها ومحاولاتها الطفولية الجميلة انها تقولي "بتحبيني يا ميس؟" من غير ما تقولي بتحبيني يا ميس؟
صعبان عليا نفسي اني لسه بعاني من نفس المشاكل اللي كانت عندي من عشر سنين، يعني وانا عندي ١٢ سنة كنت بصبر نفسي ان اكيد لما اكبر الحال هيتغير فحاسه اني خذلتني اوي انا اسفة