القيمة العلمية ل #خريطة_القبائل في #العصر_النبوي 1- الدقة والمصداقية: تم إعداد هذه الخريطة باستخدام مصادر تاريخية وجغرافية موثوقة، بما في ذلك النصوص التاريخية القديمة في كتب المتقدمين من الرحالة والمؤرخين ومعاجم الجغرافيين وعلماء السيرة والأدب، وتحقيقات المتأخرين مثل حمد الجاسر وزملائه في المعجم الجغرافي للبلاد السعودية. إضافة إلى ذلك، جرى التدقيق في المعلومات ميدانيا لضمان أن مواقع القبائل وتوزيعها يتوافق مع الحقائق التاريخية الموثقة، مما يجعل الخريطة مرجعًا أكاديميًا موثوقًا. 2- التوثيق الجغرافي للتاريخ: توفر الخريطة بُعدًا جغرافيًا دقيقًا للأحداث التاريخية المتعلقة بالقبائل العربية في الجزيرة العربية. من خلال رسم مواقع القبائل بشكل مفصل، يمكن للباحثين استكشاف الديناميكيات الاجتماعية والسياسية والاقتصادية التي شكّلت تلك الفترة. 3- التفسير الأكاديمي للأنساب: تُسهّل الخريطة على الباحثين والمتخصصين في علم الأنساب فهم العلاقات بين القبائل، وكيفية تداخلها مع بعضها البعض. هذه التفاصيل الجغرافية تمنح العلماء فهمًا أعمق لطرق الهجرة، وتوزيع السكان، وارتباطاتها بالأحداث التاريخية الهامة. 4- مرجع مهم لدراسات الأنساب والشعر العربي: تُعتبر الخريطة أداة حيوية للباحثين في مجال الشعر العربي القديم والأدب، حيث تتيح لهم فهم العلاقة بين الشعر والمكان. يمكنهم من خلال هذه الخريطة تتبع مواقع القبائل التي كانت موضوعًا للشعر القديم، مما يساعد في فهم الظروف التاريخية والاجتماعية التي وُلدت فيها تلك النصوص الأدبية. 5- استخدامها في إعادة بناء المشهد التاريخي: تعد الخريطة مرجعًا مهمًا لإعادة بناء المشهد التاريخي في العصر النبوي. فهي تساعد الباحثين في رسم تصوّر شامل للعلاقات القبلية، والتنظيمات الاجتماعية، والبنية الجغرافية للمجتمع العربي في تلك الفترة. 6- تكاملها مع البحوث المعاصرة: الخريطة ليست مجرد أداة تراثية، بل هي وسيلة متقدمة تتكامل مع الأبحاث الحديثة في مجالات التاريخ، والأنثروبولوجيا، والجغرافيا. يمكن استخدامها في الدراسات المقارنة لتحديد تغيرات المواقع القبلية عبر الزمن واستكشاف الأنماط السكانية والتأثيرات السياسية. باختصار، خريطة القبائل في العصر النبوي تُقدّم للباحثين أداة علمية متكاملة، تدمج بين الجغرافيا والتاريخ وعلم الأنساب، وتفتح آفاقًا جديدة لدراسة وفهم المجتمع العربي القديم.

RT @thaqafeyah: ماهي قصة الشاعرين شليويح العطاوي وفيصل بن شبلان مع الملك سلمان -حفظه الله-؟ مؤسس أكاديمية وِرد عبدالله الحمياني في #مساء_ا…

RT @KSAMOFA: #بيان | تثمن المملكة العربية السعودية ما أعلنته الدول الشقيقة من شجب واستهجان ورفض تام حيال ما صرح به بنيامين نتنياهو بشأن تهج…

"..#الحاج اللي يجي من عندنا #حاج_العراق اللي يخلي #حايل على دربه.." حدثني متبوع بن عليّان #المهيمزي من #بني_رشيد- أبو وليد بـ #الثعلة شمال شرق #المدينة ، في 5 جماد الثانية 1439 هـ / 21 فبراير 2018 م، قال: "..#الحاج اللي يجي من عندنا #حاج_العراق اللي يخلي #حايل على دربه.... يجينا مع #جادة_الرّخَامي ، و مع #جادة_أم_سْمَرَات .. ..#جادة_أم_سمرات تمر #رِسّ_مطوّق ثم #الثّْعَلَهْ ثم #الوِجَبْ ثم #النِّحِيْتَهْ ثم #صْفَيْط ثم #الحْلَيْفَهْ هذي كلها على طريق أم سْمَرَات، جادة أم سْمَرَات. ..تطلع من #الصّْرَيْم وتطلع على الحزم من #ضليع_الحَنَاشِل وتطلع على #دِثِيْر وتطلع على #راس_الخَرِيْم وتطلع على #الجْثِلِيَّهْ ويطلع على النِّحِيْتَهْ وتنزل من تحت ..... وتطلع على صْفَيْط. هذا طريق اللي يجون من #وادي_الرمة و #الحليفة .. ..و #جادة_الرخامي تطلع من عند #السّْحَاقي ومن عند #الصّْهَوَهْ ومن عند #حَلِيْف ... هذولي يشربون على نقع الامطار مافيه قلبان ... حتى ينزلون على #راس_القرا، #حرة_بني_رشيد، على #اِبْلَهْ وعلى #الحايط. .. وهذي قْلَعَة وادي الثّْعَلَهْ، كانت #للترك... " سجله وفرغه : أ. #عبدالله_الحمياني

"قال #فيصل_بن_عبدالعزيز : هذال ياهذال يوم انك سرقت البعيرْ انتم دريتوا عن #الحكّام والاّ رقودْ !؟ قال : المعذره ، لا سعيت و لاش فيها مْشِير لَيْن شَاهَد لَحَمْهَا ما عليها جــــــــلود وانتم عفيتوا عن اللي شال حمل(ن) كبير ماهو بعير(ن) بلوني به عيـــــــال القرود ..قال والله انه مِطْلِقِهْ من ليلته .." حدثني الشيخ رشيد بن رشدان العضيلة من #بني_عبدِالله من #مطير ، صباح يوم الخميس، 8 يوليو 2010م الموافق 26 رجب 1431 هـ، قال : " ...جوك #العضيلات شادّين …اليا ناقة(ن) مِنْكَسْرَه فالخلا.. والبعير اليا انكسر مايجبر .. قولوبها واشربوا الما عليها.. اثرها للفلاينه.. واشتطوا فيها واشتكوا.. اليا الحكم ساع انه غطى الناس كلها.. ..قالوا من أخذها.… قالوا خذوها العبادين من العضيلات.. من كبيرهم؟ … قالوا #هذال_بن_نْ��َيْع ..قالوا هاتوه.. جابوه وحطوه في السجن في #الطايف مدري في #مكة .. عند #ابن_نفيسه ..قال انت اللي ذبحتها .. و #فيصل_بن_عبدالعزيز هاك الحين أمير #الحجاز كله … واليا هذال .. في السجن كل ليل يغني .. وغناه يهوّل .. وابوي ما غاشي ربوعي من اللـــــومْ لوم(ن) على اللي يركبون الشداد(ي) يا العين جوف الحبس ماحاصِل(ن) نوم تصبّرَي والله وليّ العبــــــــــــــــاد(ي) ياطير ياللي فالهوا تكثر الحـــــــــــوم اقرب وعلّمني بعلمٍ وكــــــــــــاد(ي) ماجاك عن نَزْل #العْضَيلات بعلــــوم ربع(ن) يسجون النّضَا بالايــــــــــادي اقصى منازلهم على #الرَّضْم و #الكَوْم وادنى منازلهم ورا #ذِخْر غـــــــــادي ..قال اليا السجن هاك الحين غريفات في حويش والبيوت قايلة(ن) عليه كذا .. السجن في حنيّات .. قال وماغير يغني .. كل ليل يغني .. والحضر من سطوح البيوت مثل الحمام يسبرونه متهوّلين من غناه .. قال والله ان السطول تطلّق علينا من السطوح مافيها غير الدخان #العْمَايْدِي الاول .. هوه غليونه هذا طوله.. ..وقالوا لـ #فيصل_بن_عبدالعزيز فيه شاعر(ن) هنا يِهِيل القلب .. مسجون في بعير .. ..قال عطونيه … و هُم يجيبونه .. قال: هذال ياهذال يوم انك سرقت البعيرْ انتم دريتوا عن #الحكّام والاّ رقودْ !؟ ..قال : المعذره ، لا سعيت و لاش فيها مْشِير لَيْن شاهَد لَحَمْهَا ما عليها جــــــــلود وانتم عفيتوا عن اللي شال حمل(ن) كبير ماهو بعير(ن) بلونيبه عيـــــــال القرود .. والله انه مِطْلِقِهْ من ليلته .. و هوه ينادي #القثامي سلطان قال راعي البعير اللي #هذال مسجون(ن) فيه عطه قيمته من جيبي انا …وهوه اشتر له ذلول وجهزها بمزهبها واطلقوه… " سجله وفرّغه : أ. #عبدالله_الحمياني

أسر الحنتير – R74– 0184 - 301007. حدثني الشيخ فيحان بن قعدان #ابن_درويش من #الشطَّر من #بني_عبدِالله من #مطير ، في مجلسه في #العمَق في 7 شوال من عام 1430 هـ ، وسألته عن القصيدة : #قِعدان يازَبْن المْخِيف المْذِلِّي قال " ... دخلت على الأمير واليا المجلس مليان مختلط(ن) فيه سبع القبايل وهوه يلتفت يمّي ..قال: ترى اللي طرح (فلان) تراه عمّك #مقعد ماهو بابوك , لكن ابوك احظّ رَكْبَت القصيده عليه .. مقعد هو اللي طرحه ومقعد هو اللي طمّر #الحصان عليه : حنا طرحنا ... فلان = ومهارنا راجت علآه لعيون لبّاس الحرير = اللي توصينا علاه اما السالفة .. #بني_عبدالله قالوا من يطرحه, جتنا الوصاه من ولا عاد نقدر نخليّه.. هي تقول : الشيخ #ابن_جبرين دمعه غدا ابداد والشيخ مايبكي عشير(ن) مولّي إن كان خلّه حال من دونه الحاد فأنا عشيري حاضر(ن) ماحصلّي تكفون يالظفران يا #لآد_عباد اظن #دَقْلَةْ_خيلكم فزعة(ن) لي تكفى يا #بن_جِبرين ياذخر الاجواد و #قِعدان_بن_درويش زبن المتلِّي تراه ماهو للطوابير عمّاد ..يعني زوجها تلقاه باطراف السبايا يدلّي تباهم يستطلقونها منه .. يذبحونه .. ... جات العلوم ويوم جا المنجوب.. يقول #عتآبَهْ جوكم .., قال .. قم اطلق حديد الحصان وحطه في رجليه "اما انكانك صادق , ابشر والله بالعلم الطيّب, وان كانك تبي تزربنا وتضحك علينا والله ماعاد تعوّد لاهلك " ... والرجّال معه تْمَيْره ويجونه الوريعات ويعطيهم تميره , يَبِطّنْهُم , ذالٍ من الموت ...( إذا أكلوا من زاده يحرم عليه دمه في عرف العرب) ..ردوا الطرش وراهم وردوا القومان وراهم.. وتجهزوا الرياجيل , وحضروا شيوخ #بني_عبدالله وقالوا الرياجيل... نبي نقضبه حيّ , من يقضبه ؟ قالوا #بني_عبدالله اما قضبه حي ماندري , هذي علمها عند الله , اما الذبح ان شاء الله انّا نذبحه . قال #مِقْعِد انا اللي اقضبه وانا #اخو_حصه لكن ابي #حجيلان رديفٍ لي , الرجال مدري ويش مداه , ويمكن معه رجال . قالوا انته وحجيلان ... ويوم جا نهار ثالث وهي تفيّع عليهم الغاره على راس #قشعان_بن_عميره #المغيّري , اليا والله انهم يشوفونه شوف العين لحاله.. وهمه يهسّونها عليه . مقعد على #حصانٍ له اسمه مرزوق ويسمونه #المْخَمُور اليا شاف الخيل تِطَامَاها ... صدّق كذّب يالعتيبي وهوه يدخل لها رجله يبي الهجيج... الياهم متلاحقين همه واياه جميع ,... حط الحبال من ورى رقبته وحوّلبه حيّ , واقضبه هوه وفرسه واليا هذا حجيلان مع مقعد ويجلسون لهم في راس رويع و #بني_عبد الله و #عتيبه تكاون . كِسروا عتيبه اليا الامرا جايين #قعدان و #متعب_بن_جبرين . قال "ابك ويش انتم قاضبيني عنده!؟ حسبي الله عليكم ابك وش تطلبوني .. . قالوا العلم عند الشيوخ يجون هالحين . جَمْ الرياجيل قالوا انته مطلوب , فلانه تطلقها . قال الله يلعنها الف لعنه تراها طالق بالثلاث تراها حارمه عليّ حالّةٍ لغيري . قالوا وش عليها . قال عليها وجهي وامان الله وان خنتكم يحطني الله في يديكم" ... وهمه ياخذون فرسه ويعطونه جمل ..." سجّله وفرّغه أ.#عبدالله_الحمياني

" .. لا تظلمون الناس .. ماهن بـــ ثمان، خيل #المَحَايا هاك اليوم والله انهن ثْنَعَشْ - ظْهَرَنْ - دَرْبْهِنْ رِيْع وعَوِّدَنْ دربهن رِيْع" 1⃣ نزلنا ضيوفاً على الشيخ طلاّق بن فلاح العريْض #الدلبحي من #روق من #عتيبة ( تجاوز التسعين ) أطال الله في عمره وفتح له أبواب رحمته وأبواب فضله، بـ #العريضية من #عَردة شرقيّ #كشب ، مساء يوم الأحد 25 سبتمبر 2016م - 24 ذي الحجة 1437 هـ ، فكان من حديثه أن قال : " .. #ابن_قَرْمَلَه جاك غازٍ من #قْحَطَان ، جاك مْحَوّلٍ على #الدفينه مع #العِبْلَه، مصبّحٍ #ابن_ربيعان فوق الدفينه. .. ومِسْلِط ارسل امه ، #راعي_سبلا ، قال يايَمَّه ، هي خالة ابن قرملة.. هيه بنت #الهَيْضَل.. قال يا يَمَّه روحي لابن قرمله يجنّب عنّا ، رجالنا غايبين ولاعندنا طْمَاعَه .. وهي تركب قعودها .. واطلعي مع طلعة #النِدّ...لو اَوَرِّكِيْه فوق الدفينه يروّعك... واركبي قعودها وازْعِجِيه، ويوم جات الياه مخيّم(ن) فـِ #السَّرْحِي، فـ #العِبْلَهْ حوالي اربعه كيلو ورا الدفينه.. .. قالت وين الامير ، قالوا عان الامير. قالت انا مرسلني مُِسْلِط ، يقول يدوِّر عنَا مْعَشَّى ، رجالنا مادِّين #الخُِرمه، ولاعندنا احد ، يجنّب عَنَّا ويْعَفِي عَنّا.. قال #ابن_قرمله ابلِكْ و اِبِل ولدك مْعَفِيٍّ عنها، وباقي ابل عْتَيْبْة(ن) ياخذونها #عْوَال_قْحَطَان ما اقدر اردهم ما غنّمتهم.. قالت "ان كان منت بعافي عنها كلها اخذها كلها". وجات في ظهر قعودها ويوم مالت مع الطلعه واخْذَي بِخْنَقْها و حِطِّيْه في راس العصا، قالت "يااااااااااااااااوْك، مِسْلِط ياوْلِدِي ... مِسْلِط ياوْلِدِي.. حُِرّ(ن) غَذَيْتِك للعَجَاج الاكْدَر" ..قال يايَمَّه انتي علامِتْس ( علامك- ماذا بك) ، قالت ابن قرمله عيا يعفي. قال "عليه معونة(ن) من الله"... قال واليا #المَحَايا واردين عليه و مْنَيِّرْهُم لــــ #مْغَيْرَان، قالوا افرِزْ لنا فـــ الدفينه قال.. لا .. ماعندنا ماء ، وراحوا ونزلوا فوق مْغَيْران واظْهَرَوه ، ويسقونه الخيل ، اما #البل يسوقونها على #الشّْمَاس ، ومْعَييٍّ يَفْرِزْ لهم فالدفينه. ..ويوم انهم ذبحوا ثنيتن من #الخيل تْحَتِهْ ( تحت مسلط) اليا يوم فِحِم، و #بارق_ابن_قرمله مْسَدِّد(ن) الاوْدِيَهْ ... قال "ابك عَدُّوا صيحوا للمحايا ... يقوله للصانع اللي عنده... "ابك اِغِرْ عَدّْ صيح للمحايا" .. وانقز وعَدّ فــــ الضْلَيْع هَذَه ، ماله اسم هاك الحين ، ماغير سمّوه #ضليع_الصيّاح يوم صاح، قال وهو يعدّي عليه ويصيح "يااااااااااااااااااوْك" ، و المحايا عانهم ورا الضليع ذاااااك، ماهم قريّب، مير الحِسّ يروح. ..قالوا "ابك رفيقنا عانهم صبّحوه" .. قال اليا الهَيْج يوم ضَرَب ، الهِنْد قامت تِرْجِف (بنادق ذات طلقة واحدة). قال وهم يركبون على ....انا قلت ثِمَان و #الرباعين عَيَّوا .. جا مْزايَد ومْحَاك بينّا فوق الدفينه ...هم يْهَرْجُون فالحنتوشي ، الحنتوشي وسمنا ، وواحدٍ يقول ناقتي ما ابَيْ يْحَطّ عليها #الحِنْتُوْشِي ، وحنا عند مسلط بن ربيعان، بن عقاب ، نهار العيد في رمضان وجالسين عنده .. وقال ناقتي ما ابَيْ يْحَطّ عليها الحنتوشي ، وقلت الحنتوشي وسمي ولاني بمعطيك منه لو انه هالطول... ابا افتكه منك.. والحنتوشي اللي انت هالحين تضحك به ، تراه ما ذَرَب اهل الشِّهْب الثمان اللي مالَوا مع الصّْمَيْد هَذَهْ على محمد بن قرمله هْنِيَّاه.. قلت الثِّمان ... واليا فيه شايب يقال له مشعل ، قال " لا .. لا تظلمون الناس ... قلت ليه يابو جْرَيِّد ، قال ماهن بـــ ثمان، #خيل_المحايا هاك اليوم والله انهن ثْنَعَشْ، فلان وفلان وفلان وفلان .. يعدهم باساميهم....و القحاطين يقولون ردّونا #الرباعين ، قال ابن قرمله لا والله ماهم الرباعين.. اللي ردونا اللي ناقتهم وِحْدَه .. خَيَّال الحَرْدَا دِعْلُوج" "خَيَّال الحَرْدَا دِعْلُوج" (عزوة المحايا) ، قال ويَظْهْرِنّ الثّنَعَشْ دَرْبْهِنْ رِيْع وعَوَّدَن ودربهن ريع..." #يقوله_ابوي .. ابوي يقول "والله انّا آخذين سنين وان #البل اليا هبّت الهُبُوب مع صمْدٍ هناك يقال له #مِعْتِق ، ان البل انها ماترد معه اليا هبّت الهبوب .. قلت وشو منه يابوي؟ قال من جَلْجِلْةْ الاظافير ، توّديها الهبوب الى السّْنِدَهْ هذيك وحْكَرَتْها ، وجَتْها الهبوب الثانيه وردتها اليا السنده الاخرى وحكرتها" سجّله وفرّغه : أ. #عبدالله_الحمياني

"..وهاك النهار وتوخذ #العِطْفَهْ.. واليا #مَزْيَد_بن_مْغَيْرِق يقود #عطفة_العْصُِمَه ، وهو يلحق القعود وياخذه بخطامه، واليا الخطامين كلها في يِدِه ..يقود #العِطفتين.. و #البنات على ظهور القِعْدان (اِ)يْتِمَاسَنّ بالخيزران..( الحربية والعتيبية) حدثني رجل من #بادية_برقا من #عتيبة يوم الأحد 25 سبتمبر 2016م - 24 ذي الحجة 1437 هـ ، قال : " … يعلمني طامي بِنْ عَمْرَه من الخِمَّجْ من #المقِطَه (من برقا من عتيبة) توفى وهو عمره ميه واربعين.. توفي في الدار البيضاء في #الرياض ، الله يرحمه ، حَضَر #مناخ_عرْجَا … ..يقول #قْحَطَان عانها على #الحَسْرَج اللي ورا #الدوادمي دون #ماسَلْ ، و #مطير عانها على #التَّسْرِير.. و #حرب على #عَرْجا، و #بَرْقَا على #الشّْعَرَا، و #رَوْق على #وْضاخ ، وهاك الحين فيه مشكله بين روق وبرقا ، والناس كلهم خابرين... .. قال والعرب يبون برقا ، والمناديب تروح وتجي بين #مطير و قحطان و حرب .. يَبَوْن برقا .. و برقا على الشّْعَرَا تَجْمَع و (اِ)تْحَدا ليل ونهار(تغني باهازيج الحرب).. ومستعدين .. لهم هالحين اكثر من ثمانطعش ليله.. ... يقول ويوم أصبحوا #الروقه اليا هذا #البرّاق جايهم على #وْضَاخْ .. قال "اليوم انا برقاوي.. والله مانخلّي #عتآبه تِذْبَح على الشّْعَرَا وحنا جالسين هنيّا" .. .. قال والعالم تِحْتِمي ..قال والعالم تِلِجّ "اِهْبَوووووا" "اِهْبَوووووا" (اِ)يْهَبُّون بعضهم، "من تغدّى صاحبي تعشّااااااني" "من تغدّى صاحبي تعشّااااااني" .. ..قال والروقه يقومون…قال وهم يجونك… قال والله انهم جايين الضحى ، #الخيل الصُّفر غادية(ن) سُود ، من عَرَقها.. واليا اباعر حرب على المِقْتِسَم ورا عَرْجا ، يقول اليا #الحروب محوّلينها من بين #النُّوَيْبات و #المِقْتِسَم …. قال اليا #الرُّوقَه مناحرينها … ...قال وهاك النهار وتوخذ #العُِطْفَهْ ( العُطْفَة ، #عادة_عربية #جاهلية في الحروب المصيرية، #فتاة في كامل زينتها توضع على جَمَل ، من أجمل الفتيات وأرفعهن نسباً وأثبتهنّ جَنَانا، توضع أمام الجمع، #تغنّي للفرسان وتشجّعهم ، وجميع الفرسان يحرصون على لفت انتباها وإثارة إعجابها، فمن نظرت اليه استمات، وهي #أيقونة_الحرب ، وإليها تُعَطِّف الفرسان #أعناق_الخيل ، ومن هنا أخذتاسمها، وهي الحالة الوحيدة والاستثنائية التي يُسمح فيها للفتاة بإبراز كامل زينتها للرجال، وفي حال الهزيمة فهي آمنة مؤمّنة في عُرف العرب ، وتُرَد معزّزة #مكرّمة ) ... قال وهاك النهار وتوخذ #العِطْفَهْ .. واليا مَزْيَد بن مْغَيْرِق يقود #عطفة_العْصُِمَه ، وهو يلحق القعود (عطفة الجمع المقابل ) وياخذه بخطامه، واليا الخطامين كلها في يِدِه ، يقود العطفتين ، و البنات على ظهور القِعْدان (اِ)يْتِمَاسَنّ بالخيزران..( الحربية والعتيبية) يقول اليا راعي هاك #الحمرا (فارس على فرس حمراء) جاي راجع صابّ(ن) عمره على الموت.. #حربي .. قال وهم يولّعون فيه (يرمونه) … قال #العبّود شيخ #القثِمَه : "ابْكُمْ خلّوه خلّوه.. كُِفُّوا عنه كُِفُّوا عنه .. ماغير يبي ياخذ البنت ، خلّوه ياخذها" .. ..قال ويوم انه اقبل عليها…وهي تْشَطِّر عُِمْرَها .. ويوم وازنها وهي تلوّح على ظهره.. وهو يطير (ا)بْها … يقول هاك الاسمر البِلِيَّه .. تالي عاد نشدوا عنه وعرفوه… وانه واحد(ن) من #النَّحَايْتَه.. ( #ابن_نِحِيْت )" سجله وفرّغه : أ. #عبدالله_الحمياني

"#سبع_المَلَفّات راعتها شَعَابينَهْ" قابلت الدكتور #عبدالمحسن_ابن_معَمَّر من #بني_تميم في #الرياض / مساء 25 ديسمبر 2019 م. فسالته عن الطرق والثنايا في #جبل_طويق التي تسلكها القوافل والجيوش قديماُ ، وماهي الخيارات التي كانت أمام #خالد_بن_الوليد عندما اشمخرَّت جبال اليمامة أمامه، وأي الطرق كان الأنسب لمرور جيشه. كما استأذنته أن أفرّغ كلامه بلهجته لأنني أحب أن أتعرف على ملامح من لهجة #بني_تميم ، وقد شهد لهم علماء اللغة الأوائل بالفصاحة، و #المْعَمَّر من رؤوس #تميم، فوافق بكل ثقة على الرغم من درجته الأكاديمية الرفيعة. قال: " ثنية الأحيسي .. هي #ثنية_اليمامة الرئيسية .. طلع منها #خالد_بن_الوليد وطلع منها #ابراهيم_باشا .. يقول "#سادلير" ولازالت آثار المدافع واضحة فيها " .. و اسمها القديم "ثَنِيَّة اليَمَامَة" .. ومن اسمائها اليوم #السَّبْع المَلَفَّات .. اذكر الشاعر يسولف على ابوي الله يرحمه في #المجمعة .. و لَقَطْتْ منه شطر بيت ، يقول : سبع المَلَفّات راعتها شَعَابينَه لانه يروّع .. مِقَاطِع بَطْحَا رَفِيْعَهْ .. وانهيارات سريعة مع المطر .. وجاء معها خط أنابيب البترول (#الجبيل_ينبع) و فَرَاهَا فَرِي .. وجاء معها خط أنابيب #العراق مع نفس الطريق . وانا أرى إن أفضل كتاب .. من وجهة نظري .. شرح ووضح الأماكن في #معركة_اليمامة هو كتاب #راشد_العساكر .. وأما غيرها من الدروب ، في نفس الدرب ، درب الحَيْسِيَّهْ ، فيه #ثَنيّة_غُرور ( 24°52'39.69 46° 8'43.86 ) اللي طالع معها خط أنابيب البترول .. اذا بدت #السبع_الملفات جت هي وراحت يمين ... لحالها. اسم "سَبْع المَلَفَّات" اطلق عليها بعد ما مهِّدت في عهد #الملك_عبدالعزيز الله يرحمه ، وصارت تجتازها السيارات .. فيها سبع انعطافات وسموها سبع الملفات .. و إلا هي اسمها الاول ثنية الأحَيْسِي و ثنية اليمامة. شمال درب الحَيْسِيَّه فيه "#درب_جمهور" ( 24°53'15.21 46° 3'1.02 ) في #علوّ شعيب #أبو_نْخَلَة .. وفيه وراه #درب_أبا_الغبطان ( 24°54'51.61 46° 2'21.63) #الغَبِيط ضَربُ من #الهوادج .. مراكب النساء .. ذكره #امرئ_القيس : قالت وقد مال الغبيط بنا معاً عقرت بعيري يامرأ القيس فانزلِ ويسمونه بعض #البادية "#المْجَوْنَح" .. عريض .. اذا مرّوا بصفحة الجبل كْسَرَه .. وسموه أبا الغبطان لانه يكسّر الغبطان. وفيه #ثنية_فِهْرَيْن ( 24°56'40.78 45°59'31.94) معها درب من الدروب الواضحة .. يْحَوِّل على #العويند .. وفيه آثار له لاتزال باقية .. رَصْف .. وفيه ثنايا ودروب في #العيينة و #سدوس #ثنية_حَمَد بين سدوس و #حريملاء.. وغيرها. ولكن الأحَيْسِي "الحَيْسِيَّه" أقرب وأسهل طريق لـ #خالد_بن_الوليد رضي الله عنه... ".. إنتهى سجّله وفرّغه : أ. #عبدالله_الحمياني مع كامل الشكر للدكتور #عبدالمحسن_بن_معمَّر

#المِصْلاح تِرِد أباعره على #رِبْع "#النِّصِي فيها ملتحم كنّه #غوارب_الفهود" حدثني (أبو ماجد) محمد بن شعيل #الذيابي .. من #بادية_الروقة من #عتيبة .. عن معنى الرّبْع والخِمْس والسِّدسْ في #وِرْد_الإبل .. كيف يكون وماهي تفاصيله ، فكان بيني وبينه هذا الحديث ، سجلته وفرّغته… قال : "اذا قالت العرب "البِل ترد على #رِبْع والا #خِمْس والا #سِدْس" ، بعض الناس يحسب انها ترد بعد أربعة أيام أو خمسة أيام أو سنة، ماهو صحيح.. #رِبْع يعني نهارين وليلتين .. يسمونه البدو رِبْع ... والبل مثل ..تصدر العصر لمَظْمَاها وتاخذ عِشِيَّها كلّه ، وليلها كله ، وتصبح وتاخذ نهارها كله ، وتمسي وتأخذ ليلها كله ثم #تْخَمَُر على العِدّ .. #المْخَمَر هو وُرود العِدّ في آخر الليل ، البِل تْخَمِر على العِد وتصبح صادره.. والمواريد هاك الحين .. أحد يِرِد بعد الظهر .. قرايب العصر .. واحد يِرِد آخر الليل .. و #وِرْد_الليل يسمونه مْخَمَر ..خامر(ن) الحلال .. على حسب.. واما في #القيظ_الحَنَّان .. المِصْلاح تِرْد اباعره على رِبْع .. . الخِمْس والسِّدس في القيظ كايد ..الا إذا جاها صواديف .. تقول #مَرْسَى_العَطَاوِيَّه ، من #روق من #عتيبة : وآ حَمْس قلبي حَمْس ذود(ن) على خِمْس يِرْد #الحْوَى من يَمّ خشم #الرجوم(ي) يعني ظماها واصل حدّه. البل ترِد على رِبْع .. المِصْلاح تِرْد اباعره على رِبْع .. ( المِصْلاح من تصلح حال الإبل على يده) .. من اول يبون العشب ...والنِّصي من اول يابَس في بطونها .. ماغير يطقّون خشومها بالعصي .. يردونها على المَظْمَى .. اليا وَرْدَت وشَرْبَت : رْبَخَت ... راحت وناحَرَت لمطيح الشمس .. ثم رْبَخَت ثم ماغير يثوّرونها بالعْصِي لمظماها .. ماتبي المِصدار ..لأن النّْصِي يَابَس في بطونها .. أما وِرْد البل.. الوِرْد في زمان(ن) فات فهو له تفاصيل .. الديار #المِرْجِعَهْ في القيظ ، اللي ماها واجد .. ولايتزاحم عليها الوِرْد .. هذي ترد البل فيها على رِبْع .. اما الديار اللي يلوِّذ ماها ..لا ..#تْنَادْزِل البل (تُنَاقِل يعني تزود على وقتها المعتاد).. تْنَادْزِل على خِمْس و تْنَادْزِل على سِدْس ...و المْعَشَّى هو اللي يحدد وِرْدها .. ومن اول وَرْدَة الماء ماهو على كل حال ، يتِزَاحَمون عليها #العرب .. و #الفِرْزَهْ تِقْسَم بينهم .. فلان فِرْزِتِه الصُِّبْح .. والثاني يرد الظهر.. والثالث العصر .. تْقَسَّم بينهم .. والبل ليا منها خَذَت #الظِّمْيَيْن والا الثلاثه .. ظِمْيَيْن ثلاثه …صار مرجاعها على الما ثقيل .. يقولون البدو تْنَادْزِل… تْنَادْزِل ليا خِمْس .. تْنَادْزِل ليا سِدْس … لكن المِصْلاح تِرْد اباعره على رِبّع … والعرب يحكمهم المْعَشَّى .. #المْعَشَّى هو اللي يحدد المِيْراد … بَعَضْهُم يِسْتَظْمِي ثمانين كيلو …و بَعَضْهُم يِسْتَظْمِي خمسين كيلو … والبل اهلها يتبعون هواها.. وأما #نَبْت_الصيف.. من منابته #النِّصِي .. والنِّصِي يابَس في بطون البل .. يَابَس ما يِبْتَلّ.. ناقته ماتَصْدِر غير مغصوبة(ن) بالعصا .. لأنها تشرب وتَرْبَخ وتْعَطِّن ..وتاااخذ ثم ناحَرَت للشمس ..ثم دَكَّت .. ثم عَلَّوها (وردّوها على الماء مرة أخرى) ..ثم ناحَرَت للشمس .. وهذي هي لين تصدر بالغصيبه.. وانا خابر شيّابنا يقولون .. ديرنا هذي..اليا صَرَّم العُود .. وكَثْرَت على #زِرْق_الجْمَام الأثاري ..اللي يقوله الشاعر .. اليا طبيتها ..اليا النِّصِي فيها ملتحم كنّه #غوارب_الفهود ..ماغير يتواما.." كتبه : أ. #عبدالله_الحمياني

RT @alrougui: عندي قائمة شخصية لأماكن اقول ليت يسعفني الوقت أزورها في أحد الاجازات الطويلة اللي عيت تجي😂 ودي اخلصها في رحلة وحدة بالسيارة…

والسابعه نلفي على الفنجال(ي) والثامنه يرضونك الحكّــــــــــــام 2⃣ #المفردات_القضائية في #شعر_العرب_الأواخر صور من #القضاء_عند_العرب_الأواخر (ي) وقع حدث بين فخذين من قبيلة واحدة ، وقُتِل رجل بالخطأ ، فجاءت قبيلة تحدو ، وقابلتها الأخرى ، فصفوا مقابل بعضهم وسلاحهم كامل ، وهم يحبون الصلح على التفاني، والحل على القتال: أقبل صفّهم يغني: الاولَّهْ ياقصر في منزاله والثانيه لو حالكم من حاله والثالثه ضفّوا عليه جْلالِهْ والرابعه جينا على العزام والخامسه ليه وراك #ريال(ي) والسادسه وش عندكم فالغالي والسابعه مانِزْتِبِنْ لِك مال(ي) والثامنه لن(لئن) طالت الايام والتاسعه ليَّه وراك #دْعِيَّهْ والعاشره ردّيتها مثنيّه والحادشه باين رواق الفَيَّه ( اغتنموا أبواب الصلح المفتوحة) سلام وكمول اثنعش سلام ٌقال الصف المقابل: الاوله ضلع(ن) وزان جباله والثانيه كل(ن) عرف مجداله والثالثه كل(ن) يصيبه فاله ( شي أراده الله) والرابعه #خَطْلَهْ ولاينلام ( قتله كان خطأ) والخامسه نعطيكم المعذار(ي) والسادسه نعطيكم ولرجالي والسابعه #نلفي على الفنجال(ي) والثامنه يرضونك #الحكّام والتاسعه عذر(ن) بلا مطويَّه والعاشره نعطيكم #القَفْرِيَّه قفّر حسابك والمَرَدّ بليه واهلين وكمول اثنعش ختام