اللهم صلِ على محمد وعلى آل محمد كما صليت على إبراهيم وعلى آل إبراهيم إنك حميد مجيد اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد
احب خواتي، احبهم بشكل لا يتصوره مخلوق واجزم أن مافي مثل حبي لهم ولاوقاتي وفرحي وحزني معهم ولكل لحظة فرح وسعادة وحماس ولغضب ولتقلباتي المزاجية منهم ومعهم
كتفي اللي يسندني، مأمني من صواديف وتقلبات البشر
القلب اللي يشيلني بعيوبي ومميزاتي، أصدق حب لي
يا عسى أعمارنا طويلة ومع بعض😔😔
أفضل يوم بنهاية السنة؟ بلا شك
الصباح ضحكنا على الدرج وهربنا من الحصة ووسمية عصبت علينا واخذنا تعهد وحنا نضحك
ومن الظهر تجمعنا لين بعد ما تعشينا❤️❤️❤️❤️❤️❤️❤️❤️❤️❤️
الحمدلله على تمام العمرة ، اللهم تقبل منا ولا تترك لنا دعاء إلا وقد أجبته ، ولا ذنباً إلا غفرته ، اللهم أجعلها عمرة مقبولة وسعياً مشكوراً وذنباً مغفوراً ودعاءً مستجاباً 🤍
سلمت نفسي في دروبك مسافر
وأسلمت لك كل الأماني مسافير
جيتك وانا من عالم الحزن عابر
قلب تصلووه العجاف المناكير
ياكل منطوقي ترا في الخواطر
لك من عزيز القول جلّه وتصوير
أنت السماء لا تيهوا بالمكابر
وانت الصحيح إن كثروا بالمعاذير
أنت الاهله في جميع المحاجر
وأنت الزمان اللي تمنيته يصير
انا ادري لو ربي كاتب الشي اللي ابيه ممكن اصحى بكرة عشان اروح الدوام واحصل الشي ذا صاير أو شبه صار
لذلك والله لو تبقى لي ذرة من الأمل لأجاهد بها لين يتحقق بمشيئة الله❤️
الأنسان الشاعريّ الحنّون مسكييين والله
مسكين
حتى فالنقاش الحاد بينه وبين إنسان يحبه
يحاول يمسك لسانه عشان مايجرح اللي يحبه
بالكلام يحاول مايرمي سهامه مع إنه ماهو
ضعيف! لكن الحنّية تغلب وانتهى النقاش فقال
بينه وبين نفسه :
أفا ياسبايب بسماتي وكلي وهلّي، أفا ؟
بديت اشوف السعي أهم من الوصول
ورضيت عن دقّ الأمور وجلّها
ليه أتعجّل؟
دورة العمر العجول
وانا اجهل أكثرها واعَرف أقلّها
اللي اليوم تضيّع أهم الحلول
بكرة يصير النصف حَل يحلّها
يالله حيّهم 🤍🤍
كلمتين لكن صداها لازال يلازمني كأول مرّه
"
اول مره جو صديقاتي بيتي كنت من التوتر اروح واجي وابي كلشي تمام فكان كل ماجيتهم قلت
"
يالله حيّهم يالله حيّهم
قلتها كثير عشرين مره يمكن
فصار اسم قروبنا "يالله حيّهم"