نفسي أختم القرآن الكريم حفظاً و تجويداً و ترتيلاً وأي حد يسألني في آية أكملهاله وأقوله دي من سورة إيه أو أي حد يعارضني في حاجة أقوله آية دليل على كلامي يارب أوعدني.
صاحبتي فرحها كان من شهر إكتشفت انه متخطاش الإكس بتاعته ولسه بيشوف صورها،فضلت شهر متحملة معاملته السيئة ليها ولما عرف إنها حامل طلقها وقالها مش عاوزك ولا عاوز اللي في بطنك! و بجد حسبي الله ونعم الوكيل ألف مرة في اللي يدخل علاقة وهو في دماغه حد تاني ومش بيتقي ربنا في اللي معاه.
جوايا شخصية متزنة عارفة الصح من الغلط و بتجاهد و شخصية بتجري ورا هواها واللي متعلقة بيه والإنسان مش عارف أنهي شخصية هتغلب التانية و طلع المرء لا تشقيه إلا نفسه فعلاً .
أنتوا عارفين يجماعة أنا كام مرة أتقالي جملة أنتِ أحسن حد في حياتي و أكتر حد كويس قابلته ، طيب أنتوا عارفين إن كل اللي بيقولولي كدا بيعموا فيا إيه في الآخر؟
عاوزة أشتغل شغلانة تكفي إشتراك الجيم و الإسكين كير و البادي كير و الهير كير و المواصلات و خروجاتي و الكتب اللي عاوزة أقراها و الهيلثي فود و الفيتامينات اللي نفسي أجيبها.
تفكيرى دلوقت متمحور حول إن أعيش الجاي من حياتي صح, أبعد نفسي عن الناس اللي مش شبهي, أقرب من ربنا أكتر , أعمل اللى أنا بحبه أيً كانت إيه النتيجة، تفكيري دلوقت إن أعيش مرتاحة.
مش بطيق ألبس أي أكسسوريز في أيدي أكتر من ربع ساعة، يعني أعتقد لو جيه عليا أيام و بقي المفروض ألبس دبلة فيها غالباً أنا اللي هشيلها في جيب البنطلون مش هو.