تقوّي ترى الخاطر لـ هالحين باقي فيه
تعابير وجهك " قاطعتني " و أنا توّي
تزبر ( دموعك ) في محاجر عيونك ليه ؟!!
أوآسيك ؟ والا أجرحك ؟ والا وش أسوي
_مساء الخير☕️
اشوف السفر ما بين فترة وفترة زين
انا بحاجة غياب اتفحص به اشواقي
تراودني الضيقه لها حروة اسبوعين
وتأثيرها واضح علي وعلى اخلاقي
يا محتاج من شعر العتب والحزن بيتين
انا والله المحتاج ضحكة من أعماقي
🇸🇦
ارتحت من حبك و رجوى وصالك
و ارتحت من كثرة محاتاة فرقاك
و ارتحت من كثر انتظار اتصالك
ومن حفظ جدول يومك و وقت ممساك
ما عاد جاني قبل لا ارقد خيالك
ولا عاد تشغلني الى اصبحت ذكراك
احس روحي لحقها قل جهد وفتور
من كثر ما أحترت في أحلامي وحيرتها
ِ
عودتها كل من يبعد بعيد . . معذور
وعمرتها . . بالتسامح لين دمرتها
ِ
احيان اقول . . ليت الله خلقنا طيور
حتى اقدر اتلاحق الفرصه لا طيرتها
انا قبل ساعتين ، وعام ، و ٤ شهور
نفذت من غلطة الشاطر ، وكررتها
سلم على اللي راح بالقلب والروح
وعرقى على الكبد ودبلها مطارق
وقله ترى ماعاد لي فيه مصلوح
ولو يعتذر ماعاد عذره بفارق
أتلا الفرص فالعيد والعيد بيروح
لاحاول يوصي ولااوصيت طارق
سلم عليه وعلمه قبل لا أروح
قله يقول أن مركب الحب غارق
قله عسى ربي يحله ومسموح
وقله تراه بكل الأديان طالق
جنّبوا دربي لو انّي في طريقٍ فاضي
خلّوا الضايق يروح ودمعته في خدّه
وازهلوه الى لفاكم حال وجهه قاضي
لا احدٍ ينشد علام الوقت صاير ضدّه
اتركوني في زماني لاهيّ ومتغاضي
واعفوا الخاطر من اللي يوجعه ويحدّه
البلا ماهوب في حزني ولا فامراضي
غير والله في ضميرٍ ماعرف وش ودّه
نوب تجبرني الشِّيمة على دمح زلّه
وأتغاضى وهي مثل اللّهب في فؤادي
يا رماح الكلام اللّي على غير أدلّه
ساحة الصدر ما فيها سعة للهنادي
والله إنّي حريبٍ للرّدى والمذلّه
ووالله إنّي نديمٍ للنقا والمبادي
لو تشح المزون بدمعها اللّي تهلّه
دمعة الحرّ ما يدرج بها كل وادي
عليه اللوم ودموع الهقاوي والسلام الحار
كثر ماكان في صدري حكي قاسي ولا قلته
احنه لا يحز بخاطره لومي رغم ما صار
وتجاهلت الشعور الي تسبب فيه باسئلته
لفظ كلمةٍ مغشّيها الظلام ولاحقتها النار
خذت معها الصور والذكريات وكبر منزلته
الخاطر اللي على سود الليالي صبور
يسري به الفكر ويحسب الاوادم سرت
احيان نمشي مع العالم بليا شعور
والناس عن ما تكن صدورنا مادرت
كم حاجةٍ في معاليق الضماير تدور
اقوم و اخلي المجلس لامنها طرت
_مساء الخخير☕️
استكن الكون والليل ابتدا . . والنور بادي
والنسيم البارد يذعذع عليّ من كل يمّه
في المكان الخالي اللي بين عرق وبين وادي
ما يجيه الا هماليل . . المزون المدلهمّه
فاقد الي زود بعده ما نقص من غلاه
من يبشرني بـ شوفه ؟ ويبشر بسعده
ما بقى من ساحة البال من ذكرى لقاه
غير تلويحة وداعه وخذلان وعده
قلبي اللي عاش حلم المواصل في ذراه
خايف انه من مهاده : يوارى ف لحده
كنّي ابو مسه الفقر من بعد الغناه
يتقي من نظرة العجز في عين ولده
_مساء الخير☕️
تحريتك على رجوی وصالٍ ما بعده غياب
وتمنيتك وأنا حزني عليك أكبر من الجيه
تراودني تعاليل المحبة والشعور أسراب
وأغض البال لا مني سرحت وقلت منسيه
على هون اليدين اللي على جرحي تطق الباب
وأنا بابي ذرى عابر سبيل وصوت طرقيه
_مساء الخير☕️
مرحبباااا يا غايب ٍ ساق طاريه النسيم
غاب لين ان كل عرق ٍ على شوفه ذوى
ㅤ
شاحب ٍ في غيبته وجه الاحلام و سقيم
و كل ما هب الهوى جدد الجرح الهوى
ㅤ
في رجا سيل الوصل يقتفي مجراه ديم
و نردّ ميراد الضوامي على عد الروى
_مساء الخير☕️
تهييّت لك منزل و ملجأ وعدّ و دار
وسريت أترقب ضحكه الماء على هوني
وش الليلة ؟ اللي دونها تضحك الأقدار
إذا ما تجلّت من فرح ضحكه عييوني
يا علّ الدروب اللي تضمك حيّا و أزهار
لو إنك تعيش أيامك البيض من دوني
وش أقول فيك وكل ما قيل ما يوفيك
لساني عزيز و وصفك أعز من "تكفى"
عطاك الله اللي حارمٍ منْه ذيك وذيك
ولا اعطاني الا ناظرٍ عنك ما يغفى
أخاف يتمادى فيني الحُب وأسمّيك
دخيلك تدوّر غيرها، للغليل أشفى
يبي لي عشان أوصفك من راسك لرجليك
إسم مستعار وجوّ صافي وذهن أصفى
_مساء الخير ☕️
شوارد بنات الفكر في غيهبك كبّع
وشاشة طموحي فوقها طلسمك طابع
أدخل في تبجّح بكر وكليب والتبّع
واطلع ب ارتياح المْقنع الراوي الشابع
اشوف الكواكب وانظرك ثامن السبّع
واشوف الثلاث البيض واشوفك الرابع
انا في ضميري مثل واهج حريق النار
زقارة فقيرٍ حدها تلحق القطنه
على اللي لها عاتق نداوي وشط حوار
زواها الحيال ولاعليها ولا بطنه
على جسمها المصبوب حتى الهبوب اتغار
قبل لا اتكلم تفهم القصد بالفطنه
لوانها غريبه لاحصل فيه لعب اكبار
تراني مع من لامني مامعي عطنه
لا جفيت الدار يا راسي.. تهيّا لـ الهبايب
خلّها تلفح جبينٍ لا زعل عقّد حجاجه
إمْش تِلهيك الدروب، وكل عذْر يْسدّ غايب
وكل منصى له سبيل وكل قلبٍ عند حاجة
ما انت بلحالك لو الدنيا خَلَت صَحْب وقرايب
معْك منهو يامر الغيمة توخّر لك عجاجة
الوداع اصعب من التبرير يا محبوبي
والكلام بقلبي اصدق من كلامك كلّه
رد روحي لا تضيعها وطالع صوبي
ليه ترخص خاطري وتضايقه وتمله؟
انت وجهاتي وصادق فرحتي ودروبي
الطريق اللي بياخذني عجزت ادلّه
لا يغرك كبر صداتي معك واسلوبي
والله انها من ورى قلبي يا قلبي والله
_مساء الخير ☕️
وساع الفجو�� الخاليه والهواء لا هب
علاج النفوس الي حرموها مشاهيها
تمر القلوب بجرح فرقا وذكرى حب
خليط الشعور أقسى ثواني ثوانيها
من العام والاخلاق ماهي بـ تب التب
ماعشت السعادة بس عايش بطاريها
دخلت المحبه واثر مافـ المحبه طب
وطبيت فـ اشيا قبل مالي دخل فيها
يازين الشعور الي يجي فيك لاحبيت
أنا قمت أحس بطهر روحي وبإيماني
وأحس إن كل شي يبتسم لي ليّا لديت
وأحس إن نور الصبح يطلع على شاني
ولاعاد فكرت بحياتي ولا أهتميت
طغى الحّب فيني لين سامحت عدواني
عزيز الجناب يصد لاجرب الخذلان
يقفي ، عيوف وصدته تدفع الصده
ٰ
يشوف الحياه اصغر من الدمع والكتمان
غريباً عرف قيمة غلاه ، وعرف قده
ٰ
لو انه يشوف الماء وهو وارد وضميان
يباسة شفاته عنده اغلا من المده
_مساء الخير ☕️
مقام حبك ماله الا .. شرهةٍ قد المقام
ان عابها قل الوفا ، و لا الجفا ما عابها
ٰ
لا تنزع الشرهه بـ واهي العذر و الا الابتسام
و لا تلبّسها الثياب اللي .. ما هي بـ ثيابها
ٰ
نعم تبادلنا الجفا لكن تهادينا السلام
في ليلةٍ لو اقدر أنساها .. نسيت عتابها
_مساء الخير ☕️
هلا بك عِدّ ما طال انتظاري يا سِمِيّ النور
وعَدد ما زاد بي شوقي ولا أدري ويش أسوّي به
تماثَل للشِّفا جرح وتسامَى للحنين شعور
يبدِّد وحشة القلب وقسا حزنه وتعذيبه
لو إني من شهر مارس قدرت اكشف لك المستور
ما ضيّـق خاطري شيءٍ خذيته عاد ودي به
عرضو صدري نسانيس المهب الحدري
لي ثلاث شهور ابين عبرتي واخفيها
ضايقٍ صدري وانا ماهو يوسع صدري
كون شوف الصوره اللي غايبٍ غاليها
والله ان الحب بدري والمفارق بدري
حاجةٍ يبطي وجعها في صدر راعيها
يا لبيه . . و فمان الله في لحظة لقى ووداع
رحمني . . يوم ما خلاّني استاجع بتوديعه
اصوّت له ، ادوّر له ، ابي فيه ، اتلفت ، ضاع !
فقدّته من ثلاث سنين و الضيعه هي الضيعه
فلا مني سمعت " ايّوه انا قلبي عليك التاع "
دريت ان الهوى ضيعاته اكثر من منافيعه
_مساء الخير☕️
في كنف ليلٍ نجومه تشد الأنتباه
تبتدي غربة من يعيش في حضن بلده
ٰ
من كثر ما هزّه الماضي اللي ما نساه
وده أنه مايفكر في بكره و بعده
ٰ
من يدقق في جميع المراحل فـ الحياه
لا يلوم إلا التفاصيل لاخاب جهده
ٰ
كثرة التفكير في بكره وفاللي وراه
تشغل الواحد عن الحاجة اللي في يده
الانسان يمر بضغوطات نفسيه مما يؤدي به للعزله وضيق الخاطر جارنا الله وأياكم منها ، ووصف بعض الشعراء هاذي الضيقه وقالو
ذكرته و انا أبادل يديني على الطاره
بدار خلا و الخاطر أضيق من الدبله
هذي دار ابوه ودار جده وذي داره
سقى الله ليالي عنتر العبسي وعبله
⁃ مدغم بو شيبه
إلى متى و أنا أكسر من الشف في بعض الأمور
الظاهر إن الحزن ذي المرّه فرض شخصيّته
أخاف أصد و يحسبون الصد نوع من الغرور
و أخاف أجي جيّة غريبٍ ما تثمّن جيّته
لا صار حب الإنعزاليه دبل حب الظهور
أنشهد إن الموت أخير من الحياه الميّته
احس روحي لحقها قل جهد وفتور
من كثر ما أحترت في أحلامي وحيرتها
ِ
عودتها كل من يبعد بعيد . . معذور
وعمرتها . . بالتسامح لين دمرتها
ِ
احيان اقول . . ليت الله خلقنا طيور
حتى اقدر اتلاحق الفرصه لا طيرتها
انا قبل ساعتين ، وعام ، و ٤ شهور
نفذت من غلطة الشاطر ، وكررتها
ادلّ الزين ودياره وراي بديرة الغالين
ديارٍ لو يشحّ بها المطر خضرٍ مراعيها
وفاه مقيّد شوفي وانا وافي ومن وافين
وغلاه يعنّ روحي لاتلفت صوب داعيها
يباريني خياله و استحي منه و اصدّ العين
اداري خاطره و اصدّ عيني عن مشاهيها
ماعرفني إلا انت إليا من جهل قلبي حريبه
واحدٍ ماله نصيب من الطبوع إلا الجلافه
انت ادفى ما ورا صدري و اقصى ما يجيبه
و انت اخر عهده بجدب ارضه وقسوة جفافه
مستعد ابيع دنياي القديمه باللي هي به
انت دنيا ثانيه ما أنت على دنياي اضافه
تبسّم لعنبو من لامني في ضحكتك ورضاك
تبسّم وأخذني من عالمي في عالمٍ ثاني
ㅤ
تبسّم لي فداك اللي مضى واللي بقى يفداك
ترى لولا غلاك وضحكتك ما بعت خلّاني
ㅤ
ولا جيت أتدارك ما بقى من فرحتي وألقاك
وأبيع العمر كله لا أبتسّم ثغرك على شاني
ㅤ
- ضيدان بن قضعان
يعلم الله ما قسينا وقتنا اللي قاسي
يبعد الغالي عن الغالي و يخلف ظنه
حي شوف اللي لـ شفته يطير عماسي
جعل وصله دايمٍ والله لا يخلي منه
له علي ان الله احياني وسلم راسي
انه فروض الغلا والعابرين السنه
ياكثري يوم جيت وهانت الرحلة على الرحال
ويا قل الوفاء يوم أنكف الجمّال بجمالة
ياراس المال لعدّوا هل الأموال راس المال
وياذخر الكريم اللي ذخر عن صحبة وآلة
عليك الله وش عذر العيون وضحكتك والخال
اليا طاح الجريح اللي زبنكم بآخر آمالة
أقصّر و الليالي ما تقصّر و السمر ما طاب
وإذا ما أهتزّت غصون الوفا ما طارت الخيبه
بخير إن عادها تزعل على تقصيري الأحباب
وإذا ما عادها بتزعل على تقصيري مصيبه
أنا غفلة قلوبٍ ما تدوّر لـ الرحيل أسباب
تخاف الفقد والليل الطويل وطاري الغيبه
الغريب اللي غلب صمته على شهوة كلامه
شابعٍ من كذبة الاحلام والعذر الرمادي
الحياة ام الغرور .. ام الملذة .. والوسامه
في عيون الزاهدين الانقياء سجن انفرادي
يا كثر صورّك اللي ما نساها بالي النسّاي
لو إن عمري معك مرّت سنينه مثل أسابيعه
حبيبي كيف امرّ بشارعك ما تدري إنّي جاي !
وأنا أعرْف الصباح اللي يجيبك من ذعاذيعه
_صباح الخخير☕️
فمان الله ياول من سكن بين الضلوع العوج
عسى دربك سفير ويا عسى الله ما يخليني
ٰㅤ
توكل لاتوادع رح عسى درب الجفا المسهوج
يصادف درب فرقى عقبها . . ما تلمحك عيني
ٰㅤ
سمحت من الهوي ومن القصيد ومن زراق الموج
رميت أغلى مجاديف الغرام ، و جيت بايديني
_مساء الخير ☕️
يا غناة القلب يا مدهل الصدر الوسيع
يوم صدر الشاعر الذرب محدٍ يدهله
ٰ
جيّتك تكفيه عن جية العالم جميع
قافل مخرج مكانك .. و قافل مدخله
ٰ
انت شوفك خير و امطار و سيول و ربيع
وشوف غيرك مثل شوف الديار الممحله
خبني بين الضلوع إن كان ما فيها كلافة
ما دخلت إلا على شيٍ أبيه ، و فيه شفّي
جيت هارون الرشید اللي بنى قصر الخلافة
والله إن الشوق فاضح لو أكابر به و أخفّي
معك ما استصعب محال و ما توقفني خرافة
لـ الصبر آخر ، و أنا دايم معك صبري مكفّي
عاد صيفك مالي من القيظ والتحنان ذاري
كود ذكرى ظلّها ظلّ وسوالفها هزيلة
ٰ
واتعوّذ بالله من الوهم ، وتنويم الطواري
لين تقبل والله إني لأذكرك في كل ليلة
ٰ
أتسنبّل لك قصيدة صوتها للوهن ساري
علّ لا جتك الرياح ببذرها تجمع حصيلة
علّموا من عاد له عندي محبه وامتنان
كل ذكرى ما هي بذكرى غرامه زايله
ٰ
ما طرى فالبال حاجه غير كنت ، وغير كان
وكل ضحكه كان يضحكها ودمعه سايله
ٰ
اغترب قلبي بعد خلّاه لصدوف الزمان
و ما معاي من المتاع الا غرامٍ شايله
يجرّ المشاعر في مساريك خيط الصوف
لو ان خطوة احساسي معك خطوة المنهي
انزّل غلاك بـ منزلة .. راعي المعروف
على كل يومٍ كنت في فرحته مرهي
الى استوطن احساسك من البعد لحظة خوف
تذرّى عن الخوف و عن الشك .. في وجهي
بددي صمت المحبين بالهرج القراح
واكشفي من نور وجهه مثل نور القمر
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
واتركي بعض المشاريه واللي راح راح
المعاتب بعض الاحيان احر من الجمر
_مسيتو ب الخير ☕️
لك منزلٍ في نايف القلب وخيام
وذود الغلا ترعاه ولا شكيتك
يفطر عليك القلب وان فارقك صام
والله لونك شوك سدره كليتك
كن العيون من النظر عقبك ايتام
وكني ماريت الا انت من يوم ريتك
من صعب وصلك ما تهنيتك احلام
وان جابتك فزيت شوق ومحيتك
لاسوّلت للنفس خطوات الطريق
تنتابني وجهه حراويها أرق
على شفا المجهول يالصدر الطليق
وعلى امل غيمه وبارق مابرق
جاني من ابواب المسافه باب ضيق
محتوم مابيني وبينه مفترق
كل الكلام الي اقوله مايليق
دام السكوت الي اشيله مافرق
من البحر دايم ينجون الغريق
المشكله باللي على الارض وغرق
تغريني العزلة و تلهمني التواضع و الثبات
على اعتبار إن غيبة الغايب هي العذر السمين
ٰ
و تعطيني الخبرة قراءة واضحة للمعطيات
الراحلين أصدق وسيلة لإكتشاف المقبلين
ٰ
إدراكي المسبق و تحليلي و فهمي للذوات
سبب فشل مجمل علاقاتي مع المتلونين
_اسعد الله مساكم بكل خير☕️
وش يرد بهجة خاطري؟ والعيون تشوف
سنين المُنى ولّت وحلم الحياة أقفى
ٰ
يذم السحاب انسان مايبذل المعروف
من استعظم المعروف ، لو ما صنعه أوفى
ٰ
معك عذر يا قلبي ولك في الحياة شفوف
الأحوال ما تبقى والأيام ما تصفى
ٰ
مشاعر كثيرة دافية تروي الملهوف
ولا فيه من - جبر الخواطر - شعور أدفى
أنا سجين البرد وأطراف الظلام
يا من يشبّ النار بالمنفاخ لي
احرقت تبغ الصمت في عظم الكلام
التبغ لـ الايام ، والمدواخ لي
حتى بعير الوقت مردوم السنام
لاناخ لـ احلامي ، ولا قد ناخ لي
ماهوب شرط ان اوّل السلم السلام
انا ما عيّنت السلام الداخلي
هلا والصباح المشرق بـ وجهك الفتّان
قصيدي ، وصوتي ، والنظر كلها صوبه
ترحب بك النسمه وتومي لك الأغصان
بعد ما نفح عطرك ، ومريت بـ عذوبه
تبسم ثغرك بـ صفّة اللوَل ، والمرجان
وأنا من فرط بسمتك رحت أعلن التوبه
_صباح الخير☕️
رجعيني للصبا يا أعز وأغلى ما حصلي
وإستغلي بسمتك لرضاي في وقت الملامه
الليالي مالها وجهٍ ضحوك ومسفهلي
غير لا منه بدا لي خدك اللي فيه شامه
اقربي لين يتلاشى حزني ويرتاح ظلي
من طريقٍ فيه عيفت القدم راس العدامه
واستريحي فوق ديباجك وفلي شعرك اللي
ودي اقضي عمري الباقي تحت دامس ظلامه
عليك من الضيا والنور ليلٍ يحتري ملفاك
و روحٍ عانقت حضن الرجا في بردها العاتي
ذرى ! عن كل ما يوحش مكانٍ خاطره لقيّاك
سرى .. عن كل همٍ مايضيم إلا مع سباتي
ورى ذيك النجوم الحايرة من مبسم محيّاك ؟!
عذوب المنطق اللي لاحكى يخطفني من ذاتي
_مساء الخير☕️