الله يسعد معلمة ولدي بالروضة زودتنا بهذا التطبيق الرائع 😍
فيه اصوات الحروف وكتابتها
يتميز التطبيق بأنه تفاعلي يقدر الطالب يكتب بيده ويرسم الحرف
راح يفيد كثير الامهات ومعلمات رياض الأطفال حبيت اشاركم اياه لتعم الفائدة
انا نزلت التطبيق لأجهزة
#ios
ما اعرف اذا موجود ع #الاندرويد
هذا #الثريد للمعلمات الجدد
كثير يكونون تايهين وما يعرفون كيف يرتبون وضعهم كل شئ جديد عليهم
سجلات ، تحضير ، ملف انجاز ....
في هذا الثريد بحاول اساعدك في ترتيب اعمالك كمعلمة رقمية تستفيد من التقنيه باذن الله
هذا رابط مجلد مادة #المهارات_الرقمية للصف الأول متوسط
وضعت فيه الكتاب الالكتروني وانفوجرافيك لتلخيص الدروس وأوراق عمل والعرض الترحيبي بداية العام مسموح التنزيل والاستفادة ( سيتم التحديث باستمرار)😍
يامعلمات الصف الأول متوسط مادة #المهارات_الرقمية لا يفوتكم المقرر الالكتروني شغل جبار الصراحة تشكر عليه الوزارة 😍 اليوم عرضت الدرس الأول (أجهزة الحاسب) من المقرر الالكتروني وبنهاية الدرس هذا الملخص الجميل شاركوه طالباتكم يستفيدون منه خصوصا انو ما فيه كتب
@Sarah_Early_Ed
سبب نكبة المجتمع بأكمله في السعوديه الرجل مع احترامي الغالبية من الرجال في مجتمعنا غير قادرين على مجاراة التحديثات الجديده مو مستوعبين ان المرأة كيان مستقل لها حقوق مثله تماما وهذا من صميم شريعتنا ( ولهن مثل الذي عليهن بالمعروف ) اول ما تقول الزوجة اريد حقي على طول قال النسويه
مو قلت لكم طحت بغرام مادة #التصميم_الرقمي راح يكون هذا الثريد مرجع لطالباتي وكل من يدرس الماده ،، راح اضع جميع المواقع والقنوات واسماء البرامج اللي ممكن تفيد الطالب/ة والمعلم/ة ( محدث باستمرار)
بناء على طلب الكثير بمشاركة رابط مجلد للصف الثاني متوسط لمادة #المهارات_الرقمية جمعت فيه كتاب الطالب ودليل المعلم وعملت مراجعة للوحدة الاولى بصيغة pdf مسموح التنزيل وقابل للنشر وهذي صور المراجعه ورابط المجلد
لكل اللي طلبوني اختبار الصف الثاني متوسط الوحدة الأولى: جمع المعلومات ... نزلتها لكم في الرابط بصيغة وورد قابل للتعديل وايضا نزلت مراجعة للوحدة ومع الحلول pdf كلها هنا بهذا الرابط
كحل لعدم توفر كتب مطبوعه راح انشأ مجلد واضع فيه جميع الملخصات اللي راح اعملها من انفوجرافيك وخرائط وحتى العروض واجعل الرابط متاح للتنزيل والاطلاع تنزل و تطبع الطالبه ما تحتاجه لازم يتعودون الطالبات لان هذا توجه الوزارة 👌#مهارات_رقمية
حبيت هالسنة اتميز بعرض ملف انجازي وصممت هالبطاقة البلاستيكية ( business card ) فيها QR ينقلني على onedrive الخاص بالمنصة هذي الفكرة تتميز بأن البطاقة ذي تبقى معاك سنوات فقط حدثي محتوى المجلد باضافة الملفات اللي تبينها وحذف اللي ما تبينه ووثقي انتاجك المعرفي ونموك المهني وكل شي👌
اخراج كتاب مادة المهارات الرقمية ما عجبني من العام المعلومات مو مرتبة فحاولت الخص واعرض المعلومات بشكل اوضح للطالبات خصوصا موضوع الذاكرة والاقراص الضوئية ،، مسموح النشر والاستفاده منه
كثير يسألون عن المقرر الالكتروني بالنسبة الطالبه يمكن تصل للمقرر كالتالي : طريقة الوصول للمقرر الالكتروني :
١/ الدخول لمنصة مدرستي ثم النقر على مقرراتي
٢/اختيار مادة المهارات الرقميه ثم الضغط على المقرر الالكتروني
٣/ اختيار الوحدة والدرس من القائمة على الجانب الايمن
#يحدث_الآن ابداع مشرفات الحاسب الآلي بمكة اليوم عندنا دورة معاهم وجهونا لتطبيق ممكن تنزيله ع الاجهزة الذكية يدرب الطالبة على تثبيت اهم المفاهيم الخاصة بلغة
#python
و وينفع للثانوي كمان لغة
#html
و
#javascript
اسمه
#mimo
وهذا رابط التنزيل بالنسبه لنظام
#Ios
مين مثلي تحب كل اعمالها الكترونية .. هذا ملف انجاز الكتروني جمعت كل اعمالي ورتبتها الجميل فيه اني اقدر اضيف واحذف كل ترم من غير ما اغير الملف واعمالي محفوظة ما اخاف افقدها واكشخ فيه بعد عند مديرتي ومشرفتي 😍😁
عرض كامل ومتكامل لدرس : الاستخدام الآمن للانترنت بمشاركة الجميلات أ/ حنان العمودي و أ/ ياسمين أبو حسون
اسأل الله أن يحعله صدقة جارية عنا الى يوم الدين متاح للتنزيل والاستفادة من الجميع .. وارفقنا الملف التفاعلي للمشرفات ..
…
بناء على طلب و رغبة الكثير الاطلاع على منجزات مادة #التصميم_الرقمي العام الماضي اللي انجزتها مع طالباتي الرائعات وحصلت بفضل الله على خطاب شكر من المكتب ولله الحمد من قبل ومن بعد
للاستفاده منها مع حفظ الحقوق لي ولطالباتي 👌
يمكنكم الاطلاع عليها من هنا
انتهيت الحمدلله من اعداد مشروع المهارات الرقمية للصف الثاني متوسط حاولت اجمع فيه كل المهارات وبعد اسبوع ان شالله راح يختبرون عملي ،، وبكذا يكونون الطالبات مستعدين بعد انجاز المشروع
هذي المنصة مرجع قوي لمناهج المرحلة المتوسطه ( بايثون ) والثانوي ( html -css-js ) كسرت حاجز اللغة الانجليزية الشرح كله بالعربي وواضح ولا تهون منصة سطر بعد التطوير سارت رائعه احس المنصتين فرصة رائعة للي يبي يطور نفسه برمجيا عن بعد ومجانا
@harmashcom
واخيرا اعتمدت مشروع الصف الاول متوسط راح اطلب منهم مشروع واحد فقط هذا الترم واخترت درس ارسال البريد الالكتروني لانه لا يوجد انترنت بالمعامل وهو درس مهم ويحتاج ممارسه ويمكن تطبيقه من اي جهاز سواء جوال او ايباد او لاب توب 👍
نموذج مقترح لاستلام افكار مشاريع التخرج اعتقد انها من الاوراق المهمه اللي لازم تكون بملف الانجاز الالكتروني للطالبات وتسام نسخه لمنسقة المشاريع ( ملفات الانجاز راح تكون فردية ) #تصميم_رقمي
#تصميم_رقمي
بدأوا طالباتي في تصميم المنتجات استعدادا لطباعتها وراح يصورونها تصوير رقمي لوضعها في المتجر وعجبني هذا المقطع يساعد الطالبات اللي مو محترفين بالتصوير باخراج المنتجات بشكل احترافي
اليوم استخدمت السبورة التفاعلية تجنن حرفيا استمعت ونا اشرح للطالبات ودي اشتري لي وحده لحالي محد يشاركني فيها 🤪تخيلوا متصله بالنت وافتح الروابط وصوت عالي وواضحة الشاشة للكل يارباااه ❤️ والله بسيطة امنياتنا يالمعلمات
الدورة ممتعه جدا متابعه مع بنتي ماشالله اقتربت من نهاية الدورة ترسيخ لمفاهيم البايثون ومراجعه للي اخذوه بالصف الاول متوسط وكأنه صف مقلوب للدروس الجاية بالوحدة الثالثه 😍 ومميزات الدورة تستحق المحاولة 👌
الدرس التاسع من #رحلةـالبايثون ✌
كيف تقوم بإنشاء معادلتك الخاصة في البايثون لمساعدتك في بناء الكود 😍
---------
ما يزال بإمكانكم الالتحاق بالدورة وتعلم أكثر لغة برمجية مطلوبة في العالم 2022 ✌، جميع دروس السلسلة تجدونها من هنا:
اللي يبي موقع يعلم اللغة العربيه بطريقة تفاعلية ومسليه وجذابه للاطفال لا يتعدى موقع
ينفع لمعلمات الابتدائي والروضات وللأمهات عشان يراجعون مع أطفالهم الحروف والمدود وفيه قصص والعاب واشيااااء كثير راح تعجبكم
روووووووووعه
هذا الاسبوع راح يكون الدرس الثالث: إعدادات نظام التشغيل الأساسية و شرح لهم بالكتاب طريقة إزالة البرامج من الجهاز وطالباتي من أول حصة يسألوني كيف نثبت برامج فأضفت لهم هذا المقطع بالاثراءات يشرح لهم طريقة تثبيت برنامج adobe reader وهو خاص بفتح ملفات PDF
طلبت مشروع من طالبات #تقنية_رقمية١
وهو تطبيق للبوابات المنطقية logical gates واستعنت بشرح الاستاذ القدير
@omer_attas
على اليوتيوب وزودتهم ايضا بتطبيق على الجوال ممتع جدا make it true كاثراء لتثبيت مفهوم البوابات المنطقيه لدى الطالبات 👌
نفس الشي عملت مع طالباتي بالصف الثالث متوسط جمعت التدريبات والاثراءات والروابط اللي يرفعون أعمالهم عليها و اتفقنا نستخدم استراتيجة الصف المقلوب يشوفون المقطع ويطبقون واللي يشكل عليها شيء نحل مشكلتها بالحصة ونستعرض تطبيقات البقية ورصد مباشر في الحصة
😍😍
العام صممت هذا الملف لبرنامج البوربوينت للصف الثاني متوسط كبديل لبرنامج لايبر اوفيس امبريس وشاركت بها في مسابقه منصة مدرستي دون تخطيط مسبق وفزت على مستوى #إدارة_تعليم_مكة و الان انشرها للجميع للاستفاده
بدأت أجهز للوحدة الثانية من منهج المهارات الرقمية للصف الأول متوسط .. وتذكرت مجلة البوربوينت اللي فزت فيها على مستوى إدارة مكة بشاركم الرابط ومسموح نشرها والاستفادة منها للمعلمين والمعلمات ولجميع الطلاب والطالبات
هذا رابط للتنزيل
بحول الله راح اطلب من الطالبات ملف كامل متكامل عن الهوية البصرية لمشروعهم ،خصوصا أن الفصل الزامي في مادة التصميم الرقمي، جمعت بهذا الرابط عدد من أدلة الهوية البصرية مثل دليل هوية اليوم الوطني وبداية العام الدراسي ..... الرابط متاح للتنزيل والنشر والفائدة
@Sarah_Early_Ed
صاروا يرددون كلمة نسويه وتخبيب فقط لانها طالبت بالاحترام وحقوقها الشرعية ،، زمان الصمت على الظلم والقهر انتهى المسؤول الاول والاخير عن استقرار المنزل هو الرجل والرجل فقط لكن اللي حاصل الان اغثها وعشان تنفك مني تخلعني الموضوع ساير تجاري ههههه عند بعض اشباه الرجال يا كافي
حضرت دروس بكرة وصدعت من كثر ما أعيد لكل فصل يا عالم التقنية جات تسهل علينا وتختصر الوقت والجهد....
الى الفريق الفني القائم على منصة مدرستي خلونا نحضر مرة وحدة ونحدد الفصول اللي نرسل لها التحضير أو اي طريقة ولا المعاناة هذي
هذا هدر للوقت خصوصا اللي 24 حصة وضعهم مزري مع التحضير
طلبت من طالباتي بالصف الثاني متوسط اختبار الفترة العملي بالشراكة مع معلمة الدراسات الاسلاميه ومعلمة لغتي وابدعوا طالبتي وهذي بعض من اعمالهم صراحه اعمالهم فاقت توقعاتي فخووورة جدا بهن
طلب الاختبار العملي من ثاني متوسط بالكانفا وبالمرة سويت مسابقة لافضل تصميم (فيه شهادة+ هدية).. قلت اعتبروا انفسكم مصممات وهذا البزنس الخاص لك وجاك عميل واعطاك المعلومات ونتي تحولينها يا مصممتنا لشئ جميل مثلك .. ترقبوا الاسبوع القادم تصاميم جميلاتي تحت هالتغريدة
الحين وش يعني ترقيه هل المقصود الانتقال من ممارس الى متقدم ؟ وهل بعد ٥ سنوات جيت اطلع الرخصة لازم درجتي فوق ٧٠ ؟؟ ولو معلم/ة درجته بالرخصه فوق ٧٠ يقدم ترقيه والا يصدر الرخصه على متقدم ؟ الف مليون استفهام حول الترقيه والرخصه اللي فاهم يفهمنا 🤓
باذن الله الوحدة الثانية عند أول متوسط #المهارات_الرقمية راح استخدم استراتيجية المعلمة الصغيرة ،، وجهت جميع الطالبات بالدخول للمقررات الالكترونية والاطلاع على الدرس قبل الحصه و كل حصه راح اختار طالبتين يطبقون عملي وزميلاتهم يطبقون بعدهم واقدم بنهاية الحصة تغذية راجعة للجميع 👌
هذا الملف صممته لطالباتي عشان يلقون الروابط والشروحات مرتبة بملف واحد بالاضافة لمقاطع اثرائية للمتألقة
@hanadiqash
ويرفعون تطبيقاتهم بعد مشاهدة التدريب و نستعرضها ونعلق عليها بالحصة
اليوم فعلت التفكير الناقد مع طالبات الصف الثاني متوسط وريتهم هالتصميم وقلت لو انتي صاحبة شركة هل توظفين وحده تقدم سيرتها بهالشكل ،، طبعا الكل قال لا فطلبت منهم اعادة تصميمها بالشكل اللي يخلي صاحبة الشركة تقبل الموظفة وانتظر تصاميمهم بفارغ الصبر 😆🤪
دائماً نرى رموز الـQR في مختلف الأماكن يومياً، ولكن كيف يعمل؟ وما هي فائدة الخطوط والمربعات التي تظهر فيه؟
في الصورة التالية جمعت لكم أهم المعلومات عن هذا الرمز وكيف يتم تخزين البيانات فيه:
يبدو أن المعايير ونسبتها حبر على ورق الاسئله اليوم مالها علاقه بالمعايير توافقوني الرأي ؟؟ ما جا ولا سؤال عن كلاسات ip ولا التحويلات بين الانظمة اللي هي من صميم التخصص بينما (جون ديوي) لاحقنا حتى اختبار التخصص 😒😒
وشافتني بنتي طلبت مشروع من الطالبات يحصلون على شهادة من منصة سطر في لغة البايثون وتحمست و سجلت بالمنصة ولما وصلت تحميل البرنامج كان عندها اكثر من مشكلة من ضمنها No python interpreter وكان هذا المقطع المنقذ حلينا المشكلة وعملت RUN وطارت من الفرحة (أحلى لحظة عند المبرمجين)
كتيب بسيط يحتوي على تصاميم #انفوجرافيك لأهم المعلومات النظرية في الوحدة الأولى ..
لمادة #المهارات_الرقمية للصف الأول المتوسط | الجزء الأول :
🔴 نسخة PDF عالية الدقة عبر الرابط التالي:
#وزارة_التعليم | #العالم_ينتظرك
قلبي يقول انو قياس راح تركز ع الشبكات والبايثون باختبار #رخصة_الحاسب هذا العام عاد علاقتنا انا و network متوترة من ايام الجامعه ههههههه ،، توقعاتكم يركزون على اي معيار ؟؟
استراتيجية الصف المقلوب من اجمل الاستراتيجات اللي تطبق بالدروس العملية ،، ومعتمدتها الى نهاية الترم ان شاءالله طالباتي دائما مبدعات يبهروني بالتطبيق 😩❤️😘