ora kabeh tulisanku nek kene bener, mergo iki yo mung sekedar bahan hiburan, sampean sing wis mampir kudu wani ngelengke nek misal tulisanku utowo kata - kataku sing salah pangapurane. pancen nggeh wong biasa. intine dipahami ndisek nggeh lan matursuwun sing wes bantu support.🙏🏻

ngoyak iki ngoyak kae mlayu rono mlayu rene mugo gur ora entuk kesele tapi yo oleh berkahe. :)

sing tuwo durung karuan bener, sing cilik durung karuan salah, urip dudu tentang golek benere dewe, yora perlu golek kesalahane liyane, kudu iso rumongso salah lan ojo rumongso paling bener dewe. :)

penteng urepku ora ngurusi urusane wong lio, seng ngerti ben reti, seng ora ngerti yoben podo balapan ngarang cerito. :)

aku meh gendeng mergo alur crito urepku iki, tak rewangi koyo ngene ben supoyo ketok bahagia seolah olah ora enek masalah opo opo, aku di hajar kahanan entek entekan nganti ngrusak pola pikir karo batinku. :)

urip wes setenang iki nek sampe ketemu wong ruwet kakeen drama,kakean rengkek, aku tak milih meneng, nyekel watu karo mbatin "bismillah pas ndase." :)

sambat ndunyo ra adil ? eling, o sepiro sepine uripe wong tuli, petenge uripe wong wuto, lan sepiro nelongsone wong bisu, raiso ngungkapne kabeh seng dirasakne. :)

secara batin kowe asline ajur ajuran, secara pikiran kowe asline emosi, secara mental kowe depresi, tapi hebate secara fisik kowe iseh iso ngguyu. :)

nek mung arep nuruti golek sing luwih apik, selawase urip ora bakal keturutan, mergo karepe pikiran kui ora ono batese, sing iso mbatesi yo mung atimu dewe. :)

wes kadung njegur kudu wani teles, ojo mentas sedurunge tuntas, nek remuk ben remuk sisan, timbang mundur ra oleh opo opo. :)

hal sing paling gak tak senengi seko aku dewe yoiku, pas aku ora iso ngelawan masio aku ora terimo karo perlakuane wong neng aku dan aku malah luwih milih meneng. :)

yen ora iso dadi padhange dalan, ojo pisan - pisan dadi sandhungan, yen ora iso nulungi, ojo sekali - kali nyilakani "urip iku urup." :)

sak deres - deres e udan bakal terang, sak gede - gedene pacoba'an bakal digampangne, sak akeh - akeh e masalah mesti ono dalan metune. :)

luwih apik dianggep wong bodo tapi ngerti carane memanusiakan manusia, ketimbang dianggep pinter tapi kerep ngerendahno wong liyo lan rumongso paling duwur. :)

urip neng deso rodok pakewuh bolo, ora tau metu omah jare randuwe pergaulan, dolan terus di kiro wong ora bener, kerjo mempeng di kiro nguber ndunyo. :)

raono seng ngerti nasibe wong mbesok iku bakal kepiye. pesenku mung siji, sak apik apik e kondisimu saiki ojo sampek nyepelekne wong liyo. :)

nduwe mental seng wani rono rene dewe, lek bingung yo gur takon wong, lek kesasar yo bukak maps, urep terlalu boseni lek awamu opo opo mbok wedeni. :)

sugih ojo ilang andap asore, pinter ojo landep lambene, kuat ojo atos tangane, tegas ojo ilang lomane, akeh ojo ilang syukure, sitik ojo ilang maturnuwune. :)

kadang nek gak dipikir malah kepikiran, tapi nek dipikir malah soyo kepikiran, opo rasah dipikir ae yo, tapi tetep ae kepikiran. :)