البيت الساكنين فيهو مقسم لي جزئين، جزء مبني طابقين وفيهو شقق وجزو ارضي مقسم لي بيتين صغار، والاتنين ساكنين فيهم ناس بسيطين علي قد حالهم، دا الشهر الثالث ولد سيد البيت يجي يديني قروش ويقول لي امشي اديها ليهم عشان يدفعوها لأبوي للإيجار والحاجة الاعظم انو الاب زاتو 👇 👇👇
بتاع ترحال ياجماعة، بعد وصلنا انا و امي، قال لامي كل سنه وانتي طيبه وربنا يحفظك لاولادك، ورفض يشيل حق المشوار..
قال "لانو امي متوفية مشاوير اليوم بحتسبه صدقة لروحها بما انو اليوم عيد الام".
الكلام دا كان زي الساعة ١ ظهر
لغايت هسي امي بتدعي لبتاع ترحال ولي امه وبتتكلم عنو والله..
لما تسب دين ما حترجع شهيد
لما تسب دين ما حتشفي مصاب
لما تسب دين ما حتثبت رصاصة
لما تسب دين ما حطيب جرح
لما تسب دين ما حتبرد قلب
لما تسب دين ما حتوقف بطش الرباطة..
سب الدين كفر، سب الدين خروج عن الملة بس والله..
ما تشيلو ذنوب ساي وتوسخو بيها ميزانكم اوعو ياخ
ولد جيراناصغير،ابوه كان كل يوم بعد المغرب بقعد في حوش بيتهم وبيقرا قران وكنا في بيتنا بنسمع صوته لغايت صلاة العشا"الاب اتوفي"
ولده الصغير"١٢سنه"بقي مدوام علي الحاجة الكان بيعمله ابوه، بيقرا قران يوميا ولغايت صلاة العشا، ليهو قريب السنه من ابوه مات وهو مستمر.
في ورثة اعظم من كدا؟
قرييييييبا حاكل من ما زرعت 😍😍
حبو معاي مزرعتي دي يا جماعة لاني مبسوط بيها شديييد لانو دي اول مره ازرع فيها ❤❤ ودعواتك لي ب انو ربنا يجعلها فاتحت خير 🤲🤲
والاتنين قعد يقدمو الخير دا بالخفاء لا الاب عارف انو ولدو قعد يساعد الناس، ولا الولد عارف انو ابوه قعد يساعد الناس..
بس يعني القصة دي حبيت اشاركم بيها عشان تعرفو انو الدنيا بخير لسه، وانو الدنيا فيها ناس اتربت و ربت و ورثت اولادهم مبادئ واخلاق عظيمة جدا جدا
الحمدلله الذي بنعمته تتم الصالحات ❤ والله انا مبسوووط شديييد ياجماعة ❤ عارف اقضو حوائجكم بالكتمان و اي حاجه..
بس والله خلاص ما قادر اكتم فرحتي💗❤ وسعادتي ❤ب خطوبتي من الانسانة ال حبيتها وبحبها وحفضل احبها وافتخر بحبي ليها للابد❤❤ الحمدلله حمدا تستديم به النعم، الحمدلله❤💗
ما من النوع القعد احب الحاجات الزي دي، بس كمية"البكا"الفي الاسكرينات التحت دي يخلي الواحد مايفكر في الارتبا��، وبخلي الواحد يعمل الف حساب قبل مايسلم الجواهو لاي شخص..
اقسم بالله قريت المحادثة ساي اضايقتة.
"الله يبرد قلبو ويحنن قلبها عليهو"
وفالنهاية "اللهم لا تعلق قلوبنا الا بك"
عندي اخوي لي اسبوع لا شفتو لا شافني مع انو احنا في نفس البيت، لما هو يكون فالصف انا بكون فالبيت، وانا لما اكون فالبيت هو بكون فالصف.. اتصل علي قبل شوية قال لي يالخووو مشتاقين والله ما نفسك نتلاقي وكده 😂😂😂😂
صديقة اختي اغتصبت اليوم ونجت اختها الأصغر منها بعد محاولة لاغتصابها هي كمان، الا انها انصرعت من الخوف، ولو ما اعراض الصرع البانت فيها كانت هي كمان حتغتصب، وتم الاعتدا علي امها وابوها بالضرب، وساقو اخوها الكبير بعد ما عدمو العافية وما عرفنو حي ولا ميت💔
حسبنا الله ونعم الوكيل
الركاب هاجمت الكمساري "لانو شال قروش من بتاع الجيش" الكان راكب
"التقديس دا هو الخلانا قاعدين تحت مظلة حكم الكيزان ٣٠ سنه"
الجيش لما يحمي المواطن والوطن ماحاجة خطيرة ورهيبة، دا واجبهم وحالفين عليهو قسم يعني شغلتهم انهم يحمونا ويحمو الوطن، يعني ما تقدسوهم عشان مانعاني ٣٠ سنه تاني
امس اشتريت كولا ٤٠٠مل بي ٥٠، الليله مشيت اديتو ٥٠ جنيه وشلت كولا نفس ال ٤٠٠مل وطالع، بتاع الدكان ناداني رجع لي ٢٥ جنيه قلت لي دا شنو قال لي امس الدولار زايد واليوم الدولار نزل
بعد ياخد قروش الايجار منهم، بجي بديني ليها علي اساس اني اشتري ليهم مواد تموينية و اوديها ليهم..
الحاجة دي بتحصل عن طريقي لانو عندي اصحابي شغالين في منظمة و بجوني بعربات لوحاته منظمة..
الاب و ولدو الإتنين بقولو لي قول انك مطلعه ليهم من المنظمة عشان الامور تكون طبيعية👇👇👇
المهم يعني انا مبسوط وسعيد جدا جدا بالموقف دا وحبيت اشاركم بيهو لانو سيد الموقف دا انسان بمعنى الكلمة بالرغم من الظروف الصعبة و الحاله البطاله الا انو بادر وقدم الخير من دون ما يتردد ولو ثانية.
دا السوداني البالجد❤
الله يفتحه عليه ويرزقه من اوسع ابوابه ويكتر من امثاله يارب❤
من لا يشكر الناس لا يشكر الله
الزول دا بقطع مسافة ٣٢ كيلو او اكثر فاليوم اكتر من مرتين تلاته عشان يصل المنطقة القريبة من مينا جدة عشان يقدم البقدر عليهو من مساعدة للسودانيين الما قادرين يرجعو للسودان..
شكرا من القلب ل اي سوداني أصيل بساعد وبحاول يكون سند لسودانيين
ديل اهلي❤️
الشهادة العربية مراهقتهم قضوها في تحفيظ القرآن ، وعلوم الدين، وبنسبة 87 % من الشهادة العربية حافظين لو ما كل القرآن ثلالث ارباع القرآن في مراهقتهم، وما اظن انو في مراهقة يفتخرو بيها اكثر من مراهقة ناس الشهادة العربية
والله ناس الشهادة العربية ديل قلوبهم بيضا عديل، ونفوسهم طيبة، وروحهم حلوة، وتحسهم كده بريئين بريئين، و اي زول بتعرص فيهم ناقص وعنده عقد ومريض نفسيا كمان
امي ثم امي ثم امي ثم اختي
عشان تعرفو ليه قلت امي 👇👇
انا اصغر واحد فالبيت كلنا خمسة ٤ اولاد وبنت وحيدة، وامي وابوي "الله يرحمة"
انا طلعته، علي الدنيا دي ووعيت لقيت ابوي الله يرحمة ويغفر له مشلول "شلل نصفي" وقاعد علي المعاش، من بدري شديد، كنا ساكنين في بيت حكومي 👇👇
كنت حابي لي وحدي-الله يستر عليها ويسعدها- لما اجيب ليها البتاع دا كانت بتحسسني باني جبته ليها الدنيا كلها والله😂😂، كنت بحب ملامحه شديييد لما تشوفني جايب ليها طين، كنت بحس بانها حتطيير عديل من الفرح 😂😂😂
شفع جيرانا كنت لمااجي طالع الصباح بلقاهم ماشين علي مدرستهم اللي هي في شارعي، كنت بوصلهم معاي يوميا، فجاة كدا جاطت الامور وبعت العربية، وهم عملو ليهم ترحيل، بقو لما يلقوني فالشارع بكلمو لي بتاع الترحيل عشان يقيف لي و يوصلوني معاهم علي الشارع الرئيسي 👇👇👇
كنت بوصل معاي زول لدوامو رغم اختلاف الحتت وكان بشكرني كل مره. بعد فتره بقى عندي دوام بقيت م بقدر اوصلو فبقى زعلان مني وقطعها معاي!. كنت بتصل ع صحبي كل يوم اسلم عليهو مرضت فترة ما اتصلت لمن بقيت كويس كلمتو كان زعلان اني بقيت م بتصل وهو م سال مني ولا مره! ما تدو الناس ع حساب روحكم
اخوي سافر البلد بسبب الحرب زي ناس كتير فقدو كل شي، المهم يوم ظبط فتة فول في بيت خالي وولد خالي شافع قال ليهو والله فتتك رهيبة ارح نعمل محل بوش😁
وابتدو من تاني يوم طوالي شغل وهسي ليهم ٤ شهور والبمشي بعد الساعة ٨ ونص بلقاهم شطبو، امس بتكلم معاهو قال لي محتاج مصاريف أحول ليك 🤣🤣
اعمل الشي البتقدر عليه حسه…
ما ضروري الشي الكنت بتعملو زمان،
ما ضروري الشي المفروض او نفسك تعملو لقدام،
الشي البتسمح بيه ظروفك و طاقتك حسه…
الحركة فيها البركة…
It’s not over yet
اقسم بالله بقدر ما كنت مستاء وشايل هم وبقدر استيائي من المستشفيات المشيتها وبقولو لي انهم مضربين وماشغالين وبقدر قرفي من الخدمات الصحية والدكاترة البكونو شايفين الزول بنزف قدامهم ومابيشتغلو بيهو الا انو موقف الشاب بتاع الدرداقة دا ريحني وبرد قلبي بطريقة كدا ماتخطر علي البال👇👇
صحي هسي البضحك شنو في
شايقي اتصلت عليهو وحده قالت ليهو: حسين؟!
قالها: لا لا ماني حسين، لكن ان بقيتي دايري الونسي بونسك تب"
الونسه جرت، بعد زمن العلاقة بقت حلوه شديد، الشايقي مبسوط وامورو ماشة.. يوم البنت قالت ليهو حول لي رصيد
قالها: اهااااا بعد دا يبقالي انتي دايري حسين😁😁
من الحاجات ال ماقادر اتجاوزه😔💔
"امشي موتي حنلقي حتة ندفنك فيها عليك الله ما تزهجينا"
جملة قلتها لاكتر انسانة غاليه فحياتي
"بنت خالي"
كانت ام واخت وصديقة واستاذتي في نفس الوقت..
كنا بنلعب بلستيشن ومساهرين وهي كانت بتلعب معانا، وبعديها قامت مننا اختفت فجأة وظهرت بعد فترة
اسوء من الطلعني شاذ لاني ما بحب الكورة؟
ولا اسوء من البقول عايز اجذب البنات لمجرد اني سالته"انا الوحيد الما بحب الكورة"؟
ولا اسوء من ال قال اني ما ولد لاني ما متابع الكورة؟
ولا اسوء من اي زول أساء لي لاني ما بحب الكورة؟
ومن متين الكوره بقت مقياس من خلاله يتعرف الكويس من الكعب؟؟
ود اختي صغير جا صحاني من النوم قال لي:عندنا ضيف بيشبهك الا تمشي معاي تشوفو..
المهم مشيت لقيت الضيف ال هو قاصدو الخرووف 😂😂😂
يلا هسي انا ما عارف ادقو عشان صحاني من النوم
ولا عشان شبهني بالخروف
مالازم اصور عشان ابين انو انا فالمظاهرات
وما لازم اجي احكي واقول عملته وفعلته عشان ابين اني طلعته
عادي ممكن الواحد يكون شارب بمبان لدرجة انو ماقادر يتنفس وتلقاههو بتكلم او بعلق علي حاجة ما ليها علاقة بالثورة
وعادي برضو يكون الواحد اترفع فالبوكس واتجلد
"دعاية غير مدفوعة"
والله يا جماعة امي احسن من تفصل ملابس نسائية الفساتين بالذات، واحسن من ينسخ الفساتين..
يعني لو عندك فستان حاباهو جدا وبقى قديم وعايزه زيو جديد، فستان عايزة نسخة منو بي قماش ولون مختلف، جيبي قماشك وفستانك العايزه زيو وتعالي لي امي، حتبهرك في نسخ االفستان والله
يا جماعة الخرطوم حتنضف من الجنجويد والسودان حيسلم وحيقوم من جديد، وموتانا شهدا بإذن الله، ومصابننا حيقومو بالسلامه ان شاءالله وكل الخسائر ربنا حيعوضنا بالاحسن منها، وحيقلب خوفنا اطمئنان و احزانا أفراح انتو بس قولو يارب..
الخيييير جاي والله جايينا الخيير
"انا لله وانا اليه راجعون"
موت الاصحاب من اكتر الحاجات البتأثر في حياتنا 💔.
اللهم ارحم روحاً صعدت إليك ولم يعد بيننا و بينها إلا الدعاء
اللهم أبدله دارا خيرا من داره و أهلا خيرا من أهله وأدخله الجنة واعذه من عذاب القبر ومن عذاب النار..
الله يرحمك يابكري ويصبرنا علي فراقك💔💔
بعرف لي زول لما يعصب عندو "دلوكة" بدق الدلوكة، وناس البيت بيعرفو انو وصل المرحلة النهائية في العصبية، وكلهم بمشو من جمبو والمشكلة انو اشتر في الدلوكة بخبط فيها ساي بس 😂😂😂😂
وانت بتعمل اي شي عايز تعملو، عليك الله ما تفوت صلاة مفروضة، الصلوات المفروضة ماتفوتوهاا..
"ما تقول ربنا م حيقبل مني لاني بعمل وبفعل من الحاجات الكعبة او المحرمة"
بس انت خلي باب الصلاة دا مفتوح بينك وبين ربنا ، والصلاة كافية بانها تغير حياتك و تسعدك مهما كانت حياتك سيئة والله
عن جمال البنت لما جات وقفت قدام العساكر في مدخل القيادة، وبتقول ليهم؛ "عارفين انكم نفسكم ترصرصونا وترتاحو من وجع الراس الحاصل ليكم، عارفين انكم كارهين وقفتنا وثورتنا، لكن استحملونا لما تسقط انتو الحترتاحو انتو الحتشكرونا لما تعيشو العيشة الكريمة البستحقها جندي الوطن..👇👇
حلفاوي سرقوا منو لستك عربيتو
مشي القسم عشان يفتح بلاغ
العسكري قال ليهو ربنا يعوضك، وحقك ما بروح، بتلقاهو قدام وبتلقاهو في الٲخرة ٳن شاء الله
الحلفاوي قال للعسكري:
ٲنت راسك ما معاك!
اسوي بيهو شنو في الآخرة الناس في الجنة علي سُرر متقابلين وٲنا ٲدردق لستك في نصهم ولا شنو😂😂
مشيت خلصته الحسابات ودخلو الزول لعملية "الحمدلله قدر ولطف" اطمنت علي الزول.. واخوي جا ومشيت للشاب بتاع الدرداقة ارجع ليهو قروشو ال فكه بيها حيرتي وضيقتي رفض يشيلها مني والله.. متخيلين انتو ؟!!
والله بعد تعب وتحنيس حتى اقنعته انو يشيلها وانو الامور كلها بقت تمام والحمدلله👇👇👇
بقيت واقف والقروش في ايدي وبعاين ليهو ومستغرب في كرمه وشهامته واخلاقه بالرغم من الظروف والبساطه ال هو فيها..
لما لقاني مسمر في حتتي وبعاين ليهو ب استغراب وحب الدنيا دي كلها وماقادر اتكلم لزاني من كتفي علي جوا المستشفي وقال لي: امشي حصل اخوك الجوا عالجو وبعدين تعال..👇👇👇
ايمن ماو ياخوانا 😭😭😭😭
متخيلين معاي كيف حيكون احساسه وشعوره وهو في بلدو وسط اهلو واصحابو ووسط الملايين من الصغار والكبار النساء والرجال الحيرددو معاهو اغانيهو الثورية ؟!
بدل ما تسبو ادعو ربنا انه يخلصنا من الظالمين والمجرمين
ادعو الله انه ينصرنا علي الظالمين
ادعو ربنا انه يرحم شهدائنا
ادعو ربنا انه يشفي جرحانا ويخفف عليهم
ادعو ربنا انه بسلمنا من المكايد البدبرو فيها الفاسدين والمفسدين
بالامس كانو معنا ويهتفون "ارفع ايدك فوق التفتيش بالذوق" من اجل سلامة الثوار ..
والان ارتفعت ارواحهم الي السماء ارتفعت ارواحهم للرحيم الكريم ..
الطف بهم يارب وارحمهم يا الله
رساله للناس "البترطن" :
عليكم الله ختو في راسكم انو ربنا ما خلقكم انتو براكم "رطانه"..
ختو في راسكم انو في ناس زيكم ومن بني جنسكم، يعني بيفهمو رطانتكم وبرطو هم زاتهم زيكم ونفس رطانتكم..
بالذات الناس "البقطعو" بالرطانه فالناس الحواليهم، عشان ما تختو روحكم في مواقف باااييخه
وشكرا
مع اني اكتر زول ممكن يكون متجرس من الصيام، لكن بكون متشوق و منتظر متييين يجي وقت السحور عشان اسمع "امي" وهي بتقول لي: "بارك الله فيك يا ولدي" لما اخت ليها السحور واصحيها عشان تتسحر .
يا جماعة متوفرة قروش وقدرها ٥٨٠٠ جنيه، شنو الحاجات الممكن تكون مافي فالقيادة او حاجات مهمة شديد غير (الموية والاكل لانه اشتريناها)
وكمان طريقة ادخال الاكل و الموية+الحاجات الحنشتريها بباقي المبلغ
"ياريت البعرف حوجة ضرورية فالقيادة يفيدنا"
"من هسي شايل هم اسر الشهدا لما يفقدوهم في صينية الافطار حقت رمضان"
قربت فرحة رمضان ولمة رمضان الحتبقى حزينه علي اسر الشهدا واصحاب الشهدا..
عشان الفقدو جناهم والفقدت اخوها والفقد اخوه والفقد صاحبه وعشان الحزن مايتجدد عليهم وعشان دم الشهيد مايكون راح ساي
لازم تسقط قبل رمضان والله
لما تكون انت الخالق روحك وشكلك ولونك وحجمك وانت الاخترته قبيلتك واهلك وامك وابوك وانت تكون اخترته الوضع المادي والمكانه الاجتماعية الانت اتولدته فيهم، الوقت داك ليك حق تتمسخر وتتنمر وتسيء لاي شخص شكله ماعاجبك..
ما عدا كدا تبقي قليل ادب والله لانك بتستهتر ب خلقه ربنا ما اكتر.
لغاية ما كملنا قرايتنا واتخرجنا واشتغلنا وكل زول بقي شايل نفسو و بأسس في مستقبله، وكل الفضل يرجع للمراة القوية الكافحت وعانت وضاقت المُر وصبرت واتحملت كل الصعاب عشان نبقي احنا فالحال الاحنا فيهو دا..
الله يحفظها ويحفظ جميع الامهات ويمتعهم بالصحة والعافية وطول العمر ان شاءالله 💜
في الجامعة كنت حجمد سنه لانو ما قدرتة ادفع الرسوم، وضعنا المادي جاط فجأة، ماكان عندي حل غير اني اجمد السنه.
قعدته فالبيت اسبوعين،
وماكنت مكلم اصحابي بالسبب ولا عن وضعي ولا وريتهم اني حجمد.
المهم اصحابي٣ قالو عايزني ضروري مشيت ليهم لقيتهم مجهزين لي قروش التسجيل وسجلو لي والله 💜
واخيرا وبعد محاولات عديدة وتحانيس وبوس راس و ايد وحنك سنين، قدرتة اقنع امي انها تمشي معاي القيادة،.
قالت لي"بمشي معاك الصباح بدري لكن ترجعني قبل الساعة 10"
المهم وقعنا اتفاقية بشهود😂😂
وهسي منتظر الصباح يجي متين، ادعو لي انها ماتغيير رايها، عشان ماتفوته الحاجات الجميلة دي ياخ.
@A_Maysara01
مشاركة من باب انو عايز اشارك زي ما الناس شاركت بس😂😂
المهم تصوير عادي جدا..
بس الجميل فالصوره انها لرجل محبوب ومميز جدا جدا عند اطفال ال حي وهو من ذوي الاحتياجات الخاصة، المهم بحب الشفع وبحبوهو وحياتو عباره عن لعب مع الاطفال وحب الاطفال❤ وكانو موجود عشان يسعد الشفع وبس
كنت بتكيف شديد لما القاهم بوقفو لي بتاع الترحيل، واحس بانهم مانسو اني كنت بسوقهم معاي
الخلاصة
"خير الناس انفعهم للناس"
اسال من الناس واتفقدهم،وصل البتلقاهم وماتنتظر مقابل
كان مالقيت منهم خير حتلقى من ناس تانين انت اصلا ماقدمته ليهم اي خير، يعني حتلقى الخير انت بس قدمه.
بالمناسبة دي، دا موقف منقول من صديق صدوق جدا، موظف سعودي اتنازل عن راتبه بالكامل لـ سودانيين اثنين عمال معاهو في نفس المؤسسة، بالحرف الواحد قال ليهم "والله انا عارف عزة النفس اللي فيكم، وعارف ظروف السودان، اعتبروه دين وردوه بعد الأوضاع تهدأ فالسودان ويرجع السودان مثل ماكان واحسن"
ما الذي بيننا وبين الشعب السعودي ليكبلوا قلوبنا بهذه المشاعر الفياضة من الحب والوفاء؟!
هذه الأخت سعودية أرسلت لي هذه الرسالة وقلبها مشغول على سودانية كانت معهم بالمملكة، تريد فقط أن تطمئن عليها، أبلغوا عبير محي الدين هذه الرسالة، واذا توافرت معلومات أخرى لنعرف مكانها سأدرجها
هو تحقيق لحلم امي
اكتر من انو يكون"انجاز لي"
اني اكمل قرايتي واخد الشهادة الجامعية.
امتحنته الاساس، وبعديها خليت الدراسة ٦ سنوات، ورجعته ليها عشان امي قالت لي "عيبك الوحيد ياولدي انك خليت القراية" وكلامه دا كان السبب في اني ارجع لاول ثانوي وواصلته لغايت الجامعة واتخرجته الحمدلله.
طلوع البنت من البيت دا حاجة حاره شدييد والله😔😔
شفت عروس وهي بتودع في ابوها واخوها حسيت بحزن الدنيا كلو فيهم وبالذات اخوها قعد يبكي عديييل 💔💔..
ماعارف بس ربنا اذا اداني بنات، شرطي حيكون للحيتزوجها انها ماتطلع من البيت ويعيشو معاي.
ما عارف اقوله ليكم كيف بس لازم اقول الكلام لانو والله السفاله الفي القيادة بقت حاجة تبكي اكتر من ما بكينا من حكم الكيزان، ليه بحصل كدا، وليه في ناس بتستغل التجمعات عشان يفرغو قذارتهم ومرضهم، يعني ماعارفين انه في ناس ماتت عشان نصل المرحله دي 👇👇👇
مع الصباح دا جيت لقيت مكالمتين من رقم غريب ورساله، فتحت الرساله لقيتها رصيد 1000ج، وكل الكان في جولي مافايت 6ج..
المهم اتصلته علي الرقم ٣ مكالمات وما رد علي، وبعديها بشوية اتصل
هو: سلام عليكم
انا: عليكم السلام
هو: معليش يااخوي ع الازعاج بس رسلته ليك رصيد بالغلط👇👇👇
امي قافلاني فالغرفة، زعلانه مني شديد بعد جاها اتصال"وكان عبارة عن صفيق زي صفيق انصاف مدني"😂😂وعرفت عن طريقه اني رجعته ناس جايين عشان يعيدو لينا، من خشم باب البيت،وقلت ليهم معايدتكم وصلت ومشكورين وياريت ترجعو بيوتكم، وتجونا بعد كرونا تنتهي
وانا هسي فالحبس الانفرادي بسبب الكلام دا
والله مافي كلام يتقال للناس القعد تسيء وتسب وتكذبني غير اني اقول احمدو ربنا علي انكم ما شفتو الشافو غيركم، وحسبي الله ونعم الوكيل في اي بني ادم بستهتر بمصايب غيرو وبستهين بيها، حسبي الله ونعم الوكيل في اي بني ادم بتمسخر وبتظارف بوجع والم غيرو.
غرائب وعجائب السوق الشعبي
ركبنا المواصلات ومنتظرين الحافله تتملي باقي فيها كم مقعد كدا، جا واحد عرض جوال للسواق، السواق قعد يفحص فالجوال
قال ليهو "والله قراند برايم سعودي اصلي هسي سرقتو" 😂😂
بتاع الحافله والفي الحافله كلهم استغربو واتخلعو وبقو يعاينو ليهو
سلوي دي خالتي وانا ولد فاطمة وكمان لما اصل البيت حوريهم كلامكم دا 😂😂😂😂😂
بقوو عاملين كدا 😨😮😲🙊😱 شغالين "يووووبيا ابيوووو" وبقت تضرب ب ايدها في خشمها 😂😂😂
والله قربوو يرجعو معاي تاني 😂😂😂
منظرهم نهائي مابروح من بالي وكل ما اتذكر الموقف بضحك والله
ياجماعة انا مابعرف للحب حاجة، بس لو بتحب ليك بت امها او ابوها ميت فيهم زول او الاتنين، ما تزعلها ابدا ابدا، او من البدايه لو ما حتقدر تسعدها ما ترتبط بيها، ديل وجعهم بكون اضعاف مضاعفة والله.
بعد مرات بتحصل مداهمات من قوات الامن بـ اعداد بسيطة يعني 30 او 40 فرد امن لمجموعة من الطلبه بتجاوز عددهم ال 100 طالب..
افراد الامن بضربوهم بالخراطيش.
-السوال اذا الطلبه حاولو يتصدوا للضرب وكابسوو الامنجية وقلعو منهم حاجاتهم البضربو بيها دي
هل الحاجة دي بتتعدى حدود السلمية? ?
عرفته بسببها انو اسوء الناس هو البعشم زول ويعلقو ويمشي ويخليهو،عرفته انو كسر القلوب بوجع اكتر من كسر العظام، عرفته انو لازم نخت في راسنا احتمال انو اي شخص ومين ماكان ممكن يسيبنا في اي لحظة، عشان لو حصل وسابنا الوجعة ماتكون كبيرة..
وبرضو عرفته اهم شي انو اي شي بحصل بحصل لي خير.
ربنا ادانا اخت واحده، وسط ٤ اولاد، يلا الاخت الواحدي دي كل يوم بتخليني اتمنى لو كان عندي مليون اخت، باقية لينا ام واخت وصحبه وحبيبة ودلوعتنا وبتنا الصغيرة وكل شي الله يحفظها ويخليها لينا💜💜..
المهم هسي الاستشارات الفي الاسكرينات دي اخد عليها حافز ولا اخليها علي الله 😂😂😂
من الحاجات الكنت بشوفه وانا صغير؛
كنت بشوف ابوي "الله يرحمه" وهو بساعد امي في كل شي لما يكون قاعد فالبيت،
وكنت بشوف انه بيعمل ليها القهوه بعد صلاة الفجر (وهو اصلا ما بيشرب قهوة) لانها بعد الصلاة "الفجر" طوالي متعودة علي القهوة ..👇👇
وانا ماشي شفتهم بتصورو طلعته جوالي وصورتهم، وبعد صورتهم كلمتهم وقالو لي عادي يافردة وقال لي تعال اتصور معاي كمان ومسكنا العلم وعلامة✌واتصورته معاهم😂😂
حكيت القصة دي لانو الصوره دي الصورتها انا من دون ما يشوف اني بصورهم عاجباني شديد ياخ مع انها ماواضحة بس حلوة صح؟؟
قولو صح ياخ😁
الصيام ما بس امتناع عن الاكل والشراب
ولا انك تصلي وتقرأ قران وتقعد فالمسجد وبس..
الصيام: انك تمتنع عن أذية الناس
انك تمتنع عن الغيبة والنميمة
انك تمتنع عن الكذب والنفاق
انك تمتنع عن الحسد والحقد
انك تمتنع عن كسر الخواطر..
الصيام نضافة لسوء وسواد القلوب قبل ما يكون جوع وعطش.
راكبين فيها سبعة شباب، اتقلبت بيهم، وكلهم قامو سليمين، في واحد اتخلع، اول ما قام اتنفض وهو مدنقر راسه جرا وخبط في روزا ماشة في الظلط، المشكله ما هنا المشكله انو وقع تاني وقام وقف سليم اتنفض من الغبار وطلع البنطلون في نص الشارع ولبسو تاني بالقلبه 😂😂😂😂
شايقيه أول مرة تسافر مع زوجها لبنان وقاعدين في المطعم وطلبوا الاكل،
الجرسون قاليها :مدام ما بدك تبوولي؟
ضحكت وقالت : واشريري عرفني مزنوقي الحلبي😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂
الواحد ينوم ويصحي ويتفرج ويطلع يلف الخرطوم و يصل كل ارحامه ويلاقي اصحابه بعد الدوام ويرجع البيت وينوم ويصحي تاني ويقرا قران وينوم ويصحي والعصر بكون لسه ما اذن..
لكن تجي طالع بعد العشا عشان تمشي تشرب كباية قهوه وتجي راجع البيت تلقي الفجر اذن
امي قالت لي الاضراب دا برا بيتي، بيتي مافيهو اي اضراب مع العيد القرب دا عشان ماتعمل لي "مضرب" ال نوريك من هسي بكرا في ستاير حتنزل وفرشات حتتلمه وملابس حتتكوي الاضراب دا هناك ياولدي مافي بيتي..