مش متخيلة كارثة بهذا الحجم، تحذيراتها والتنبؤات بيها كانت بالشكل يلي صار اليومين يلي فاتو، معقولة مفيش ولا مركز بحثي واحد يقدر يطلع بالتنبؤات هادي؟ من هما الجهات الليبية المسؤولة على التنبؤ وإدارة الكوارث الطبيعية؟ فشل حكومي، إداري، مؤسساتي شامل.وبصمة عار سودة على كل مسؤول ليبي.
شوارع طرابلس في الليل ديما مكان خطير وغير امن للبنات يلي يتمشو ويسوقو لكن تعرفو شن احرف ؟ شوارع طرابلس في الليل يوم المباريات متاع كورة الهم ……. واحد منحي تي شيرته ويصيح عليك زي القرد المطلوق في موسم التزاوج وواحد ثاني يلوح في شيشة مية عليك ، منك لله يا ليبيا.
مش مستوعبة كيف مزال مصرين على العيش بمعايير مزدوجة وتطبيق " الاخلاق " شكلا ومش بالمضمون نقرا في تعليقات ونقاشات في قروب الدفعة يلي فيه اكثر من عشرة الاف على قرار جامعة بنغازي بمنع "التبرج " للطالبات وفرض عقوبات ليهم ونشوف في الاولاد ينادو بتطبيقه ودعمه حتى في جامعات طرابلس ,
رغم ايماني الشديد بانه مفيش وقت لاي نوع من الماكلة ، لكن العصيدة تفقد ال wow factor متاعها كان منوضونيش ساعة سبعة بالخلعة ويصيحو تعالو افطري عصيدة وكانه نداء نجدة وناكل واني نص راقدة ومش زابطة اني مني وين وكيف وعلاش
نحب اصراره وعزيمته على اثبات عدم كفائته وعباطته المثيرة للشفقة كل مرة يطلع يتكلم مع العامة , جزئي المفضل هي ثلاثة ثواني الصمت كيف يستنى رياكشن بعد كل جملة غبية وتعابير البلاهة في وجهه اتز لايك طفل ف الصف الاول كمل امتحانه وقال كملت الاول يا ابلة ويستنى فيها تقوله شطور يا دنقا
“ويابنات الناس اذا كانت السواقة بالنسبة لك مش ضرورة ملحة وعندك من يشيلك ويجيبك ويجبلك حاجتك وكانت مجرد استقلال وحرية والكلام هضا ياريتكم تفوتوها السواقة مش تقليلا منكن بالعكس خوافا عليكن لانه السواقة توا في بلادنا صعبة وخطيرة جدا علينا نحن الشباب اصلا يابال انتن فكرن فيها بس”
خلاص الزح درهتولي كبدي بكلمة غريزة متاع النمي هيا انت فاهم ان حتى الجوع غريزة ولا خوي ؟ تمام صح بالمنطق متاعك هو كل م تبدا جيعان وتشوف حد ف الشارع شاد شاورما تنقز عليه ولا تناشبه وتقوله ي متاع الشاورما ي مجوعني تي خلاص النم
اي عذر لتطبيق الوصاية على النساء والتحكم في حياتهم ,وقراراتهم امتى الكابوس المزري هذا ينتهي ؟ امتى نقدر نعيش لنفسي ونقرر على نفسي وامتى المجتمع ومؤسساته يفهم انه لبس البنات وقراراتهم ماهيش مسالة امن قومي ؟
كابوس طرح الاحمال والتوكات والنو والتلبيق والوشواشة والارق وحرق الكناسة رجع بموسم جديد ، بداية ولمحة موفقة كالعادة للثلاث الشهور الجايات من حياتنا في هالبقعة الخامرة … صيف سعيد يا شبيبة .
الفريق الوطني الليبي 🇱🇾 لمناظرات المدارس باللغة الإنجليزية، بإشراف مؤسسة الحوار والمناظرة، يشارك الأسبوع المقبل ولأول مرة في بطولة العالم لمناظرات المدارس
#WSDC2020
.
حسن علي - #بنغازي
رغدة السعداوي - #مصراتة
نور الشقروني - #يفرن
ريم المبروك - #طرابلس
ملاك الجمل - #مصراتة
#ليبيا
الدبيبة ووعده بمليار ثالثة لمنحة الزواج مداير زي هداكا البارد يلي تعرفه لما يقول نكتة ويضحكوله مرة يبدا يشدها في كل زردة ولمة وطلعة كمحاولة اخرى لتجديد شعبيته مع المواطنين والشباب في بدال ما يستثمر في مشاريع مستدامة ولا يفكر في القطاعات يلي تعاني يا والله حكومة القهرة الوطنية .
حرب اهلية وشيكة ؟ ههههه مليار زواج . انتخابات تاجلت ؟ ههههههه مليار زواج , مفيش دستور ؟ ههههههه مليار زواج , انقسامات سياسية ؟ هههههههه مليار زواج , قطاع الصحي والتعليمي حالته متدهورة ؟ هههههههه مليار زواج
تقرا كمية الحقد وسهولة مطالبتهم بتعنيف الطالبات لانهم مش مطبقين "شرع ربي " وتهديدهم وخلي "التريس تعرف بعضها " " ونزبطوا الاء من علاء " مش متخيلة انه يلي يهدرزو بالغين في المرحلة الجامعية وطلبة علم .
وامتى يفهمو المواطنين الليبين انهم مش بهايم منغير عقل وانه ليهم الحق يقررو لانفسهم وانه الدولة مش مهمتها تتدخل في القرارات الشخصية للافراد لا مكياج لا لبس لا دخان وانه كل واحد مفروض يلعب الشرطة الاخلاقية مع نفسه فقط لا غير ؟
الناس يلي تشوف في تجمعهم وتحرشهم واعتدائهم وسبهم للمراءة فقط لانها ردت عليهم باسلوبهم المنحط نفسه رد فعل مبرر وطبيعي اكثر من ما تتخيلو ، فكرة انه البنت تسب وتلعن وتتحداهم تخليهم يفقدو اعصابهم وتجرح رجوليتهم الهشة ويشوفو فيها تعدي على المنظومة الاخلاقية الليبية واي حاجة تصيرلها -
خمسة دقايق في الفيسبوك الليبي والاطلاع على الاخبار المحلية وشن "رائج" من قضايا ومواقف والاوضاع السياسية كافيات يلغوا عمل شهر من السعي للسلام الداخلي والصفاء الذه��ي و هراء "السيلف هيلب" يلي نستهلك فيه بلا جدوى .
ثلاث خصال اذا رأيتها في المرء علمت انه خرا ميسوجيني واخد مقلب في روحه ، عبد اتنشن يحب يذم النساء في كل فرصة لانه معنداش حياة وحشيشته التهزيب ، دماغ مجوف معفن زي افكاره ، حياته بائسة منغير معنى ف يحب يقلل من قيمة النساء باش يحس روحه راجل سوبرير ويضرب على صدره في التويتر زي القرد.
تي غير من وين تجيب فيهم ال witty responses هادو يعطيك الصحة افحمتني والله ، اقوى حاجة كيف يعدد في مواقف تصير لاي حد معنداش هديكا الخبرة في التكنولوجيا والموبايلات ويحصر فيهم على جنس معين عساس فاكتس وقصفنا والاغبى منه يلي في التعليقات تي برا تمرقد .
- وحدة بهيمة دايرة باس للايكلاود وناسياته وتبي ترد التلفون
- وحدة بهيمة شارية دوس اربعه قيقا وحاطه فيه 8795 صورة بين قفاطين وفراعي ولما استك تبي ترده
- وحدة بهيمة تغطية معندهاش فالحوش وتبي ترد التلفون لان صاحبتها البهيمة 2 قالتلها يبي اي سي تغطية
Dbaiba single-handedly ended الفسق والفجور والفحشاء والمنكر والرذيلة by demolishing the family beach resort in which he oversaw its opening ceremony personally a year ago, thank god, truly grateful for him being the lesser evil.
متجمعين عليها وكانه اول مرة يشبحو بنت ويتصايحوكانهم قردة بلا عقل تحرك فيهم الغريزة وخلاص ويسبو ويجيك تيس يقولك مفروض مردتش عليهم بالطريقة هادي وحسنت من اسلوبها ومصرين انها ترد عليهم بكل احترام وود وتقوللهم سوري داديز مكانش قصدي تي يعنفيت الاخلاق ويعنفتكم كمشة كلاب مستكلبة
We were fortunate enough to evacuate our home relatively safe , al-swani road is now blocked due to heavy clashes and my neighbors who tried flee half an hour after us were forced to turn back. a bleak night awaits Tripoli, civilians need to be evacuated immediately.
شبيبة ، فيه حساب لواحد فاضي مخري حاط صورتي يلي مستخدمتها حاليا ومسبب فوضى في الدي امز ويزعج ويقول في كلام زي وجهه توا كيف قالولي عليه ، المهم كان جاتك رسالة تحس محتواها من العالم السفلي بحساب فيه وجهي مش اني .
2021 كلها مشت وفاتت وقريت فيها سيمستر واحد بس في نهايتها اونلاين بمحاضرات مسجلة الاوديو فيها مخبش تقول يتكلمو في مالقي مش ميكروفون وينزلو على تطبيق التليقرام مش حتى موقع الجامعة وحاليا نستنو في نتيجة لينا تقريبا شهر واسبوعين والواضح انه حنتخرج مع 2028
whos the villain in today's war? what justifies the use of drones and heavy artillery? what are we protecting? 13 unarmed civilians were brutally murdered due to the clashes and 95 were seriously injured all of the carnage and Libyan blood spilt for what exactly?
هوس الرجالة يلي زيه بحياء النساء و اصرارهم على جعل عملية طبيعية في جسم النساء زي البيريود ووصمها كحاجة لازم تتحشم منها وتخجل مريب ، علاش منشبحوكش متكسف ووجك محمر كان حد سالك ع الشخاخ ، وهذا كله دكتور المفروض يا والله نكتة