بندق القناص ما يوم ازهفت
كل ما ناشت ضريبه شتتها
صاحبي فلاح والشمس كهفت
شيب عيني يوم غابت وفختتها
مااكهفت الا. بعد حالي هفت
الروابع كن حالي ناحتتها
حر كبدي لا تدانت ورهفت
لو انا كبدي حصاةً فتتها
من كثر مانفسي اقفت والهفت
الصدور تضيق من ربع نهتتها
#سلطان_بن_عادي
#يخبرني_الصباح
#حفرالباطن
ياذروة الشوق سوقيلي تباشيره
الخوف يجتاحني لا جيت أبا دله
متقبلن صدمته ... والقا معاذيره
وش عاد لو هو يبي غبني وراض له
#سلطان_بن_عادي
'
#مخرج_7
#رمضان
يضيق صدري عقب لاماك ويتكه
خطوط حمرا وسور وحارس وحاجب
حلياك من يملكه لا يمكن يفكه
وقد قالو العين ماتعلى على الحاجب
ابك انت كل الغلا لا يلحقك شكه
يومن غيرك مجرد تأدية واجب
#سلطان_بن_عادي
ابعرف الجاني من المجني عليه
الشعر ولا. الشاعر اللي يكتبه
اسباب جلد الذات من منهو وليه
للأ فئده وأهل الشعورالمُتعبه
عن عالمي ولا عن ضلالي اتيه
هذي قدر لا..اكرهه لا..ارغبه
#سلطان_بن_عادي
#شعر
#حفرالباطن
الليل طفلً فاطمه يافاطمه اب الصباح
ياأم هذا الطفل ذاك الصبح من اب الطفل
يااجمل صباحات الوجوداللي توجدته وراح
تهديني ارموز العقد هو به احد غيري يفل
الله ولا رد الصدى لاجاك مع صوت الرياح
كن الصدى يردلك تصيح ولا تصطفل
#الى_احدهم 1️⃣
انا يوم اسج الرجل بالطول والعرضى
تنفاس مسك الشعر والشعر. مايجعل
سما الحرف يامسحل وابوارض لا،لرضى
وأبو ساريه يشعل على الساريه مشعل
عن لحون قراض الشعر والغرض قرضى
يبي يقلط. الحيدر على المدعي خزعل
انا ليتني لامن زعلت أقتنع وأرضى
لكنّ ويش يرضيني بعد ماانجرح وازعل
-١-