السودانيات في مصر أرجوكم أخدو الكلام دا بي جدية وما تطلعو في وقت متأخر براكم، بعد نزلت التويتة دي بي كم ساعة كنت راكبة أوبر كومفرت مخصوص عشان السيفتي، بتاع أوبر وداني بي طريق طويل شديد وكلو هاي ويز فاضية واتحرش بي لفظيا وحسيت نفسي مخطوفة جدجد ووقف بي في الشارع وقال لي اديني بوسة
عملت ريبورت وحكيت للسبورت تيم ،رجعو لي قروشي وقالو انو حيتخذو إجراءات ضدو لكن رفضو يوروني الإجراءات دي شنو
المهم شيرو لايف لوكيشن لما تكونو طالعين وتفاصيل الرحلة وميك شور ما تعملو اي انتراكشن مع السواقين لو براكم حتى لو هم حاولو واصرو
جيت ماشة بي شارع هيئة العمليات الجنب النيلين. في شلة من الشرطة كانو قاعدين وجيت مارة بيهم في واحد قال "هسي دي ولد ولا بت"
قلت ليهو مامهم ولد ولا بت المهم بفكر بي راسي ما بي أعضائي التناسلية🤩
وماف واحد فيهم قدر يرد لي وحاسة نفسي مطلوقة وقادرة وناهرة ناو ومبسوطة للدين🤩
الموضوع بقى عبارة عن دوامة من الـ anxiety البتحثك على التفكير في النجاة والهرب، و الـ depression البيحثك على كسر الحنك والإستسلام لما سيحدث.
في كل الحالات في شعور حانق بالعجز. بفكر أعمل شنو، بتذكر إني ما عندي قدرة أعمل الحاجة، بشعر بالإحباط.. بنوم.
للحظة حسيت الموت أفضل.
اوكيه أنا كزولة emotional للغاية ومن قبيل رايحة لي بكية ما قادرة أشوف غير كومة بؤس في الفيديو دا وناس بُسطاء كلهم ضحايا كان ممكن يكونو في أماكن مختلفة لو ظروفهم كانت مختلفة.
أنا ما قاعدة أدّمع الآن نهائي :')
مسكت نفسي ما أبكي ٣ مرات ونحن في إجراءات الإقامة، موظفين تعامل زفت وقلة أدب على الصغير والكبير، زعلت شديد وانا بشوف الضابط بيكورك في نسوان كبار بكل وقاحة ونحن ما قادرين نعمل حاجة لأنو بس دي ما بلدنا وممكن بكل بساطة نروح فيها لو اشتبكنا. ما حصل حسيت اني عايزة ارجع اكتر من الليلة.
بوشي إنسان جميل ومحترم وراقي جداً في تعاملو.
بس المشكلة في القطيع البينساق وراء زول ماعندو اي هدف غير إنو يضحك الناس.. أي زول شارك في الهاشتاق دا زول فارغ وما عندو موضوع.
أنا عموماً بخاف من الوقت البيمضي بدون أي ذكريات تخلّدو. بخاف نظلّ حبيسين في الماضي بلا قدرة أو إرادة على صناعة المزيد منو. الخواء الذكرياتي دا مرفوض ومرعب عند شخص يرى القيمة الوحيدة من تجربة الحياة هي حصادها كاملة بلحظاتها الصغيرة والضخمة.
"وأنامُ -حِينَ أنامُ- فوق وسادةٍ
من ذكرياتٍ لا تنامْ
وأُحِبُّ -حِينَ أُحِبُّ- نائيةً
لأنّ الشِّعرَ يكمنُ
في المسافةِ لا الغرامْ
وهِوايتي
أنْ أجمع الخيباتِ
للألم الذي يحبو بصدري
كي يطيب له المقامْ
شيءٌ غريبٌ
قد تشكّل داخلي
شيءٌ غريبٌ فيَّ
يجذبه الظلامْ"
-أحمد شوقي بشير
يا جماعة أنا وقفت ركشة في بري من جنب السفارة العراقية ومشيت بيها لفتين بس بعد الطرمبة، نسيت فايل كيس فيها محفظة فيها بطاقاتي الشخصية والجواز وعملة أجنبية وسودانية وشاحنين ودفتر مهم شديد لي.. لو صادفت زول او زول عارف ممكن أعمل شنو إتواصلو معاي.
#retweet
please.
"يا بنتُ ما فَعلتْ بكِ الأشواق؟
إن الريح تصقُلُنا وتحملنا كرائحة الخريف
نضجتِ يا امرأتي على عُكَّازَتيَّ
بوسعك الآن الذهابُ
واثقةً من الرؤيا
مَلاَكٌ حارسٌ
وحمامتانِ تُرفرفانِ على بقيَّة عمرنا
والأرضُ عيد
الأرضُ عيدُ الخاسرين
ونحن منُهمْ
نحن من أَثَرِ النشيد الملحميِّ على المكان"
بعد التويتة دي بي ٤ أشهر حتى قدرت أستقيل من طب وبعدها بي ٤ أشهر (مارس) حتى استجمعت الطاقة والشجاعة الكافية عشان أقدم علوم سياسية في النيلين، واتقبلت وكنا حنبدأ بعد رمضان، بعدها الحرب قامت والوزارة إتحرقت وهكذا دارتْ بِنا الأيام يا طائر أحلام الزغاليل.
مرفق صور لفرحة الإستقالة:')
عندي أحلام كبيرة شديد (بالإسكيل بتاعنا كسودانين وهي في أماكن أخرى أبسط الحقوق) زي إنو أقرأ المجال البحبو في جامعة كويسة، ويكون عندي مساحة صغيرة أقعد في نجيلة أسمع شعر وموسيقى.
الكلام ما منو أي فايدة، والحياة لولا الأحلام لا تُطاق ولولا الحب برضو بنفقد المعنى والرغبة في إيجاده.
بتلتهمني ضخامة الشعور بالفترة دي، ما عارفة الإنسانية حتستمر لغاية كم بعدها وإذا أصلا حيأريخ ليها بحيادية ولا إنحياز ولا شنو الحاصل ونحن ماعارفينو.
حالة تخليك تفقد الإيمان بالحياة جدجد، وتنتهبه لضآلة حجم الإنسان.
أهوال عديل.
1 - أن تفكر بها
2 - أن تُحِبّ حبيبتك بها
3- أن تكتب مشروعك السياسيّ بها
4- أن تنزل الي الشارع بها
5- أن تصعد الي بيتك بها
6- أن تكتب شِعراً بها
7- أن تكتب فلسفةً بها
8- أن تفكر في المجرّات البعيدة بها
9- أن تكتب معادلة كيميائية خارقة بها
الإسيتقاظ صباحاً بيزداد صعوبة كل يوم، مقاومة هذا الكم الهائل من عدم اليقين والتشتت ومحاولات البقاء رزمة واحدة كل يوم من جديد ومن الصفر أمر مستهلك للغاية وطاقة ماعندي ليها كالوريز الصراحة.
القدرة على الإيمان بالحياة أو بأي حاجة الآن ضئيلة جداً وماشة في التناهي.
يا جماعة في جهات بتقدم عون قانوني (عارفة ما ممكن هسي لكن مستقبلا) ومالي (ونركز على مالي لأنهن متعففات وفقيرات وعندهم أعباء معيشية ثقيلة) لي نساء تم إغتصابهن في الايام الفاتت دي وزمن البروتوكول الإسعافي إنتهى للمورنينق بيلز في حالة الحمل ولسه ماف زول عمل ليهن فحص std؟
#حوجة
#رتويت
صباح الخير، تجربة تكون disliked أو misunderstood من زول دي تجربة disturbing للغاية، ولكنها مهمة شديد.. بتوريك مدى تقييمك لنفسك ومدى تسامحك مع الإختلاف.
أمس مريت بأحد هذه التجارب where 2 people كانو شايفني sarcasticly "الشفيفة الناشطة التي تحب ود الأمين ومصطفى سيد أحمد والمتحررة +
I have nothing to say, I've stuffed my throat with quotation marks up to the point where all what I breathe out is poetry.. Smokey, vague poetry.
I've nothing to say, for I've sold all my words, in exchange for perfect ones.. poetic, vague ones.
I'm not free.
@rv_0i
مش يمكن إستيعابنا للغة ومفرداتها مختلف؟
أنا غايتو أفرغت مطلوقة من محتواها زمان واتجردت بالنسبة لي من العبء الثقافي المصاحبها، بإعتبار إنها أصلاً أستخدمت كتعييب للنساء لما يمارسو نشاطات عادية، زي إنهن يطلعن أو إنهن يتكلم أو يردن على إساءة إتوجهت ليهن
نو نبز هير بيب النبز في راسك😘