رب أسرة وأعول وطبيب بشري أهتم بإجراءات منع الإصابة بالأمراض المزمنة والسيطرة على المضاعفات بالأساليب الصحية ومحاولة علاجها اللينك خاص بحساب بنتي عازفة البيانو
الطفل بيتولد ما يعرفش طعم السكر .فلو أكلناه خضار وفاكهة وأكل طبيعي دواجن بقوليات حبوب كاملة ومكسرات أسماك .بدون بسكوتات وبرحر وسوسيس وشيبسي وعصير...هيتعود ياكل صحي ...لو ماجبناش سمارت فون الطفل هيقدر يتعلم رسم وموسيقى وبرمجة ويقرأ...ما ينفعش الطفل نجيبله أي حاجة يطلبها..
ماتزعلوش مني بس أنا شايف إلي بيشرب عياله مشروبات غازية وعصير وبيأكلهم جنك فود وشيبسي وبرجر وبطاطس مقلية ومخبوزات وحلويات وسكريات طول الوقت وسايبهم مع سمارت فون ومش مهتم بالسلوك والمهارات.إنسان مهمل لدرجة الإجرام في حق ولاده في صحتهم ومهارتهم ومستقبلهم وفي حق المجتمع
خليط الإهمال في الأكل وعدم ممارسة الرياضة وعدم إنتظام النوم والتوتر المستمر والمنبهات والتدخين مع الضغط العصبي وعدم وجود مخرج للتنفيس الضغوط بهواية أو رحلات أو مشي أو تأمل ...هينفجر على شكل أمراض مزمنة وجلطات وإكتئاب وأرق ومرض نفسي تنتهي بالعجز المبكر الكلي عن العمل والحياة
مافيش جسم هيتحمل تدخين بشراهة وأكل تيك أوي ومشروبات غازية وسكرية وحلويات ومخبوزات ونشويات بسيطة رز وعيش ومكرونة و مقليات طول الوقت ومنبهات ومشروبات طاقة طول الوقت وقلق وتوتر وسهر مستمر في الآخر هيحصل الإنهيار للجسم وإصابة بكل الأمراض. من سكر لضغط. لقلب لإكتئاب. لأمراض مناعية
مافيش طفل بيتعلم بيانو ورسم وبيتعامل كويس مع الحيوانات وبيزور متاحف وبيستكشف أماكن جديدة وبياكل بطريقة صح هيبقى شقي وعنيف ومزعج وما بيركزش ..
الطفل المزعج العنيف نتاج إلي المعظم بيعمله من أكل غير صحي وعدم تعلم موسيقى ورسم وبيتساب مع سمارت فون وفيديو جيمز طول الوقت ..
أنا مش عارف ليه نجبر بعض نزور من لا ترتاح له النفس في الأعياد .ليه بنعمل كده .ليه أجبر مراتي و ولادي يزوروا حد بيتنمر وبيتمنظر عليهم أو بيقابلهم وحش ..وأنا عارف إن ده بيحصل .في الآخر فاتورة ما أفعله من نكد وغم وأمراض هتفسد حياتي ..المنظرة والمظاهر أفسدت العلاقات للأسف
تنمية مهارات ومواهب اولادك في الرسم والموسيقى والفنون والروبوتس والبرمجة والرحلات ألإستكشافية والأعمال التطوعية والخيرية اهم مليون مرة من انهم يجيبوا الدرجات النهائية في المدرسة وهو إلي ممكن ينتج شاب موهوب عنده مهارات ويقدر ينافس ويفكر ويبتكر ويشتغل ويبقى منتج وسوي بجد
المنبهات والسهر وعدم ممارسة الرياضة وعدم التعرض للشمس وعدم وجود روتين صحي يمارس يوميا مع تغذية سيئة ..فقيرة في الفيتامينات والأملاح والأوميجا..مع عدم ممارسة أنشطة ترفيهية ..هتتسبب في شكاوي طبية غير محددة وطبعا الموضوع هيتعقد زيادة لو فيه ضغط عصبي مستمر أو إستغلال عاطفي أو نفسي
مصر فقدت معظم العمالة الماهرة المدربة ...يعني بقى صعب جدا تلاقي ميكانيكي شاطر ...أو سباك شاطر ...أو كهربائي شاطر ....أو حتى جزار شاطر ...أو فني صيانة شاطر ....مافيش لامنهج علمي وتدريب حقيقي يطلع حد كويس ...ومافيش أي إهتمام من الدولة أو المجتمع بده ...وده نتيجته باينة في كل مكان
لما إبنك أو بنتك الكلام ده للأب والأم .لما يجبرك على تنفيذ رغباته بالزن والعياط أو يفضل يضرب فيك ويترمي في الأرض ويصوت بصوت عالي وكل مره بتستجيب وبتنفذ أو بتسكته بالموبايل أو تاب أو تشربه مشروبات غازية أو عصير أو أي سكريات مش هتعرف تسيطر عليه .وبتخلق مسخ عشوائي هيتعبك وهيتعبنا
مبدأ إن الدكتور يوصف أقوى مضاد حيوي وأقوى مسكن وأقوى مضاد حساسية عشان تخف بسرعة إنت وأطفالك ده دكتور معندوش ضمير وبيضيع عليك الأدوية القوية عند الإحتياج الحقيقي وبيضر دفاعاتك الحيوية من مناعة وتحمل للألم وتحمل لعرض أي حاجة لازم الجسم يتدرب بالتعرض للمشاكل الصحية من عدوى وخلافه
حجم الأطفال إلي بتتولد اليومين دول ...معظمهم عندهم تقزم حتى في مستويات الدخل المرتفعة...بسبب إعتماد المعظم على أكل معظمه سكريات ونشويات ومقليات وعصير ومشروبات غازية وشيسي ...وطبعا تيك أوي ما يعلم بيه إلا ربنا ...إلي مش ملاحظ يقولي ..عشان الناس إلي مش عايزة تعرف الحقيقة زي النعامة
بعد إلي حصل مع روسيا ...من فصل الدعم الفني لتطبيقات الموصلات ..والقطارات ..والشراء الإلكتروني ..وطبعا الطيران ...ودفع الفواتير الإلكتروني ...والتحويلات البنكية ...وتحديثات البرامج ...ده معناه أي بلد معندهاش نظام موازي ..هتتحول للعصر الحجري بدوسة زرار من أمريكا ..حد فاهم حاجة
الموجة الثالثة من الكورونا مصحوبة بإصابات عائلية ضخمة جدا ...أكبر بكتير من الموجة الأولى والثانية .بسبب إجتماع عدد من السلالات المتحورة ..أنا بأحذر ..لإن المعظم متراخي .ومكبر دماغه....والكل بيخرج ويقابل أصحابه وقرايبه والعزومات والمناسبات شغالة عادي ...أكن مافيش وباء
احنا محتاجين اكبر مصحة نفسية في العالم عشان نعالج امراض التلصص والتجسس واختراق خصوصيات الآخرين والنميمة والبذاءة والسوقية والتحرش والكذب والنصب وإستحلال الحرام و المنظرة والتكبر ومرض الإستهلاك والجشع وفي نفس بنبالغ في المظاهر والطقوس الدينية لأبعد الحدود
اغلى انواع ماركات مصنعات اللحوم من اللنشون والبسطرمة والسوسيس بتتصنع من اسوء انواع اللحوم مع دهون وأملاح وبهارات وبيضاف عليها املاح النترات وثبت انها بتسبب سرطان القولون فما بالكوا بالأنواع الرخيصة ..بلاش تعودوا ولادكوا ياكلوها ..أضرارها ضخمة على الوزن وعلى الشرايين وعلى المخ
معظم الكافيهات في مصر بتصنع حلوياتها ومخبوزاتها ومشروباتها من أنواع القهوة والهوت شوكليت والملك شيك والأيسكريم من مارجرين وشراب جلوكوز وصوصات سكرها مرتفع جدا وكريمة ومبيضات نباتية مليانة زيوت مهدرجة..بترفع السكر وبتزود الدهون والوزن وبتعمل تدهن الكبد وتصلب شرايين القلب والمخ
لصحتك ولسلامك النفسي إبعد عن إلي بيتمنظر عليك وبيدخلك في سباق المنظرة ...إبعد عن إلي بيبصلك من فوق ...إبعد عن إلي بيحجب عنك نعمة الرضا عن حالك وعن إلي في إيديك ...إبعد عن إلي طاقته سلبية طول الوقت ...إبعد عن كل دول مهما كانت درجة قربهم أو طول زمن علاقتهم بيك ..هترتاح بجد
في الجري ورا البيت الأكبر والعربية الأفخم والشاليه الأغلى وأفخم البراندات والمدرسة الأغلى والجامعة الأغلى نسبة كبيرة بتفقد إنسانيتها وأخلاقها ونسبة بتمرض عضويا و نفسيا ونسبة مش قليلة هتتحول لمجرمين ووحوش عشان يحققوا ليهم ولولادهم كل ده والمعظم بيفقد أمانه وإستقراره النفسي..
لازم في الفطار في رمضان يكون المشروب صحي طبيعي مش مشروب غازي و مركزات أو مسحوق بيتدوب يعني خروب..كركديه..تمرهندي..منقوع البلح .والشوربة تبقى صحية خضار مشروم شوفان عدس .والطبق الرئيسي دهونه قليلة وخفيف ..وطبعا طبق سلطة منوع .والحلو فاكهة أو حلو خفيف الدهون والسكر..ورمضان كريم
كتير بيشتري سكن غالي ومصيف وعربية بالقسط وبيدخل ولاده أغلى مدرسة إنترناشونال عشان يخش في دايرة أو مستوى مادي يفوق قدراته فقط عشان يرضي شريك حياته وأولاده وعيلته وجيرانه وزمايله والمجتمع وده سبب لدوامة للغم والنكد والإكتئاب والمرض المزمن وعدم الرضا الي هيخش فيها..
هقول تاني الكورونا مش نزلة برد وهتعدي ديه هتسيب آثار مستمرة على المخ والجهاز العصبي..وممكن تسبب متلازمة التعب المزمن وتصعب رجوعك لشغلك ودراستك بجد ..وممكن تتسبب في تليف في الرئة وفقد في وظائف الرئة مستمر ونهجان يستمر سنين .أي حد هيتصاب بأي عرض اليومين دول يعتبر نفسه مصاب كورونا
بنتي لوجي ١٢ سنة وهي بتعزف على
#piano
#GameOfThrones
#soundtrack
في مول city stars فجأة رجل الأمن قال stop .مش عارف ليه المفروض في كل العالم مسموح بالعزف في المولات والمطارات مدام الشخص ده بيعزف .ياريت من كل المتابعين الي يعرف مكان مسموح فيه بالعزف يبلغني وشكرا ليه
معظم الشباب والشابات شكلهم أكبر من سنهم لإن المعظم بقى أكله نشويات ومقليات ومخبوزات وحلويات ولحوم مصنعة ونص مقلي وجنك وشيبسي ونودلز وكريب وسمنة نباتي ومشروبات كلها سكر إلي بتتسبب في شيخوخة مبكرة لأنسجة الجسم وبيبان في البشرة على شكل سيليوليت ولون مائل لرمادي وتشوه شكل الجسم
معظم المعترضين على موضوع السكريات والحلويات والمشروبات الغازية والعصير...والسمارت فون ..ما يعرفوش إن أول خمس سنوات في عمر أي طفل هي إلي بتأثر على نموه العقلي .والإستسهال في المرحلة ديه بيأثر طول العمر على التطور والسلوك ..حتى بعد سن الخمس سنين لازم يكون فيه تقنين مش زي ما بشوف
أولويات الصرف في الأسرة مشوهة يعني الإهتمام بالمظهر والمسكن والعربية والموبايل والإتصالات والتدخين و إسم المدرسة أهم من أكل صحي يبني جسمهم و من تقويم سلوكهم ومن تعليم مهارات زي القراءة وكل أنواع الفنون والثقافة والبرمجة والروبتس لأطفالهم والنتيجة إنتم شايفنها جيل معدوم كل حاجة
جريمة إنك تدخل إبنك أو بنتك أغلي مدرسة إنترناشونال وهي فوق طاقتك.وهو بعد ما يتدبس ويخش المدرسة مش هتقدر توفر إلي متوفر مع زمايله بكده هتعرضهم لضغط نفسي رهيب هيتسبب في أمراض نفسية وعضوية بسبب إنهم مش عارفين يبقوا زي زمايلهم في الصرف وفي الرفاهيات ..يعني بتسبب ضرر ليهم مش بتفيدهم
ماينفعش مريض مزمن ضغط سكر قلب إرتفاع دهون ...يفطر على باتيه أو بسكويت أو بقسماط أو فطير أو بطاطس وبتنجان مقلي أو عصير أو مشروبات غازية إو ساندوتش فينو ...لازم يفطر على بقوليات فول خضار جبنة قريش بيض مسلوق تونة ..حبوب كاملة شوفان فول سوداني حمص مسلوق زيت زيتون مع منع السكر
الأكل الصحي مش مفيد للجسم وللمحافظة على وزن مثالي فقط هو مفيد للمخ جدا و للحالة النفسية وبيدي مقدرة على تحمل الضغوط والإجهاد الذهني والبدني وبيقلل الإنفعالات والعصبيةوبيقلل حدة نوبات الإكتئاب.خاصة مع تناول الدهون المفيدة في المكسرات زي الفول السوداني والأسماك الدهنية زي السردين
الإستجابة للطفل من أول الشهور الأولى .إنه يتشال ..إنك تدي عصائر وبسكوت من سن صغير وتعوده على كده .إنك تجيبله سمارت فون عشان يتلهي عنك ويسكت .إنك تنفذ كل رغاباته .ديه مشكلة محتاج الأهل يتربوا من جديد ويقروا التربية إزاي وإيه الصح مش زي ما تيجي تجي عشان كده التربيه محتاجة مجهود
معظم المخبوزات والباجيت والتوست البني و توست الحبوب الكاملة في المحلات المشهورة أو في سوبر ماركت مصنوعين بنسبة كبيرة من دقيق أبيض عادي مع لون صناعي وكراميل بالإضافة لمارجرين نباتي وديكور شوية حبوب وبذور عشان التسويق إنها صحية وده عكس الحقيقة لإنها بتزود السكر والوزن وبتجوع
الرز والعيش والمكرونة والمخبوزات والقراقيش والبسكوت ونودلز والكريب والشيبسي.نشويات البسيطة بتتحول لجلوكوز بسرعة وبتستثير مراكز الشبع السريع في المخ عن طريق نظام المكافأة...والإنسولين يطلع بسرعة ويخفض الجلوكوز في الدم فتجوع بسرعة الطريقة ديه المخ بيحبها وبيدمنها وهو ده الخطر
مادام مافيش خلل في المناعة نتيجة مرض مزمن أو عدوى بكتيرية ثانوية أو أي شيء بيعوق جهاز المناعة عن تأدية دوه لازم نسيب جهاز المناعة يتدرب على مكافحة البرد والإنفلونزا والكوفيد وما نستخدمش مضاد حيوي ونستخدم الأساليب الطبيعية والأكل الصحي والسوايل والراحة فقط طبعا مع التطعيم
الكورونا مش علاجها المضادات الحيوية...يعني بإختصار ولا زيثروماكس أو سيفاتراياكسون ولا سيبروفلوكساسين .ولا أفريزوليد ليهم دور .كل دول ولا ليهم أي لازمة..لإن الكوفيد عدوى فيروسية لا تتأثر بالمضادات الحيوية.كل إلي هيحصل مناعتك هتتلخبط وجهازك الهضمي هيتلخبط وأضرار على الكلى والكبد
معظم المصريين فاكرين إن حقوق أولادهم هي دفع فلوس سنتر الدروس ومصروف جيب يومي عشان ياكلوا شوية كريب وإندومي وأي عك شيبسي ومشروبات غازية...من أي كشك .وسمارت فون وباقات نت ويفضلوا مطلوقين في الشوارع يرازوا الناس بسلوكياتهم .بدون أي توجيه أو كلام معاهم أو حتى نقاش وده نتيجته واضحة
لازم ولادكوا تربوهم على الإعتماد على النفس من سن صغير ..لازم يأكل نفسه ويشرب نفسه ويلبس هدومه ويرجع لعبه مكانها وينضف مكانه .لازم يتعودوا يمشوا المسافات الصغيرة بدون عربية لازم يذاكروا لوحدهم بدون دروس من بدري ..ويشتغلوا في الصيف .عشان يتعودوا على الصبر وبذل المجهود من سن صغير
أنا دائما بأتكلم عن أضرار الأكل الغير صحي فقلت أجيب أحسن حاجة عجبتني جدا من منشورات ومجهود كلية طب المجتمع جامعة هارفارد عن مكونات ومحتويات الطبق الصحي ...مجهود هائل متميز ..ياريت تركزوا فيه لإنه موضح الكميات بالألوان والجميل إنهم عملوه باللغة العربية
احذروا تناول ادوية البرد والزوكام المحتوية على السودوإفيدرين مع النسكافيه او اي انواع قهوة او مع الشاي الأخضر او الكولا او مشروبات الطاقة ممكن تعمل إضطراب خطير في كهربة القلب وتوتر وقلق ومضاعفات خطيرة خاصة مع مرضى القلب والضغط وإرتفاغ وظائف الغدة الدراقية ...
ماتروحش لمستوى معيشة وإنت بتزحف عشان ما تعانيش من تنمر ومضايقات إنت ومراتك وولادك يتبقى في وسطه أو في أوله ماتبقاش في ديله وإنت مستنفذ كل مجهودك وشغلك ....لازم تكون ممتلك لكل أدواته من مظاهر ورفاهيات عشان أسرتك ما تتعرضش لضغوط عصبية ونفسية فوق طاقتها بدون حلول عندك ...
الحل للسيطرة على الضغوط العصبية والأعراض النفسجسمانية والأمراض المزمنة هو في التأمل والقراءة والموسيقى و الأعمال الخيرية والتطوعية والهوايات و اليوجا والمشي والإعتناء بالحيوانات سواءا في المنزل أو في الشارع والرحلات والإستكشاف والأكل الصحي المتوازن وتجنب العلاقات السامة
لازم نعرف إن كل ليلة بتعدي بدون نوم كافي ...وكل وجبة دسمة جدا من لحوم ومصنعات لحوم ودهون زيادة وسكريات ومشروبات غازية ...وكل مرة تدخين ..وكل يوم بيعدي بدون رياضة وحركة كفاية وكل يوم بيعدي بدون أكل صحي...وكل يوم بيعدي بدون ترويح عن النفس ..بيستهلك من رصيدك الصحي كتير جدا
لازم نجهز نفسنا لتحمل الضغط العصبي والتوتر في الحياة مع مجهود الشغل والمنافسة في سوق العمل بنظام صحي في العيشة .مش نستعدي كل أطراف الحياة علينا .والحاجة إلي في إيدينا نعملها الأول ..أول حاجة نظام الأكل والرياضة والحركة والنوم..لإن الباقي مش هنقدر نغيره ..هو ده هدفي الأساسي
البقوليات والحبوب الكاملة والمكسرات وزيت الزيتون والطحينة والبذور والبيض وصدور الفراخ والأسماك والخضروات بأنواعها بتمنع زيادة إفراز الإنسولين وده بيساعد في الإحساس بالشبع لمدة أطول وبيمنع زيادة الدهون في الدم وبيقلل الإلتهاب و إحتمالية الإصابة بالسكر وأمراض القلب وتصلب الشرايين
الكحك الواحدة السادة ٢٠٠ سعر وبالعجمية والملبن ٢٢٠ سعر و الغريبة ١٥٠ ل ١٦٠ سعر البيتيفور من ٨٠ ل ٩٠ سعر بسكوت ��لنشادر من ٥٠ ل ٩٠ سعر ديه سعرات القطعة الواحدة مش العشرة!!!! إلي بيتاكلوا مع كوبابة الشاي بلبن ...اللهما بلغت اللهما فأشهد ....وعيد سعيد عليكوا وإنتم بصحة وعافية...
طفل ما بذلتش أي مجهود في تربيته وتقويمه و بياكل جنك فود و سكريات وشيبسي ومصنعات ومابيشربش غير مشروبات غازية وعصاير ومتساب مع سمارت فون و ساعات مربية بدون توجيه وبيصحى باليل وبينام بالنهار في الأجازة هيطلع ايه غير مسخ عنيف مزعج لا هينفع في حياة أو شغل أو جواز و هيطلع عنيك
السمك والبيض بيظهروا البرد ده تخريف بالعكس السمك والبيض بيرفعوا المناعة ضد البرد والزوكام ...الحاجة الوحيدة إلي غلط تتاكل في نزلات البرد والزوكام اللحوم الحمراء لإنها بتقلل المناعة ضد الفيروسات و موضوع إن شوربة لسان العصفور مفيدة ده تخريف لإنها نشويات متحمرة في دهون..صدمتكوا!
خلف إلي تقدر تصرف عليه ..وتقدر تأكله صح وتقدر تعلمه وتقدر تعرفه الصح من الخطأ....مافيش حد أجبرك إنك تخلف عدد وتسيبهم لنظرية السقوط الحر هيقعوا زي ما يقعوا . بدون أي نوع من الرعاية والتوجيه . ولو معندكش إمكانيات الجواز المادية والنفسية...وتحمل مسؤولية طفل بلاش من الأول
صرف جزء من الدخل مهما كان يسير أو تخصيص وقت على متعة حسية أو معرفية .زي تعلم لغة أو حضور كورس حتى لو أونلاين.أو شراء كتاب أو زيارة متحف أو تمشية أو حضور حفلة موسيقية أو مشاهدة فيلم سينمائي بيضفي سعادة أطول من إقتناء شيء مادي زي الملابس أو الأجهزة أو الموبايلات أو الأكل في مطعم
مش هزهق .....الأكل المضاد للإلتهاب ant-inflammation foods إلي بيحمي من الأمراض وبيمنع مضاعفات الأمراض ....والأكل المسبب للإلتهاب المزمن وسبب لكل الأمراض ومضاعفات الأمراض مهمة من هارفارد
أنا مش عارف ليه نجبر بعض نزور من لا ترتاح له النفس في الأعياد .ليه بنعمل كده .ليه أجبر مراتي و ولادي يزوروا حد بيتنمر وبيتمنظر عليهم أو بيقابلهم وحش وأنا عارف إن ده بيحصل .في الآخر فاتورة ما أفعله من نكد وغم وأمراض هتفسد حياتي ..المنظرة والمظاهر والتنمر أفسدت العلاقات للأسف
ثقافة الإعتراف بالخطأ والإعتذار وإصلاح الخطأ مفقودة الى حد كبير في مجتمعنا .العند وقلة الأدب وقلة الذوق والتكبر والغرور والمنظرة منتشرة في كل الأوساط لإنعدام التربية..وللأسف الأم والأب ..بدفاعهم المستميت عن أخطاء ولادهم الموضوع بيتضخم وبيبقى علاجه صعب جدا .بشوف ده في كل مكان
#لصحتك. الكاكاو الخام والشوكولاته السوداء والقرفة والزنجبيل والفلفل الحار والحلو والشاي الأخضر والكركم وزيت الزيتون البكر وزيت بذور الكتان المعصور على البارد من اقوى مضادات الأكسدة وتعالج مشاكل ضعف الذاكرة وتدهن الكبد وتخفض الكوليسترول وتحفز المناعة ضد كل أنواع العدوى
البقوليات والخضار والسردين والماكريل والرنجة مع فراخ على خفيف .والفول السوداني الحلواني .ده أكل صحي واليوجا والمديتيشن.دول بيتعملوا بدون مدرب .والمشي في الشوارع..كل يوم ساعة مش مكلف وأكيد كل واحد عارف مكان يمشي فيه .ويوم أجازة إعمل عمل تطوعي ..وأكل كلاب الشارع وشوف النتيجة
الإندومي وكل النودلز الرخيصة عبارة عن نشويات بسيطة بتتهضم بسرعة بتتحول لسكريات بسرعة جدا فبتزود الإنسولين فبتجوع بسرعة وبتعمل تعب سريع وبتغير المود وبتزود الدهون الثلاثية فبتعمل تدهن في الكبد وزيادة إستهلاكها بيسبب الإلتهاب المزمن للأنسجة والأكسدة المسببة للمرض المزمن
لما ببتصاب بالكورونا وإنت ملتزم بالكمامات والمسافات الآمنة والتهوية الجيدة ومطعم ..الحمل الفيروسي بيبقى ضعيف .وأعراضه خفيفة وهتخف بدون مضاعفات في معظم المرضى لكن لو حضرتك سايب نفسك بدون إجراءات ممكن تتعرض لحمل فيروسي عالي يعملك إلتهاب رئوي ومضاعفات تانية كتير .الإلتزام مهم
أفضل مصادر الدهون هي المكسرات والطحينة والفول السوداني وزيت الزيتون البكر والأسماك الدهنية كالرنجة والسردين والتونة وبذور الكتان والشيا وهي مهمة لنمو وتطور الجهاز العصبي للأطفال والشباب جدا و لضبط دهون الدم والمناعة والوظائف الحيوية ومهمة للمخ والحالة النفسية والمزاجية
خليط الإهمال في الأكل وعدم ممارسة الرياضة وعدم إنتظام النوم والتوتر المستمر والمنبهات والتدخين مع الضغط العصبي وعدم وجود مخرج للتنفيس الضغوط بهواية أو رحلات أو مشي أو تأمل ...هينفجر على شكل أمراض مزمنة وجلطات وإكتئاب وأرق ومرض نفسي تنتهي بالعجز المبكر الكلي عن العمل والحياة
ماتزعلوش مني بس أنا شايف إلي بيشرب عياله مشروبات غازية وعصير وبيأكلهم جنك فود وشيبسي وبرجر وبطاطس مقلية ومخبوزات وحلويات وسكريات طول الوقت وسايبهم مع سمارت فون ...إنسان مهمل لدرجة الإجرام في حق ولاده في صحتهم ومهارتهم ومقدرتهم على الإبداع والعمل ....
لازم في الفطار في رمضان يكون المشروب صحي طبيعي مش مشروب غازي و مركزات أو مسحوق بيتدوب يعني خروب..كركديه..تمرهندي..منقوع البلح .والشوربة تبقى صحية خضار مشروم شوفان عدس .والطبق الرئيسي دهونه قليلة وخفيف ..وطبعا طبق سلطة منوع .والحلو فاكهة أو حلو خفيف الدهون والسكر..ورمضان كريم
ما تنتظرش من طفل أو شاب كل أكله تيك أوي وسكريات ومخبوزات وبيتزا وبسكويت ومصنعات لحوم وشيبسي ونودلز وكريب وبرحر وبطاطس مقلية وما بيشربش غير عصائر ومشروبات غازية. وبيقضي معظم وقته مع السمارت فون إنه يتفوق في الدراسة أو في الرياضة أو يبقى مبدع أو سلوكه يتحسن ..ده مستحيل؟!
العصائر البودرة والمشروبات الغازية ومعظم العصاير المركزات ديه تركيبات كيميائية من الجلوكوز والأملاح والألوان والمنكهات والكيميائية بترفع السكر بسرعة وبترفع الضغط بسبب الصوديوم و بتسبب حصاوي الكلى وإلتهاب المفاصل وبتضر الكبد بسبب الألوان والمنكهات الصناعية...
يلاحظ المعظم إتعود إنه يسمع شتائم وألفاظ نابية على سبيل الهزار أو الجد في كل مكان في الشارع في الشغل وسط الأصحاب في النادي في المصيف ...حتى في المدارس ...ومافيش حد بقى بيضرر من ده ..أنا ذنبي إيه أنا وأسرتي..أسمع ده .ليه الكل بيسكت ..ده بينرفزني جدا ..
الرضا وراحة البال والسكينة مش هتحصل عليها غير لما متطلباتك ومصروفاتك إنت وأسرتك تتأخر عن سرعة حصان دخلك وسيبك من كرباج المنظرة وكرباج المجتمع لإنه مش هيفيدك حتى لو هتنعزل عنه ...وبص للأقل منك لإنك لو دخلت السباق أكيد هتخسر نفسك وراحة بالك ...السباق ده سبب كل المشاكل
خدعة العصاير والتسويق ليها إنها فيها فوايد الفاكهة حتي الأنواع المكتوب عليها بدون سكر خدعة كبيرة جدا لإن العصير الطبيعي الفريش فوايده محدودة بسبب نزع الألياف وتركز السكر فما بالكوا بالمصنع إلي مليان سكر وألوان صناعية وأملاح ومنكهات..إشربوا ميه أو رايب سادة أفضل
أخلاق وألفاظ وسلوك الجيل المهبب إلي بتجيبولهم كل حاجة.وطول الوقت جنك وشيبسي وكولا وسكريات طول الوقت .مع سمارت فون وأي حاجة بيطلبوها وما بيعرفوش يعملوا حاجة لنفسهم ..مش هينفعوا لا في شغل ولا جواز ولا حتى هينفع يدرسوا وبيشتغلوا بره زي ما بتخططوا عشان ما تتصدموش
حد فيكوا إهتم إنه يعرف إبنه وبنته بيتعاملوا إزاي مع إلي أقل منهم في المستوى المادي أو الإجتماعي أو مختلفين في الدين أو الجنس ....أو حاول يعرف إبنه أو بنته بيتنمروا بزمايلهم إلي أقل منهم ماديا أو مختلفين عنهم ولا لأ ....لإن للأسف المعظم مش مهتم بده خالص ....وديه مصيبة كبيرة
خدعة توست الرجيم وعيش السن والحلويات الدايت والمكرونة الدايت وبسكويت الدايت والمربى الدايت والعصير إلي بدون سكر ..خدعة كبيرة وبتخلي الناس تستهلك كميات كبيرة جدا ويتسبب زيادة في الوزن ومقاومة إنسولين عنيفة جدا ..وبتمنع ضبط السكر عند مرضى السكر وطبعا مضاعفات ضخمة ياريت ناخد بالنا
مرضى كتير مزمنين خاصة مرضى الضغط والسكر والقلب..إلي بشوفهم لأول مرة في الكشف ومعاهم شنطة أدوية إن مافيش طبيب من إلي عالجهم كلمهم على نظام الأكل ولا الوزن ولا الحركة ولا التدخين ! النهارده مريض ضغط بياخد تلات أدوية مش جابين نتيجة كل أكله جبن ولحوم حمراء.؟! وفاكر إن الضغط هيتظبط
حجم الإصابة بالأمراض المناعية والأمراض المزمنة والإكتئاب والقلق والتوتر في سن صغير مرعب بجد ..بسبب. الأكل الغلط والمشروبات الغازية والمنبهات ومشروبات الطاقة وعدم ممارسة الرياضة والتدخين والسهر والمبالغة في إستخدام السوشيال ميديا وعدم وجود هويات وأنشطة تعمل تنفيس....
#لصحتك. ماتروحش مستشفى أو عيادة أو معمل أو مركز أشعة غير لإحتياج عاجل وحرج ما يتأجلش ...وطبعا ما تروحش فرح أو خطوبة أو عزاء أو أي تجمع أو تدريب أو كورس لمدة شهر على الأقل لحد ما تعرف فترة الحضانة للكورونا هتعمل إيه ...نصيحة ذهبية مهمة
العصائر البودرة والمشروبات الغازية ومعظم العصاير المركزات ديه تركيبات كيميائية من الجلوكوز والأملاح والألوان والمنكهات والكيميائية بترفع السكر بسرعة وبترفع الضغط بسبب الصوديوم و بتسبب حصاوي الكلى وإلتهاب المفاصل وبتضر الكبد بسبب الألوان والمنكهات الصناعية...إشربوا ميه أحسن
اغلى انواع ماركات مصنعات اللحوم من اللنشون والبسطرمة والسوسيس بتتصنع من اسوء انواع اللحوم مع دهون وأملاح وبهارات وبيضاف عليها املاح النترات وثبت انها بتسبب سرطان القولون فما بالكوا بالأنواع الرخيصة ..بلاش تعودوا ولادكوا ياكلوها ..أضرارها ضخمة على الوزن وعلى الشرايين وعلى المخ
كثرة تناول مضادات الإلتهاب المسكنة زي الكتفلام والفولترين والكتافاست والفلدين والبايبروفينيد..اتسبب في إنتشار قرح المعدة والإثنى عشر و خلل وظائف الكلى والكبد وعدم فاعلية ادوية خفض الضغط في مرضى إرتفاع ضغط الدم وفشل وهبوط عضلة القلب وتورم الجسم في مرضى إحتقان عضلة القلب
اضرار الديتول وكل المطهرات ومواد التنظيف اضرارها على المناعة وعلى الجلد والجهاز التنفسي ضخم جدا خاصة في الأطفال لازم نراجع نفسنا في إستخدمها بجد لإن القضاء التام على البكتيريا والفطريات بيموت البكتيريا والفطريات المفيدة وبيدمر المقاومة الحيوية وبيتسبب في الحساسية المفرطة
البقوليات والحبوب الكاملة والمكسرات وزيت الزيتون والطحينة والبذور والبيض وصدور الفراخ والأسماك والخضروات بأنواعها بتمنع زيادة إفراز الإنسولين وده بيساعد في الإحساس بالشبع لمدة أطول وبيمنع زيادة الدهون في الدم وبيقلل إحتمالية الإصابة بالسكر وأمراض القلب وتصلب الشرايين
أخطر أماكن تنقل عدوى الكورونا هي الأسانسيرات بسبب سوء التهوية ...ودورات المياه المجمعة في المولات والمطاعم وفي العمل..لإن البصق والتنخم بيساهم في نشر العدوى بحمل فيروسي مرتفع وطبعا الأكل والشرب الجماعي ..والمحلات الضيقة إلي مافيهاش تهوية وأي مكان مقفول الأبواب والشبابيك
أفضل مصادر الدهون هي المكسرات والطحينة والفول السوداني وزيت الزيتون البكر والأسماك الدهنية كالرنجة والسردين والتونة وبذور الكتان والشيا وهي مهمة لنمو وتطور الجهاز العصبي للأطفال والشباب جدا و لضبط دهون الدم والمناعة والوظائف الحيوية ومهمة للمخ والحالة النفسية والمزاجية
نقص الماغنيسيوم سبب للإصابة بمرض السكر من النوع الثاني وإرتفاع ضغط الدم والصداع النصفي وتقلصات العضلات والتوتر ونقصه شائع جدا .تعويضه ممكن من الموز والبطاطا والفول السوداني وأنواع المكسرات بدون ملح والسمسم والطحينة والتمر وبذور الكتان والقرع العسلي وبذور اللب الأبيض
البطاطا الحلوة عندنا رخيصة جدا بالرغم إنها أفيد من البطاطس والموز وفيها كالسيوم تلات أضعاف الموز بالإضافة للبوتاسيوم و الماغنيسيوم عشان كده البطاطا ممتازة للبيشتكوا من تقلصات العضلات والتوتر والعصبية الزايدة والصداع النصفي وبتساعد على التركيز ..
ايه الذوق المهبب وخلل المخ إلي خلى أي حلويات شرقية. بتضاف عليها نوتيلا أو لوتس....أو أي مصيبة تانية ..ليه التشوه ده ...كنت زمان بشوف كنافة بدوق على طول دلوقتي بخاف أدوق بسبب المصايب ديه ..غير طبعا كل الأضافات ديه أضرارها ضخمة كلها زيت نخيل وسكر زيادة ..وبصراحة طعمها وحش
بإختصار أي حاجة بتجوع وبتشجعك تاكل كتير منها تبقى بتعلي السكر بسرعة وبتعلي الإنسولين بالتبعية ..وده المخ بيدمنه ..وده حال معظم المخبوزات.لكن لو مخبوزات فيها دقيق عدس أو لوز أو حمص وحبوب كاملة ..وبذور قرع وسمسم وكتان ولب عباد شمس بجد هتشبع من شريحة واحدة بكتير ولو قدرت تكملها
البقوليات بالجملة لو إتنقعت من بالليل في البيت وإتسلقت وإتشالت في التلاجة والفول السوداني الحلواني بالجملة .مع خضار متنوع وخضرة وبيض وطحبنة وزيت وجبنة قريش وزبادي منزلي مع سردين معلب وفراخ أو سمك على فترات.. والفاكهة الرخيصة ده تكلفته قريبة من العك إلي معظم بياكله ومبهدل صحتهم
الي عنده مرض مزمن وبيشتكي من تكاليف العلاج يجرب يتراجع عن رغباته الغذائية الخاطئة الكتير ويلتزم بنظام غذائي يتناسب مع أمراضه وهيشوف تقليل واضح لجرعات الأدوية وعددها وثمنها بدرجة ملحوظة ومؤثرة جدا وهيقلل تكاليف الفحوصات ودخول المستشفيات ...وهيقلل الضغط على دخله بشكل كبير
أنا مش عارف ليه تبقى أم معدمة صحيا هي نفسها عندها لين عظام وأنيميا ...وعندها طفلين في المدارس معدمين صحيا زيها ...وشايلة طفل تالت عنده سنتين ...عنده تقزم شديد ...وزنه قليل جدا وشعره ضعيف جدا من نقص البروتين ولونه رصاصي ... بتعملوا كده في نفسكوا ليه نفسي أعرف وعشان إيه ؟!
الطفل إلي بتحلله الواجب وبتحفظه الإجابات وبتحضرله الجدول عشان يجيب الفول مارك وبتلبسه على مزاجك وبتلبسه جزمته وبتأكله بإديك وبتسرحله شعره وبتنضفه ...وماشي زي القطر عشان يجيب أعلى مجموع ...ويخش كليه على مزاجك وعمره ما أختار حاجة في حياته ...لازم يطلع فاشل روتيني ما عندوش إبداع