مرحبا أنا سجى مبرمجة من غزة
بين إيديكم سبيلنا الوحيد للنجاة بعد ما فقدنا الأمل إنه الحرب تخلص أو حتى نرجع على الشمال
أختي دكتورة في مصر عملت رابط تبرع عشان تقدر تجتمع فينا
ساعدونا ننجو بأرواحنا
You can know more details here
🙏🏻🤍please donate or retweet
من مهندسة برمجيات كان كل همها كيف تكتب كود برمجي خالي من الerrors لنازحة من بيتها بتحاول تتعايش مع واقع مُر فرضه عليها الاحتلال ..
ولكن"لي أحلامٌ تنتظرُني، لن يسلبني إيّاها أحد 🤚".
أنا جاية أقول بعد 210 يوم من النزوح والرعب والقصف والخوف وفقد قرايبنا وأصحابنا إنه
"
رفع اللّٰه شأن أصحاب السابع من أكتوبر وأورثهم الأرض
"
ولا عزاء للّي مفكرين جرائم الاحتلال وتدميره لحياتنا هيجبرنا نحرف البوصلة ونتخلى عن مقاومتنا .
من نص الموت والجوع يا معتز بقلك
الله يحمي المقاومةويحمي كل الي ضد السلام مع المحتل
الله يلعن التنسيقات ويلعن كل مين اخد طريق غير المقاومةفي تعامله مع المحتل،
الحمدلله على نعمةالعقل ولا حرج على البهائم الي بتتلقن الكلام تلقين،
اللهم لا تؤاخذنا بما فعل السفهاء منا،
الله يكملك بعقلك
بوسط الفزع والمجز��ة الي صارت اليوم
بوسط القصف الي ما وقف والردم الي صار يوقع علينا
صار قدامي مواقف والله مش لاقيالها أي تفسير تاني غير إنه الشباب المقاومين يستحيل يكونوا ناس طبيعية
يستحيل الي شفتو ما يكون مشهد من فيلم
أنا أقسم بالله مش مستوعبة لهلقيت
يا رب ثبت أقدامهم يا حبيبي
يعني هو لا قادر ينهي حكم حماس
ولا قادر يقضي على المقاومة
ولا قادر يلاقي الأسرى
ولا قادر يغتال القادة
ولا قادر يسيطر على القطاع
والمقاومين مش ملحقين يطلعولنا بيانات ومروحياتهم مش ملاحقة تنقل قتلى وجرحى
والعالَم الغربي بسببه عرف القضية ودعمنا
عن أي إنجازات تتحدث يا ابن اليهودية؟
جامعةفلسطين أعلنت باسم رئيس الجامعةإنه الجامعةأفلست وسمحت للدكاترةيسافروا أو يبحثوا عن عمل تاني بدون الحصول على إذن من الجامعة
3 سنين من حياتي خلص ضاعوا
3 سنين في طريق إني أكون مهندسة برمجيات طارت في الهوا
يرضي مين هالظلم يارب
الله يلعن الاحتلال أنا مقهورة والله العظيم
مؤذن مسجد القسام قوة قلبه تُدرَّس!
يعني بسم الله ما شاء الله الليلتين الّي عدّوا كنا نحكي مع هالوضع مستحيل يوصل المسجد الفجر ويأذن،ونلاقيه على موعد الأذان بيأذن عادي
اليوم قبل أذان الضهر ضربوا مأذنة المسجد قذيفة،كمّل أذان عادي..
وضربوها كمان مرتين وكمّل برضو
سبحان مُقوّي قلبه!
اليوم أطفال الحارة كانت لعبتهم كالتالي:
القسام بيعمل عملية خطف لجندي
بيخبوا الجندي في مكان سري
بيعملوا مع الجندي تحقيق
بيعرفوا منه معلومات خطيرة
بناءً على المعلومات بيعملوا كمين
كل الجنود بيموتوا
إسرائيل بتنتهي
سلمولي على قوة ردع الصواريخ الصهيوأمريكية ومجازرهم وحربهم الهفية😉
Update:
في أصوات جديدة بنسمعها من الكواد كابتر
- صوت اشتباكات
- صوت ناس بتمشي
- صوت اسعاف
- صوت سيارات
* طبعاً بعيداً عن المزح، في ناس بتكون ما عندها معلومات إنه الصوت مش حقيقي، فبتوقف على الشبابيك مثلاً وفوراً بيتم إطلاق الرصاص عليهم!
محتل سايكو ،مختل ولا يمت للعقلانية بأي شكل.
نُهجَّـر من بيوتنا ونسكن الخيام ولا نجدُ قوتَ يومنا وما زلنا مع المقاومة..
لا رأي آخر مسموحٌ به بيننا!
مع المقاومة قلباً وقالباً حتى وإن زاد الوضع سوءاً ..
خسئتم أن يُقال عنّا راغبين بالسلام 🤚
عزيزي الي بتطاول على المقاومة،
الليلة وانت نايم على فراشك في بيتك بين أهلك، في شباب اقتحمت كرم أبو سالم ولهلأ كاتمين على الحدث محدش عارف تفاصيل الي صار
يعني بايعين حالهم وحياتهم
سايبين عيلتهم وأطفالهم عشان الدين والوطن
وفي الآخر حد هلفوت زيك بيجي يبرم عنهم
بلا قرف
220 شاحنة مواد غذائية كان منسق إلها مسبقاً تروح على شمال غزة اليوم
بس كالعادة، الاحتلال لغى التنسيق ومنعهم من الدخول
شمال غزة ما فيها اشي صحي للأكل
والمعلبات الّي كلها مواد حافظة وقرف غالية ومش الكل بمقدرته يشتريها كمان
الناس بتموت من الجوع حرفياً!
#شمال_غزة_يموت_جوعاً
يمكن أكتر شيء مُفتقد في صلاة العيد هالسّنة هو طلّة شباب المقاومة البهيّة،
كانت صلاة العيد ما بتكمل إلا بوجودهم وبتوزيعهم حلو على الأطفال،
كان يا حظّه الّي تصحلُّه صورة معهم🥹
حبايبنا والله وتاج راسنا مفتقدينهم بشكل لا يُطاق،
ربنا ينصرهم ونرجع نشوفهم فوق الأرض تاني♥️
تخيّل يا عزيزي إنه قبل شوية حممت اخواني الصغار في هادا المكان في هالجو التلج؟ إخواني الّي ما كانوا يرضو يتحمموا غير لمّا نمليلهم البانيو مَي،
احنا الكبار بنتحمل وواعين للّي بيصير، بس الصغار شو ذنبهم؟يلعن الاحتلال وأصحاب السلام..
اللهُم لا اعتراض على حكمك،الحمدلله حتى في هالحال🙏🏻
حياتي واقفة؟ آه
مستقبلي ملامحه بتبهت؟ آه
خسرت أصحاب؟ آه
محرومة من أمان بيتي؟ آه
لكن
سخطي ونقمي مش هيغير الواقع
مش هستفيد غير إني هضيّع على حالي أعظم أجور ربنا خلّاني محظوظة في كسبها "الصبر، الرباط"
رضيت يالله وصبرت،
جازِني خير الجزاء
وعوضني أنا وكل أهل غزة عوض يقرّ عيوننا
آمين
الله يرحمه، ونعم النهاية والله العظيم
وإذا مفكرين علاء لحاله كان هيك موقفه فغلطانين
الموقف تكرر مع 3 قدامي على الأقل
ولليوم بفكر يا ترا استشهدوا ولا عايشين؟
نيال هالأرض بأولادها
نيالك يا غزة بحبنا الك نيالك
هذا البطل هو الشهيد
علاء زهد ، مواطن عادي في لحظة غير عادية اختار أن يكون بطلاً مقبل غير مدبر !
علاء لا يتبع أي تنظيم لكن بعدما سمع بأمر القوة الخاصة التي دخلت لمخيم النصيرات نزل بصدره العاري وسـلاحه الشخصي حافي القدمين ليواجه هذه القوة المتجبرة
استشهدد علاء برفقة أخيه بهاء
الاحتلال أعلن بدء عمليّة عسكرية على مشارف النصيرات،
طبعاً بينا وبينهم تقريباً شارع بس،
مفيش عنا طاقة نطلع من النصيرات وننزح على مكان تاني،
هينا قاعدين ومسلمين أمرنا لله
ضلكم متذكرين إنه المجازر والاستهدافات مستمرة بكل أنواع الأسلحة،
تنسوش تلعنوا الاحتلال، حسبنا الله ونعم الوكيل
حقدي كبير على الاحتلال،
حقدي كبير على حكام العرب،
حقدي كبير على كل متخاذل،
حقدي كبير على كل حد قادر يوقف الإبادة وما وقفها،
حقدي كبير على كل اشي حواليا..
مبارح الضهر صارت المجزرة
العصر كنت بدرس عشان عندي كويز
بكره حياتنا وكيف لازم غصباً عن حالنا نمشي يومنا بغض النظر عن نفسيتنا ووجعنا
يالله نحتسب كل هالمعاناة لوجهك الكريم
الحمدلله
مرحباً
عائلتي ترفض الخروج من قطاع غزة قطعياً،
بيتنا الموجود في الشمال المحاصر عاث فيه جيش المختل ما عاث من التدمير والسرقة،
وبالرغم من معارضة أهلي،أنشأت رابط تبرعات لعلّي أرفع عن كاهلهم ثقل التفكيرفي كيف سيرممون البيت بعد الحرب..
Help & retweet plz🙏🏻♥️
"الآن بيان مفاجئ لجيش الاحتلال
نهاجم في هذه الأثناء أهداف تابعة لحماس وسط قطاع غزة.
🔹على حسب البيان الجيش سيعمل في منطقة الوسطى "
أيوة هو نفسه المكان الّي جبر الناس في رفح ينزحوا اله،
بنتعامل مع محتل سايكو مجرم نازي بينتقم منا انتقام متعطش لدماءنا
أرنا فيهم عجائب قدرتك يا رب
مش عارفة أي انفصال عن الواقع هادا الي مخلي الناس قاعدين بيحضروا للعيد بأجواء طبيعيةزي كل سنة
ولا كإنه احنا في غزةقاعدين بنعيش أبشع أنواع الإبادة
يعني مش فارقلي الدنيا كلهاتعمل شو ما بدها بس ناس مسلمةزيهم زيي؟عادي؟
حاقدةعنجد على كل حد هيعيش الأجواءبشكل طبيعي
الله يحرق الكوكب كله
عندكم علم إنه الليلة الاحتلال تقدّم في مدينة الزهراء في الوسطى؟
وهاد معناه إنه ممكن في أي لحظة يتم تكرار الاجتياح البرّي للوسطى؟
مع العلم إنه الوسطى مليانة نازحين وأقل قصف هيصير هينتج عنه مجازر؟
ولّا صحيح العالم اعتاد المجازر،
يلا مش مهم.
السنة الّي فاتت زي هالأيام كنت نازلة تدريب Front-end في شركة ..
وفي شهر ١٠/٢٠٢٣ كان المفروض أبلش تدريب Back-end..
الاحتلال سرق مني ٤ شهور كنت مخططة إنهم هيكونوا بداية جديدة في حياتي!
صحيح قدر يسرق ٤ شهور، بس فشر إنه يقدر يسرق مني حلمي!
لنا عودة يا أحلامي المؤجلة♥️
في فئة من الناس بتتعامل مع المقاومة إنها صاحبتها الي المفروض تبرر وتعطي أسباب لكل حاجة بتعملها،
ما تخافوا
الّي تحمل ٢١٢ يوم عارف كيف يدير أموره منيح وقاصد بعملياته يوصل رسائل معينة للعدو
الموضوع مش مجرد عملية بتتم وخلاص!
اشغلوا لسانكم في إنكم تدعولهم ربنا يحميهم ويسدد رميهم أحسن.
أتممتُ اليوم22 عاماً و4حروب وجولات عدّة،
هكذا أُفضّل حساب عمري،
فالحمدلله الذي أنعم عليّ قضاءه مرابطة في أرضي،
صابرةً على ظلمٍ يفتت الروح،
مؤيدة للمقاومة،رافضة للسلام.
رب أدِم عليّ نعمك وثبتني على ما أناعليه،
ولا تجعل مسرّات الدنيا تُلهيني عن ديني ووطني.
تمنولي أنا وبلادي الخير♥️
بسم الله على مقاومتنا
بسم الله على قوتها
بسم الله على جبروتها
بسم الله على بياناتها الشافية لغليل أهل غزة
بسم الله على رجالها البواسل والروح الجبارة
يا رب ديمهم سند النا من بعدك يا رب
"بدكم الضفة تصير زي غزة؟" لأ يا عزيزي، الضفة هيصير فيها أسوأ من الي بيصير في غزة، الخذلان والخنوع بلشت تبين نتائجه،
المستوطنين بيسرحوا وبيمرحوا في القرى وحرقوا البيوت ومارسوا غطرستهم بكل أريحية
وينكم عن الي بيصير؟
لهالدرجة الذل صار هيّن عليكم ومتقبلينه؟كيف وليه ومن متى صرتوا هيك!
أتمنى بعد اليوم ولا حد يبرر تقاعس أهل الضفة عن نصرةغزة والمسجد الأقصى
سبتونا في غزة لحالنا، ماشي
بس اقتحام المسجد الأقصى؟
والتدنيس؟
وشتم الرسول بدون خوف ولا رادع؟
ولا حاجة حسستكم إنه لازم تنتفضوا؟
ولا حااااااجة!!!؟؟؟
والله دمي انحححرق من الي شفته
الله يلعن الذل والناس الذليلة
مقولة "الاختلاف لا يُفسد للود قضية" صحيحة في مواضع كتيرة
بس تيجي تختلف معي في شرعية المقاومة ورفض السلام؟
غور في داهية انتَ والود والعِشرة والعيش والملح
صار معيار تقبُّل وجود أي كائن ضمن دائرة "المعارف" هو رأيه في المقاومة.
مع حملة مقاطعة المشاهير الي صايرة بحمد الله إني من زمان مش عاملة فولو لحد منهم وشايفاهم ناس فاضية بإنجازات وهمية هتشويهم في نار جهنم،
هادا غير حياتهم الي لا تمت للمسلمين بأي صلةوعلاقاتهم الي كلها مصالح
ناس من يومهم هفايا كيف متوقعين أصلاً قضيتنا تكون عندهم أولوية؟
#BLOCKOUT2024
صراحة؟
منظر مهيب ما تخيلنا ممكن نشوفه في رمضان!
وطبعاً مش محتاج تفسير ليه سمحولهم هالسنة يصلوا بهالعدد المهول بسلام،
لكن خطرلي سؤال واحد
مفيش حد منهم متدارك إنه هالمنظر كلف أكثر من 31ألف شهيد؟
أحَب المشاهد لقلوبنا،
بس هالعدد قادر يعمل كل شيء الاحتلال خايف منه!!
شعور الخذلان صعب.
يلعن العالم الي مكتفي بالتنديد
يلعن حكام العرب الي الأشلاء والدم مش محركهم
يلعن كل متخاذل بإيده يعمل اشي ومش عامل
مش عاجبكم نكون أهل كرامة،بدكم نعيش تحت بساطير اسرائيل زيكم
الله يجعل دماء أهل غزة لعنة تلاحقكم حتى في نومكم
آه إلنا 170 يوم متمنيين حد يعمل نص مظاهرة حتى،
وشايفين خذلان وناس عايشة حياة طبيعية في ظل الإبادة الي بنعيشها،
بس تحرُّك ساعات من أهل الأردن خلّانا نرجع نحس إنه غالباً لسا في أمل وإنه زمن السكوت ولّى
حبايبنا الشعب الأردني🤍،
متفاءلة إنه الي صار هو القطرة الي هتكون بداية الغيث🫡.
تصدقوش الي بيحاولوا يبينولكم حلاوةعيشة الخيم
الخيمة هي أسوأ حاجةممكن يتصورها عقلك
شوب الخيم كإنك مرمي جوا النار
غير قرف الحشرات الي ولا بعمرهم مروا علينا
احنا بس بنضحك على حالنا لإنه انجبرناعلى هالعيشة
وقدامنا خيارين"نضحك على حالنا ونعيش"أو"نضل نفكر ونموت من القهر"
يارب ارحمنا
يا رب وقف إطلاق نار قبل رمضان
يا رب وقف إطلاق نار قبل رمضان
يا رب وقف إطلاق نار قبل رمضان
يا رب وقف إطلاق نار قبل رمضان
يا رب وقف إطلاق نار قبل رمضان
يا رب وقف إطلاق نار قبل رمضان
بعد هالحرب صرت فاهمةليه هالقد أجر الصبر عظيم،
صبرناعلى النزوح وعيشةالخيم
صبرناعلى قلةالأكل والمادة
صبرناعلى أصوات القصف والرعب
صبرناعلى فزعة قلوبنالما بنصحى في الليل على صوت الانفجارات
صبرنايا حبيبي يا رب في وقت عز علينافيه الصبر
"إنَّما يُوفى الصـٰبرون أجرهم بغيرِ حساب"
الحمدلله
فقدت الأمل من العالم،
من المسلمين،
من الفلسطينيين الّي برا حدود غزّة،
فقدت الأمل من القوانين والإنسانية والمحاكم،
فقدته من كل اشي وكل حدا
ومن كل مكان وكل زمان،
يا حبيبي يا رب أملي فيك انتَ وبس،
أملي في عدلك ونصرك لعبادك المظلومين،
أملي في انتقامك الي هيشفي غليلنا.
يالله بكفِّي.
ادعوا الحرب تخلص ونشوف تاج الراس رجال المقاومة فوق الأرض بيتمشوا بينا بعد كل هالشهور
ادعوا ربنا يريح بالهم ويعوضهم عن كل تعبهم
الشعب تعب وبده يرتاح
والمقاومين تعبوا وبدهم يشوفوا أهاليهم ويرتاحوا
الله يلعن الاحتلال
آخر كم يوم أي خبر قصف أو مجزرة أو إبادة بتصير باجي بدي أكتب عنها هنا،
أحاول أبين سخطي على حالة السكوت والاعتياد على قتلنا وموتنا
بس بآخر لحظة بمسح الكلام
أصله هكتب لمين؟ مين سامعنا؟ مين قلبه علينا؟ مين هيعمل حاجة؟ مين هيأثر فيه منظر أولاد بلدي وهم أشلاء؟
ولا حد
حرفياً ولا حد
من ساعتين اشتباكات وقصف مدفعي وقصف طائرات،
عارفة إنه الأخبار هاد صارت روتينية ومش مُستغرَبة،بس حقيقي كل دقيقة بتمر في هيك وضع بتاخد من عمرنا
ما تعتادوا الخبر، المشهد، المجازر،القصف، أخبار التوغل،التدمير،القتل
وما تفكروا إنه لما نحكي "رعب" بنكون بنبالغ،
احنا حقيقي عايشين في رعب.
من شهرين تقريباً كل التايم عندي عبارة عن نقاشات programmers و CS engineers مصريين و sources لمواضيع كتيرة و مصطلحات جديدة ما مرت عليا من قبل..
وبصراحة يا هيك التايم يا بلاش
متحمسة الحرب تخلص وأرجع أشوف كل تويتة عملالها bookmark
سفاحين يا زُملاء المجال المصريين🫡♥️
مع كل تخيُّلاتي -قبل رمضان- إنه هالرَّمضان هيكون تقيل، سيء، مش هنحس في أجواءه ولا هنعرف نعيشه،
إلا إنه سبحان الله كان خفيف زي النِّسمة، عشنا كل يوم بيومه وربنا هونه علينا بشكل ما توقعناه!
سبحانك يا رب، الحمدلله
صباح الخير
صباح صوت الزنانة الي مخلينا نعلي صوتنا لما بدنا نحكي مع بعض لإنه الصوت الطبيعي مش مسموع بسببها
الإنسان اشتاق لسَكينة وقت الفجر وهدوءه
الي صوت الزنانات مصمم يحرمنا منه
بيتفننوا في كيف ينكدوا علينا والله حتى أبسط الشغلات لازم يعكننوا علينا فيها
1948-2024
76 سنة
لا شيء ضرَّ القضية سوى محاولات السلام مع المحتل
لا شيء حرك العالم وغير نظرته للقضية سوى "7أكتوبر"
ولا شيء فضح ازدواجية معايير المنظمات سوى "7أكتوبر"
عاش أصحاب العبور المجيد
عاشت المقاومة 🫡
بنام وبصحى وأنا بدعي
يا مقلب القلوب ثبت قلوبنا على دينك
دينك الي بيقول
"اصبر وما صبرك إلا بالله"
و"إنما يوفى الصابرون أجرهم بغير حساب"
و"جزاهم بما صبروا جنةً وحريراً"
يا رب إذا جزاء صبري الجنة،
فكل المعاناة بتهون على قلبي مقابل ثانية في جنتك
الهمني الصبر دائماً وأبداً يا رب
يالله هوّن على الناس الي محاصرين في مستشفى الشفا،
يالله ارحمهم من همجية ونازية الاحتلال الملعون،
يا رب ثبِّت عبادك الصائمين المقاوِمين في الميدان،
حسبي الله ونعم الوكيل، حسبي الله ونعم الوكيل
ادعولهم بالله عليكم، ادعولهم كتير
الّي هيطلع سليم جسدياً من هالحرب مستحيل يطلع سليم نفسياً،
الواحد صار يعيش ساعات مرعبة في الليل
المدفعيات والكواد كابتر والزنانات كلهم شغّالين على نفَس واحد حرفياً
وشامين ريحة فسفور وبارود وغازات ما بيعلم فيها إلا ربنا
صابرين يا رب بس هالحياة فوق طاقتنا
ارحمنا برحمتك..
عارفين شو بعد الانسحاب من مجمع الشفا؟
هنشوف دمار وتخريب لا يستوعبه العقل البشري وهنسمع عن مجازر هتخلينا مش عارفين نعمل حاجة في يومنا.
احتلال ملعون كل أفعاله قذرة !
أهلي كل ما يتذكروا إنهم دفعوا رسوم الفصل الجامعي كامل الي ولأختي(هندسة برمجيات و طب أسنان) بتقرب تجيهم جلطة لإنهم راحوا هباءً منثوراً يُعتبروا😭😂
الله يعوضهم ويعوض كل مين فقد عمّا فقد 🙏🏻♥️
232 يوم أولاد الحرام بيسكتوا شعبهم بإنجازات وانتصارات وهمية كان آخرها تخليص "جثث" من القطاع
فرحانين بالجثث؟ أخدنا بدالهم طيب مبررووكين عليكم 🔥 🔥 🔥😂
الله يعز القسام فرحتنا لا توصف والله العظيم
اللهم لك الحمد حتى ترضى يا حبيبي يا رب
وديني دينُ عزٍّ
لستُ أدري أذلّة قومِنا من أين جاؤوا
أتوا بالجهلِ من أفكارِ قومٍ بلا دينٍ وغرَّهم الثناءُ
فلا طابت لهم فيها حياة
ولا لقوا في الدّنيا هناءُ
وعلى الهامش،
مكانة الإم الفلسطينية شرف كبير عليكِ وخسارة فيكِ،
كبيرك تكوني مكان الإم الإسرائيلية يا رانيا
الصهيونية رانيا زوجة ابو بنذورة، كل يوم أضع نفسي مكان أم إسرائيلية تعرض ابنها للخطف في 7 اوكتوبر.
كل يوم أضع نفسي مكان شاب اسرائيلي يرى الاضطهاد الذي تعرض له اليهود في أوروبا. انا متعاطفة معهم ، و بكل تأكيد يجب على كل المختطفين أن يعودوا لمنازلهم بأسرع وقت.
أنا نازحة من ٧ شهور
آسفة لكل حدا انجبر ينزح اليوم
وآسفة على الأيام الصعبة الي هتشوفوها وعلى الليالي الي هتقضوها بتفكروا في بيوتكم وعلى الذكريات الي هتاكل دماغكم طول الليل
وآسفة على كل مرة هتخلّص فيها طاقتكم وهتجبروا حالكم تكملوا يومكم غصباً عنكم
النزوح ذل
الله يهونها عليكم وعلينا
من بعد 7أكتوبر ما بشوف الدول الّي بتهاب من المحتل وحاسباله حساب غير إنها دول ضعيفة أو مناصرة للاحتلال أصلاً!
يعني حضرتك احنا أولادنا حرفياً من اللاشيء قدروا يعَيشوا الكيان حالة رعب ولهلقيت مش عارفين يرجعوا ١٪ استقرار للمستوطنين!😀
انتَ يلّي عندك جيش وأسلحة وعتاد،
شو مستني!!