اللي ما يفهم لا تحطّه راس مال
خلّه مـعـلّـق لا يجيك و لا تجيه
يصير " عاله " فـ البنات و فـ العيال
و الـعالـه الـلـي ما يــبـر بـ والـديـه !
#سهو_الكرشمي
الجديد ✋🏻
بين جمر و عسل سدر و طبيب الالام
و مايلات الغصون و بارزات العذوق
و غر سحبٍ بردها مثل لون العظام
ليلها ما يـزيـحـه غير لمع الـبروق !
الهوى ميزته خارج حدود النظام
" لا ينزّلك تحت و لا يطلّعك فوق "
اليا اختفى الحقّ و هل الحقّ اختفت
كبّر و هلّل لين يـاتـيك اليـقـيـن
اليوم لا تمشي قدم ما تلتفت
الغدر واجد و الفتن في كل دين
ان عاتبت يمناك فـ الوقت و عفت
و الاّ ما تحسب في عيون الآخرين !
#سهو_الكرشمي
لا كل رجال تناديه رجال
ما كل اسم رجال يحمل رجوله
كم واحدٍ رجال يا راحم الحال
رجال ما يسوى مشرّك نعوله
ميت ضمير و ناقص اقوال و افعال
اصيل و الهافين " فعله " و " قوله "!
حنا عتيبه مروية حد الرهيف
اليا عطينا وجه ما نعطي القفا
الطفل والعذرا والاعزل والكفيف
ما قط ّسهْم ايماننا فيها هفا
اليا قدحنا الزند راح الخصم ليف
وش دور نار الليف في صم الصفا ؟
على كذا ياصاحبي ليش اصاحبك
صحبتك ماتسوى قصيده و فكره
والشعر سبك وحبك والسبك والحبك
ماهوب سلك تدرجه فوق مكره
لكن صك الشبك لا تفتح الشبك
الشبك شبك الطير و الوكر وكره
مانيب فاضي بـ اتفه اسباب اعاتبك
مير اذكر اللي يشرح الصدر ذكره
انا كذا يعجبك والا مايعجبك
العقل نعمه بالعقل حب و اكره
السؤال اللي مِـنِـه يستحي " وجه الجواب "
" ول " ياوجه السؤال القوي كيف طرحه ؟
و الجواب يخاف قدم السؤال من الـعـتـآب
و العتاب لـيـا لـقـى خـصم ناعم يجرحه !
#سهو_الكرشمي
يا لابس ثياب غيرك ما تجي قدّك
غدا بك اكذب مثل ما فصِّل الاّ لك
ان كان فعلك وقولك واقفً ضدّك
لا تلحق الوقت لوم و لا يهيّا لك
البس ثيابك و اقف كلّك على حدّك
ما يخدع الناس وش لونك ؟ و وش حالك ؟
ثوب ما هوب الك ما يسترك لو ودّك
تكبر مع الناس به و تكبّر ظـلالـك !
لا شفت باب الشر مفتوح صكه
الشر بابه لا تخلّيه مفتوح
وان شفت بابه منقفل لاتفكه
الشر بابٍ ما يجي منه مصلوح
وان شفت احد في دايرة شك شِكّه
و قله على سطح البحر يطفح اللوح
بعض الحياء ما ياسعه باب مكّه
عسى ضميرٍ ياسعه يلفظ الروح !
#سهو_الكرشمي
مانـي محاسبـك وانتـه لا تحاسبـنـي
ما اصغر من العين والدنيـا ماتملاهـا
لو كـل من يـعجـب عـيونـي يـصاحبـني
ماشفـت عـيـنٍ عـلـى غـالـي نـثـر مـاهـا !
#سهو_الكرشمي
ازعلتني وارضيت غيري و لاهنت
و لا عاش من يرضى عليك الاهانه
تمون تزعلني وانا ازعلك ما منت
من كبر ما لك في الضماير مكانه
عزالله انك من فوادي تمكنت
وعلى فؤاد الحب يشهد لسانه
يالادمي من خاطري وين ماكنت
خذ كلمة تعطيك درس وحصانه
تدري متى يموت حبك ؟ اذا خنت
الذنب يغفر غير ذنب الخيانه
يا صابر الصبر صبر و صبر
صـبـرٍ جـمـيـلٍ و صـبـرٍ سـي
الـصّـبـر حـق و كمال و جـبـر
و في كل شي اصـبـر الاّ شـي
الاّ عـلـى الـعـار صـبـرك قـبـر
صـبـرك عـلـى العار قبرك حي !
#سهو_الكرشمي
لا تعذّبني تراني ما اتحمّل
ما اتحمّل منك تعذيبي كذيّا
اقدر آقول الك يا خلّي تجمل
ان تهيا شي و الا ما تهيّا
يا ايهـا المزمّل اللي ماتزمّل
ما على زمالة امثالك رهيّا !
كانّك في الحب ذابحني مصمّل
انتبه ربعي ترى فيهم حميّا
لو تعرف أن الليال السود حِمّل
ماطلعت من الثرى فوق الثريّا :)
يا راعي النّجل الوساع النواعيس
غيبتك عن عيني تغيّب نعاسي
يا اكبر هموم القلب وارقى الهواجيس
الي لها اتعب فكر عقلي وراسي
ماتقدر الحب الشريف "الدنافيس "
نصيبها من كل شي الطفاسي !
اكبر ضحايا الحب أكارم وفرّيس
روس النشامى مبعدين المماسي
#سه��_الكرشمي
بضيافة السمار في قصر المضيف
مضيف ابن سمار ميدان الضيوف
يا مرحبا حييت يا الحيد المنيف
يا بن دغيثر جعل تفداك الضعوف
يا مرحبا ترحيبة القلب النظيف
قلب ما يسمع في غلاك و لا يشوف
#عبدالله_بن_دغيثر
@bindgether
@BenDegaither
#عتيبة
خواطر الشاعر تداعب مزاجه
من خوف تكتب فكرته مصدر ازعاج
العمر مرّه و اول العمر حاجه
اوّل و تالي ميّت و حي محتاج
الاغنياء مثل الفقارى تواجه
اللي ما عانو من فقر عانو احراج
#سهو_الكرشمي
ياللي لقيتك ليتني مالقيتك
والله لو انّي مدورك ما القاك
لكنّ أخذني معك ولا خذيتك
القلب مايدله ويـسلى بلياك
خلك معي وان رحت عني بكيتك
وعقب البكى ماعاد ينفع وش ابكاك
خلك وفي يطلع مع الناس صيتك
صيت الصويتيات في الخيل ما اكفاك؟
أهم ما معطيني الله عطيـتك
بس انت ويش أعطيتني غير فرقاك ؟
يا زين لا تمزح ترا المزح مسموم
سـمٍ تـسـاقـى بـه عـروق الفـوادي
تراني اضحك لك وانا منك مهموم
هـمّـك و تـعـذيبك شـرابي و زآدي
آخذ و افكّر فـيـك و تـقـول مـنـجـوم
مـنـجـوم لـيـل و في مـتـاهٓه و غآدي !
آخذ معك غفوه مثل غفوة النووم
و اليا استعدت الذاكره قلت : عآدي :)
صاحبي دونه من الوضع ما يبحث خفاي
العدو و البعد من دون خلّي حايله
يا هواي الي مخفّيك عن رايح و جاي
لا تذكّرني وداع الدموع السايله
يوم كلّمتك على شان ما تنسى هواي
آخذٍ رقمك من انسان ماني قايله
منك صايبني بلا بس مدري وش بلاي
و الهوى جوره يورّي نجوم القايله :)
اليا حداني يا رشيد اشهب اللال
ما والله انصى غير روس الرياجيل
ما يـنّـصـى فـ الـلازمـه كـل رجّـال
اعرف جمال الحمل والحط والشيل
الـلّي لـهـم فـي قـمّـة الـعـز مـنـزآل
مثل القمر و الشمس والجدي وسهيل
صاحبي دونه من الوضع ما يبحث خفاي
العدو و البعد من دون خلي حايله
يا هواي اللي مخفّيه عن رايح و جاي
لا تذكرني وداع الدموع السايله
يوم كلمتك على شان ما تنسى هواي
اخذٍ رقمك من انسان ماني قايله
منك صايبني بلا بس مدري وش بلاي
و الهوى جوره يورّي نجوم القايله !
#سهو_الكرشمي
#سمارات
للشعل #سمارات الاول والرديف
يااللي تنافسها على الرقمين افا ..
و يا #الحاكمة مالك حليّ و لا وصيف
بذّي خفا اللي ماعرف بذّ الخفا 🔥🔥
كلمات : #سهو_الكرشمي
اداء : فهد بن فصلا
#شيلات_الروقي
اي والله اللي دوّر الارض و الفُلْك
لـ آموت و آنا ما نسيت آمعروفك
تضحك لي الدنيا ليا من ضحكت الك
و اتخيّلك تضحك لو اني ما اشوفك!
كنّي على شاطي البحر مالك ملك
يوم انّي املك في الضماير وصوفك
يا ملك لا يا اغلى ويا اكبر من الملك
لا واهنيّ اللي تحضنه كفوفك :)
#سهو_الكرشمي
يا بـندق الحـب مـزهـافـه
بـ يدين جاهل و متعافي
اليا خذا الثوب بأطرافه
كنّه يورّيني الـخـافـي ..
و ما يارد العد لا عـافـه
الذيب و عيال الاشـرافي :)
#سهو_الكرشمي
الجديد ✨
بمناسبة تكريم أهالي الحبابية لـ الشيخ حامد بن سمار مالك منقية سمارات
@hamed_alsmar
لـ فوزه في مهرجان الملك عبدالعزيز للإبل ومهرجان قطر للإبل 🥇🥇
حنا يا تاريخنا..حنا
شمس ما جاء دونها فيّه
كلمات : سهو الكرشمي
اداء : خالد ال بريك
#شيلات_الروقي
لو كل من زل يِسمح ليه ليا زلّي
ما شفت بين العرب تستَغرَب الزلّه
وش لون أسامحك وانت تصوم وتصلّي ؟
رفع القلم عن " ثلاثه " غيرهم لِلّـه
عرفٍ هذاه اوّله عرفٍ يا مال اللَّي
علّه و لن طال صار اكبر من العلّه
ولا الله جعل مشكل الا له جعل حلّي
و الحل للمشكل " الفرقا "هذا حلّه " !
يا مرخي الغطوة اللي تقصر الخطوة
اللي بـ زينك تشيل القلب و تحطّه
شدّيت الاعصاب بـ إرخايتك للغطوة
تكفى تـرى المعنويّة منك منحطّه
أنا اشهد انك بـ سيف الحب لك سطوة
وانا اشهـد انـك تحبك و ترسم الخطّـه
حـالٍ طـواه الهـوى بـ يديـك هـاك اطـوه
و إليـا طويـتـه عـلـى كيـفـك شـلـه وطّه :)
يـا السيوف ويا البشوت ويا الاصايل
عند بعض الناس وجدانك ظليمـه
الك اهل تاريخ من حضر و قبايل
بس تال الوقت ما عاد الك قيمه
كل خبل ٍ جاك مايل ومتمايل
لو ماله لاشـداد ولا قـديـمه
الخبول اللي يضيعون القوايل
شرّهوا تال الزمن فـ " شـداد ريمه " !
يستاهل ابو مشاري و هذي ابيات سابقه من ضمن قصيده :
المهم اللي يقدّم للمهمه
تاكله كبده على جزل المعاني
مورد الهياب من خاله و عمه
شارب فنجال ذربين اليماني
يا قصيد المدح لوّ تقول سمه
فيه احد ما يعرف "سهيل اليماني "؟
اسم " مسعد " بين اسامِ القوم قمه
مثل برج المملكه بين المباني
نظمت لي من بيوت الشعر منظومه
ماهي نظم بس مثل النظم ناظمها
بعض الرياجيل ودّك تاخذ علومه
و بعض الرياجيل ودّك ما تعلَّمها
عن عالم العولمه تكفيك معلومه
تلحق على عالم ماهوب عالمها !
#جديد
يانار هم الزمان وجرح قلب الجريح
الـلّـي تـعـذّر علاجه كَـمْ جـرّاحـيـه
الناس تحكي خطا والناس تحكي صحيح
وبـحـكيـها يحكي المجنون والـصـاحـيـه
داخل حدود العقل كلمة لسان الفصيح
وخارج حدود العقل حرام الافـصـاحـيـه !
كبروا ليبلغ تكبيركم عنان السّماء
كبرو فإن اللّٰه عظيم يستحق الثناء
اللّٰه أكبر ، اللّٰه أكبر ، اللّٰه أكبر
لا إله إلا اللّٰه، اللّٰه أكبر ، اللّٰه أكبر وللّٰه الحمد
(أحيوا سنة التكبير في هذه الأيام الفضيلة)