محمد رمضان حد من بلد جنبنا اتواصل معاه علشان يتبرع بوحده غسيل كلي وحضانه للبيبهات علشان المستشفي العام و امبارح بعت اخوه بالحاجات دي.. زي مابنقول الوحش نقول الحلو برضه جازاه الله كل خير
انا اسفه والله مش قادرة ارد علي حد معلش سامحوني بس هي النتيجه ايجابيه والمشكله اني عديت ماماولو جرالها حاجه حبقي انا السبب فادعولنا بس ويارب ماتشوفوا شر ابدا
اقولكم حاجه مش كل ست عندها رفاهية انها تطلق لو جوزها هانها او ضربها اعرف ستات بتنضرب ولما تروح لأهلها يرجعوها ويقولولها الست مالهاش غير جوزها وفي ستات مالهاش مصدر دخل فمضطرة تستحمل علشان خاطر مالهاش مكان تاني فمش معني ان واحده استحملت يبقي معندهاش كرامه ...الله اعلم بظروف الناس
انا بستغرب الرجاله اللي بتتكلم عن مشاعر الستات بصفة الخبير يعني ..عزيزي الرجل احنا بذات نفسنا ساعات كتير مش بنفهم نفسنا حتييجي انت ياللي مش بتعرف تفرق بين اللون الأبيض والاوفوايت تعمل فيها عالم الستات امشي ياض العب بعيد🙄😂😂
عزيزتي الام اللي ابنك عايز يرتبط بواحده مطلقه المطلقه مش عيب المطلقه مش شمال المطلقه ست قويه بتحارب لوحدها في مليون جبهه المطلقه ست قدرت تواجه مجتمع متخلف من غير ما تخاف منه ولا من نظرتها ليه المطلقه ممكن تبقي بنتك فاتقوا ربنا في بنات الناس علشان الناس تتقي ربنا في بناتكم
اما تلاقوا حد بيدور علي شغل وخصوصا لو متجوز وعنده ولاد حاولوا تساعدوه علي قد ماتقدروا.. ربنا يبعد عنكم شر كسرة الخاطر بأن بيتك يبقي محتاج حاجات وانت مش قادر توفيها
بمناسبة خناقة المرتب اللي دايرة دي صاحبتي مامتها كانت دكتورة جامعه وباباها كان موظف كانوا بيقبضوا اول كل شهر ويحطوا مرتباتهم علي بعض في درج ويصرفوا منهم محدش،فيهم قال خدت ايه والا ليه فضلوا متجوزين ٤٠ سنة ولما ماتت مااستحملش ومات بعدها بشهرين ..البيوت بتعمر كده ياحبايبي 💙
اقولكم حاجه لو جاتلكم فرصه جواز تانيه كويسه سواء كنتي أرملة او مطلقه اتجوزوا وماتترددوش شرع ربنا معمول علشان ننبسط في الدنيا ومانحرمش نفسنا من متع الحياة وسيبكم من كلام الناس محدش حينفعكم وانتم عايشين لوحدكم في الاخر مش لاقيين حد تكلموه او حد يفتح عليكم الباب
امبارح بقول لماما عندي ٥٠٠ مكالمة و٢٠٠٠ مسج علي الواتساب وزيهم في تويتر قالتلي هي حاجه مجهده بس في نفس الوقت حلوة علشان في ناس بتحبك ومهتمه انها تعيد عليكي ❤️
في ناس وسطنا عندهم حد غالي عليهم ميت وناس مريضه بامراض مزمنه وناس سابت شغلها ومش لاقيه شغل تاني وعليها التزامات وناس حاسه بوحده وقلبها مكسور ومش كل الناس بتحكي ظروفها ..الناس دي جايه تستخبي وسطنا تتونس بينا فخلينا مصدر طاقه ايجابيه وحاولوا تخففوا عن بعض ولو بكلمه لطيفه❤
ابن زميلتي كان في الشيخ زايد راكب موتسيكل وعربيه خبطته وجريت الولد قعد ينزف اكتر من نص ساعة ومفيش عربيه رضيت تقف غير امين شرطه معدي لقاه وقف طلبله الإسعاف وراح معاه المستشفي وبقي يلم الناس علشان تتبرعله بدم لانه نزف كتير جدا وفضل معاه لحد مااهله جم من طنطا.... لسه فيها نخوة❤
بمناسبة النفاق زميلي ومراته طول النهار يشتموا في الجيش وانهم حراميه وكده يعني ابنهم نجح في ثانويه عامه بيكلموا طوب الارض علشان عايزينه يدخل فنيه عسكريه ودلوقتي تسمع كلامهم عن الجيش والوطن تبقي عايز تعيط من قرفك منهم
عايز ترتاح هنا ماتدخلش نفسك في اي حوارات او مشاكل بين ناس وبعضها لانها ماتخصكش اساسا وماتنحا��ش لحد ضد حد وماتحكمش علي قصه تتحكالك من طرف واحد علشان غالبا نصها حيبقي كدب ..الحياة مليانه مشاكل اساسا مش ناقصه فرهده هنا كمان
عايزة اقولكم حاجه ماتدخلوش حد بيوتكم ماتقولش ده صاحبي ولا تقولي دي صاحبتي وتدخلوهم بيوتكم ويتعرفوا علي مراتتكم او اجوازكم.. الناس بقت زفت وكل يوم الواحد بيسمع قصص مرعبه خيانه وغدر وقرف وماحدش بقي بيصون العيش والملح إلا من رحم ربي
في ناس حياتها بتقف علي 20 جنيه ياجماعه في ناس ممكن تتنتحر علشان مامعاهوش 5جنيه في ناس بتبقي عيانه ومش قادرة تقف وبتنزل تشتغل علشان في عيال في رقبتها عايزة تاكل ماينفعش اقول علي حد انه معندوش كرامه علشان قبل وضع انا عندي رفاهية رفضه
البلد دي غريبه والله تبقي ساحلاك ومبهدلاك ومطلعه عينك ونفسك تهج منها بأي طريقه ..ويوم مايبقي فيها مصيبه تلاقي نفسك منهار وحالتك بالبلا كأن المصيبه دي في بيتك ماهو مفيش اي مبرر يامصر يخليني اعيط اول مااعرف ان السفينه اتحركت غير انها كانت واقفه في بيتنا ❤🇪🇬
مفيش فرقه بتخسر علشان النجاسه ياحبايبي لعيبة أوروبا عايشين مع صاحباتهم من غير جواز ومابيخسروش والحياة مش سهله اوي كده علشان انتقام ربنا يحل علي المنتخب بعد نزول ورده بطلوا تفرعوا القضايا وتخلونا نتكلم في فرعيات فاضيه ونسيب المشكله الاساسيه
ابو حنيفه رفض يصلي الجنازة علي جاره السكير فجاله في المنام وهو في الجنه وقاله الحمد لله ان حساب البشر بأيد ربنا مش بايدين ابو حنيفة لما راح ابو حنيفه سأل مرات الراجل هو كان بيعمل ايه في السر قالت له انه كان بيكفل يتامي ...الحمد ليك والشكر ليك ان حسابنا برحمتك ومغفرتك يارب❤
اعرف واحد اتجوز واحده اكبر منه بتسع سنين وكان عندها ولد كمان وشكلها عادي ومش غنيه حتي واتحدي الدنيا كلها علشانها وعاشوا مع بعض اكتر من ٣٠ سنة هي ماتت من كام سنة وهو لسه عايش واللي بيراعيه ابنها لان ولاده منها مسافرين برة ورفض تماما يتجوز بعدها ..لاتسأل قلبا لماذا احببت❤
لقد عاد مغردكم الكيوت 😌 طيب والله وحشتوني جدا وافتقدتكم جدا يعني واسفه اني قلقتكم بس كنت بفصل شويه ميرسي لكل حد سال عليا والله بجد بتكسفوني بحبكم وذوقكم ❤️❤️
بونجور قمر زيكم 💜💜
انا جيت علي فكرة وقلبي بيقولي كده انكم افتقدتوني ..اي حد ماافتقدنيش هو الخسران علي فكرة😌😂كل سنة وانتم طيبين ياحلوين عيد سعيد عليكم وعلي كل حبايبكم يارب❤️❤️
شفت فيديو لواحد دخل أوضة العمليات يعمل الزايده سألهم فين موبايلي قالولوا مع مراتك طلع يجري لقاها خدت العربيه ومشيت وسابته.. الدرس المستفاد ابقي خد صاحبك معاك واديله تليفونك قبل ما تدخل أوضة العمليات 🙄 لو مالكش أصحاب مش لازم تعمل عمليه الأعمار بأيد ربنا ومحدش بيموت ناقص عمر 😌
اعترفلكم اعتراف انا فعلا بحبكم جدا وبعتبركم عيلتي وبزعل علي زعلكم وبقلق علي اللي عنده امتحان وبشيل هم اللي في مشكله وبفرح لفرحكم انتم غاليين عندي جدا والله ..يارب مااشوف شر ابدا في حد منكم❤
عارفين لو الركاب اتدخلوا يمكن محمد ماكانش مات
لو الناس اللي في الشارع كانت مسكت راجح وهو بيجري ورا محمود بدل مابيعملوا مظاهرات بعد مامات يمكن كان زمان محمود لسه عايش
لو جيران جنه بلغوا لما سمعوا صريخها وهي بتتعذب يمكن جنه كان زمانها لسه بتلعب مع اختها
افه حارتنا وانا مالي
وتكتشف فجأة بعد رحلة طويلة....
أنك لاتريد أن تكون الأفضل في هذه الحياة...
كل ماتريده أن تجلس هادئ البال معتدل المزاج ..لاتأبه لأي شيء...وراضي عن كل شيء...
د.احمد خالد توفيق
بونجور قمر زيكم 🖤
انا مش بعمل الفولو باك علشان معجبه بسواد عينيك الفولو باك بناءا علي انك زملكاوي/ه او بتتفاعل معايا كتير او فتحت اكاونتك لقيت كلام او صور حلوه .. بناءا عليه اللي حعمله فولو باك والاقيه ناططلي في الدي ام او داخل يحلو حيتبلك من غير ولا كلمه ☺️
احنا شعب متدين بطبعه بس بنعاير اللي اتأخرت في الجواز وبنبص للمطلقه انها شمال وبنتصعب علي اللي ماخلفتش وبنتريق علي شكل الناس وبنتنمر علي اللي لونه مختلف عننا او اللي وزنه زايد وبنستقوي علي الغلبان وبنمن عليه بالصدقه.. بس احنا متدينين بطبعنا
طيب انا قلت ماينفعش العيد يعدي من غير مااقولكم كل سنة وانتم طيبين غير انكم وحشتوني جدا بقي الاهم اني مش عارفه اقولكم ايه علي كل الحب والدعم اللي شفته منكم ❤ربنا يراضي قلوبكم ويفرحكم ويبعد عنكم كل شر يارب ❤❤❤
شويكار قالت لفؤاد المهندس في مسرحية سيدتي الجميله
الشمس حتنور مش حتضلم من غيرك
والأرض حتمشي مش حتفرمل من غيرك
وانا حفضل انا مش حموت من غيرك
الكلمتين دول يتبروزوا أقسم بالله❤
هو انتم بتتكسفوا تقولوا ليه ان اي انجذاب اساسه جنسي مش معني كده انهم بيمارسوا الجنس المقصود ان الناس بتعجب بنوع بعض اللي هو راجل وست بعد كده ندخل في مرحلة المشاعر ماهو لو الانجذاب ماكانش اساسا كده ماكانش بقي في جواز علشان تهذيب العلاقات ووضعها في إطار حلال وعدم اختلاط الأنساب
ايه كميه البنات اللي فى الشوارع دول ولابسين بناطيل ضيقه ومبينين رقبتهم ومطلعين شعرهم من قدام وكاشفين رجليهم من تحت!!!!!!!
مش معقول يعنى كل البنات دى ملهومش رجاله فى البيت ؟!!!
لما بابا مات تاني يوم الصبح كنت فاكرة الشمس مش حتطلع بس الشمس طلعت والناس راحت شغلها والحياة كملت وانا واخواتي مشينا مع الناس وحياتنا كملت هل معني كده اننا نسيناه لا طبعا بس هي دي سنة الحياه انها بتستمر
صاحب اخويا كان واقف عند الATM لقي ست كبيرة واقفه وفي ولد واقف مركز معاها جدا فافتكره حرامي فخاف وقرب من الست وشوشها انها تاخد بالها من الولد الست خدت الفلوس وهو نزلها من علي الرصيف اول مانزلت بصت للولد وقالتله مش قلتلك تلبس كويس وانت خارج معايا بدل ماانت جايبلنا الكلام كده🙄😂
المال هو ادني درجات الرزق .والعافيه هي اعلي درجات الرزق .وصلاح الأبناء هو افضل الرزق ..ورضا الله تعالي هو تمام الرزق ...
د.مصطفي محمود
بونجور حلو زيكم ❤️
الي من يهمه الامر:
هل تعلم وانا عارفه انك تعلم بس قلت اقولك زياده تأكيد
ان الناس بتتطلق دلوقتي علشان مش عارفين يعيشوا بسبب الفلوس
ان في ابهات مش عارفين يبصوا في عين ولادهم علشان مش عارفين يعيشوهم في الحد الأدنى من الحياة الكريمه
@Zoz19277
يبدو انه الطف يوم في التاريخ اليوم اللي اتولدت فيه نصي التاني كل سنة وانتي معايا وفي قلبي كل سنة وانتي نعمه دايمه مش بتزول ابدا كل سنة وانا بحبك كل سنة وانتي ست الهوانم والليديهات اللي في الدنيا كلها وعقبال سنين كتيره كلها فرحه وهنا ومراضيه لقلبك الحلو ده ❤️❤️❤️😍😍😍
اتقوا الله في أعراض الناس علشان تلاقوا اللي يتقي ربنا في اعراضكم
استروا الناس علشان تلاقوا اللي يستركم
ماتنشروش فضايح حد علشان الزمن دوار
ماتفتكروش ان فضح الناس حتي لو هما غلطانين ده حيعفيكم عن السؤال قدام ربنا .. وعند الله تجتمع الخصوم
اشخبطلكم شوية عن الرجاله المتجوزين اللي بيخونوا مراتتهم
بصوا هما كذا نوع ..اول نوع ده الصريح اللي هو انا متجوز ومراتي كويسه بس انا طفس وعيني زايغه اعمل ايه خلقة ربنا حنعترض يعني وده بيبقي مقضيها وقت لطيف مش اكتر شويه ونسيب بعض وانتهينا والا من شاف والا من دري
صاحبة اختي في جروب ماميز مدرسه انترناشيونال الاول قالوا ان في حالات في المدرسه قالتلهم قولوا اساميهم نتصل بيهم ماردوش عليها بعد كده قالوا ان فيه مصل ب7000جنيه معمول للاغنيا قالتلهم احنا اغنيا قولولنا هو فين نشتري�� قاموا طاردينها من الجروب باعتبارها مثيرة للشغب😍😂😂