طبيبة أسنان ٢٥سنة خريجة الجامعة البريطانية،أنهت حياتها بالسقوط من شرفة منزلها بالدور الخامس تقول صديقتها أنها كانت تشارك معهم صور الكدمات واثار العنف على جسدها ووجهها بفعل ضرب الأب،الأم والأخ الأصغر قبل الحادث بيوم كانت قد عادت إلى منزلها بعد أن تركته يائسة من الخلاص👇🏻ارفضي العنف
الطريقة الوحيدة اللي تحمي بيها بنتك من خذلان الزوج أو غيره هي إنك تربيها باعتبارها مسئولة عن نفسها معنويًا قبل ماديًا الطفلة بيتكون وعيها المبكر في ان كفالتها في كنف آخر هي حق وانه لا يمكنها الصمود ومواجهة الحياة اللي مش بعبع بس احنا اللي بنكسر جناحات بناتنا وبنقزمهم ونرجع نعيط.
" إنما تُجالسوننا بالأمانة، كأنَّكم تظنُّون أنَّ الخِيانة ليست إلاَّ في الدِّينار والدِّرهم، إنَّ الخيانة أشدَّ الخيانة أنْ يُجالسنا الرجل، فنطمئن إلى جانبه، ثم ينطلق فيسعى بنا "
الحسن بن يسار البصري
إمام وقاضي.
بسنت شوقي لازم تتهاجم بتعمل كل نص ساعة فرح ماهي ست متحققة متعلمة اشتغلت واتوظفت في البنوك سنين كانت تطلع من مكتبها على التصوير والعكس شقيت على علاقتها بفراج وقبلها علاقتها بنفسها، ما اتجوزتش غير لما اقتنعت وتأكدت واختبرت علاقتهم مهمهاش انها كبرت مقلقتش مهمهاش انها جامعة امريكية/١
في الصورة دي امبارح قعدت اقول ايه العلبة الزرقا دي لغاية ما عرفت انها (good water ) مياه صناعة مصرية في عبوة صديقة للبيئة مصنوعة من مصادر نباتية، (بوليمر مشتق من قصب السكر) حضرتك بعد ما تشربها، نزرعها تاني ! غير حمايتها للمياه من الضوء 🇪🇬
الشركة الفرنسية التي تدير المترو فسخت عقدها مع غادة والي وفي الطريق إلى تغريمها لمخالفتها العقد بتصميم مسروق، إلى دينا، ياسمينا،نيرمين،سارة وحبيبة حقكم رجعلكم في تصميم شعار الكباش مع مشروع الهوية البصرية٢٠١٧ ربنا العدل ولو بعد حين اسماءكم ومنشن صفحاتكم 👇🏻
د.أنيس حنا مكتشف الجين المسبب للجلطة بقاله يومين حديث العالم هو خريج كلية طب جامعة الإسكندرية ٢٠١٧ لكنه نبغ في الخارج حيث تم تقديره ومنحه تمويل لأبحاثه مدة عامين أي شخص غيور على بلده حيتقهر ان مصر خسرته لكن في الواقع احنا يهمنا نبيع شقق العلمين ونقبض. يا مقاولين يا قاعدين ف البيت
الأستاذ محمد صبحي اللي اكتشف وعلم منى زكي مشخصاتي اللي اكتشف عبلة كامل مشخصاتي اللي اكتشف هاني رمزي مشخصاتي اللي اكتشف فتحي عبد الوهاب وحجاج عبد العظيم مشخصاتي عيب يا مستشار بلاش الزعل يخلي تقييمك يخيب ها عيب والله
مبروك علينا إحالة البلاغ الذي قدمته السيدة جيهان جعفر ضد عبدالله رشدي، إلى نيابة أمن الدولة العُليا بتهمة هتك العرض.
شكرًا المحامية هبة حسين شكرًا المستشار مجدي عمران.
ما ترقعوا زغرودة ❤️😍
الدورة ليست محل للمعايرة بل هي دلالة على الخصوبة وعليه لو لم تكن الدورة الشهرية تنتظم عند والدة الصحفي ولها مني الاحترام لما وُلد وربما كان أفضل،ثم ما العيب في استخدام الفوط الصحية هو انا لو بطحتك وسال دمك حتمشي في الشارع تنقط ليه تخسر قضيتك لصالح ترافيك سلبي إلا لو كانت محل شك
البطلة الوحش الجميل العداءة بسنت حميدة رفعت اسم مصر وحصلت على الميدالية الذهب في ١٠٠ متر، مكنش لينا في في سباقات العدو أظنها الذهبية الأولى على مستوي البطولات الإقليمية والعالمية برافو يا بنات يا بطلات ومن يتأمل الصورة يعرف القفة تناسب مين #صباح_الخيرᅠ 💪🏻🤩
شباب احتفلوا بتخرج والدتهم بتقدير عالي من كلية الحقوق سيدة جميلة تزوجت ١٨عام دون شهادة وبعد طلاقها أصابها الحزن شار عليها ولادها باستكمال دراستها وفعلا نجحت في الثانوية العامة بمجموع واختارت دراسة الحقوق واليوم تحتفل الأستاذة وسط أبناءها الأربعة، ولا في مستحيل ولا في معاد فاتك/١
انا لأول مرة في حياتي ابقى معنديش حلول مش عارفة انام مشكلة بقالها مدة طويلة وكل يوم تنفجر مفيش فرص مش عارفين نعيش مش عارفين نشتغل وفرنا الفسح والعلاج وبيساومونا على الأكل اللي وفرناه انا حقيقي لأول مرة مش عارفة اعمل ايه عايزة اولع في كل مدلس او عويل معدي هنا حسبي الله ونعم الوكيل
رأيت في الرحاب أمس سوريين وأفارقة بعضهم يعمل وبعضهم يستمتع بليلته، أسعدتني سعادتهم واستشعارهم الأمان وأظل استغرب ماالذي يزعج البعض في أن تفتح مصر بابها لمن ضاقت بهم أوطانهم هاجر جد داليدا الايطالي إلى مصر في العشرينات خلف الرزق والقائمة تطول يليق بأم الدنيا التعدد والمنافسة والحب
المهندسة والمصممة غادة والي تواجه فضيحة بعد تصميمها محطة مترو كلية البنات وسرقتها أعمال الفنان الروسي جورجي كراسوف دا غير الهجوم عليها بسبب إحياءها لأفكار الافروسنتريك اللي بيعتقدوا باحتلال مصر لأفريقيا -خسارة التكريم- في الخبر 👇🏻الأعمال الأصلية والمسروقة
حورية فرغلي بتقول في لقاء مصور ردا على إعجاب المحاور بذوق بيتها: دي شقة الأستاذ عبد الوهاب انا اشتريتها ولما فتحوهالي لقتها كلها خشب زمان وديكور زمان لكن بحب المودرن فغيرتها وعملتها على ذوقي.
احنا فاشلين في حفظ تاريخنا وأصولنا لإننا ببساطة لا ندرك القيمة في أي شيئ.
مين حورية بقى!
من الصبح وأنا اقرأ ؛ إقالة عضو باتحاد الكورة في واقعة غير أخلاقية! ومش فاهمة حاجة.
حيث حجم الستر على الرجل في مجتمعنا يستحق التأمل لا اسمه لا صورته ولا تسمية الواقعة، شوفي ازاي يا اختي كلهم على ستر بعض متفقين!!
التقيت بمديرة جمعية وسيدة أعمال مستضيفة على نفقتها الخاصة سيدات من قرى فقيرة جدا بيشتغلوا الشنط بمزج القصب والجلد، قالتلي حتى لو صرفت على شغلهم لازم محدش فيهم يتعود يمد أيده، اشتريت واحدة 💙
في عمالة يومية أعمارهم من ٤٠ الى ٧٦ سنة بينهم سيدات تجاوزن ٦٠ سنة كانوا على عربية نقل في طريق سندوب/الدقهلية، وقعت عليهم شجرة اتوفى اتنين واتصاب ١٩ واحد، الله يرحم الجميع مصابين ومتوفين ويعين الكل على لقمة العيش المرة والصور مش لطيفة ولن أنشرها .. ادعوا لنفسكم وللكل، يسترها معانا
السيدة إخلاص ٨٨ سنة في شقتها الجديدة ش المرعشلي المطلة على النيل من الزمالك بعد ازالة العوامات تقول : الرئيس سند ضهري واخترت الشقة على مزاجي.
حياتها كلها خير ولاقت زي ما عملت❤️
سيذكر التاريخ إن الرأي العام كله استاء من قطع الأشجار طوال سنتين، تباين أسعار المنتجات انفلات بعض الشوارع ومن سائقي النقل،ولم يتحرك نائب واحد إلا عندما توهم أحدهم إن منى زكي قلعت اللباس، توهم فقط حتى ركبتها مابانتش وحطوها في المثلية، عوضنا عوض الصابرين احنا صابرين يارب،والله شاهد
محمد صبحي المتخرج بامتياز من المعهد العالي للفنون المسرحية قسم التمثيل والإخراج 1970م واستقال من التدريس ليتبع حلمه وكون مع لينين الرمي ستوديو 80 في امتداد للثنائي نجيب الريحاني وبديع خيري، وقدموا اعمال مهمة منها الجوكر،أنت حر،الهمجي،البغبغان،وتخاريف شير علشان اللي ميعرفوش يعرفوا
الرئيس قال انه بصفة شخصية سعيد بالإفراج عن دفعة من سجناء الرأي واعاد تفعيل اللجنة الرئاسية للإفراج عن جميع المعتقلين مؤكدا ان مصر وطن يسع الجميع وذكر جملة حان وقت الاصلاح السياسي وكلف الحكومة بعقد مؤتمر يعلنوا فيه سياستهم وعن خطة جذب الاستثمار داخلي وخارجي ووضع خطة لسداد الديون/١
@MElnaml
شوف شغلانة شريفة تجيب بيها متابعين غير التدخل في أمور النساء اللاتي يحاسبن ومكلفات من رب العالمين خليك في نفسك وأصلح من شأنك واهتم بأمرك عملا بقول الرسول عليه الصلاة والسلام مِنْ حُسْنِ إِسْلَامِ الْمَرْءِ، تَرْكُهُ مَا لَا يَعْنِيهِ ودا بلوك عشان مشوفش سحنتك هنا تاني كفاية وصاية
يبقى سمير صبري الله يرحمه في وجدان كل منا كأهم مقدم برامج منوعات بالموهبة والثقافة والأدوات لاحقته الشائعات طول حياته بسبب حقد عديمي الموهبة وضعاف النفوس من موهبته الكبيرة وأخلاقه كان صادق في دعمه لزملاءه في السر في مساعدة المحتاج في الدفاع عن مهنته💙 الصورة مع ابنه الدكتور حسن
بيان للازهر الشريف حول مسلسل فاتن أمل حربي
نص البيان
🔴 مركز الأزهر للفتوى: ندعم الإبداع المُستنير الواعي، ونحذر من الاستهزاء بآيات القرآن الكريم، وهدم مكانة السنة النبوية، وإذكاء الأفكار المتطرفة، وتشويه صورة عالِم الدّين في المجتمع./١
شوفت" فيلم عربي" اتاحه مخرجه الاسرائيلي من أصل مصري، بيتكلم عن عرض فيلم مصري كل جمعة في التلفزيون من ٣٠ سنة، الشوارع فاضية وقت العرض ولع بنجومنا التقى ابن موشي دايان قال ان والده كان بيتهرب من اتصالات جولدا مائير وقت عرض الفيلم المصري👈🏻 password: seret2023
صديقة كلمتني دلوقت منهارة -عايشة ف دبي- وهي نازلة من المحور امبارح عملت حادثة بتقولي مش مصدقة هي الناس لسه بتمشي عكسي في مصر
- قلتلها انا بقلي بتنجان وبعمل مقلوبة
كل حاجة بعملها بدافع الحب لذلك نادرا ما اتصور مع حد لكن ملك مصر في قلبنا هو وما فعله والده من رقي وحب لبلدنا لذلك بصوت خفيض عرفته على نفسي فقالي لون الجاكت حلو قوي وجميل انا بحب اللون الأصفر واتكلمنا دقيقة، آخر ملوك مصر والسودان الملك فؤاد الثاني والأمير محمد علي وحضور وخُلق ملوك
وجوزها اصغر منها ووالده كان صاحب ورشة تصليح سيارات فلازم بسنت شوقي تتهاجم لان ما حققته (وهو كتير) هو نتاج جهدها وسعيها ومثابرتها ومش حنعرف نعمل زيها حيث اننا ملناش خلق على بذل الجهد، نهاجمها بقى ونصفق لأي بنت محدودة تتجوز أول رجل اعمال يشيل، ونقول الله يسهله ما احنا برده نفسنا/٢
لكل العاملين باليومية اللي بيشتغلوا شغل حر ومالهمش دخل شهري يبعتوا على الرقم ده واتس آب للاستفسار وسجلوا بياناتهم ... حيتم تعويضه ماديا عن فترة وقف العمل اللى ذكر انه ٥٠٠ جنيه
ياريت تشاركوا المعلومة دي
رقم الواتس اب مخصص من قبل القوي العاملة
01212201303
رقم القوى العاملة
حيضربها تاني .. لأنها تستاهل هي وأهلها طالما الفرح وكلام الناس كان اهم من كرامتها وتأديبه وتعليمه درس عمره كانت سابت له الفرح على دماغه وروحت ويفضل يحاول لما يتعلم درس عمره قبل ما ترجعله ومش مهم بزفة وفرح المهم العيشة تبقى صح وعلى أساس ان مد ايده التمن غالي.
ولو مُستضعف تُحاسب
ترددت استأذن السيدة في تصوير وجهها حتى عبرت مع حصانها، ملابسها والكحل في عينيها وقوامها الممشوق مع عمرها كأنك بتشوف فيلم قديم، وكأن الزمن لم يمر.
سمالوط، المنيا🤍
حفيدة الشيخ محمد رفعت عن إزالة قبره:اقفي جنبي يا استاذة لميس.أبكتني والله
الجدير بالذكر أننا في وثائقي الشيخ محمد رفعت الذي عرض في رمضان الماضي عرفنا أنه ولد في ٩ مايو وت��في في ٩ مايو وختم القرآن في مايو وسجل للإذاعة لأول مرة في مايو وها هو قرار إزالة قبره يصدر أيضا في مايو لنك👇
مش عاجباني الإشاعات اللي عمالة تطلع فدورت بنفسي، ايوة اتقبض على مدير مكتب الوزيرة وآخرين من قطاع العلاج الحر المعني بترخيص المستشفيات الخاصة والمعامل، ربنا يقوم الوزيرة من الوعكة الصحية وتحية للرقابة الإدارية وياعيب الشوم ع الصحافة، الناس بتلوك في سيرتها لانكم كتع كسح كسل جبن!
مفيش فن مصري مهم حيكون بتمويل ودعم غير مصري ذلك لأن الفنون منتج ثقافي شديدة الخصوصية لا تصلح معه القوميات ولا العولمة وكلما كان شديد المحلية أصبح عالميا، كذلك الفنون كافة في كل بلاد العالم ان لم تعبر عن هوية وثقافة شعوبها لا تصل
بنتي الصغيرة طلبت تخرم مناخيرها قلتلها براحتك خالص لكن انتي عايزة تشتغلي محامية وبتدرسي communication ودا عمل له طبيعة رسمية ودودة دون تصنيف لصاحبه من حيث الشكل بحيث يتصل بكل الناس ويقنعهم ،ليس للملابس وظيفة أخلاقية لكنها أداة للتواصل لذلك ما يناسب مكان أو وظيفة لا يناسب غيره
محمد فؤاد فرط في موهبته وفي نجاحه وهو على القمة، وصوته أدفن تحت الشحوم والسجاير والإهمال مش باقي منه في وجدان جيل بيكبر غير شوية ذكريات مع أغنياته اللي كانت، وأنا لا أثق في تقدير من أساء لنفسه وايوة دا انطباع لا سمعته ولا شفت حفلته ولا فؤاد الموجود دلوقت يخصني ولا يشبه اللي عرفته
صباح الخير امبارح
@OmniaAbdelghan7
كتبت ان حد من أصحابها خذلها وخد فلوس الإعلانات واختفى، احنا ممكن نعوضها ونعمل احنا احسن من اللي كانت حتعمله الإعلانات دا لنك انستاجرام نعمل فولو وريتويت واي حد بيفكر يطلب أكل بيتي لنفسه او في مناسبة يجرب ويحكي وانا نويت 👈🏻
أول مرة أكتب مع أسامة الشاذلي موضوع ومعنا زميلنا وسيم لكن الوطن يستحق،لكل من يريد أن يفهم يسترجع ويتذكر كيف تم مسخنا وتحولنا إلى قطيع متطرف يكره الفن عديم التأثير يحرم العيشة ماذا حدث لنا بين غزو خارجي وتواطؤ بالداخل،لأول مرة أطلب منكم ريتويت وقراءة متأنية
إلى علاء مبارك، أقرأ "بطن البقرة" لخيري شلبي : قدر لي أن أشهد تجربة لا أنساها ما حييت؛ تلك هي عملية إنشاء طريق الأوتوستراد، فكانت البلدوزرات تشق قلب المقابر في قسوة جهنمية بشعة، بمحاريث تغوص في قلب التربة فترمي بعظام الموتى على الجانبين، لكي يجيء وابور الزلط فيدوس الأرض يبططها/١
أول مرة في #مطروح الأبيض أجمل الشواطئ البحر نضيف والبلاج نضيف ومفيش زبالة على البحر نهائيًا، تقدر تنزل فيه لو مقيم ف كارلوز بوريفاج او من شاطئ القوات المسلحة(يديره قطاع خاص والخدمات ممتازة) او غزالة شعبي نسبيا وزحمة او تروح الجونة روقان مكان بكر مفهوش خدمات وغير مناسب لوجود اطفال
السيسي كررها مرتين قدام العالم: إن تصفية القضية الفلسطينية لن يحدث دون حل عادل وفي كل الأحوال لن يحدث على حساب مصر.
لو علقها ماشاءالله على باب العاصمة حنلاقي ناس تزايد علينا وتغلطنا
الفنان الكبير أبو زهرة احدى بناته في كندا اللي هي والدة سارة صبري وابنه في النمسا عازف البيانو أحمد أبو زهرة والمتزوج من عازفة البيانو الهنغارية نورا إيمودي بنتهم بقى تكون مريم 👇والتي تتعلم العزف في النمسا، اللي عايزة اسمع عنه فعلا هو فوز عالمي لطفل/ة مصري عايش واتعلم هنا
الطفلة المصريه مريم ابو زهره( 13سنه) ، حفيدة الفنان عبدالرحمن ابو زهره .
واقفه بتعزف اوركسترا علي احد اهم مسارح روسيا في المسابقه العالمية ( كسارة البندق) وسط فطاحل العزف من العالم كله .
مريم فازت بالجائزة الفضيه .
وأنا وأنت وغيرنا مسمعش عنها حاجه
عيب ياصحفيات يا محترمات تسكتوا في وقت زي دا وانتم عارفين كويس ان الواقعة صحيحة ومش الأولى وان الدندراوي القذر مش لوحده،فين قصص زنقة الاسانسيرات والسلالم والمكاتب وحادثة الايميلات الشهيرة، أقل واجب نقف جنب الصحفية الشجاعة ونحميها من التنكيل كالمعتاد بالضحية ... #دندراوى_الهوارى
ظاهرة مرعبة، تعليقات على خبر سرقة مجوهرات المذيعة جاسمين طه بقيمة ١٥ مليون جنيه بتقول جابتهم منين؟
وانت مالك! ميراث عيلتها، هدايا جوزها، شغلها، تحويشة العمر قبل الغلاء انت مالك الست في حالها لا مسئولية عامة أوصلاحيات هل بعد اعتياد التفتيش في النوايا حنلاقي ايديكم في جيوبنا كمان
اليوم أول لقاء في تاريخ المنتخب السعودي النسائي لكرة القدم في مبارة ودية أمام منتخب سيشيل
مش مصدقة وفرحانة اني بشوف اليوم اللي المرأة السعودية تخوض كل المجالات في وقت قياسي، بالتوفيق للمملكة التي تقفز للأمام قرون في سنوات قليلة بلا حجج
كل التوفيق لبنات الأخضر 🇸🇦 كيدوا العزال
النهاردة اتوفى المعلم ظاظا ابن السيدة زينب والمبدح كنا أول ناس نحكي عنه من ٤سنين رجل الخير اللي كان واهب شقتين من بيوته لإقامة الوافدين لمستشفى ٥٧ من مرضى السرطان وإطعامهم وانتقالهم مئات بيترحموا عليه الف رحمة ونور يا راجل الخير يا إنسان يا شهم 👇🏻
في قضية قتل (طبيبة السلام) وانتهاك حرمة بيتها والتجسس عليها وضربها وقتلها واتهامها بفعل الرذيلة، كل ما سبق حدث لأنها واحدة ست أراد الأوباش تربيتها والحفاظ على عفانة المجتمع في تجاوز للدين وحدود الله ..اسفوخس على الادعاء والنتانة.
أصالة بترد على تويتات الدعم تويتة تويتة، اتهزت جامد ودا كويس لعله درس يتعلموه الجميع،حضرتك تقدر تطير لكل بلاد العالم تغني تنجح تمتن لما يقدموه، إنما تنكر مصر! احنا ولادها قادرين نرجعك بطن أمك تأني مهما كنت فاكر إنك عديت وكبرت. ولا يليق بينا نقلل من غيرنا ولا جهدهم ولا قيمتهم.
الملابس غير مهمة عند الست الحرة، وكل حاجة هي والجواز عند المقهورة.
الجاكت من ٧ سنين،البلوزة من تلات سنين البنطلون من سنتين والشنطة صناعة مصرية ولسه جديدة ☘️🍏💚
يا جماعة استهدوا بالله المذنب طبيب (بالقوات المسلحة) لكنه طبيب دارس طب بيمارس الطب في مستشفيات تابعة للقوات المسلحة، ووالده طبيب أستاذ جامعة (طب الزقازيق) والضحايا صيدلانية الله يرحمها وبيطري الله يصبره
على العقلاء وأد الفتن والبشر كلهم بيغلطوا
اللي تغير ستايل لبسها لاكثر حشمة دا شيئ حميد جدا اول ما تطلع تتباهى وتقول ربنا رقاني وثبتني الخ، تعرف ان غسيل دماغ ما شغال عليها يعني الواحد لما بيتغير حقا ويكون افضل في الجوهر لا يتباهى ولا يستعرض علاقته مع الله وبيكون مستقر مطمئن ، كفاية بزنس بقى ومفيش وظيفة أخلاقية للملابس.
وصيت بناتي بمحاولة قراءة ولو آية من القران كل يوم ليس واجبًا بل حبًا في كتاب هو من علمني اللغة وعلمني المعاني ومن أدرك المعنى أبصر ومن أبصر اختار ومن اختار عرف❤️
في #عيد_الأب لا أذكر غير أسامة حبيبي ورفيقي اللي يستحق عن أبوته وحنانه وضميره كل احتفاء،أب لسبعة أبناء ٣من صلبه و٤ هم أولادي اللي عايشين معاه بيخافوا على زعله أضعاف ما بيخافوا على زعلي نعم السند لبناتي ندى وحلا وقدوة وصاحب سر لولادي عمر وريان ياريت كل الآباء زيك
@Usamashazly
♥️
الزوج يبقى بيطلق كل ما يتنرفز او يبعت فويس نوت غضبانة ولو الست تعاملت بالشرع ومارست حياتها ومعهاش ورق رسمي الحَكَم نيته، نية المهزوز اللي كل ما يغضب يشتم ويطلق. برافو #لعبة_نيوتن صفعة للطلاق الشفهي والتلاعب بملايين الأسر من راجل غير مسئول الطلاق يعتمد بالتوثيق زي ما الجواز بيعتمد