રાજ્યના વન્ય અભયારણ્ય વિસ્તારોમાં રેલવે લાઈન, અંડરગ્રાઉન્ડ પાઇપલાઇન, ઓપ્ટિકલ ફાઇબર નેટવર્ક જેવા પ્રોજેક્ટથી થતી પર્યાવરણીય અસરો અંગે અભ્યાસ થાય એ ખૂબ જરૂરી છે. આજે ગાંધીનગરમાં આયોજિત સ્ટેટ બોર્ડ ફોર વાઇલ્ડલાઇફની બેઠકમાં અભયારણ્ય વિસ્તારોમાં હાથ ધરાતા પ્રોજેક્ટ્સનું એન્વાયરમેન્ટ ઇમ્પેક્ટ એસેસમેન્ટ કરવાનું વન વિભાગને સૂચન કર્યું. આ બેઠકમાં રાજ્યના વિવિધ અભયારણ્યોમાં રસ્તા અને નાળા વગેરેને પહોળા કરવા ઉપરાંત પાઈપલાઈન, વીજ સબસ્ટેશન નાંખવા અંગેની દરખાસ્તોને કાયદાની જોગવાઈ અનુસાર મંજૂરી આપવામાં આવી.