#رزم .. كم لي وانا امشي كنّي امشي على شوك من موقفٍ في الصدر عشّا وغدّا حتى ولو مايعرق ابوي في ابوك شرواك مشروهي عليهم مبدّا ماكان يلحقني على طيبك شكوك وش فيك تالي الوقت قمت اتردّى ؟ @mfaalmajed

#رزم .. " من عرفت إنك تحبين القصيد و تحفظينه جبت لك درّ القصيد و سقت لك خيرة ركابي ."

#رزم .. الليالي تطلق عنان الحزن و تعنّه و الصدوف تحدّ بـ أسباب الفرح شلفاها ما حداني لـ القصيد ولـ السهر و الونّه غير حزنٍ ما خذا روحي و لا خلّاها #محمد_ال_شواي @mohamd__mobarik

#رزم .. " اهم حاجه (ما قال الله و قال الرسول) ياراجي الناس عند الناس وش ترتجي ؟ الزود زود الثقه : و النقص نقص العقول ماهوب نقص الفلوس اللي تروح و تجي ."

#رزم .. "وش يلحلح ضيقةٍ تجهل مواعيد الزياره؟ هرجها همّ وثقيلة طينه و مصدر ملل آتقهوى من مرارة هالشعور بْلا استخاره وآتفنجل كنّي اسقي زهرة العمر بعسل ماالها نيه تروح مبيته نية عماره ضيفٍ بليّا كرامه ما وهبه الله خجل بين صكّات الليالي والضحوك المستعاره قلبٍ اعيته الظروف وانزعت منه الأمل ."

#رزم .. في الثالثة شوقاً ؛ قُبيل الفجر : " مانيب محتاج شي اكثر من السلوه خل الهبوب الله يخليك تطرقني يمكن يخف الحنين ، وتصغر البلوه وارتاح من همي .. اللي كان مرهقني امّا انّي انساك وانسى ايامنا الحلوه ؟ هذا هو المستحيل / يصير صدقني ."

#رزم .. "لا تفتّش فالصدور ولا تتبع كل عله كل قلب وله ميول .. وكل عقلٍ واتجاهه ولا تكلّف في قبولك والقبول اللي من الله ما تجيبه بالفلوس ولا تجيبه بالوجاهه ."

#رزم .. " كانت شكوكي يقين وكان ظنّي صايب يوم تومي لي ورى طوال الدروب يدينه لا يقول ان المسافة ماتجيب الغايب البنادم لا أشتهى قلبه / مشت رجلينه ." #ذائقة

#رزم .. اجي للعرب واثق خطى والسلام ختام و عاقبني اللي ماخذ كتوفهم سلّم ليا من غدى سقف الهقاوي هدد و حطام صغير العمر يكبر و يفهم و يتعلّم على كثر وقفاتي لحقني الكلام السام و من آسلمه عهد الوفاء مرّ .. ما سلّم ! بليت بـ صحيبٍ ماهو ( صحيب ابن وسام ) لا قصّرت علّم .. وان تجمّلت ما علّم (: @mas_f16

#رزم .. " اتردّا الظروف ولا تردّا العزيمه مستحيل اني اصدّر من العدّ ضامي كيف اجنّب عن احلامي و اذوق الهزيمه والهدف تو عيني والفشق في حزامي ."

#رزم .. من سرق صبري من يدين انتظاري؟ من نده للجرح؟ تو الجرح يغفى آه مني ..وآه من طيش اختياري مُرّة الذكرى مع الكاس المصفّى ليلةٍ؛ من بردها.. كنت انتحاري قلت نشعلها لهب؟ قال ايه تكفى #عبدالله_البديري @AbdullBud

#رزم .. "على الهون ياجرح المفارق وضيق البال على الهون ياهمٍ سطا بي .. وقدرته اعزك لو انك جرح ومجاهدك قتّال! وروضت جسمي لاجل سقمك وصبرته لاجل من ملك قلبي من الجال لين الجال و فجيت له بابٍ عن الناس ( سكّرته) ."

#رزم .. مشاكلي ماهيب من قلة النوم مشاكلي من كثر مانيب صاحي في خاطري حاجه وفي صدري علوم وخايف من الايام تكسر جناحي ياقوم يابعض المشاريه ياقوم اللي تخالف مثل زرق الرماحي ترفقوبي حدي اطيح واقوم ان غبت جتكم من جميع النواحي ..! #ناصر_الحمادين @nalhmadeen

#رزم .. " الليل موحش خان ضحكي بـ غمّي و انا القديم وما تحلوى جديده أثره دموع وما لقى غير كمّي يروي عطش جرحي وغبني يزيده سهرت به ولـ نسمته قلت: سمّي هزّي مواجع غربتي يا عنيده لعنة وعي تحرق ضميري ودمّي نصف العمر ما كان لحظة سعيده ما عاد لا من ضقت أدوّر على أمّي كبرت مالي غير حضن القصيده ." #ذائقة

#رزم .. يدلهم الليل وأشوف السما عذرا ضريره فاتنه ما تدري انها فاتنه و الكل داري لو تشوف وشافت قلوبٍ من الفرقى كسيره غرّقت كل الظروف وفرّقت كل الطواري يا كثر ما راح تفكيري و أنا مارحت ديره و ما يرجعني على طْراف السحاب إلا و جاري في رجا الله لو يموت الحلم رحت وعشت غيره اختيار الله سبحانه اخير مْن اختياري انهزم واقول خيره ، وانتصر واقول خيره مدري الخيره هي بهزيمتي ولا انتصاري وأنت ياللي في عيوني عن عرب شبه الجزيره قامت تبيّن على قلبك من الفرقى مواري أعشقك وأتذكرك واذكر معاك أشيا كثيره تسرق الليل الطويل و تستبيح اول نهاري واتذكر ربكت شفاك وخطاويك القصيرة واتذكر ملمس أصابع يمينك في يساري قام ياخذك الجفا من زود شك و زود غيره تخطي و ما تعتذر ولا أنت راضي باعتذاري طال ظلي واعتباري ماني بعارف مصيره لا تخليني كذا يا ( رد ) يا (رد اعتباري ) لا انكسرت اصد والدنيا تصير اللي تصيره ياتعال الحين ولا لا تجي عقب انكساري #طلال_الخكيري

#رزم .. الجروح من الطواري تقترف وتلامس والمشاعر سمّها على الضلوع تبثه عادة العاشق ليا حل الظلام الدامس الحنين يدك صدره والسكوت يغثه #ناصر_بن_شايع @Na9r_2i

#رزم .. "الليل حالك و المساري موحشه والدرب خوف و الذكريات أشياء يستعصي عليّ .. إتلافها أثر الأماني وارفات ��ْلال دانية القطوف و الأمنيات أكثر ما يخشى الحالمين إسرافها ."

#رزم .. يحد الفقر روس الرياجيل حد الموس ويصفى من الحد القوي كل متحدي ِ عموق الرجاال تبين فـ الواقع الملموس وعزوم الرجال تبين فـ الماقف الجدي ِ كبار المواقف وقعّها تجربه و دروس مراسيمها في كل طيب ومتردي ِ رفيق الشدايد غايته مكسب الناموس ورفيق الرخا مابين ودي وماودي #عبدالله_بن_خشمان @sha3r_alhajri

#رزم .. "كبّرت فـ مراح الاوادم و صليت عنهم ما عاد انشد ولا عاد احاتي انا تغيّرت و كبرت و تعاليت و اذا بغيت احب بأحب ذاتي ." #ذائقة

#رزم .. "تبّت يدين .. اللي حرمني من يديك خذاك مني والحياه . . اخذ ، وعطا من القصيد العذب كم حرفٍ يبيك؟ ومن الزهر ومن المطر عقب البطا كل الكلام الزين عندي ، يحتريك ! واخاف من جرح الكلام .. اليا سطا أنا حريص .. اكثر من اللازم ، عليك وحرصي عليك اكثر من اللازم خطا !" #ذائقة