فى الكافيه النهارده سألونا عن توقعاتنا للماتش ولو طلع صح هناخد بيتزا بالسى فود هدية بعد ما إعترفنا إن إحنا مش مهتمين بالكورة خالص صاحبتى رمت ٢/٠للأهلى عشوائى كده والله ومشينا أصلا قبل ما يخلص ،إحنا دلوقتى عاوزين البيتزا لو سمحتم عشان التوقعات دى مدروسة ومتعوب عليها
شوفت كده تركاية إنه بعد ما نحط السمكه فى الدقيق نحطها فى ماية فيها التوابل عشان الزيت ميبوظش ،هى ناجحة جدا بصراحة الزيت كان نضيف أوى ، السمكة هى إلى باظت
ماما متصلة بيا علشان تقولى أكلم بنت عمى أعزيها فى جدتها لأمها إلى توفت من كام يوم ،وبعدين قالتلى إن عربية داست على رجل أختى حالا ولسه مطمنتش عليها، يخربيت العبث يا أمى فى ترتيب الأحداث
التفاوت فى أسعار الحاجات إلى بستخدمها لوشى مجنون برضو ممكن أغسله بصابونة نابلسى شاهين أم سته جنيه وأرطب بعدها ب ليلاك أبو ٢٥٠ الدنيا بايظة خالص عندى معتمده إنى أبوظ دلوقتى براحتى وإن شاء الله أعالج الكلام ده فى الإنتعاشة الاقتصادية الجاية