شوفت حد قال عالاير فراير إن الأكل بيطلع منها طعمه سشوار
أنا ليا سنيييين مش عارفة أوصف طعم الأكل اللي بيتعمل فيها وهو جا وصفه ف كلمة واحدة معبرة بكل سهولة
حاسة براحة عشان لما حد يسألني عنها تاني هعرف اقوله الأكل طعمه سشوار مش هقعد اتشقلب عشان اوصفله
طفل صغنون عسول ٧ سنين جاي مع مامته عشان تقيس الضغط
لقيته بيقول يارب يطلع صفر 🥹
يخلاثوو هو انت كدا بتموتها بس المهم النية خير
ما شاء الله واقف ماسك ايدها وكل شويه يقولي ها كام
My heart is melting خالص والله
صباح الخير
النهاردة ٩ ديسمبر
زي اليوم دا ف ٢٠١٨ ربنا استجابلي دعوة قعدت ألح عليه فيها عالأقل سنتين بعياط وزن مزنيتهوش ف حياتي
دعيتها في البر والبحر والجو وف كل سجدة وكل قيام وكل ساعة استجابة وكل مطر وف عرفة وكل فطار في رمضان وف كل أرض رجلي خطتها مش أقل من ٦ مدن منهم مكة والمدينة
ساعات بقول يارب أنا دعيت كتير بحد حنين جدًا
عليا أكتر من نفسي
ويكون عوض ليا عن اي حاجة
بس مكانش قصدي كدا
مكنتش أعرف إن في كدا أصلًا
دا أكتر بكتير من اللي طلبته
أنا عندي سؤال عاملي قلق وتراست ايشوز من سنين
هو مكانش بيبان على النوعية دي من الرجالة اي حاجة ف فترة الخطوبة؟ خالص خالص؟
مفيش طريقة نعرف بيها هنتضرب ونتقتل بعد ما نتجوز ولا لا؟
ولا البنات دي كانت عارفة انهم مخطوبين لناس مش كويسة عادي بس كملوا واتجوزوهم؟
أنا بدور على إجابة بجد
أنا عمري م كانت مشكلتي الدرجات
بالعكس خالص عمري ما كان هدفي ألم درجات ولا بزعل عليها
أنا بس إحساس الفشل وإن مجهودي مش كفاية وإن أنا مش اد المكان اللي أنا فيه
دا اللي بيقتلني وبيقهرني
دكتورة شطورة ف مستشفى محترمة في *دولة نضيفة*مع زوج عسول وبنت وولد أعسل بيتعلموا ف مدارس ممتازة
وشقة متوسطة المساحة عاملة ديكورها بنفسي وعايشين ف هدوء ورقان وبننفخ على بعض الدقيق واحنا بنعمل كيك ف المطبخ وبنتفرج على فيلم سوا كلنا قبل م ننام وبنروح نجيب طلبات البيت مع بعض كل ويكند
ف ديسمبر شهر مميز بالنسبالي عشان الدعوة دي اتحققت فيه بعد سنين عجاف وطول انتظار
اتمنى يفضل جميل علطول والامتحانات اللي هنبدأها دي تعدي على خير ويفضل ذكرى حلوة ف حياتي دايمًا
يوم مضغوط وتقيل والواحد تعبان وخايف بس ميموري زي دي كفيلة تطمني إن
"يأتِ بها الله إِن الله لطيفٌ خبير"
عندي رأي هيعملي مشاكل بس اي كانت ستاند اني مور
عارفين يا جماعة الناس اللي بيتقال عليها قماصة وحساسة بزيادة وبتزعل من ولا حاجة وبتعمل حوار على أقل حاجة
دول أكتر ناس شوفتها بتدوس على مشاعر اللي قدامها ومبيهمهاش والله
مشوفتش حد كدا إلا والتعامل معاه لود وبريشر فظيع
والله يعني يا جماعة خلينا منطقيين
في حاجات تبدو مثالية من بعيد لكن عند التطبيق هتلاقيها مستحيلة
أنا عملت زيه ف ترم والنتيجة كانت ضحك والتراكمي بتاعي بيعيط من يومها
لإن هو كان قدامه فترة طويلة يكتشف إن المصدر مش مناسب ويجرب مصدر تاني وتالت إنما أنا على م اكتشفت المشكلة بلعت امتحان
سؤال نطبخ ايه دا متعب اوي
والرجالة متربية عالإجابة نفسها من صغرهم
نازلة في الباكدچ
سألت عبدالرحمن نطبخ ايه قالي اي حاجة
ولما جيت أطبخ اي حاجة قالي مبحبهاش
يبني مش لما سألتك انت اللي سلكتلي وقولت اي حاجة
هيا ظاهرة العيال المنتجة إنتاج وهمي ونجاح مزيف وشخصيتهم عبارة عن نص انجلش ربع فرانكو ربع عربي وبتزعقلنا وتقولنا اعملوا زينا ظهرت امتى ومين له إيد ف ظهورها وهتختفي امتى عشان مرارتي معادتش مستحملة
نسيت أقول إن ٩٩٪ بريفلچد أساسًا ودي نسبة أنا كارماهم فيها عشان مبحبش الأرقام المقفولة
امبارح حققت حلم من أحلامي بس عالضيق
مشيت تحت المطر ١٢ بالليل
عالضيق عشان كانت نقطتين وعشان في شوارع البلد المقرفة وعشان محتاجين رفقة معينة مش اخويا الصغير اللي ماشي يسلم عالكلاب كلب كلب ويقوله ازيك يسطا عامل ايه
منظر البنات الصغيرة اللي ف سن ابتدائي كدا وهما ماشيين ف الشارع cat walk عالضيق واوتفيتات رائعة وتسريحات أروع واتيتود ladies 😭😭♥️♥️
فاكرة وأنا ادهم هما عيدين اللي عيدتهم ف مصر كنت بلعب بمسدسات الخرز مع ولاد العيلة وبنحول الشارع لساحة حرب وبنعمل سلالم الجيران شلتر نستخبى وراها
ابن القيم في تفسيره لآية: (والذين يؤتون ما آتوا وقلوبهم وجلة أنهم إلى ربهم راجعون)
قال: "إن الله إذا أراد بعبد خيرا سلب رؤية أعماله الحسنة من قلبه والإخبار بها من لسانه وشغله برؤية ذنبه فلا يزال نصب عينيه حتى يدخل الجنة
فإن ما تقبل من الأعمال رفع من القلب رؤيته ومن اللسان ذكره".
احساس الخجل من التقصير في العبادة في نهاية رمضان وغيره من الأيام الطيبة أحسبه من صميم إيمان المسلم، وصورة حيّة لمقام الإنسان بضعفه ومقام الرب بِجَاهه وعِزّته.
سبحانه لا تنفعه طاعتنا، وإن أطعنا أحبّنا وعفا عَنّا، وإن قصّرنا أمهلنا وانتظر عودتنا إليه، وإن عُدنا قبلنا ولم يطردنا.
تربية حيوان أليف بتديك ڤاليديشن انك محبوب علطول
أصل لما يسيب كل الناس اللي ف المكان وييجي يستخبى فيا أنا أو يقعد ع رجلي أو ينام على كتفي ولا يلزق فيا ف كل مكان اروحه يبقى أنا أكيد الشخص المفضل عنده،
ڤاليديشن يومي
شكرًا يا زعتر إنك بتحسسني إني good enough وإني حد كويس وييجي مني
النهاردة اتطمنت على مرات اخويا المستقبلية إنها هتاخد أحن واحد في الدنيا
الواد عمل كام موقف النهاردة وامبارح
أحن وأجدع من ناس كبيرة كتير وهوا يدوب ١٢ سنة🥹
يبختها هنسلمها راجل حنين وطيب
ف المكان قدام الصيدلية بقا مليان ورق عالأرض واتهزأت وتم إيقاف مشروعي
والمشكلة حتى لو حاولت انت تشرح للعيان بنفسك يقولك هتجيب الدوا ولا أروح اجيبه من حته تانية وبيستنصح عليك ويقولك طول عمري باخده وبرتاح عليه ويطلعك مبتفهمش حاجة
بس واضح اننا وصلنا ليڤل جديد
كان في طريقة مذاكرة د.الهواري قال عليها
بتقرأ المحاضرة ١٠ مرات قراية سريعة بعينك وتفاصيل كدا
المهم أنا عملتها ف ترم لحد النهاردة فاكرة المنهج بتاعه كويس مع إننا ممتحناش عليه
المشكلة انها متنفعش مع كميات الكلينيكال بتاعتنا دي عشان للأسف المحاضرة ال١٠ صفحات بتاخد من ساعتين لتلاتة
في حاجة بدأت أعملها من شهرين تقريبًا
وفرقت جدًا جدًا في نفسيتي متخيلتش النتيجة دي خالص بجد،
بدأت أكتب مذكراتي
مش مذكرات اوي هو مجرد إني بعمل هايلايت لأحداث اليوم وبطريقة عشوائية ومش مترتبة خالص
بس بكتب كل حاجة فرحتني حتى لو عبيطة
اتمشيت، شربت شاي مع حد بحبه، حليت كويس، قابلت حد
بتحس إنك محبوب بجد
أصله مش هيحبك جبر خاطر ولا هيحبك عشان مصلحته صحيح بيبقى كلب أكل وبتاع بطنه بس بيحبك اوي برضو
لما يسمع خطواتك عالسلم ويستقبلك عند الباب ويقعد يلف حواليك ويمسح نفسه فيك كإنه بيقولك وحشتني كنت فين يلا نلعب
لما ييجي ينام جنبك أوتصحى تلاقيه نايم على بطنك أو فوق راسك
انت بتحسس على كلامك وتصرفاتك معاه عشان بيزعل من الهوا وهو أدبش وأغبى خلق الله وعادي جدًا يزعل منك عشان حاجة انت عملتها مع إنه بيعملها بالحرف وبزياااادة كمان
مع إن نظرًا لمشاعرك المرهفة يسطا ف المفروض تبقى حساس مع الناس اللي حواليك برضو وبتعاملهم زي ما تحب انهم يعاملوك
امتى نفرق بين إن خلاص لا ملناش نصيب ولا حظ في الحاجة دي ونرضى وخلاص
وإن لا المفروض منرضاش ومنستسلمش ونفضل نعافر حتى واحنا مش ضامنين اننا هنلاقي اللي احنا عايزينه
ليه كون الواحد كرينچ مثلًا أو مش روش بما فيه الكفاية ولا دمه خفيف موت يكون سبب في كنسلته؟
يعني م الإنسان دا كويس وطيب وزي الفل
ليه بنستخدم مقاييس عبيطة زي دي في كنسلة الناس؟
من زمااان من واحنا ف المدرسة كان دايمًا بيبقى في الطالب اللي مش روش وعلى اده شويه وبيكون منبوذ ووحيد
زمان كنا زعلانين من السحب عالفلوموكس والكيبوركس والكلاڤيموكس في أدوار البرد العبيطة واللي ڤيروسية أصلًا
شكلهم مبقوش يجيبوا نتيجة والناس نقلت على دا
علبة الaverozolid دي مكانتش بتطلع أصلًا غير فين وفين وبتطلع كاملة وبروشته وبتكون حالة صعبة ومحتاجاها فعلًا
أنا مكسوفة أكتب حرف في وسط اللي بيحصل حاسة كل الحروف والكلمات عاجزة عن التعبير
بس اللي متأكدة منه انه كتير مش عارف يذاكر أو يشتغل وسط الأحداث دي
أنا مش عارفة اعمل حاجة وإحساس العجز وسط الأحداث دي شالل حركتي ودماغي
لكن عايزة أفكركم وأفكر نفسي إن نيتنا المخلصة في اللي بنعمله..
إن شاء الله نفوق من الوهم اللي احنا فيه ونعرف اننا مش perfectionists ولا حاجة احنا مجرد procrastinators بس خايفين نواجه حقيقة الأمر وعايزين نبان شيك ف اخترعنا مصطلح بيرفكشنزم عشان ميبقاش شكلنا وحش
لو حد عايز ياخد حكمة من اخويا أبو ١١ سنة
ف أنا كنت قاعدة أذاكر وهو قاعد بيرسم جنبي وفجأة تملكني شويه إحباط كدا وبان على وشي
قالي ايه مالك خايفة من امتحان؟ دا امتحان متخافيش دا امتحان يعني قولتله لا مش امتحان بس عايزة ابقى دكتورة شاطرة
قال بصي في فرق بين حد معاه شهادة ومش شاطر و
ف اه المراجع والتيكست بوكس جميلة وممتعة بس في نظام تعليم محترم ومؤدب وأنا مش محتاجة أقول إن نظامنا قليل الأدب ومشافش ربع ساعة تربية
في حاجات جميلة ومثالية ومبهرة فعلًا من بعيد لكن مش هتعرف تطبقها ومش معنى إنك مطبقتهاش إن العيب فيك خالص
لا هيا بس بعيدة عن ظروف حياتنا
وحد مش معاه شهادة بس شاطر
مش ممكن اللي معاه شهادة دا غاشش؟
-هو غالبا قصده بالشهادة الدرجات😂-
قولت اعجزه فسألته افرض مبقاش شاطر ولا معاه شهادة
قالي كدا تبقي حمارة
ما علينا
دي الرسمة اللي كان بيرسمها بس أصر عليا أوريكم ليڤاي كمان بعد ما عملاق مضغه وتفه
كنت بقول فرق سن ايه اللي هخاف يبقى بيني وبين ولادي أنا هعرف أواكب جيلهم عادي لحد ما لقيتني مش عارفة أواكب جيلي ذات نفسه والجيل الأصغر بكام سنة وبقيت بومر بالنسبالهم ومش عارفة استخدم تيك توك ولا سناب ولا بستريك ولا بسمع راب ولا أعرف رابرز ولا بعرف اتصور صور روشة مقرفصين فيها
أنا جربت إحساس آخر عمرة دا مرتين..
المرة الأولانية بعد ما خلصت تالتة ثانوي
كنت زعلانة جدًا وبحاول أحفظ على أد ما أقدر كل شبر ف المكان، ومفيش دعوة دعيتها هناك وقتها أكتر من يارب دي متكونش آخر مرة.
دلوقتي بعد ٣ سنين حرمان أنا ف آخر عمرة للمرة التانية
وبأعجوبة وبشق الأنفس والله
عمو ساب الورقة دي وقال اجهزها على م يصلي ويجي
وجهزتها كلها واحترت ف اخر صنف وقعدت اسال الناس وابعت لماما وأدور ف كل مكان وف الآخر لما جالي قولتله أنا مش عارفة آخر واحد قالي لا دا عيش سن عادي بس عشان منساش كتبته ف الورقة 🤓
عيد ميلاد واحدة صاحبتي من ٣ ابتدائي لحد النهاردة وقعدت أقلب في صورنا شويه لقيت لينا فيديو في ٣ث جميل ا��ي،
في حد غيري بيحس تجاه صوره زمان إن اللي فيها دا شخص تاني صغير وغلبان ومش عارف حاجة؟ مش شرط ساذج قصدي مش عارف ايه اللي هيحصل
تيبس لبداية اليوم النهاردة
افتح الشباك وخلي نور الشمس هو مصدر الإضاءة
شغل سورة الحجر بصوت هزاع البلوشي وادي (نبئ عبادي أني أنا الغفور الرحيم وأنَّ عذابي هو العذاب الأليم) و(وإنَّ الساعةَ لآتِية فاصفح الصفحَ الجميل) حقهم
اعمل نسكافيه بلاك واشربه مع حاجة حلوة
وتوكل على الله وابدأ
في حال هتحب تجرب تيكست بوك في نظامنا دا
يبقى آخره إنك تقرأ الموضوع منه بس
سواء للفهم قبل م تذاكر أو للمراجعة بعد ما تذاكر
لكن تذاكر منه؟ لا
تذاكر منين؟ مصدرك العادي اللي انت ودفعتك بتذاكروا منه
طب هنذاكر من الحاجات الجميلة دي امتى؟ بعد م نتخرج إن شاء الله
عايزة ابقى اعمل بيدچ مخصصة لوصفات السلطة
عايزة الناس كلها تحب السلطات بأنواعها وتعتمدها �� main dish مش مجرد appetizers ولا side
أصل ازاي يبقى طبق هيلثي وخفيف ومشيع وساقع غالبًا ومنعش وطعمه جميل ومليان ألوان ومبهج وتقدر تحط فيه اي حاجة على ذوقك وتخترع وتفنن براحتك
في شخصية كدا اتقطعت علاقتي بيها لأسباب غريبة المهم بتقول حاجات أنا معملتهاش وبتألف حوارات عني
Meanwhile أنا مش جايلي قلب اتكلم عنها مع حد أو أقول حاجة من الحاجات اللي كانت بتعملها عشان مخليش شكلها وحش يعني مش مضطرة أحور واتبلى
مجرد هقول حاجات هيا بتعملها اوريدي بس هتثبت براءتي
أنا مبحبش أصلي التراويح في المسجد
مش عشان دوشة العيال الصغيرة
بس عشان صعب أكون بصلي والاقي أم جنبي بتضرب ابنها عشان بيتشاقى
سيبوهم يتشاقوا يا جماعة ولو متضايقين منهم بلاش ضرب وقرص وعجن ف العيال رجاءً.. لعلها تبقى ذكريات حلوة ف حياتهم بعدين لما يكبروا
شوفت واحدة كاتبة
لو الجنة واقفة على مسامحتي ليكم مش هسامح
أنا مش عارفة هعيش باقي حياتي ازاي بعد الجملة دي
يارب بصِّرنا واستعملنا
يارب ارزقنا العزة واتباع الحق
يمكن في ناس قدرت تعمل كدا والوقت كفاها والدنيا مشيت معاها ووقتهم وحياتهم ودرجاتهم متأثروش
وأنا بس اللي تجربتي فشلت
مش عارفة في ولا لا بس لو في حد عمل كدا ف أنا بوجهله التحية من هنا وبقوله انت إنسان خارق
وحشتني الأيام دي أو الشخصية دي يعني دلوقتي لو نص المنهج متفتحش وعندي امتحان وعايزة أنام بنام وبحرص على توفير أكبر قدر من الراحة من بطاطين ناعمة ونور مطفي وحتى منبه مبعملش عشان صوته ميصحيش دودي بصرع بخلي حد يصحيني بشويش بشويش
هو الانسان بيضعف لما يكبر؟ المفروض بينضج أكتر ويبقى أقوى وأصلب
بس أنا بحس نفسي زمان كان عندي إرادة وأقوى وعنيدة عن كدا
بفضل ورا الحاجة مهما حصل وكنت مقتنعة إني لو عايزة حاجة أكيد هقدر أعملها وانها مسألة قرار مش أكتر لكن دلوقتي بحس اني هشة وبضعف أكتر مع الوقت مع إن المفروض العكس
لما بلاقي حد حياته تبدو بيرفكت ومفيهاش اي مشاكل
كلها مميزات ورفاهيات ونِعَم، صورة مثالية واي حد يشوفها يتمنى حياته تبقى زيها،
بعرف إن عنده ابتلاء كبير محدش يعرفه وبدعيله ربنا يعينه أيًا كان نوع البلاء دا
معرفش لسه في ناس بتتخدع بالصورة الكاملة اللي بتبان من برا دي ولا كله نضَج
كل مرة بصلي استخارة بلاقي العلامات بتتحدف ف وشي حدف وسير الأحداث بيتغير بشكل مريب ومفاجئ
كل مرة بنبهر من غرابة ال turn of events اللي بيحصل فجأة
المهم يعني الحمدلله ألف مرة على نعمة صلاة الاستخارة ازاي الواحد كان ممكن يعيش حياته من غيرها
من أول الترم ممسكتش ميزانية بيت خالص يدوب ميزانيتي الصغيرة مصروفي ومواصلات وحاجات بسيطة كدا
عارفة إن الأسعار غليت بس مخدتش بالي اوي غير اليومين دول لما أمي سافرت
ف أنا عارفة إنها جاية متأخر اوي بس
I can't stop saying ايه دا؟؟لا بجد ايه دااا؟؟
المفروض أصرف كام طيب الفلوس بتتبخر
هنعمل ايه ف موضوع اننا forgettable عادي دا ولو طلعنا من حياة حد مبنفرقش باين
I hate to admit it بس شكل بيتكسر ورانا قُلَّة
ولا مش هتعملوا حاجة وأنا لوحدي اللي كدا ولا ايه
من ٥ سنين حد قالي اقعدي معايا كمان شويه متضمنيش المرة الجاية تلاقيني عايش ولا لا
كنت حمارة ومقعدتش وللأسف كان عنده حق وكانت آخر مرة خلاص
ولحد النهاردة مش قادرة انسى الجملة بتاعته ولا بصته ليا ولا نبرة صوته وهو بيقولها ولا قادرة أبطل أحس بالذنب
كبرنا ومفيش فايدة ولسه برضو بنتلم حوالين ناس معينة ونكنسل ناس تانية
لأسباب غبية مش لاقية وصف مناسب أكتر من دا
ليه بجد والله
لعن الله اللي اخترع المقاييس دي ف تصنيف البني ادمين وتقييمهم والعقليات اللي بتعتمدها كمقاييس أصلًا