النهارده عيانة عندها ٩١ سنة بكشف عليها قالت لي تصدق اني لو كنت لسه في شبابي كنت هحب انك تبقى صاحبي
بهزر معاها وقلت لها انا ميفرقش معايا السن انتي لسه قمر وخفي بأه عشان نتصاحب:))
وقت الغدا لقيت الممرضة بتقول لي شهيتها اتفتحت وكلت اكلها كله لاول مرة من عشر ايام 😌
النهارده جت لي ألطف هدية في الدنيا.
مريضة عندها 80 سنة بتابع حالتها في القسم من اسبوع،
كل يوم تقابلني في الطرقة قبل ما ابدأ شغل أصبح عليها وتشوفني شايل موزة وتفاحة في ايدي وداخل اوضتي بسرعة
النهارده لقيتها بتقولي انا قعدت عملت لك مخصوص شنطة الفاكهة ديه عشان متشيليش اكلك في ايدك😊
مش قادر انسى يوم ما كنت شغال طوارئ بالليل لوحدي وبكلم الاستشاري بتاعي أستغيث عشان الدنيا ضاغطة اوي ومش ملاحق وفي كوارث وحوادث
رد عليا بكل هدؤ وهو في السرير وقالي:
"كل واحد فينا له يوم أسود في حياته…اعتبر ده يومك الاسود ولازم تتصرف وتعديه لوحدك"
أنا من اليوم نظرتي للدنيا اختلفت
تخيل ان الرواية الاسرائيلية من البداية كلها كذب!!
يعني طيار قصف بالخطأ حفلة لاجانب ومات فيها اكتر من ٣٠٠ شخص ف اتهموا حماس انهم قتلوا الناس
وطلعوا ينتقمو وقتلوا قرب ١٣ ألف.
ده المعنى الحقيقي للفضيحة واللي مطلعها في توقيت قاتل اقوى صحيفة اسرائيلية هاارتس !
وزير الدفاع هيتحاكم وش
أختي الكبيرة أكتر شخص ملهم بالنسبة لي
كان نفسها تدخل طب بس مجموعها مجابش فدخلت تربية انجليزي وبقت مدرسة
وبعد فترة ملقتش نفسها وقررت تغير الكاريير
اخدت كورسات ودبلومات ترجمة وبقت مترجمة بس برضه ملقتش نفسها
اشتغلت في ادارة الشركات والسياحة بس كان دايمًا ناقص حاجة
وبعد ٧ سنين
-يتبع
قاعد نص ساعة بتكلم مع عيان٨٥ سنة ومدخن شره وعنده القلب والسكر وكل كتاب الباطنة فبقول له انت المفروض تبطل السجاير عشان هي سبب كل ده
قال ولو مبطلتش؟
قلت له بزهق: هتموت
قال بكل حكمة: هموت وانا معدي ٨٥سنة واستمتعت بكل حاجة في حياتي، وانت كمان هتموت بس فايتك حاجات .. تاخدلك سيجارة؟
مش قادر اتجاوز رد الممرضة الروسية اللي كانت عايزة تعرفني على بنتها وانا سقعت للموضوع عشان عندي امتحانات، وبعد ما خلصت رجعت لها قلت لها فين بنتك
قالت لي الرد اللي مش هنساه:
"الجميلات لا ينتظرن كثيرًا عزيزي مو”
أيام الكحرتة سنة ٢٠١٨ كنت مستني تصريح العمل بتاعي يطلع وساعتها اتأخر اكتر من اللازم ف اضطريت اشتغل شغلانة زي كده.
وفي يوم حصل خناقة بيني وبين زميل بولندي واحنا بلبس الشغل، مسجلها في مذكراتي بخط كبير وبفتخر بيها :))
" يوم ما ضربت سبايدر مان، وسندريلا وقفت في ضهري"
أي شاب وأي فتاة بيتغرب بيمر بمراحل مختلفة من الحوار مع الذات ونظرته للحياة
أول مرحلة هي مرحلة "فرحة النجاة" لما بتحس انك اخيرًا عرفت تهرب وتنجو وتخرج على خير من المجتمع البائس اللي كان كابس على طموحاتك واحلامك
فرحتك ان قررت وكافحت ونجحت في خططك
فرحة كبيرة مفهاش كلام وانجاز محترم
فرق شاسع في ثقافة الشعوب وحضورها الذهني اخدت بالي منه لما اشتغلت في الرعاية المركزة،
الممرضة المصرية في مصر كنت اقول لها هاتي"البتاعة" تفهمني وتجيب لي اللي بفكر فيه من غير ما اقول اسمه
هنا التمريض الالماني ان مكنتش تقول له الجملة كاملة على بعضها بجرامر صح يعطل منك وميفهمش
امبارح مريض عنده ٨٥ سنة جي المستشفى على رجله بيشتكي انه بيعمل في البيت ٦٠ مرة ضغط يوميًا لكن بقاله يومين بينهج عند المرة العشرين.
طبعًا حجزته نشوف حل للموضوع ده
حصلت مشكلة كبيرة بيني وبين أعز صديق ليا وبقالنا سنتين متقاطعين تمامًا
من وقتها عندي فراغ كبير جدًا بفقدانه
ومحدش عرف يوصل لمكانته عندي وكل مدى بحس اللي حصل ده ماينفعش
كلمته وقلت له انت غلطت في حقي قال لي ايوا انا اسف
ونزلنا عادي اتقابلنا في كافيه والدنيا رجعت تمام كأنها قبل سنتين
طلبوني امبارح في قسم المسنين اروح اخد التاريخ المرضي من عيانة عراقية في اول السبعين مبتعرفش ألماني
فبسألها عن سنها..
لقيتها بصت لجوزها السبعيناتي هوا كمان وقالت له : انا كم عمري ؟
قال لها: "بعدك يا جلبي بالخمس وعشرين"
الست ضحكت وقالت لي اكتب زي ما قال 😄
مترددوش ان حماس ارهابية
ومتعتذروش على اللي عملوه
حماس حركة مقاومة للعدو المحتل المغتصب
متخلوش الاعلام بتاعهم يجبركم تحكوا الحكاية ازاي
واجهوا التزييف بكل قوة
المحتل اسمه محتل وهيلعنه التاريخ
واللي بيدافع عن ارضه اسمه المقاومة وهيتشرف به التاريخ
وحيا الله المقاومة
الدكاترة السوريين في ألمانيا عددهم كبير جدًا ومسيطريين على بعض الولايات سيطرة طبية كاملة
من كام يوم كانوا عاملين مؤتمر طبي وعزموا بروفسيورات ورؤساء أقسام ألمان..واحد منهم طلع قال كلمته باللغة العربية 😄😄
سيطرة سيطرة يعني
ال Integration ↖️↖️↖️
أول ما سافرت ألمانيا نزلت في مكان مفهوش حد أعرفه غير واحد صاحبي على بعد ١٥٠كم فقال لواحد فلسطيني يشوفني لو محتاج مساعدة
الراجل مسألش ناقصني ايه..
ده جه استقبلني في المطار
واستضافني عنده شهر لحد ما أظبط أموري (أكل وشرب ونوم)
ولازم كل أول رمضان يعزمني عالفطار عنده عشان محسش بالوحدة
أختي رغم انها في بداية التغيير ده كان عمرها ٣٢
وكانت بتسمع تريقة للصبح من عينة ان اللي جنبها في السكشن قد عيالها وان كده مش هتتجوز
بس هي كانت مستعدة تدفع اي تمن في سبيل انها تعمل الحاجة اللي بتحبها
لا فرق معاها سن ولا فلوس ولا نظرة مجتمع
وبقت بتعمل اللي بتحبه وكلنا فرحانين لها
امبارح بالليل كلمتني دكتورة من قسم تاني عايزة رأيي في حالة، طلبت منها تسحب دم وتعمل رسم قلب ونزلت لها
كنت رايح ومتخيل اني هشوف نايبة صغيرة، الحماس ماليها ومبسوطة انها بتتعلم زي ماكان واضح في التليفون
وصلت لقيت البروفسيورة رئيسة القسم هي اللي شايلة النبطشية عشان النايب بتاعها عيان
أغاني فيروز تنفع لحب البدايات والمراهقة والتعلق والتسامح وكحرتة النفس من أجل البقاء مع الآخر واختلاق أنصاف الفرص للحديث وتصنع المفاجآت للتواصل.
أم كلثوم: حب الخبرة والعقل اللي عارف بيختار ايه وبيدور على حاجات معينة، معندوش خلق للعب ولا بيسامح في جروحه ولو حن، عزة نفسه تمنعه.
زميلتي الألمانية في الشغل زعلت مني عشان طبعت جواب خروج لعيان على وش الورقة بس، ف استخدمت ورق أزيد…
وقالت لي لازم تبقى تطبع الجواب على وش وضهر الورقة عشان توفر صفحات وتبقى رحيم بالبيئة.
لا طبعًا
ديه ضريبة انها متجوزة راجل متخلف مش متربي، واخد واحدة معاه بعيد عن أهلها وبيستقوى عليها وهي اللي ملهاش حد هناك غيره…وبيعاملها كً خدامة
مش عيب انها متشتغلش… العيب ان يفتكر ان ده حقه
وده يجسد:
You can take me out of البكابورت
But you can never take البكابورت out of me
أنا مليش دعوة بخناقة الطعميات والكبساويات ..
أنا لفت نظري ان البنت اللي بطلة العالم ست سبع مرات واقفة مهمشة في اخر الدايرة!!!
دحنا لو واحد صاحبنا كسب دور طاولة عالقهوة بيبقى واكل الجو ونحاسب له عالمشاريب ويتعامل ك سيد الناس لحد اخر القعدة
في بداية رحلتي في الغربة حالتي المادية قصرت اوي اوي..
وكنت محرج استلف او اطلب من حد..
اختي الصغيرة لما عرفت كده، نزلت مصر اجازة طارئة بدون اسرتها، وباعت عربيتها و دبرت لي كل الفلوس اللي توقفني على رجلي :)
وصبرت عليا في السداد وعمرها ما طالبتني ولا راجعت ورايا
عمري ما أنسى فضلها
مرة مريض سوداني عجوز مبيتكلمش ألماني كان محجوز بقاله كام يوم ومحدش عارف يتفاهم معاه
لما رجعت من الاجازة زمايلي سلموني الحالة.
أول ما دخلت عليه اوضته قام واخدني بالحضن وقرا الفاتحة 😁
عا��ز احكي حاجة سايبة عندي مشاعر حلوة جدا
من فترة نقلت من المستشفى اللي انا فيها لاسباب مختلفة
يوم مقابلة الشغل قعدت مع الادارة ولما سألوني انت من فين قلت من مصر
قالوا لي اه كان عندنا هنا دكتور مصري شاطر اوي وكلنا بنحبه بس للاسف مشي
وقعدوا يذكروه بالخير واتقبلت تقريبًا على حسه
١
بعد ٧ سنين من البحث عن الذات وهدف للحياة قررت تحقق حلمها اللي هي نفسها وتبقى دكتورة،
كان قرار جريء محدش في أسرتنا كان مصدقه،
بس هي كانت أشجع من تخيلاتنا
فعلا دخلت طب أسنان وتفوقت وكانت من الأوائل كمان واتعينت في الجامعة
ونيجي لتاني ريمونتادا وأقوى come back عملته
يتبع
اقتنعت منه ان كل شخص له رصيد من الأيام السودة في حياته اللي لازم يواجهها ويعديها
وبدل ما تقعد تعيط ان يومك اسود، حاول تعديه عشان كده كده ده يومك انت وده وقتك انت ولازم انت اللي تتصرف
وكده كده هيعدي…ده وعد :)
وبعد مرور كام يوم اسود في حياتي بقيت اشوف ألوان الأيام التانية أحسن
في مساجد برلين كنت بقدر أصلي التراويح والتهجد زي ما احب.. وتقدر تعتكف كمان لو عايز
السنة دي قلت ازور اهلي واقضي العشر الاواخر في مصر..لقيت المساجد مقفولة
..لا وكان بيتقال لي قبل ما اسافر
" محدش بيسافر وبيعرف يحافظ على دينه"
النهارده جوجل وبرلين بيحتفلوا بذكرى ميلاد الدكتور المصري محمد حلمي اللي ناضل ضد النازية وساعد في نجاة كتير من اليهود من الاعتقال أيام هتلر
الراجل بيعتبر شخصية تاريخية ومحبوب وذكراه خالدة في ذاكرة برلين ومعمول له نصب تذكاري في منطقة شارلوتنبورج
حاجة على جنب بخصوص "طعام أهل الجنة" ده
زراعة الأناناس من أكتر الزراعات المضرة للبيئة
(للأرض-المية-الانسان)
لأنها بتاخد وقت طويل لزراعتها ممكن تستمر حوالي سنتين وبعدها الأرض بتكون اتهلكت واتبورت ومحتاجة فترة طويلة لاعادة التهيئة للزراعة
ولو قطفتها قبل أوانها ممكن تكون ضارة وسامة
ف راحت سجلت في جامعة تانية واستقالت من جامعتها
كان هدفها تعمل اللي هي عايزاه بغض النظر عن ايه التمن
ومع الاصرار كملت فرست ف سكند في رسالة هوب بقى معاها ماستر
وراحت قدمت في جامعة خاصة وان شاء الله تتقبل ومستنية ردهم بعد العيد
من ساعة ما الأمور رجعت تمام وأنا حاسس بفرحة برجوعه وبفرحة ان الواحد عرف انه يقدر يغير اي حاجة مش عاجباه في حياته
الموضوع ده من ساعة ما ظبط مخليني متحمس اصلح كل اللي باظ في حياتي بسبب سؤ التفاهم او الكبر
وبقيت شايف ان اللي ياخد الخطوة الاولى ديه جدعنة مش تنازل
زي النهارده من 5 سنين بالظبط نجحت في امتحان اللغة الطبية في برلين
النهارده صادفت اني اعدي من نفس الشارع بتاع النقابة وانا رايح مشوار، وقفت في نفس المكان اللي وقفت فيه لما خرجت من اللجنة ومش مصدق اني نجحت وكلمت أمي أطمنها
مشاعري وقتها كانت متلخبطة بين فرح اني عديت وبين كل ده ليه؟!
ممكن لى شوفت الفيديو ده من سنين كنت اتضايق منه، لكن دلوقتي بعد ما لفيت شويةفي الدنيا وعرفت مسلمين اجانب كتير بيتعاملوا مع الاسلام بشكل مختلف تمامًا عن الي اتربيت عليه؛ اتعلمت اتقبل اي حاجة حتى لو مش مستساغة بالنسبة لي
كل واحد بيعبد ربه بطريقته
والاسلام اكبر من حصره في ثقافة واحدة
وهي في الجامعة حصلت لها مشاكل واتأخر ترتيبها من الأولى لل ١١
فأخدت نيابة اكاديمية…وكانت مبسوطة
بس مع الوقت لقت انها كده رجعت للتدريس تاني، حتى لو شكل مختلف وأشيك
فقررت تسجل ماجستير في الاطفال- التخصص اللي هي بتحبه
فجامعتها رفضت لانها لازم تسجل في المادة اللي بتدَرّسها
يتبع
رئيس القسم بروفسيور كبير مشهور جدًا وصيته مسمع جوه وبره.
لقيته بعد ما خلص الحالة بتاعته جي بيستأذني اساعده ننقل العيانة لسريرها عشان العاملة تعبانة وقالها تروّح
تخيل بروفيسور واكبر راس واسمه يخض، ماشي يجر سرير في المستشفى!
منظره من ساعتها مش مفارق ذهني وقلب عليا ذكريات مع السناير
امبارح كان عندي مريضة من البوسنة ومعاها مترجمة … بقولها اسأليها هل عندك حرقان في البول ..
قالت لها سؤال فيه لفظ "طرطرة"
قلت لها معلش انتي قلتي بجد "طرطرة"🙂🙃
لقيت وشهم الاتنين احّمر وانفجروا ضحك ومعرفناش نكمل اسئلة الا بعد بريك
بيبهرني تداخل الثقافات 😁
النهارده أول يوم أحس فيه بطعم رمضان ومفطرش لوحدي او في المستشفى
رحت مطعم مصري محندق كده لقيته عامل زينة رمضان ومشغل قبل الفطار محمد رفعت وصوت أذان المغرب والاكل المصري وحلويات رمضان والاغاني المصرية
صاحب المحل مصري مسيحي وحاجة اخر عاش الهلال مع الصلي��
وطلع ان مينا نفس حروف أمين
كان لي جارة ألمانية عجوزة وقرشانة في نفسها اوي، مرة بتقول لي انت اسمك عيلتك صعب أوي مش كانوا يسموك مولر ولا فريدريش عشان اعرف انطقه
قلت لها وانتي لو كان اسمك محاسن ولا دعاء كان هيبقى اسهل لي
لما بقول للمصريين لازم تبقي passive aggressive مع الألمان بيتوترو خوفا إنها تبقي قلة أدب بس الحقيقة دي الطريقة المثلي لتوصيل الرسالة. دي مثلا ورقة في الشارع للي مش بينضف ورا كلبه:
بتحب اليوجا؟ إبدأ دلوقتي ووطي شيل براز كلبك. انت كدة اتعلمت وضعية الكلب الأمامي.
النهارده بقول له عملت ايه قال نجحت بقول له مبروك قال شكرًا وكمل كلامه في موضوع تاني عن حالات القسم
انا عايز اقول له يابني اقف .. في لحظة الزمن بيقف فيها ولازم نستوعبها ونعيشها كويس .. لحظات استثنائية في حياتنا بنعيش لها ولما بتيجي بنعيش بيها …
هوا ولا الهوا … حقيقي مكن بارد
انا حسيت اني زعلان اوي…انا مش عايز ابقى جاف كده
عايز افضل عندي مشاعر،حتى لو مش مشاعر حلوة طىل الوقت..عايز اعيش بهجةوحزن وراحة وقلق
عايز افضل احس بالفرحة كاملة وباللحظات الكبيرة في حياتي
وافضل احس الدنيا بتضحك في اي لحظة يتقال لي اني نجحت، اي لحظة وصول، اي لحظة حب، اي لحظة اكتمال
مرة كان عندي عيان في القسم وحالته متأخرة، وقت الزيارة وقفت أشرح لابنه الوضع، لقيته اتأثر جدًا وقال لي خلاص أنا هسيب لكم تليفوني وياريت تعرفوني لو مات بس محدش يكلمني بعد ١٠ بالليل لحد ٦ الصبح
تعامل الناس هنا مع موت أهاليهم وتظبيط مواعيد الحزن والتأبين عالكالندار من أغرب ما رأيت. لما والدي كان في العناية المركزة ونزلت مصر شركائي قعدو يبعتولي إيميلات وشايفني مقصر وكأن عادي أبوك يبقي كدة وانت بتشتغل لدرجة إني كتبت استقالتي وصديق منعني إني ابعتها والحمد لله الوالد اتحسن.
ولما ارتبطت في دراستها، اتعرضت لاختبار قوي في ارتباط مش بيقدم لها دعم ولا صبر على طموحها والأنكى ان بعد فترة اتحطت في اختيار مابين الارتباط او طموحها
وقتها قررت انها مش مستعدة تضحي بحلم حياتها عشان خاطر علاقة الله اعلم هتكمل للاخرولا لا
أبويا كان في ضهرها وعملت اللي هي عايزاه
اللي يشتم مالنا فيه
انما انت ضميرك ايه؟!
ناس عايشة في القصور
وناس بتموت في الطابور
وناس بتاكل من الزبالة
وناس بتغرق في البحور
تحيا بأه ازاي يا بيه؟!
د المصري انضحك عليه
تحيا ازاي في اي ناحية!!
تحيا "به" مش "عليه" !!
في ناس بتسأل فين الأهل من كل التخبط ده..
اهلي عمرهم ما غصبوا عليا انا واخواتي في اختيارتنا في الحياة
للأمانة أمي فعلًا كانت مش متحمسة لفكرة ان اختي تعيد وخافت زي اي أم ان بنتها متتجوزش بس لما شافت طموحها وقفت معاها وكانت امي اكتر داعم معنوي
وابويا عمل لها اوبن بادجت لحد ما خلصت
النهارده دخلت على عيانة في الرعاية ومعايا ممرض وبدأت افحصها وبقول بصوت عالي بعمل ايه عشان بنسجل الكلام ده سوا، وبعدين كتبت حاجة على الجهاز، وقلت له بصوت عالي وانا بكتب:”عايز اشوف البطن“
واكيد قصدي بطن العيانة
ولفيت ابص على العيانة لقيت اذكى اخواته واقف شالح بطنه جنبها ومبتسم 🤦🏻♂️
يومها افتكرت كلمات الخال:
اكتم انينك ياللي تئن
مفيش لجرحك أرحم من
يد الليالي لما تحن..
بدل القمر يطلع قمرين
كل الليالي الصعبة تفوت
اكتم أنينك داري الصوت
لو فيها موت .. خلينا نموت
الموت يخلي العمر اتنين
شوفت فيديو لراجل ألماني اسمه اندرياس عايش في مصر بقاله ٩ سنين والمصريين مسمينه الفرفوش
بغض النظر عن اي حاجة بس انه عايش ٩ سنين والمصريين مسامحينه في نطقه للعربي وطايرين به
خلاني افتكر كام مرة اتعنصر عليا واتقال لي اني مليش في اللغة لمجرد اني بدلت الاداة من der لdas وانا بتكلم
دخلت مكتبة لقيتها بتبيع كتبي ب ١٢ يورو وكتب أنيس منصور وعمر طاهر وبلال فضل ب ٧ يورو
اتكسفت وقلت له ينزل السعر بتاعي
حسيت انه عيب كتبي تبقى اسعارها اغلى كده من كتب الناس اللي اتعلمنا منها ازاي نكتب.
أيام الكحرتة والبدايات الصعبة كنت محتاج شغل ضروري عشان اقدر اصرف على امتحاناتي
رحت قدمت في وظيفة في شركة صغيرة اشتغل موظف بسيط واعمل تاسكات معظمها يدوي وفلوسها اصلا قليلة بس كنت محتاجها
المهم
الراجل شاف ال CV قال لي ايه ده انت دكتور!
انا مش هشغل معايا حد اذكى مني،المقابلة انتهت
وان مفيش حد زي التاني وانها كلها ارزاق وان عليك انك تسعى وبس واكيد انت مطالب تدور على اماكن فيها فرص اكتر واحسن وعيشة اريح
بس لازم في نهاية المطاف نتفق انا وانت والاستاذ اللي ورا والمزمازيل اللي هناك انك عملت الصح انك مشيت واتحركت
عليك السعي، النتيجة بتاعة ربنا
في ألمانيا لما بيكون اي حاجة حسابها مثلًا ٩٩ سنت وانت تدي الكاشير يورو.. بيرجعوا لك سنت في ايدك
في بلدنا الحبيبة لو الحساب مثلًا ٨٥ جنيه وانت اديت التاكسي او البياع ١٠٠ جنيه مقفولة.. كده خلاص كل سنة وانت طيب ومينفعش تسأل الباقي فين عشان هتسمع كلام مش ولابد.
بعدين بيدخل تلقائيا في مرحلة "الشاب الذي ابهرته اضواء المدينة"
شئت أم أبيت هتتدخل في زوون رأيت اسلام بلا مسلمين وهتقعد تقارن كل الحركات والتكات والشوارع والمحلات بين هنا وهناك
في المرحلة ديه هتعمل قناة عاليوتيوب وتسميها مصري في الغربة
وقبل ما نمتحن بنعسكر في البيت شهرين متواصلين ونذاكر مراجع وامهات الكتب ولما نعدي منه بنحتفل ونجيب ناس تحتفل ونعزم القسم كله على خروف بلدي
زميلي ده كان بيجي عادي ويوم الامتحان حضر شفت مسائي عشان الامتحان الصبح… وخلص ونجح وجه عادي
متخيل البرود يا جدع !!!
بالمناسبة لقب بروفسيور ده يعني حد له مكانة اجتماعية وعلمية كبيرة وش بعيد تكون مؤلف كتب او له مساهمات في الجايدلاينز..
وانا اللي بقول لها ( اسحبي دم واستنيني...) 🤦🏻♂️
كنت محرج جدًا اني اخلي الست الكُبارة ديه تقف تسحب دم وتستناني
والعجيب انها معلقتش في التليفون على الل طلبته والاعجب انها ماوضحتش في التليفون انها رئيسة القسم
كان شاطر علميًا وبيحترم كل الفئات وبيحب كل الناس وطيب وسهل في التعامل وضحكته حلوة وبشوش
كل ديه اجابات سمعتها لما سألت عن سر شعبيته
نموذج نادر عمري ما شوفته في حياتي وبفتخر به حتى وانا معرفوش
اتمنى في يوم من الايام اوصل للمكانة في قلوب الناس زي اللي هو وصل لها
وبعدين تدخل في مرحلة الصدمات المتتالية وديه بتبقى صدمات في مرحلة "الارض اللي بتزرعها حبًا لا تبادلك الحب"
انت بيتبص لك دايمًا انك مختلف ..او متخلف مش فارقة
والناس بتحط حواجز مجرد ما بتشوفك وبتواجه صعوبات من نوع تاني ( لغة، عنصرية، اوراق، اقامة، ..) لازم تتخطاها عشان تقدر تكمل
ثم مرحلة "اختبار الايمان"لما تلاقي كل حاجة ضدك بس انت لازم تكمل..قبل ما تنام هتسأل روحك الف مرة انا صح ولا غلط
ولما تصحى هتتمنى اليوم يوعدك بجديد
هنا في المرحلة ديه اوعى تستسلم،
صحابك هيقعوا واحد ورا التاني
قناعاتك هتتغير
تفكيرك هيتحول
كلامك مع نفسك هيتغير..
بس لو صبرت هنا..هتعبر
بعدين هتدخل في اول مرحلة واقعية في الرحلة لما تكتشف ان مش معنى انك وصلت هنا انك اجمد واحد.. لااا.. بص العيال الهنود دول .. برضه هنا وبينافسوك..بص العيال الروس دول ..يا دين النبي ..معاك في نفس المنافسة..اقولك عالتقيلة.. امريكا الجنوبية نفسها بتبعت عيالها تنافسك..
مرحلة"كابتن يحيى"
تتفق او تختلف معاه،بس هيفضل وائل غنيم ايقونة بتمثل كل اللي حصل لنا على مراحل مختلفة
بداية من طموحنا اللي كان معدي السما وامكانياتنا اللي تقدر توصلنا لاعلى المراتب
وفجأة يظهر أمل نصدقه ونمشي وراه ونتبهدل عشانه
وينتهي الامر اننا مش عايزين حاجة من الدنيا غير شقة بطيخ وجلابية مرحرحة
ثم مرحلة "الحنين بعد الوصول".. حنين بأه بعد ما تهدى من الجري وهتسأل نفسك هل كان المشوار يستاهل كل الفرك ده؟ وهل لو عاد بك الزمن هتسلك نفس المسلك وهل اللي بدأ معاك في نفس الوقت وخد طريق تاني وصل فين وهل الوقت اللي ضاع في الفرك هيتعوض
هنا لازم تدرك ان كل واحد له قصته الخاصة
بيقولك واحد فشخ ناس ٣٠ سنة، خرج بصحة احسن وابنه دلوقتي بيروح الاستاد والناس تتصور معاه سيلفي
وواحد قعد سنة مات من المرض وعياله مش عارفين يعيشوا وابنه الصغير مات مقهور بأزمة قلبية..
لو حكيت القصة ديه لحد عنده عقل مش هيصدق ولو عنده ضمير هينقهر لهم.
واللي لافت نظري فعلا اني لما بتكلم مع حد اجنبي بيفهمني وافهمه و بناخد بإيد بعض حتى لو الجمل مش كاملة..أنا فاهم هوا عطل في ايه وبكمل كلامه في دماغي وهو فاهم انا عطلت في ايه وبيكمل
اياً كان مستوى ذكائه
لو اتكلمت مع الماني مش ذكي ذكاء حاد خارق بارع هيعطل منك وهيتشتت ومش هيجاوبك اصلا
وعشان اوضح اكتر انا ليه هتجلط من اللي حصل،
كان عنده امتحان ال ( Facharzt ) اللي هوا امتحان التخصص، اللي هوا احنا كلنا جايين هنا عشان نوصل له، وبتقعد في نيابة خمس ست سنين عشان توصل لليوم ده ،
وبتستعد له استعداد رهيب مهيب والحياة قبله مش زي الحياة بعده .. عنق الزجاجة الحقيقي
الست تجاوزت مرحلة التعجب من كلامنا وبقت واقفة مندهشة من قدرة كل واحد فينا على ترجمة الهتش اللي بيتقال الى الماني ويفهمه
والله ساعتها حسيت ان الالمان اقل ناس في القعدة في الذكاء الاجتماعي والتواصل
شيء عجيب جدًا ان لحد دلوقتي مفيش في برلين مطعم مصري عليه القيمة يقدر يقدم اكل طِعِم بجد يعبر عن مصر ومطبخها.
المطاعم الموجودة لحد دلوقتي بتقدم أكل موظفين مفهوش روح ولا نفس
حتى الطعمية بيعملوها زي السوريين بالحمص ولما جه واحد الماني فتح محل كشري حط بدل التقلية كاچو… 🤦🏻♂️
انا بصراحة معرفوش بس بقت كل ما تيجي سيرته واشوف ردود افعال الناس ناحيته ابقى هتجنن ونفسي اعرف ايه السحر اللي عمله المصري ده مخلي الناس لسه فاكراه بشكل هستيري كده وتترحم على أيامه وحاسه بعده بالفراغ ده ٥
انت فعلا جي تحضر شيفت في الرعاية بعد ما خلصت امتحان الصبح ؟ مفيش اسبوع على البحر في الساحل بتسترخي بعد الشدة؟ انت اصلا كنت في شدة؟ انت فعلا كنت بتروح الشغل وبتذاكر للامتحان
طب حتى يومين مع نفسك؟ مفيش وحياة قلبي وافراحه؟ مفيش انا ابن مصر انا ضد الكسر ؟ مفيش حاجة ساقعة للشارع كله
طول الطريق وانا راجع دماغي عمالة تجتر الذكريات…
افتكرت عميد الجامعة اللي كان بيقرف يسلم علينا
والسنيور اللي كان اكبر مني بسنتين ومش بيخليني اقول له غير يا "بيه"
😄😄
لقيت زميلة ألمانية بتقول لي في وسط الكلام كلمتين عربي .. فبقول لها عرفتيهم فين قالت انها اخدت الامتياز بتاعها في مستشفى جامعة بنها..
وبصراحة انا مش عارف هثق ازاي في قرارتها بعد النهارده 🤦🏻♂️
فكرتني بالسنيورتي اياها بتاعة الزمن الجميل
السنيور بتاعي الله يمسيه بالخير ويكرمه زي ما طفشني وطفش غيري
يوم ما سألته انت ليه سايب لي الديرتي ورك بس
قال لي مش هتتعلم حاجة لحد ما أنا أشبع
قلت له ماشي ..حقك..بس اديني وقت معين ..عايز ست شهور ..سنة؟
قال لا أنا مش بشبع