Research Intern
@GaTechCyber
| GUC, GIU alumnus 🇩🇪🇪🇬 | باحث دكتوراه في علوم الحاسوب بالولايات المتحدة الأمريكية وأحيانًا ببحث عن ذاتي وأهي ماشية بستر الله.
من أراد أن يبكي على حال الأمة الإسلامية، فليجلس في بيته وليبكي إلى أن تبتل فرُشه، لكن هذا العالم لا يرحم الضعفاء ولا يحزن على الباكين، ليس أمامك إلّا أن تنهض ويكون لك مشروع ويكون لك دور ولا تضيع وقتك واجعل لنفسك قيمة حقيقية.
-الشيخ أحمد السيد.
نصيحة لوجه الله ولست أهلاً للنصيحة ولكنها من واقع تجربة شخصية.. فهمتها متأخر وعشان بحبك عاوزك تكون مدركها إدراك تام..
لازم تعرف إن في حاجة اسمها "آثار للذنوب" .
مفيش ذنب بتعمله وبيعدي كدا، لازم يكون ليه ضرر سواء في قلبك أو بدنك، دنيتك أو آخرتك.. والله أعلم.
في ٤ ابتدائي لما استخدمت الفيس كنت بلعب المزرعة السعيدة وبقعد أسيرش علي بنت زميلتي ونفسي ألاقي الأكونت بتاعها عشان معجب بيها.
وكنت بقعد أجرب كل الكلمات اللي ليها علاقة بإسمها وموصلتش للأسف… وكنت زعلان علي تضييع الوقت والمجهود بس خير يعني.
المهم إني اتجوزتها في الآخر الحمد لله
أنا عاوز أقول نصيحة لوجه الله ..حتي لو أنا مش أهل ليها بس هي مبنية علي بعض التجارب الشخصية اللي يمكن تفيد غيري
عاوزك قبل ما تنام كل يوم، تقعد تفكر ايه النعم اللي ربنا رازقك بيها -وَإِن تَعُدُّواْ نِعْمَةَ ٱللَّهِ لَا تُحْصُوهَآ-وتشوف ازاي غيرك ممكن يتمني نعمة واحدة من اللي عندك
رأيي الشخصي في موضوع الثانوية العامة، والله أعلي وأعلم..
لما جبت ٩٩.٥٪ في الثانوية وجاتلي منحة الجامعة الألمانية الحمد لله.. كنت مفكر إني كدا قفلت اللعبة وبدأت أردد نغمة خلاص كدا مش هتعب تاني. وقتها أبويا قالي أنت كدا مجرد حطيت رجلك علي أول السلم.. فهمتها بعدين الجملة دي…
بإذن الله.. ببدأ برنامج mentorship صغير ومجاني من خلاله ناوي أساعد الناس اللي بتحاول تقدم علي منح دكتوراه وماجستير.
الcycle اللي فاتت قدمت علي الدكتوراه مباشرة بعد البكالوريوس وربنا أكرمني بالقبول في حوالي ١٠ منح ممولة بالكامل..
أختي الصغيرة وبنتي روان خلصت الثانوية الحمدلله، وبقت أحلي مُهندسة
وربنا كرمها والتحقت بكلية الهندسة المعمارية في الجامعة البريطانية وشرفتنا ورفعت راسنا.
أنا شاهد قدام ربنا إنها تعبت لآخر ذرة عرق وعملت اللي عليها كله .. عشان كدا فرحان ليها فرحة متتوصفش إنها حققت حلمها، الحمد لله
كل تضحية دلوقت هتجني ثمارها بشكل عظيم في يوم إن شاء الله .
كل حاجة دلوقت بتحرم نفسك منها لحساب حاجات تانية أهم .. تأكد إن ربنا هيكرمك علي كل دا.
كل التضحيات دلوقت مؤقتة .. أنا عارف قد ايه التضحيات دلوقت صعبة جدًا
بس خليك عارف .. هي تضحيات بمزاجك عشان عندك حلم معين وكبير..
أول محاضرة ليا في الجامعة لما ربنا كرمني بمنحة تفوق الجامعة الألمانية لأوائل المحافظات في الثانوية العامة، مكنتش فاهم ايه اللي بيتقال بسبب ضعف الانجليزي عندي، لدرجة لما الدكتور كان يقول حاجة لطيفة فالناس تضحك.. كنت بعمل نفسي بضحك زيهم عشان مبقاش غريب وسط المحاضرة كلها.
أختي الصغيرة وهي بتكتب أول بوست ليها علي الفيسبوك.
البنت دي مواليد ١١ فبراير، ٢٠١١.. وبعتبرها توأم روحي وأكتر الناس اللي بتشبهني عقليًا في الدنيا.
متوقعلها مستقبل مُبهر أوي أوي بإذن الله.
هل المجموع في الثانوية مهم للنجاح في الحياة ؟
هكلمك بصراحة.. دخول ما يسمي بكليات القمة هيساعدك تتحرك خطوات لقدام في مجتمعنا ولكن هيكون تأثيره سلبي عليك لو فضلت عايش عليه كتير واتخدرت ووقفت تطوير من نفسك وهذا من واقع تجربة شخصية عدت الحمد لله.
ولو سألتني طب ازاي؟ هقلك ولا ذكاء ولا غيره.. القصة كلها في توفيق ربنا… ثم الاستمرارية والحفركة.
لو معندكش استمرارية متوهمش نفسك إنك هتوصل أصلاً.. ولو مش ناوي تتعب وتحفرك، متوهمش نفسك إنك هتوصل لبعيد.
أنا كنت هناك في يوم، ومكنتش مقتنع بالموضوع دا وبقول "ربنا غفور رحيم والدنيا ماشية أهو زي الفل".. ومكنتش فاهم إن في حاجة اسمها استدراج. ف بلاش تسيب نفسك لحد ما ربنا يكسرك وفوق من دلوقت وارجع لربنا ونضف قلبك. ولا تغتر بكرم الله وحلمه وستره ليك.
لو جبت مجموع مش راضي عنه خصوصًا لو عملت اللي عليك بجد مش الكلام اللي بتقوله لنفسك عشان تعرف تنام بالليل.. . مش هوهمك، خد وقتك في الزعل دا شيء صحي وطبيعي ولكن الشاطر هو اللي بيعرف يقوم بسرعة بعد الصدمات، فوق تاني وابدأ ترتيب خطواتك وحط خطة للمرحلة الجاية بإذن الله…
أنا مبسوط بشكل كبير من اللي شوفته آخر فترة من الشباب اللي بتعافر عشان تقدم علي منح وتلاقي فرص تناسبهم في تحقيق أحلامهم.
الشباب المصريين عندهم طاقة جبارة.. محتاجة بس تتوظف بشكل صح.. ولو خدوا التوجيه والدعم المظبوط، محدش هيقف قصادهم.
يا رب نوصل كلنا، ونكون سبب إننا نشد بعض.
إحساس جميل لما تلحق كل شيء في حياتك بالله. يعني لو عملت ذنب، وأصابك هم ووحشة.. بلاش تقول بقا أنا هقوم أعمل الذنب الفلاني عشان بيبسطني ولا تحاول تجيب سبب دنيوي.. بل افتكر علطول الذنب بتاعك واعرف إن دا "ممكن والله أعلم" يكون أثره.. وقوم استغفر ربنا وادعيله يسامحك ويزيل عنك الهم.
وخبطت معانا جامد وعافرنا وخدت وقت طويل جدًا عشان أوصل في الآخر إني أقعد علي طرابيزة واحدة في أمريكا أحاور خمسة ستة عادي ونختلف في موضوع بحثي معين ونتخانق بشياكة، الحمد لله.
لو سألتني من خمس سنين، كنت تتخيل دا؟ هقلك ولا حتي ربعه.
لأنك في مجتمعنا هتبذل مجهود مضاعف جسديًا ونفسيًا عشان تطلع للقمة لو هتمشيلها من طريق غير تقليدي. ولكن -بإذن الله- هيكون ليها متعة خاصة وأنت جاي من بعيد ومحقق نجاح بعد لما محدش كان متوقع منك حاجة.. حتي دا هيخليك مش مضغوط لأنك كدا كدا محدش منتظر منك حاجة بالنسبة لمقاييس مجتمعنا.
سواء جبت مجموع كبير أو قليل ودا شيء نسبي يختلف من شخص للتاني.. بلاش تختار كلية قمة لمجرد تاخد اللقب والتقدير المجتمعي وترضي أهلك..
العالم اتغير وهيتغير بسرعة جنونية السنوات الجاية، والله أعلم.. لو بتقرأ البوست دا ف أنت معاك تليفون أو كمبيوتر متوصل بالانترنت…
اختار مجال هيكون عليه الطلب وتكون عندك نية تحبه وتتعب فيه، لأن السنين الجاية غالبًا هتشهد غربلة لأي حد مبيطورش نفسه ومش مميز في مجاله.
مثلاً، لما تسمع إن كلية معينة في مصر بيعانوا في الشغل وشغالين بمرتب ضئيل وأنت حلمك تعمل فلوس كتير وتروح تدخل الكلية دي، أنا آسف، متلومش غير نفسك
تقدر تدخل تقرأ وتتفرج علي فيديوهات بتحكيلك عن العالم محتاج ايه السنوات الجاية وتقدر تتواصل مع ناس في المجالات دي وتاخد رأيهم صدقني هيكون أفيد من إنك تروح تاخد رأي واحد قريبك مخرجش قبل كدا خارج نطاق مدينتكم أو مصر ومعندوش معرفة كاملة بما يدور حاليًا في العالم...
أنا عارف قد ايه صعبة إنك تتبع شغفك وتخالف التقاليد والأعراف.. بس لو عاوز توصل لفوق ف غالبًا مش هتوصل غير لو اتبعت خطتك الخاصة. أصل تفتكر شخص مبيعرفش يختار لنفسه عنده فرصة إنه ينافس في وسط الدنيا اللي مبترحمش دي ؟
2021- حولت لقسم تاني جوا الكلية وبعدها حولت لجامعة تانية وغيرت مجالي وضحيت بسنة من عمري.
2023- سافرت أمريكا ونشرت بحث في مؤتمر من التوب ٤ في مجالي.
2024- هبدأ الدكتوراه مباشرة بعد البكالوريوس كمان كام شهر بمنحة كاملة ٥ سنين في Dartmouth College- أحد جامعات الIvy Leagues.
لو بتحاول تقدم علي منح بحثية فمحتاج تتعلم ازاي تدور علي Professors شغالين علي النقط البحثية اللي أنت مهتم بيها وتتعلم فن مراستلهم وفن التعامل معاهم.
صدقني هو دا مربط الفرس، لو أنت جامد في اللي بتعمله بس مش بتعرف توصله للناس ف صعب شويتين وسط المنافسة الجبارة دي إنك تظهر.
عاوزك بعد لما تدرك النعم دي ، تقعد تشكر ربنا كتير وتدعيه يديمها عليك.
أنا عاوز أكون صريح ،مشعاوزك تقع في غلط أنا وقعت فيه وتكون في غفلة كبيرة ومش مدرك نعم ربنا عليك.
ومشعاوزك لو أدركتها تكون مش بتدعي ربنا يديمها وتكون ناقم عليها، فاهمني؟
أرجوك بلاش تستني، لحد ما ربنا ياخد منك النعمة دي… وقتها هتحس بقيمتها وهتعرف إنك كنت في نعيم واستعملته فيما لا يرضي الله أو كنت ناقم عليه
لو سبت نفسك لحد ما النعم تتاخد منك،، هتحس بندم شديد، وهتعاني عشان تعوضها وفي طريقك عشان تعوضها هتندم أشد ندم إنك أدركت فضل الله عليك متأخر
أنا كنت هناك -وبحبك في الله- ومشعاوزك تعيش تجربة أنا عيشتها،، ف حبيت أقلك الكلام دا من قلبي يمكن ينفعك وينفعني بإذن الله.
ربنا يردنا إليه ردًا جميلاً وينزع حب الدنيا من قلوبنا ويعلقنا بالآخرة ويجبر بخاطرنا جميعًا، ويرزقنا السعي في الطريق اللي يرضيه ويرزقنا الرضا بالمكتوب لينا.
اللي بيساعد الناس ربنا بيسخرله اللي يساعده .. الخير دايرة لو دخلتها هتلف وهترجعلك.
وعشان تقدر تساعد الناس، محتاج تكون سالك وقلبك نضيف وعقلك فاهم إن نجاح غيرك مش هياخد من نجاحك.
كلنا أسباب في حياة بعض، فخلينا نهون الحياة علي بعض لحد ما نقابل وجه كريم بإذن الله.
الحاجات اللي كانت تعباك من كام سنة وفكرت مش هتتخطاها، مبقيتش تفتكرها دلوقت الحمد لله.
والليالي اللي عدت عليك وتوقعتها نهايتك.. عدت بكرم ربنا.
والمواقف الصعبة اللي بتمر بيها دلوقت برده هتعدي بإذن الله.
الألم جزء أساسي من الرحلة ومفيش أحلي من إنك تعيش حياتك بعقلية إن الدنيا فانية.
بإذن الله.. بروفيسور
@abdelshiheed
هينضم لينا كمينتور. بروفيسور مارك كان سبب أساسي في توجيهي خلال رحلتي الحمد لله.
Mark is a postdoctoral research scientist in
@CUBoulder
. He has earned his Phd in 2023 from
@NCState
, where he was awarded the doctoral student of the year.
بإذن الله.. ببدأ برنامج mentorship صغير ومجاني من خلاله ناوي أساعد الناس اللي بتحاول تقدم علي منح دكتوراه وماجستير.
الcycle اللي فاتت قدمت علي الدكتوراه مباشرة بعد البكالوريوس وربنا أكرمني بالقبول في حوالي ١٠ منح ممولة بالكامل..
Thrilled to announce I’ve been awarded a prestigious 5-year scholarship for a PhD in Computer Science at
@dartmouth
! Joining the Ivy League community is a lifelong dream come true. Excited for my journey at
@DartGRAD
, where I’ll be focusing on both research and entrepreneurship.
لما اتصورت الصورة دي من كام سنة كتبت عليها وقتها " أحلام فتي طائش ".. وكان جوايا الكثير من الأحلام.. معظمها متحققش.. اتحقق أحلام أعظم بكتييير.. أحلام متخيلهاش وقتها هذا الشاب الطائش.. بل مكنش يعرف إنها موجودة أصلاً.. وأهي ماشية بستر الله.
الناس اللي بتدور علي منح بحثية .. وعندهم بعض المشاكل بخصوص اللغة الإنجليزية..أو عندهم استفسارات بخصوص النقطة دي.. (الكلام ينطبق علي أمريكا، وغالبًا معظم الجامعات اللي شوفتها في أوروبا)..
الIELTS, TOEFL, Duolingo أساسيين ومطلوبين في أي جامعة هتقدم فيهم.
لو لسا بتبدأ وتايه وبتدور علي mentor ومش لاقي.. فأنا كنت هناك في يوم وبحكيلك اللي عيشته ووصلتله الحمد لله.. وبقولك استعن بالله واتحمل المرمطة وكمل.. حفرك لحد ما بعد كام سنة ربنا يكرمك وتبقي أنت الmentor بتاع الmentor القديم بتاعك.. فاهم حاجة؟
معظمهم في جامعات كبيرة في أمريكا وبعض العروض من بريطانيا.. واخترت أبدأ الPhD في Dartmouth College، واحدة من الIvy Leagues.
ف لو بتقدم علي دكتوراه أو ماچستير قريب.. أو تعرف حد بيقدم.. ابعتله التويت دي .. شخاصة في الكمبيوتر ساينس أو الSTEM بشكل عام…
دخلت الGUC امبارح بعد سنين من الانقطاع.. الGUC مازالت سايبة أثر جميل فيا وعشت فيها واحدة من أحلي وأهم فترات حياتي اللي اكتسبت فيها خبرات كتير وكل اللي عرفتهم فيها ناس جميلة واتعلمت منهم كتير.
حالة من النوستالجيا وذكريات كتير مرت قدام عيني بمجرد ما لفيت هناك..ذكريات خلتني مبسوط.
كشخص عادي جدًا مولود في مدينة زفتي محافظة الغربية وبتشرف بكدا وقلبي مربوط بهناك، كنت مغترب عن أهلي طول فترة الجامعة ولا أعرف سبيلاً غير موقف السلام ذهابًا وإيابًا بين القاهرة وزفتي… كنت منتظر بفارغ الصبر أشوف شعوري لما أجرب أول مرة أركب طيارة.
اتعز��ت علي العشاء مرة في مطعم ڤيتنامي مشهور جدًا في ولاية Utah الأمريكية.. وكان واحد من اللي معانا بيحكيلنا إنه يعرف أصحاب المطعم شخصيًا..
كان بيقولي إنهم واحد ومراته من أصول ڤيتنامية خلصوا الPhD واشتغلوا فترة في شركة كبيرة (علي ما أتذكر ميكروسوفت) وعملوا شوية فلوس حلوة…
بلاش ننتظر نجاح ولا إبداع من الشاب المصري العشريني المشغول بتوفير اللقمة وإتمام متطلبات الجواز التعجيزية.
الشاب هنا في أمريكا تلاقيه ٢١-٢٢ وبيبدأ الدكتوراه وتلاقيه أصغر من كدا وعنده مصدر دخل من شغلانة أو بيزنس…دا السن اللي المفروض نبدع فيه لكن للأسف أقل الحقوق دي مسلوب مننا.
النسخة الحقيقية من الإنسان بتظهر وقت المكسب الاستثنائي أو الخسارة الفادحة.. وقتها بس بتظهر مبادئ الإنسان الحقيقية مش المُدعاة.
وخاصة دا بيبان في تعامله مع اللي حواليه.. لو وقت مكسب، هل هيشوف نفسه علي اللي أقل منه وهينسي اللي ساندوه في رحلته؟ …
كنت قاعد بقلب علي الفيسبوك من حوالي ٣ سنين وقابلني بوست بيتكلم عن إن في research internship فتحت في جامعة في سويسرا فقدمت وأنا معرفش هي ايه دي أصلا ولا أعرف يعني ايه بحث علمي واترفضت طبعًا .. والحمد لله .. هبدأ الدكتوراه في أمريكا دلوقت بعد تخرجي من البكالوريوس في مصر.
الحقيقة المُرة اللي لازم تدركها في هذه الحياة يا عزيزي.. إن في فرص مبتجيش غير مرة واحدة في الحياة.
وإن اللي بتضيعه زمان بمزاجك بسبب تقصيرك أو خوفك من الrisk.. مش هتقدر تعوضه دلوقت غير بتضحيات أكبر بكتير.
رحلة الرجوع للي كان في إيدك وضيعته قاسية ومُكلفة وسعرها عالي قوي ..
وبعد ما كنت بكسبها بسهولة، بدأت تفهم لعبي وأكسبها بصعوبة جدًا..لحد ما كسبتني دور عن جدارة.. ومن بعدها الرهبة مني والشعور الزائف إني لا أُهزم راح.
الخلاصة، نفسيتك أهم حاجة.. لو ظبطتها، مواهبك الحقيقية هتظهر.. ولو نفسيتك وحشة ومحبط ومهزوز.. مهما كنت جامد، فمتستناش من نفسك كتير.
كنت بلاعب أخواتي اللعبة اللي معرفش اسمها ايه دي من فترة وبكسب باكتساح..
وبعدها قعدت ألاعب أختي اللي في أولي إعدادي.. وأكسبها وعايش دور ماجنوس كارلسن وهو شايف خصومه خايفين منه..
وبدأت أحس أختي الصغيرة حست بإحباط وانهزام وكل ما أقولها تعالي نلعب تاني تقولي لا، كدا كدا مش هكسب..
I am starting my job as a research intern at Georgia Tech School of Cybersecurity and Privacy
@GaTechCyber
.
I am having the privilege of working with some of the brightest minds in the Cybersecurity field from all over the world, collaborating on cutting-edge research.
هقدر أساعدك بإذن الله.. في كتابة الCV، personal statement, statement of purpose .. التواصل مع المشرفين.. التجهيز للانترڤيو.. وغيره.
ولو حد عنده الخبرة الكافية وحابب يشارك كmentor .. يريت يتواصل معايا.
بمناسبة نتيجة الثانوية العامة…
بنسبة كبيرة.. دي لحظة فارقة في طبيعة العلاقة بين الأبناء والآباء في أي أسرة مصرية.
الأهل اللي بيخسروا ابنهم/بنتهم بسبب عدم تحقيقه النتيجة المتوقعة بالنسبالهم في الثانوية العامة، بيخسروه نفسيًا وبيضيعوا الثقة والأمان بينهم من رأيي…
واشتروا المطعم دا وكان واقع جامد وقتها.. واشتغلوا عليه تحسينه وبتاع، ووقف علي رجله لحد ما بقي واحد من أشهر المطاعم في الولاية.. وتقريبًا دلوقت متقاعدين وبيكبروا سلسلة المطاعم دي.
والقصة لذيذة الصراحة وشبيهة بالحلم بتاع شراء مزرعة قدامها بحيرة حلوة ونتقاعد بقا علي خير.
بعدين لما يجي وقت حصاد محصولك اللي زرعته في مقتبل عمرك ... هتحس بعظمة تضحياتك لما تشوف الناس لسا بادئة تزرع ... وهتقول الحمد لله علي كرمك يا رب إنك ألهمتني إني أبدأ بالزراعة قبل ما الأرض بتاعتي وقتها يعدي وتبدأ تبور.
فلاش باك من شهرين لما نزلت مطار Salt Lake City وخدت شوية وقت علي ما أدركت إن الview دا حقيقي مش مجرد صورة.
Utah ولاية ساحرة عامة.. استمتعت جامد بالكام يوم اللي عزموني عندهم لما جالي عرض منحة دكتوراه من The University of Utah… وأتمني أزورها تاني قريب مع العيلة بقا بإذن الله.
القبول والنجاح بعد توفيق ربنا.. بيعتمدوا بنسبة كبيرة علي قدرتك لتحمل الرفض.
من تجربتي الشخصية مثلاً مظبطتش معايا الحمد لله في أي حاجة بعملها غير مرة ولا مرتين من ضمن كل ١٠ مرات.
أنت بتتخلي عن ساعات نوم زيادة بمزاجك وبتتخلي عن خروجة أو سفرية أو حتي ماتش كورة مقابل تحط وقت في حاجة أهم برده بمزاجك
أنت دلوقت بتعاني وبتضحي بمزاجك ... عشان متضحيش بعدين غصب عنك … وأنا جايلك من هناك وبقولك قد ايه رحلة الرجوع مكلفة.
#فضفضة وكوميديا سوداء..
في أول أيامي في أمريكا.. صحيت من النوم مرة وأنا في مدينة أتلانتا .. ولقيت الكهرباء قاطعة في البيت.. وكنت قلقان جامد يعني عشان دا مش شيء طبيعي إنه يحصل..
مكنتش فاهم ايه الوضع وقعدت أقلب في جوجل كدا لحد ما لقيت زي ويبسايت خاص بحاجة زي شركة الكهرباء…
إنك تواجه نفسك بالحقيقة وبعيوبك وبتقصيرك هو أول خطوات الحل والتقدم في حياتك بإذن الله.
الكلام اللي بتقوله لنفسك عشان تعرف تنام بالليل.. مش هيوديك بعيد.
مفيش حد ضرك غير نفسك ومحدش قصر في حقك غيرك.. بلاش تعيش دور الضحية وترمي غلطك أو فشلك علي شماعة غيرك عشان ترضي ضميرك.
هدفي الأساسي واللي بتمناه من ربنا.. إني أسيب أثر طيب.. أكون سبب في تخفيف معاناة غيري.. أكون سبب في فتح باب رزق للي بيسعي.. أمد إيدي للي اتسابت إيديه.. أصاحب الوحيد عشان أخفف عنه وحدته.. وأنّفع اللي محدش بيشتري منه.. وأسمع للي محدش بيسمعله.. وأقول كلمة طيبة للي محتاج يسمعها.
بمناسبة بدايتي الدكتوراه في Dartmouth College.. من كام سنة.. أحد الأصدقاء الأعزاء حكالي عن تجربته في التقديم علي أحد جامعات أمريكا وبدأ يشرحلي قد ايه الموضوع صعب ونسبة القبول عندهم في حدود 5-6% بسبب إن الجامعة دي أحد الجامعات اللي بيسموها الIvy League.. وإن مش أي حد بيتقبل هناك.
الحمد لله، الواحد فرحان وهو شايف أصدقائه المقربين بدأوا يعرفوا مساراتهم في الحياة ويتحطوا علي أول الطريق اللي اتكلمنا عنه من سنين في قعدة صفا والعيون بتلمع وكل واحد بيحكي عن طموحه.. الفرحة دلوقت كبيرة لكل واحد بدأ يلمس الطموح بتاعه اللي كان بيحكي عنه وكأنه مجرد حلم، ربنا كريم .
أنا مُقبل علي خطوات مهمة وجديدة في حياتي الأيام الجاية بإذن الله..
أشعر أنني في حاجة ماسة أن يتذكرني أحدهم في دعواته ولكم المثل جميعًا إن شاء الله.
اللهم يسر أمورنا، واشرح صدورنا، ولا تجعل للضيق مكانًا في قلوبنا.
لسا فاكر نقاشاتنا خلال السنين اللي فاتت عن حلمها إنها تكون مُهندسة معمارية.. وأحلامها الكبيرة في العمارة.. وكلامي ليها إني عاوز أشوفها زي "زها حديد".. ونقعد نتشارك سوا فيديوهات عن العمارة وقصص مباني معينة وحكايات تاريخية عن إنشاء مدن بيحكيها معمارين علي اليوتيوب.
ولقيته متطور وجايب المكان اللي أنا ساكن فيه علي الخريطة وكاتب سبب انقطاع التيار إنه حادث سير وإن عدد المتضررين من الانقطاع كذا..
وإنهم شغالين علي التصليحات والكهرباء هتيجب في الوقت الفلاني..
لما بتعيش الحال هنا وهنا.. بتبقي كالمعذبين.. لم تنل لذة الراحة ولا تنسي ألم التعب.
قبلها بيوم قعدت أظبط التليفون الأرضي عشان عندي أمل في ربنا إن الوزير يكلمني.. ونمت ليلتها منتظر عشان دا كان حلمي.. الصبح عرفت إني جبت ٩٩.٥٪.. ووقفت معايا على نص درجة وبقيت ال١٨ علي الجمهورية.. كنت زعلان وقتها.. بعدين عرفت إن مسار حياتي اتغير للأفضل عشان النص درجة دي والحمد لله.
في الغالب.. محدش هيفهمك غير اللي مشي نفس طريقك.
وحتي اللي مشي نفس طريقك.. وارد ميقدرش يفهمك بسبب اختلاف دوافعكم.
أنت مش مطلوب منك تقنع الناس بأسلوب حياتك ولا دوافع قراراتك.. ولا مطلوب منك تغير العالم من حواليك عشان يتماشي مع أهدافك..
I'm excited to announce that I'll be starting a small and free mentorship program to assist those who are applying for PhD and Master's scholarships abroad, particularly in the United States.
لو كل واحد شافله حياة بعيدًا عن التركيز مع فضايح الناس والسخرية من شخص اتكشف عنه غطاء الستر والتحقيق في حقيقة الموضوع بدلاً من الانشغال بحقيقة نفسك… مكنش دا بقا حالنا.
ممكن تسيبك من الكلام دا.. وتقوم تشوفلك حياة وتركز مع نفسك وتعالج عيوبك؟
في كل مرة قلبي اتعلق بحاجة غير ربنا، برجع خسران وحزين وندمان.
لازم تجاهد نفسك دايمًا إنك تعلق قلبك بالله فقط… وتسعي إنك تملك الدنيا في إيدك بس متخليهاش تتملك من قلبك.
اللهُم لا تعلّقني بالدُنيا، بل علقني بكَ, علّقني بالطريق المؤدي إليك.
واحد بيسأل ايه مميزات الدراسة في Harvard فواحد جاوبه وقاله إنك هتتعامل مع الناس اللي هناك وتعرف إنهم بشر عاديين
وأنا مستني أعرف الحقيقة دي بنفسي ربنا يكتبهالنا في يوم
ولكن علي الأقل واحد من الاتنين المشرفين علي الدكتوراه بتاعتي لسا مخلص الدكتوراه بتاعته من هارڤارد
متقدرش تساعد حد مشعاوز يساعد نفسه.. ومتقدرش تقنع حد إنه محتاج ينجح وهو مش جعان للنجاح ومعندوش أسبابه الداخلية.. واللي محتاج تفهمه من بدري بقا، إنك مش مطلوب منك تعمل كل دا بدون ما يتطلب منك.
العلاقات المبنية علي عدم التفاهم مدمرة حتي لو كانت كلها حب.
انت مينفعش تكون مع شخص مش بيساعدك في تحقيق حلمك ، مينفعش تسمح لحد يضيع وقتك في المشاكل بدل ما يهيألك بيئة مناسبة تطور من نفسك .
اللي بيحبك لازم يجسد حبه علي هيئة ظروف بتوفرلك حياة أريح .. غير كدا مش بيحبك .
لا أحب هذه النغمة خشيةً من كونها مُحبِطة أو سوداوية، ولكن… 
أقدر أقول من وجهة نظري والله أعلم.. كل واحد عنده شيلة تقيلة أوي، ومحدش يعرف التاني بيمر بإيه في الكواليس.
ولو قعدت مع شخص اليومين دول وفتحلك قلبه هتكتشف إن كل واحد فيه اللي مكفيه والدنيا دايسة عليه بطريقة مختلفة

بس عارف ايه اللي يزعل بجد في حوارات الكهرباء والمياه والشجر والقصص دي؟
الإحساس بالعجز وإنك ملكش صوت..
فأنت بتعاني ونص يومك وأكتر ضايع بدون أي إنتاجية ولما بتحاول تقول يا جماعة أنا إنسان.. مش بيترد عليك ويتقالك معلش وبنحاول نحل.. لا، مبيتردش خالص وبيتقالك علي الصامت "مش شايفك".
عن عبد الله بن عمرو قال: قيل لرسول الله ﷺ: أي الناس أفضل؟ قال: كل مخموم القلب، صدوق اللسان قالوا: صدوق اللسان نعرفه، فما مخموم القلب؟ قال: هو التقي النقي، لا إثم فيه ولا بغي، ولا غل، ولا حسد. [رواه ابن ماجه]
امبارح وأنا قاعد علي القهوة حصلي موقف شبه أحلام العصر..
القهوجي جايب كاكاو يقدمه لواحد جنبي.. وفلت من إيديه كله حرقلي راسي وقفايا، ربنا يعافيكم.. يعني هسيبك أنت بقا تتخيل شكل الألم لما تغسل راسك وقفاك بكاكاو لسا طالع من علي النار… ربنا يعافيكم من الشعور اللي حسيته.
اللهم استخدمنا ولا تستبدلنا، انفعنا وانفع بنا، اصطفينا واصنعنا على عينك واصطنعنا لنفسك، سُدّ بنا ثغور أمتك واكفنا شرّ الرياء وابعد عنا التخاذل والتقاعس، وجازنا بما أنت أهله، ولا تفتنّا ولا تستبدلنا ولا تحرمنا يا الله.
من فترة، أحد الأحباب قالي في نقاش شخصي "تأملت أحوال كثير من المجتهدين ووجدتهم جميعًا حُوربوا حتي وصلوا".
لو أنت ماشي في طريقك وسالك من جواك، لكن بتقابل حد بدون سبب كاره ليك الخير.. وبيعافر عشان يشوت صورتك أو يوقعك.. دا طبيعي جدًا.. خاصة لو كنت شخص ربنا رزقه بنعم مميزة..
بتقفل من ناحية وتفكرها نهاية الدنيا عشان نظرتك قاصرة…وبعدها ربنا يفتح ليك أبواب تانية خالص مكنتش تتخيل إنها موجودة أصلاً.
الكلام دا أنا وأنت عارفينه.. بس أنا أوقات بنساه.. فقلت أفكر نفسي بيه وأفكرك عشان لو كنت ناسيه أنت كمان.
من أين تُؤكل الكتف؟
لما كبرت فهمت إن الدنيا فيها حاجات كتير مبتجيش غير بمعرفة السكة اللي هتوصلك دوغري وامتا ترمي الصنارة وامتا تسحبها.. الوصول مش بس بيجي بالمجهود.. اللعبة كلها إن المجهود يكون في السكة الصح… وإنك تwork smart not hard.
كنت بلاعب أخواتي اللعبة اللي معرفش اسمها ايه دي من فترة وبكسب باكتساح..
وبعدها قعدت ألاعب أختي اللي في أولي إعدادي.. وأكسبها وعايش دور ماجنوس كارلسن وهو شايف خصومه خايفين منه..
وبدأت أحس أختي الصغيرة حست بإحباط وانهزام وكل ما أقولها تعالي نلعب تاني تقولي لا، كدا كدا مش هكسب..
قال ابن القيم رحمه الله :
"قد أجمع عقلاء كل أمة على أنّ النعيم لا يُدرك بالنعيم وأن من آثر الراحة فاتته الراحة، وأنه بقدر الأهوال واحتمال المشاق تكون الفرحة واللذة، فلا فرحة لمن لا همّ له، ولا لذة لمن لا صبر له، ولا نعيم لمن لا شقاء له، ولا راحة لمن لا تعب له".
كنت باكل آيس كريم بالليمون مع أهلي والحوار دا رجعني بالذكريات ١٠-١٥ سنة في الشهور اللي زي دلوقت..
لما كان الواحد ب��عيش أحلي أسابيع السنة في طفولته علي شواطيء مدينة رأس البر.. وبيستني الراجل الكبارة اللي بيلف علي الشاطيء بعربية الچيلاتي.. وبجيب منه أحلي بسكوتة بالليمون..
I am now an official member of the
@SarasotaCyber
research lab. I am eager to continue collaborating on cutting-edge cyber security research under the supervision of professor
@Dr_Cybercrime
. I’m proud that I am the first international member of such promising research lab!
في حاجات هتحصلك مهما حاولت تفهم الحكمة الإلهية وراها مش هتقدر .. حاجات تقع تحت فكرة لا يُسأل عما يفعل وهم يُسألون.
موقف حلو يحصلك ولا فرصة شغل تيجي مش علي بالك وأنت مسعيتش ليها..ومهما فكرت طب ازاي؟ .. الله أعلم، يمكن بسبب جبرانك لخاطر شخص ولا صدقة خفية ولا دعوة حد ليك.