الناس الي بتوزع الحاجات دي بتبقا واققه ع رجليها وطالع عينهم حرفيًا، فانت مش هتخسر حاجة أبدا لو بادلتهم ابتسامه بسيطه مع كلمة شكرًا، فبلاش تكون قالب وشك ومقروف من نفسك ولا كأنهم شغالين عندك، بلاش قلة زوق..
مُشكلتي في العِلاقات بشكل عام إن نفسي عزيزة عليا، ما بعرفش أحشُر نفسي في خروجة، ولا أطلُب من حد حاجة، أنا شخص بيحب يحس بقيمته، يعني عايز دايمًا ضمانات وبراهيين تثبت إني مُهم عندك وإني مرغوب فيا بشكل كبير، بخاف جدًا من فكرة إني أكون تقيل على اللي قُدامي.
الواحد محتاج "يحترم نفسه"، يحترمها ويحبها ويقدرها .احترم نفسك بإنك تستغنى عن العلاقات اللي بتأذيها، مهما كانت أهميتها. احترمها بإنك تعرف قدر نفسك الحقيقي لإن ماحدش هيقدَّرك طول ما أنت مش مقدّر نفسك.احترمها بإنك ماتكونش الطرف اللي دايما بيحرق نفسه.